What are the opening hours?

Monday 09:00 - 18:00 Tuesday 09:00 - 18:00 Wednesday 09:00 - 18:00 Thursday 09:00 - 18:00 Friday 09:00 - 18:00

Nəsimi Rayon İcra Hakimiyyəti, Bakıxanov küç. 643-cü məhəllə, Baku (2026)

Q: What is the address?

Bakıxanov Küç. 643-cü Məhəllə

23/07/2026

Nəsimi rayon İcra Hakimiyyətinin başçısı növbəti səyyar qəbul keçirib.

Nəsimi Rayon İcra Hakimiyyətinin başçısı Tahir Budaqov təsdiq olunmuş qrafikə uyğun olaraq 2026-cı il iyulun 22-də Nəsimi rayon Mənzil Kommunal Təsərrüfatı Birliyinin inzibati binasında növbəti səyyar qəbul keçirmişdir. Qəbuldan öncə rayon İcra Hakimiyyətinin başçısı MKTB-in kollektivi ilə görüşmüşdür.
Görüşdə son aylar rayon ərazisində aparılan genişmiqyaslı abadlıq-quruculuq işlərində Mənzil Kommunal Təsərrüfatı Birliyi kollektivinin yaxından iştirak etdiyi qeyd olunmuş, eyni zamanda MKTB tərəfindən həyata keçirilən işlər barədə geniş məlumat verilmişdir. Bildirilmişdir ki, rayon ərazisində şəhər mühitinin yaxşılışdırılması və ekoloji sağlamlaşdırma istiqamətində əhəmiyyətli işlər görülmüş, bir sıra ünvanlara qazon örtüyü salınmış, müxtəlif növ ağac və kollar əkilmiş, rayon ərazisindəki park və məhəllə stadionlarında təmir-bərpa işləri aparılmışdır. Rayonun ayrı-ayrı məhəllələrində yararsız hala düşmüş asfalt örtükləri bərpa edilmiş, S.Rəhimov, A.Bakıxanov küçələri asfaltlaşdırılmışdır. Hazırda bu istiqamətdə işlər davam etdirilir.
Məlumat verilmişdir ki, Nəsimi Rayon İcra Hakimiyyətinin təşəbbüsü ilə Ekologiya və Təbii Sərvətlər Nazirliyinin mütəxəssisləri ilə birgə aparılmış monitorinqlər nəticəsində rayon ərazisində inkişafını dayandırmış, qəzalı vəziyyətdə olan və təhlükə yaradan 200-dən artıq ağac müəyyənləşdirilmişdir. Hazırda Azərbaycan Respublikasının Ekologiya və Təbii Sərvətlər Nazirliyi yanında Dövlət Ekoloji Ekspertiza Agentliyinin rəyləri əsasında həmin ağaclar kəsilərək ərazidən götürülür, kəsilmiş ağacların yerinə müxtəlif növ həmişəyaşıl ağaclar əkilərək ərazidə genişmiqyaslı abadlıq işləri aparılır.
Görüşdə təməli Ümummilli Lider Heydər Əliyev tərəfindən qoyulmuş müasir şəhərsalma və inkişaf strategiyasının Azərbaycan Respublikasının Prezidenti İlham Əliyev tərəfindən müasir dövrün ən yüksək tələblərinə uyğun olaraq uğurla davam etdirildiyi diqqətə çatdırılmış, Birinci vitse-prezident Mehriban xanım Əliyevanın təşəbbüsü ilə həyata keçirilən abadlıq və yaşıllaşdırma layihələrinin şəhərin müasir simasının formalaşmasına, ekoloji tarazlığın qorunmasına və sakinlərin rahat yaşayışına mühüm töhfə verdiyi xüsusi qeyd olunmuşdur.
Tədbirdə görüş iştirakçılarına Nəsimi rayonunun sosial-iqtisadi inkişaf perspektivləri barədə ətraflı məlumat da verilmişdir.
Sonra İcra Hakimiyyətinin başçısı səyyar görüşə qatılmış rayon sakinlərinin müraciətlərini dinləmişdir.
Sakinlərdən Səadət Müslümova, Təzəgül Camalova, Anar Əhmədov, Səbinə Vəliyeva, Xeyrulla Cəfərov, Xatırə Hacıyeva, Fəhmin Əhmədov və digərləri bir sıra məsələlərlə bağlı müraciətlər etmişlər.
Müraciətlərdə qaldırılan məsələlərin operativ həlli ilə əlaqədar rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin məsul şəxslərinə müvafiq tapşırıqlar verilmişdir.

17/07/2026

Nəsimi rayon İcra Hakimiyyətinin başçısı növbəti səyyar qəbul keçirib

Nəsimi Rayon İcra Hakimiyyətinin başçısı Tahir Budaqov təsdiq olunmuş qrafikə uyğun olaraq 2026-cı il iyulun 15-də Abdulla Şaiq adına 54 nömrəli tam orta ümumtəhsil məktəbində növbəti səyyar qəbul keçirmişdir. Qəbuldan öncə rayon İcra Hakimiyyətinin başçısı məktəbdəki şəraitlə tanış olmuş, şagirdlərin əl işlərindən ibarət sərgiyə baxmış, pedaqoji kollektiv ilə görüşmüşdür.
Görüşdə bildirilmişdir ki, Abdulla Şaiq adına 54 nömrəli tam orta ümumtəhsil məktəbi 1976-cı ildən fəaliyyət göstərir. Məktəb əvvəlcə 1 korpusdan ibarət olmuş, 2005-ci ildə məktəbin 2-ci korpusu istifadəyə verilmişdir. Əsas korpus 840, ikinci korpus isə 240 şagird yerlik olmaqla ümumulikdə 1080 nəfər şagird üçün nəzərdə tutulub. Məktəb iki növbəli, 5 günlük iş rejimi ilə fəaliyyət göstərir. 2025-2026-cı tədris ilində məktəbdə 63 sinif komplektində 1746 şagird və məktəbəhazırlıq qruplarında 98 uşaq tədrisə cəlb edilmişdir. Məktəbdə hazırda 107 nəfər pedaqoji, 26 nəfər texniki heyət üzvü çalışır.
Məktəb 2014-cü ildə əsaslı təmir edilmiş, 02.09.2014-cu il tarixdə Azərbaycan Respublikasının Prezidenti cənab İlham Əliyev məktəbə gələrək təmirdən sonrakı vəziyyətlə tanış olmuş, pedaqoji kollektivə öz tövsiyələrini vermişdir.
45 sinif otağı, 6 informatika otağı, 2 xarici dil kabineti, fizika, kimya və biologiya kabinetləri və laboratoriyaları, akt zalı, idman zalı, kitabxana, tibb otağı, yeməkxana mövcuddur. "STEAM" və "Rəqəmsal bacarıqlar" layihələri tətbiq edilir.
2008-2009 və 2015-2016-cı tədris ilində Azərbaycan Respublikasının Prezidenti cənab İlham Əliyevin sərancamı ilə "Ən yaxşı ümumtəhsil Məktəbi" adına layiq görülmüşdür.
2024-2025-ci tədris ilində məktəbi 113 nəfər şagird bitirmiş, onlardan 84 nəfəri (74,3%) ali məktəblərə qəbul olmuşdur.
2025-2026-cı tədris ilində məktəbi 107 nəfər tam orta təhsil səviyyəsi üzrə, 168 nəfər isə ümumi orta təhsil səviyyəsi üzrə bitirərək məzun olmuşdur.
Görüşdə təməli Ümummilli Lider Heydər Əliyev tərəfindən qoyulmuş təhsil strategiyasının Prezident İlham Əliyev tərəfindən müasir dövrün tələblərinə uyğun davam etdirildiyi diqqətə çatdırılmış, Birinci vitse-prezident Mehriban xanım Əliyevanın təşəbbüsü ilə təhsil, səhiyyə və mədəniyyət sahələrində həyata keçirilən sosial-humanitar layihələrin cəmiyyətin mənəvi inkişafına verdiyi töhfələr xüsusi qeyd olunmuşdur.
Tədbirdə görüş iştirakçılarına Nəsimi rayonunun sosial-iqtisadi inkişaf perspektivləri barədə ətraflı məlumat da verilmişdir.
Sonra İcra Hakimiyyətinin başçısı səyyar görüşə qatılmış rayon sakinlərinin müraciətlərini dinləmişdir.
Sakinlərdən Təranə Seyidova, Elmar Əsgərov, Arzu Osmanova, Ülkər Qurbanova, Tamara Ayralova, Surəddin Həmidov, Orxan Bayramov, Həzran Usubov, Xalidə Cəbiyeva, Elçin Eminov, Etibar Tağıyev, Rüstəm Abıyev, Əli Behniya və digərləri bir sıra məsələlərlə bağlı müraciətlər etmişlər.
Müraciətlərdə qaldırılan məsələlərin operativ həlli ilə əlaqədar rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin məsul şəxslərinə müvafiq tapşırıqlar verilmişdir.

13/07/2026

Nəsimi rayonunda növbəti ümumrayon iməciliyi keçirilib.
Rayon ərazisində fəaliyyət göstərən idarə, müəssisə və təşkilatların əməkdaşlarının iştirakı ilə növbəti ümumrayon iməciliyi keçirilib.

İməcilik zamanı prospekt və küçələr, səki kənarları, bardürlər, işıq dirəkləri, yol kənarındakı məhəccərlər, vitrinlər, məişət tullantıları konteynerlərinin ətrafı yuyularaq təmizlənib, mövcud yaşıllıqlara aqrotexniki qulluq göstərilib.

09/07/2026

Nəsimi rayon İcra Hakimiyyətinin başçısı növbəti səyyar qəbul keçirib

Nəsimi Rayon İcra Hakimiyyətinin başçısı Tahir Budaqov təsdiq olunmuş qrafikə uyğun olaraq 2026-cı il iyulun 8-də Azərbaycan-Fransız Universitetində növbəti səyyar qəbul keçirmişdir. Qəbuldan öncə rayon İcra Hakimiyyətinin başçısı təhsil ocağındakı şəraitlə tanış olmuş, pedaqoji kollektiv ilə görüşmüşdür.
Görüşdə bildirilmişdir ki, Azərbaycan-Fransız Universitetinin (UFAZ) yaradılması təşəbbüsü 2014-cü ildə Azərbaycan və Fransa prezidentləri tərəfindən irəli sürülmüşdür. UFAZ Azərbaycan Respublikasının Prezidenti cənab İlham Əliyevin 2016-cı il 9 iyun tarixli Sərəncamı ilə fəaliyyətə başlamış və rəsmi olaraq 2016-cı ilin sentyabr ayında ilk tələbə qəbulunu həyata keçirmişdir. Universitetin yaradılmasında əsas məqsəd beynəlxalq standartlara cavab verən mütəxəssislər yetişdirmək və elmi-tədqiqat fəaliyyətini inkişaf etdirməkdir. Tədris əsasən ingilis dilində aparılır və məzunlar həm ADNSU, həm də Fransa universitetlərinin diplomlarını əldə etmək imkanı qazanırlar.
UFAZ mühəndislik və fundamental elmlər istiqamətində müasir əmək bazarının tələblərinə cavab verən proqramlar təqdim edir. Universitet bakalavr səviyyəsində Kompüter elmləri, Kimya, Kimya mühəndisliyi, Yer elmləri və geofizika mühəndisliyi, Neft və qaz mühəndisliyi, magistr səviyyəsində isə Məlumat elmləri və süni intellekt, Fiziki kimya/kimya mühəndisliyi, Yer elmləri, Su ehtiyatları və idarəetmə kimi ixtisaslar üzrə kadr hazırlığını həyata keçirir.
Universitetin əsas üstünlüklərindən biri onun beynəlxalq akademik mühitidir. Universitetdə xarici ölkələrdən dəvət olunmuş professor və müəllimlər tədris prosesində fəal iştirak edərək mühazirələr aparırlar. Hazırda UFAZ-da 145 dəvət olunmuş müəllim, 4 əməliyyatlar üzrə menecer, 3 elmi məsləhətçi və 16 proqram rəhbəri fəaliyyət göstərir.
UFAZ mütəmadi olaraq beynəlxalq seminarlar, konfranslar və daxili qrant müsabiqələri təşkil edir.
Görüşdə təməli Ümummilli Lider Heydər Əliyev tərəfindən qoyulmuş təhsil strategiyasının Prezident İlham Əliyev tərəfindən müasir dövrün tələblərinə uyğun davam etdirildiyi diqqətə çatdırılmış, Birinci vitse-prezident Mehriban xanım Əliyevanın təşəbbüsü ilə təhsil, səhiyyə və mədəniyyət sahələrində həyata keçirilən sosial-humanitar layihələrin cəmiyyətin mənəvi inkişafına verdiyi töhfələr xüsusi qeyd olunmuşdur.
Tədbirdə görüş iştirakçılarına Nəsimi rayonunun sosial-iqtisadi inkişaf perspektivləri barədə ətraflı məlumat da verilmişdir.
Sonra İcra Hakimiyyətinin başçısı səyyar görüşə qatılmış rayon sakinlərinin müraciətlərini dinləmişdir.
Sakinlərdən İslam Kərimov, Tamara Gülməmmədova, Elman Mahmudov, Musa Yolçuyev, Aytən Adilova, Valya Səmədova, Fərəh Həsənova, Elman Əlixanov, Aygün Səfərova, Mehriban Məmmədova, Hüseyn Şəfiyev, Şahnigar Yusifova, Rəna Əfəndiyeva və digərləri bir sıra məsələlərlə bağlı müraciətlər etmişlər.
Müraciətlərdə qaldırılan məsələlərin operativ həlli ilə əlaqədar rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin məsul şəxslərinə müvafiq tapşırıqlar verilmişdir.

03/07/2026

Nəsimi rayonunda Polis Günü qeyd olundu

Azərbaycan Polisi Günü münasibətilə Nəsimi rayonunda rayon icra hakimiyyətinin, rayon polis idarəsinin və digər hüquq-mühafizə orqanlarının nümayəndələrinin iştirakı ilə tədbir keçirilib.
Əvvəlcə Ümummilli Lider Heydər Əliyevin abidəsi önünə gül dəstələri düzülərək əziz xatirəsi ehtiramla yad edilib. Daha sonra Nəsimi Rayon Polis İdarəsində təşkil olunan tədbirdə Ümummilli Liderin, eləcə də ölkəmizin ərazi bütövlüyü və suverenliyi uğrunda canından keçmiş şəhidlərin xatirəsi bir dəqiqəlik sükutla anılıb, Azərbaycan Respublikasının Dövlət Himni səsləndirilib.
Tədbirdə çıxış edən Nəsimi Rayon İcra Hakimiyyətinin başçısı Tahir Budaqov, Nəsimi Rayon Polis İdarəsinin rəisi, polis polkovniki Vüqar Ağayev və rayon prokuroru Həsən Hənifəyev polis orqanlarının ölkədə ictimai asayişin qorunması və təhlükəsizliyin təmin olunmasında mühüm rol oynadığını vurğulayaraq polis əməkdaşlarını peşə bayramı münasibətilə təbrik edib, onlara xidmətdə yeni uğurlar arzulayıblar.
Tədbirin sonunda xidmətdə fərqlənən bir qrup polis əməkdaşı fəxri fərman və təşəkkürnamələrlə təltif olunub.

02/07/2026

Nəsimi rayonu İcra Hakimiyyətində rayon ərazisində yaşayan Vətən müharibəsi şəhidlərinin ailə üzvləri ilə görüş keçirilib.

Görüşdə Rayon İcra Hakimiyyətinin başçısı Tahir Budaqov, rayon hüquq-mühafizə orqanlarının rəhbərləri, rayon ərazisində yaşayan Vətən müharibəsi şəhidlərinin ailələri, Rayon İcra Hakimiyyəti başçısı Aparatının məsul əməkdaşları, YAP Nəsimi rayon təşkilatının, Nəsimi Bələdiyyəsinin və “Qarabağ Müharibəsi Veteranları, Əlilləri və Şəhid ailələri” İctimai Birliyinin sədrləri iştirak ediblər.
Tədbirdə əvvəlcə Azərbaycan xalqının Ümumilli Lideri Heydər Əliyevin və Azərbaycanın ərazi bütövlüyü uğurunda canlarını qurban vermiş şəhidlərimizin əziz xatirəsi bir dəqiqəlik sükutla yad edilmişdir.
Görüşdə çıxış edən Rayon icra Hakimiyyətinin başçısı Tahir Budaqov bildirmişdir ki, bu gün memarı və qurucusu Azərbaycan xalqının Ümummilli lideri Heydər Əliyev olan müasir müstəqil Azərbaycan Respublikası öz tarixinin ən şərəfli və əlamətdar hadisələrlə dolu günlərini yaşayır.
Müstəqil Azərbaycanımızın tarixinə qızıl hərflərlə yazılmış 2020-ci ilin 27 sentyabrında başlayıb 44 gün davam edən zəfər dolu Vətən müharibəsində Müzəffər Ali Baş Komandan İlham Əliyevin rəhbərliyi altında xalqımızın əzmi, ordumuzun rəşadəti, şəhidlərimizin və qazilərimizin misilsiz qəhrəmanlığı sayəsində 30 ildən artıq işğal altında olan torpaqlarımız düşmən əsarətindən azad edildi. Bu gün azad edilmiş ərazilərimizdə genişmiqyaslı bərpa-quruculuq işləri aparılır. Yeni yaşayış məntəqələri salınır, infrastruktur layihələri həyata keçirilir.
Ərazi bütövlüyü və suverenliyi tam təmin olunan müstəqil Azərbaycanımız Möhtərəm Prezidentimiz cənab İlham Əliyevin müdrik, uzaqgörən və qətiyyətli siyasəti nəticəsində inkişaf tarixinin yeni dövrünə qədəm qoyub. Ümummilli lider Heydər Əliyevin şah əsəri olan müasir müstəqil Azərbaycanın üçrəngli müqəddəs bayrağı Müzəffər Ali Baş Komandan İlham Əliyevin qətiyyəti ilə bu gün Qarabağda, Şərqi Zəngəzurda, bütün Azərbaycanda qürurla dalğalanmaqdadır.
Rayon İcra Hakimiyyətinin başçısı bugünkü uğurlarımızda misilsiz xidmətləri olan şəhidlərimizin qəlbimizdə daim yaşayacağını xüsusi vurğulayaraq bildirdi ki, onların ata və anaları, ailə üzvləri hər bir Azərbaycan vətəndaşı üçün əzizdir. Dövlətimiz tərəfindən daim şəhidlərimizin xatirəsinin əbədiləşdirilməsi istiqamətində müvafiq addımlar atılır. Bildirilmişdir ki, Azərbaycan Respublikasının Prezidenti cənab İlham Əliyevin 24.06.2026-cı il tarixli “Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Müdafiə Nazirliyinin hərbi qulluqçularının və mülki işçilərinin təltif edilməsi haqqında” Sərəncamına əsasən 1806 şəhid müxtəlif ordenlərlə təltif olunmuşdur ki, onlardan da 16 nəfəri Nəsimi rayonunda qeydiyyatda olanlardır.
Nəsimi rayon İcra Hakimiyyəti başçısı Aparatının Müharibə iştirakçıları və şəhid ailələri ilə işin təşkili sektorunun müdiri Kamal Quluzadə məruzə ilə çıxış edərək Nəsimi rayonunda şəhid ailələrinə göstərilən diqqət və qayğı barədə ətraflı məlumat vermiş, postmüharibə dövründə şəhid ailələrini və müharibə iştirakçılarını əhatə edən dövlət qayğısının sadəcə sosial bir yardım deyil, dövlətin öz qəhrəmanlarına olan ehtiram ifadəsi olduğunu qeyd etmişdir.
Rayon Prokuroru Həsən Hənifəyev, rayon Polis İdarəsinin rəisi, polis polkovniki Vüqar Ağayev, rayon Mühafizə Polisi İdarəsinin rəisi, polis polkovniki Nazim Həsənov, Səfərbərlik və Hərbi Xidmətə Çağırış üzrə Dövlət Xidmətinin Nəsimi rayon İdarəsinin rəisi, polkovnik-leytenant Ceyhun Əliyev, Nəsimi Bələdiyyəsinin sədri Əziz Zeynalov və “Qarabağ Müharibəsi Veteranları, Əlilləri və Şəhid ailələri” İctimai Birliyinin sədri Azər Quliyev çıxış edərək şəhidlərimizin əziz xatirəsinin hər bir Azərbaycan vətəndaşı üçün uca olduğunu bildirmiş, şəhid ailələrinə öz dərin hörmət və ehtiramlarını bildirmişlər.
Şəhid ataları Hüseynov Bağı və Əkbərov Fayəddin göstərilən diqqət və qayğiya görə Azərbaycan Respublikasının Prezidenti, Ali Baş Komandan cənab İlham Əliyevə və Azərbaycan Respublikasının Birinci Vitse-Prezidenti Mehriban xanım Əliyevaya öz dərin təşəkkürlərini bildirmişlər.
Görüşün sonunda rayon İcra Hakimiyyəti tərəfindən şəhid ailələrinə xatirə hədiyyələri təqdim olundu.

02/07/2026

Nəsimi rayon İcra Hakimiyyətinin başçısı növbəti səyyar qəbul keçirib.

Nəsimi Rayon İcra Hakimiyyətinin başçısı Tahir Budaqov təsdiq olunmuş qrafikə uyğun olaraq 2026-cı il iyulun 1-də Mehdi Hüseynzadə adına 19 nömrəli tam orta ümumtəhsil məktəbində növbəti səyyar qəbul keçirmişdir. Qəbuldan öncə rayon İcra Hakimiyyətinin başçısı məktəbdəki şəraitlə tanış olmuş, şagirdlərin əl işlərindən ibarət sərgiyə baxmış, pedaqoji kollektiv ilə görüşmüşdür.
Görüşdə bildirilmişdir ki, məktəbdə müasir təlim mühitinin formalaşdırılması məqsədilə idman və akt zalları, kitabxana, tibb məntəqəsi, tədris və təcrübə otaqları, həmçinin fizika, biologiya, kimya, texnologiya, informatika, STEAM, linqafon və hərbi hazırlıq kabinetləri fəaliyyət göstərir. Altı tədris kabineti elektron lövhə ilə təchiz olunmuşdur və dərslərin daha səmərəli təşkili üçün onlardan geniş istifadə edilir.
Şagirdlərin hərtərəfli inkişafı üçün Uşaq və Gənclərin İnkişaf Mərkəzi ilə birgə əməkdaşlıq çərçivəsində şahmat, basketbol, voleybol, ingilis dili, rus dili, bədii qiraət və "Təbiətə qayğı" dərnəkləri fəaliyyət göstərir.
2023–2024-cü tədris ilindən məktəbdə inklüziv təhsil sinfi, 2024–2025-ci tədris ilindən isə ilk dəfə olaraq peşə təmayüllü sinif fəaliyyətə başlayıb. Hazırda məktəbin nəzdində tam orta təhsil səviyyəsində yeni təmayül tədris modeli məktəbi yaradılmaqdadır.
Məktəbin məzunları müxtəlif sahələrdə mühüm uğurlar qazanmışlar. Onlardan üç nəfər Heydər Əliyev təqaüdünə layiq görülmüş, iki nəfər sərbəst güləş üzrə Dünya Kubokunun qalibi olmuş, bir nəfər şahmat üzrə Avropa üçüncüsü, bir nəfər isə sərbəst güləş üzrə Avropa çempionu adını qazanmışdır.
Təhsil ocağının məzunlarından Fəxrəddin Nəcəfov Birinci Qarabağ müharibəsində şəhid olub və ölümündən sonra Azərbaycanın Milli Qəhrəmanı adına layiq görülüb. Digər məzun Əliyev Rauf Səxavət oğlu isə Vətən müharibəsində qəhrəmancasına şəhidlik zirvəsinə ucalıb. O, Azərbaycan Respublikası Prezidentinin müvafiq sərəncamları ilə 3-cü dərəcəli “Vətənə xidmətə görə” ordeni, "Füzulinin azad olunmasına görə", "Xocavəndin azad olunmasına görə" və "Vətən uğrunda" medalları ilə təltif edilmişdir.
Görüşdə təməli Ümummilli Lider Heydər Əliyev tərəfindən qoyulmuş milli inkişaf strategiyasının bu gün Möhtərəm Prezident cənab İlham Əliyev tərəfindən müasir dövrün tələblərinə uyğun olaraq yeni müstəvidə uğurla davam etdirildiyi vurğulanmış, Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevanın təşəbbüsü ilə təhsil sahəsində icra olunan genişmiqyaslı sosial-humanitar layihələrin cəmiyyətin mənəvi tərəqqisinə verdiyi əvəzsiz töhfələr xüsusi qeyd olunmuşdur.
Tədbirdə görüş iştirakçılarına Nəsimi rayonunun sosial-iqtisadi inkişaf perspektivləri barədə ətraflı məlumat da verilmişdir.
Sonra İcra Hakimiyyətinin başçısı səyyar görüşə qatılmış rayon sakinlərinin müraciətlərini dinləmişdir.
Sakinlərdən Elmira Mansurova, Samirə Məmmədova, Simran Seyidov, Asif Məmmədov, Elmira Quliyeva, Elşad Əhmədov, Gülbəniz Abbasova, Ələviyyə Zeynalova, Bənövşə Salahova, Sahibə Musayeva və digərləri bir sıra məsələlərlə bağlı müraciətlər etmişlər.
Müraciətlərdə qaldırılan məsələlərin operativ həlli ilə əlaqədar rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin məsul şəxslərinə müvafiq tapşırıqlar verilmişdir.

25/06/2026

Nəsimi rayon İcra Hakimiyyətinin başçısı növbəti səyyar qəbul keçirib.

Nəsimi Rayon İcra Hakimiyyətinin başçısı Tahir Budaqov təsdiq olunmuş qrafikə uyğun olaraq 2026-cı il iyunun 24-də İlqar Əbilhəsənov adına 42 nömrəli tam orta ümumtəhsil məktəbində səyyar qəbul keçirmişdir. Qəbuldan öncə rayon İcra Hakimiyyətinin başçısı məktəbdəki şəraitlə tanış olmuş, pedaqoji kollektiv ilə görüşmüşdür.
Rayon İcra Hakimiyyətinin başçısı Tahir Budaqov görüş iştirakçılarını qarşıdan gələn 26 iyun – Azərbaycan Respublikasının Silahlı Qüvvələri günü münasibətilə təbrik etmiş, onlara fəaliyyətlərində uğurlar arzulamışdır. Bildirmişdir ki, 26 İyun – Azərbaycan Respublikasının Silahlı Qüvvələri Günü xalqımızın qəhrəmanlıq tarixini özündə əks etdirən əlamətdar bayramlardan biridir. Qeyd olunmuşdur ki, 1918-ci il iyunun 26-da Azərbaycan Xalq Cümhuriyyəti tərəfindən ilk nizami hərbi hissələrin yaradılması ilə milli ordumuzun təməli qoyulmuş, bu əlamətdar tarix Azərbaycan xalqının Ümummilli lideri Heydər Əliyevin 1998-ci il 22 may tarixli Fərmanı ilə ölkəmizdə Silahlı Qüvvələr Günü kimi təsis edilmişdir.
Azərbaycanın zəngin dövlətçilik tarixində güclü ordunun yaradılması hər zaman prioritet məsələlərdən olub. Müasir Azərbaycan dövlət müstəqilliyinin bərpasına 1991-ci ildə nail olsa da, vahid komandanlığa əsaslanan nizami, ən əsası müstəqilliyimizə və dövlətçiliyimizə qarşı yarana biləcək hər hansı təhdidin qarşısını almağa qadir olan ordunun yaradılması Ümummilli Lider Heydər Əliyevin 1993-cü ildə xalqın təkidli tələbi ilə hakimiyyətə qayıdışından sonra mümkün oldu. Hələ sovet dönəmində Ulu Öndərin uzaqgörənliyi sayəsində Cəmşid Naxçıvanski adına hərbi məktəbin yaradılması ilə gələcəkdə müstəqil Azərbaycanın Milli Ordusunun formalaşması üçün milli kadr probleminin həlli yolunda mühüm addım atıldı.
Bildirildi ki, Ümummilli Lider Heydər Əliyevin hakimiyyətə qayıdışından sonra ölkədə dövlət quruculuğu prosesinin mühüm istiqamətlərindən biri məhz güclü və peşəkar ordunun formalaşdırılması olmuşdur. Ulu Öndərin rəhbərliyi ilə ordu quruculuğu sahəsində ardıcıl islahatlar həyata keçirilmiş, hərbi intizam və idarəetmə sistemi təkmilləşdirilmişdir. Məhz həmin dövrdə əsası qoyulan ordu quruculuğu strategiyası sonrakı illərdə daha da inkişaf etdirilərək müasir tələblərə cavab verən milli Silahlı Qüvvələrin formalaşmasına zəmin yaratmışdır.
Qeyd olundu ki, Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin rəhbərliyi ilə son illərdə Azərbaycan Ordusunun maddi-texniki bazası əhəmiyyətli dərəcədə gücləndirilmiş, hərbi qulluqçuların sosial müdafiəsinin yaxşılaşdırılması istiqamətində mühüm tədbirlər görülmüş, müasir silah və texnologiyalarla təchizat, peşəkar kadr hazırlığı və döyüş hazırlığı sahələrində mühüm nailiyyətlər əldə edilmişdir.
Azərbaycan Ordusunun qüdrəti və peşəkarlığı 2020-ci ilin Vətən müharibəsində öz təsdiqini tapmışdır. Ali Baş Komandanın rəhbərliyi altında rəşadətli ordumuz vətən torpaqlarının azadlığı uğrunda apardığı döyüşlərdə böyük qəhrəmanlıq nümayiş etdirmiş, 30 ilə yaxın işğal altında qalmış ərazilərimiz azad edilmişdir. 44 günlük Vətən müharibəsində əldə olunan tarixi Zəfər ölkəmizin ərazi bütövlüyünün və suverenliyinin bərpası istiqamətində mühüm mərhələ olmaqla yanaşı, Azərbaycan xalqının milli birliyinin, dövlətimizin siyasi iradəsinin və Ordumuzun yüksək döyüş qabiliyyətinin parlaq təzahürü olmuşdur.
Qeyd edilmişdir ki, Azərbaycan Ordusunun qazandığı uğurlar ölkəmizin beynəlxalq nüfuzunun daha da artmasına, regionda yeni reallıqların formalaşmasına və milli təhlükəsizliyin möhkəmləndirilməsinə mühüm töhfə vermişdir. Ordumuz bu gün də müstəqilliyimizin, suverenliyimizin və konstitusiya quruluşumuzun etibarlı təminatçısı olaraq ölkəmizin təhlükəsizliyinin keşiyində şücaətlə dayanır.
Təməli Ümummilli Lider Heydər Əliyev tərəfindən qoyulmuş milli inkişaf strategiyasının bu gün Möhtərəm Prezident cənab İlham Əliyev tərəfindən müasir dövrün tələblərinə uyğun olaraq yeni müstəvidə uğurla davam etdirildiyi bildirilmiş, Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevanın təşəbbüsü ilə təhsil sahəsində icra olunan genişmiqyaslı sosial-humanitar layihələrin cəmiyyətin mənəvi tərəqqisinə verdiyi əvəzsiz töhfələr xüsusi qeyd olunmuşdur.
Tədbirdə görüş iştirakçılarına Nəsimi rayonunun sosial-iqtisadi inkişaf perspektivləri barədə ətraflı məlumat da verilmişdir.
Sonra İcra Hakimiyyətinin başçısı səyyar görüşə qatılmış rayon sakinlərinin müraciətlərini dinləmişdir.
Sakinlərdən Eldar Məmmədbəyli, Sücayət İsmayılova, Yeganə Məmmədzadə, Fizzəxanım Rəsulova, Namiq Həsənov, Ramazan Əsgərli. Teyyub Əliyev, Təranə Əliyeva, Hüseynəli Abbaslı, Yeganə Mirzəyeva, Leyla Səlimova, Afaq Bağırova, Sara Quliyeva, Sevil Bağırova, Cəmilə Xalıqova və digərləri bir sıra məsələlərlə bağlı müraciətlər etmişlər.
Müraciətlərdə qaldırılan məsələlərin operativ həlli ilə əlaqədar aidiyyəti qurumların rəhbərlərinə müvafiq tapşırıqlar verilmişdir.

24/06/2026

Nəsimi rayonunda dövlət qulluqçularının peşə bayramı ilə əlaqədar tədbir keçirilib

23 iyun - Dövlət Qulluqçularının Peşə Bayramı Günü münasibəti ilə Nəsimi rayon İcra Hakimiyyətində tədbir keçirilmişdir.
Nəsimi Rayon İcra Hakimiyyətinin başçısı Tahir Budaqov dövlət qulluqçularını təbrik etmiş və onlara fəaliyyətlərində uğurlar arzulamışdır.
Bildirmişdir ki, Azərbaycanda müasir dövlət qulluğu sisteminin formalaşması və inkişafı Ümummilli Lider Heydər Əliyevin adı ilə bağlıdır. Dövlət qulluğuna və dövlət qulluğunda çalışanlara xalqın inamının bərpa ediməsi, habelə milli və müasir dövlət qulluğu sisteminin qurulması Heydər Əliyev siyasətinin əsasını təşkil edirdi.
Ulu Öndər Heydər Əliyev dövlət qulluğu sisteminin hüquqi təməllərini qoymaqla yanaşı, dövlət qulluqçusunun mənəvi simasını və xalq qarşısındakı məsuliyyətini də hər zaman ön plana çəkir, hər bir məmurun fəaliyyətində dürüstlük, peşəkarlıq və dövlətçilik prinsiplərini əsas meyar hesab edirdi.
Ümummilli Lider Heydər Əliyevin ölkəmizə rəhbərlik etməyə başladığı dövrdən dövlət idarəetmə sisteminin təkmilləşdirilməsi, çevik idarəetmə mexanizminin yaradılması, icra hakimiyyəti orqanlarının funksional vəzifələrinin müəyyən edilməsi məqsədilə əsaslı islahatlar aparılmışdır. Bütün sahələrdə olduğu kimi dövlət qulluğunun da müasir tələblər səviyyəsində təşkili və təkmilləşdirilməsi daim diqqət mərkəzində duran məsələlərdən olmuşdur. 2000-ci ilin iyulunda Ulu öndərimiz Heydər Əliyevin təşəbbüsü və rəhbərliyi ilə hazırlanıb qəbul edilmiş “Dövlət qulluğu haqqında” Azərbaycan Respublikasının Qanunu ölkəmizdə dövlət qulluğunu tənzimləyən əsas sənəddir. Bu Qanun qəbul edildikdən sonra Azərbaycanda müasir dövlət qulluğu ənənələri təşəkkül tapmağa başlamışdır. Bu mühüm sənəd düzgün kadr siyasətinin aparılmasına, dövlət qulluqçularının cəmiyyətdəki yerinin, onların hüquq və vəzifələrinin müəyyənləşdirilməsinə xidmət göstərir.
Azərbaycan xalqının Ümumilli Lideri Heydər Əliyevin siyasətini uğurla davam etdirən möhtərəm prezidentimiz cənab İlham Əliyev dövlət qulluğu sisteminin formalaşması istiqamətində də mühüm və əhəmiyyətli addımlar atmışdır. Cənab Prezidentin 25 may 2006-cı il tarixli sərəncamı ilə iyun ayının 23-çü Dövlət qulluqçularının peşə bayramı günü kimi təsis edilmişdir.
Qeyd edildi ki, dövlət qulluqçularının fəaliyyəti daim ictimaiyyətin diqqət mərkəzindədir və onlar peşə vəzifələrini yerinə yetirərkən humanizm və sosial ədalət prinsiplərinə əsaslanan mənəvi normaları rəhbər tutmalıdırlar. Mənəvi saflıq və vicdanlılıq dövlət qulluğunda əsas meyarlardır.
Məruzə ilə çıxış edən rayon İcra Hakimiyyəti başçısının müavini - Ərazi-təşkilat və ictimai-siyasi məsələlər şöbəsinin müdiri Zahid Xəlilov qeyd etmişdir ki, Azərbaycan xalqının Ümumilli Lideri Heydər Əliyev tərəfindən 1993-cü ilin iyunun 15-dən etibarən ölkənin idarə olunmasında dövlət qurumlarının məsuliyyətini artırmaq və fəaliyyəti daha da səmərəli etmək məqsədilə onların strukturlarında davamlı islahatlar aparılıb. Heydər Əliyevin idarəçilik fəlsəfəsinə əsaslanan bu islahatlar bu gün də dövlət aparatının çevikliyinin təmin olunmasında və vətəndaş-dövlət münasibətlərinin daha sağlam təməllər üzərində qurulmasında müstəsna rol oynayır.
Müasir müstəqil Azərbaycan dövlətinin güclənməsi, regional və qlobal miqyasda mühüm layihələrin icraçısına çevrilməsi birbaşa olaraq idarəetmə institutlarının səmərəli işindən və dövlət qulluqçularının peşəkarlıq səviyyəsindən asılıdır. Məhz bu səbəbdən ölkəmizdə dövlət qulluğu, sadəcə, bir peşə sahəsi deyil, eyni zamanda, milli maraqlara və dövlətçilik ideallarına xidmət edən şərəfli bir missiya olaraq qəbul edilir.
Dövlətimizin başçısının Sərəncamı ilə təsdiq edilmiş “Azərbaycan Respublikasında dövlət qulluğunun inkişafına dair 2019–2025-ci illər üçün Strategiya” və onun icrası üzrə Fəaliyyət Planı idarəçiliyin təkmilləşdirilməsində mühüm yol xəritəsi olub. Bu plan dövlət orqanlarının kateqoriyasının müəyyənləşdirilməsi, rəhbər şəxslər üçün insan resurslarının idarə edilməsi üzrə təlim modullarının hazırlanması, dövlət qulluqçularının peşəkar inkişafı, məlumat bazalarının və reyestrinin yaradılması kimi strateji vəzifələri uğurla həll edib.
Digər çıxış edənlər dövlətimiz tərəfindən dövlət qulluqçularına göstərilən diqqət və qayğıya görə Azərbaycan respublikasının Prezidenti cənab İlham Əliyevə minnətdarlıqlarını bildirmiş, dövlət siyasətinin möhkəmlənməsində, vətəndaşlarımıza keyfiyyətli xidmət göstərilməsi və ölkəmizin inkişafı naminə var gücləri ilə çalışacaqlarını qeyd etmişlər.

19/06/2026

Nəsimi rayon İcra Hakimiyyətinin başçısı növbəti səyyar qəbul keçirib.
Nəsimi Rayon İcra Hakimiyyətinin başçısı Tahir Budaqov təsdiq olunmuş qrafikə uyğun olaraq 16 nömrəli Texniki-Humanitar fənlər liseyində növbəti səyyar qəbul keçirmişdir. Qəbuldan öncə rayon İcra Hakimiyyətinin başçısı liseydəki şəraitlə tanış olmuş, şagirdlərin əl işlərindən ibarət sərgiyə baxmış, pedaqoji kollektiv ilə görüşmüşdür.
Görüşdə 15 iyunun Azərbaycan xalqı və dövləti üçün olduqca böyük əhəmiyyətə malik iki mühüm hadisə ilə əlamətdar olduğu bildirilmiş, 33 il əvvəl – 1993-cü ilin iyunun 15-də xalqımızın Ümummilli Lideri, müdrik dövlət xadimi Heydər Əiyev Azərabaycan Respublikası Ali Sovetinin sədri seçilmiş və həmin gün tarximizə Milli Qurtuluş Günü kimi həkk olunmuşdur. Bu, Azərbaycan dövlətçiliyinin xilası, real müstəqilliyin təmini və qorunub saxlanılması baxımından taleyüklü dönüş nöqtəsi olmuşdur. Vaxtilə dünyanın aparıcı geosiyasi güc mərkəzlərindən biri olan SSRİ-nin süqutundan sonra müstəqilliyini bərpa etmiş Azərbaycan ötən əsrin 90-cı illərinin əvvəllərində ağır sınaqlarla üzləşmişdi. Daxili siyasi böhranın və iqtisadi tənəzzülün dərinləşməsi, qarşıdurmaların və separatizm meyllərinin güclənməsi, xarici təhdidlərin artması fonunda Ermənistanın hərbi təcavüzü Azərbaycanın parçalanması, hətta dünya xəritəsindən silinməsi təhlükəsini meydana çıxarmışdı. Belə bir mürəkkəb şəraitdə Heydər Əliyev xalqın tələbi ilə siyasi hakimiyyətə qayıtmış və Azərbaycanı tənəzzüldən xilas edərək tərəqqi yoluna çıxarmışdır.
Ulu Öndərin xalqımız və dövlətimiz qarşısındakı tarixi xidmətləri vurğulanmış, onun ölkəmizdə siyasi sabitliyin təmin olunması, milli dövlətçilik ənənələrinin möhkəmləndirilməsi və Azərbaycanın beynəlxalq aləmdə nüfuzunun artırılması istiqamətində həyata keçirdiyi uzaqgörən siyasətinin bu gün də uğurla davam etdirildiyi bildirilmişdir. Qeyd olunmuşdur ki, Ümummilli Liderin zəngin siyasi irsi müasir Azərbaycanın inkişafının əsas dayaqlarından biri olmaqla yanaşı, gələcək nəsillər üçün də mühüm örnəkdir.
Daha sonra çıxış edən rayon İcra Hakimiyyətinin başçısı bildirmişdir ki, 15 iyun tarixi həm də “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi”nin imzalanması ilə əlamətdardır. 5 il əvvəl – 2021-ci il iyunun 15-də imzalanmış Şuşa Bəyannaməsi bölgədə sülhün, sabitliyin, təhlükəsizliyin və əməkdaşlığın təşviqinə xidmət edən və gələcəyə konseptual-strateji baxışı ortaya qoyan sənəddir. Bu gün iftixarla söyləyirik ki, Heydər Əliyevin “bir millət, iki dövlət” fəlsəfəsinə əsaslanan Şuşa Bəyannaməsi Ümummilli Liderimizin əbədiyaşar ideyalarını özündə əks etdirən Milli Qurtuluş məfkurəsinin müasir geosiyasi şəraitdə məntiqi davamıdır.
Təməli Ümummilli Lider tərəfindən qoyulmuş milli inkişaf strategiyasının bu gün Möhtərəm Prezident cənab İlham Əliyev tərəfindən müasir dövrün tələblərinə uyğun olaraq yeni müstəvidə uğurla davam etdirildiyi bildirilmiş, Azərbaycan Respublikasının
Birinci vitse-prezidenti, Heydər Əliyev Fondunun prezidenti Mehriban xanım Əliyevanın təşəbbüsü ilə təhsil sahəsində icra olunan genişmiqyaslı sosial-humanitar layihələrin cəmiyyətin mənəvi tərəqqisinə verdiyi əvəzsiz töhfələr xüsusi qeyd olunmuşdur.
Tədbirdə görüş iştirakçılarına Nəsimi rayonunun sosial-iqtisadi inkişaf perspektivləri barədə ətraflı məlumat da verilmişdir.
Sonra İcra Hakimiyyətinin başçısı səyyar görüşə qatılmış rayon sakinlərinin müraciətlərini dinləmişdir.
Sakinlərdən Mahal Həsənov, Sevinc Ağayeva, Gülminaz Nəsirova, Tamara Abasquliyeva, Gülarə Alışova, Briliant Səlimzadə, Esfira Əhmədova, Fərrux İbrahimov və digərləri bir sıra məsələlərlə bağlı müraciətlər etmişlər.
Müraciətlərdə qaldırılan məsələlərin operativ həlli ilə əlaqədar rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin məsul şəxslərinə müvafiq tapşırıqlar verilmişdir.

Nəsimi Rayon İcra Hakimiyyəti

23/07/2026

17/07/2026

13/07/2026

09/07/2026

03/07/2026

02/07/2026

02/07/2026

25/06/2026

24/06/2026

19/06/2026

Address

Opening Hours

Telephone

Website

Alerts

Contact The Organization

Shortcuts

Share

Category

Listing takedown request

Monday	09:00 - 18:00
Tuesday	09:00 - 18:00
Wednesday	09:00 - 18:00
Thursday	09:00 - 18:00
Friday	09:00 - 18:00