AzeLab

27/09/2025

27 Sentyabr - Anım Gününə həsr olunmuş ağacəkmə aksiyası keçirilib.

27 Sentyabr - Anım Günü ilə əlaqədar Ekologiya və Təbii Sərvətlər Nazirliyinin rəhbərliyi və kollektivinin iştirakı ilə Müşfiqabad qəsəbəsində ağacəkmə aksiyası təşkil olunub.

Aksiya çərçivəsində şəhidlərin əziz xatirəsinə hörmət əlaməti olaraq yerli torpaq-iqlim şəraitinə uyğun Eldar şamı və zeytun ağacları əkilib.

27/09/2025

29/05/2025

“AzeLab” MMC Azərbaycan Akkreditasiya Mərkəzi tərəfindən akkreditasiyadan keçirilib

Ekologiya və Təbii Sərvətlər Nazirliyinin tabeliyində “AzeLab” MMC Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Akkreditasiya Mərkəzi tərəfindən (AzAK) akkreditasiyadan keçirilib.

Bununla da, “AzeLab” MMC sınaq laboratoriyası, sınaq fəaliyyətinin həyata keçirilməsi üçün AZS İSO/İEC 17025:2020 - “Sınaq və kalibrləmə laboratoriyalarının səlahiyyətliliyinə dair ümumi tələblər” standartına uyğun akkreditə olunub və fəaliyyət sahəsinə uyğun olaraq uyğunluğun qiymətləndirilməsi fəaliyyəti ilə məşğul olmaq hüququna malikdir.

Qeyd edək ki, Akkreditasiya attestatı müştərilər üçün xidmətlərin güvənirliyini, doğruluğunu təmin edir, nəticələrin düzgünlüyünü artırır və beynəlxalq səviyyədə tanınmasını asanlaşdırır.

07/03/2025

“Azelab” MMC - də laboratoriya-təcrübə proqramı çərçivəsində təlimlərə start verilib

“Azelab” MMC -nin mütəxəssisi tərəfindən Azərbaycan Dövlət İqtisad Universiteti və Bakı Mühəndislik Universitetinin tələbələrinə əməyin mühafizəsi və təhlükəsizlik qaydalarına riayət olunması ilə bağlı təlim keçirilib. Tələbələr laboratoriya şəraitində işləmək üçün ilkin təlimatlarla tanış olublar.

30/09/2024

🌊 Xəzər həftəsi çərçivəsində maarifləndirici tədbirlər davam edir

23-29 sentyabr tarixləri ölkəmizdə “Xəzər həftəsi” keçirilir. Xəzər həftəsi çərçivəsində COP29 Məlumat Mərkəzində şagirdlərlə maarifləndirici tədbir təşkil edilib.

Tədbir zamanı Ekologiya və Təbii Sərvətlər Nazirliyinin Milli Hidrometeorologiya Xidməti, Xəzər Kompleks Ekoloji Monitorinq İdarəsi və “AzeLab” MMC-nin mütəxəssisləri tərəfindən 132-134 nömrəli Təhsil Kompleksinin şagirdlərinə Xəzər dənizinin ekosistemi barədə məlumatlar verilib, səyyar laboratoriya vasitəsilə monitorinqlərin necə aparılması nümayiş olunub, dəniz suyunun analiz prosesi göstərilib.

İnteraktiv formatda keçirilən tədbir zamanı şagirdlərlə master klass təşkil olunub, uşaqlara “Balıqları öyrənirəm və rəngləyirəm” adlı dərsdənkənar vəsait hədiyyə olunub.