Our Story
2001-ci ildən fəaliyyətə başlayan “Ulduz” Şokolad Fabriki tez bir zamanda yerli bazarın sevimli qənnadı istehsalçısına çevrilərək “Milli brend” statusunu qazana bilmişdir. Qənnadı məmulatları və qida məhsulları sənayəsinə yeni keyfiyyət və dad gətirən fabrik, ən müasir standartlara cavab verən, ekoloji və gigiyenik baxımdan təmiz və təhlükəsiz şokoladlar, karamellər istehsal edərək istehlakçıları illərdir ki, məmnun etməkdədir. Bir neçə istehsal xətti ilə fəaliyyət göstərən fabrik “Xonça”, “Rocky”, “Tango”, “Coco”, “Sweet”,“Moredo”, “Belore” kimi şokolad və karamellər istehsal etməkdədir. Həmçinin, yerli bazar üçün tamamilə yeni olan tərxun tamlı “Сочный тархун” karamelini də istehlakçılara təqdim etmişdir. Öz üstünlükləri ilə daxili bazarda rəqibsiz olan fabrik, bu gün dünyanın ən qabaqcıl müəssisələri ilə rəqabət apara biləcək gücdədir, belə ki, “Ulduz” markaları hazırda 20 – yə qədər ölkəyə - Rusiya, Ukrayna, Belarus, Gürcüstan, Litva, Estoniya, Çin, Qırğızıstan, Özbəkistan, Türkmənistan, Tacikistan, Yəmən, İran, Malaziya, Fələstin, Birləşmiş Ərəb Əmirlikləri - ixrac olunur. Fabrik, İngilis Pərakəndəçilər Birliyi, Beynəlxalq Qida Standarlarını alan ilk yerli qida müəssisəsi olmaqla yanaşı, digər yerli və beynəlxalq qurumların da standartlarını qazanmışdır. Ölkəmizin iqtisadi-coğrafi baxımdan əlverişli zonada yerləşməsi, relyef səhtinin nəqliyyat hərəkəti üçün münasib olması xarici partnyorlara bizimlə əməkdaşlıq etmək üçün fürsət verir. Bundan əlavə, fabrikimizin geniş olması, müxtəlif məhsullar istehsal edə bilən istehsal xətlərimizin çoxluğu da bizə olan məhsul tələblərini ödəməyimizə imkan verir. Fabrikimizdə olan Araşdırma və İnkişaf, Keyfiyyətə Nəzarət şöbələrinin fəaliyyəti sayəsində daima yeni, ekoloji baxımdan təmiz və təhlükəsiz, həmçinin ləziz məhsullar istehsal edir və istehlakçılara və müştərilərimizə təqdim edirik.
“Ulduz” məhsullarının xarici ölkələrdə populyarlılığının nəticəsidir ki, hər il fabrik nüfuzlu beynəlxalq sərgilərə (World Food Moscow, World Food Istanbul, MeYummex, Sial China 2018, Thaifex-World of Asia) dəvət olunur, Azərbaycanı dünya qida sektorunda layiqincə təmsil edir.