Peşə Təhsili üzrə Dövlət Agentliyi

26/08/2026

🎓 Peşə təhsilindən ali təhsilə – aqrar sektor üçün yeni nəsil kadrlar yetişir!

Aqrar sektorun inkişafı və müasir kənd təsərrüfatının tələblərinə uyğun yüksəkixtisaslı kadr potensialının formalaşdırılması dövlət siyasətinin prioritet istiqamətlərindəndir. Bu baxımdan peşə təhsili ilə ali təhsil arasında əlaqənin gücləndirilməsi xüsusi əhəmiyyət daşıyır.

Bu istiqamətdə növbəti uğur hekayəsi Bərdə Dövlət Peşə Təhsil Mərkəzinin məzunlarından gəlib.

Mərkəzin yüksək texniki peşə təhsili səviyyəsi üzrə baytarlıq və heyvandarlıq işi ixtisasını bitirən Nuriyev Oruc, Həsənzadə Aygün və Nəsirli Kənan ADA University heyvandarlıq ixtisasına qəbul olunublar.

Bu nəticə peşə təhsilinin yalnız əmək bazarına birbaşa çıxış imkanı yaratmadığını, eyni zamanda məzunlar üçün ali təhsilə və davamlı peşəkar inkişafına aparan yol olduğunu göstərir.

Xüsusilə aqrar sahədə praktiki bacarıqlara malik, müasir biliklərlə silahlanmış mütəxəssislərin hazırlanması sektorun dayanıqlı inkişafı üçün mühüm resursdur.

🌱 Peşə təhsili – bacarıqlı mütəxəssis, güclü aqrar sektor və dayanıqlı gələcək deməkdir.

Məzunlarımızı təbrik edir, ali təhsil və peşəkar inkişaf yollarında uğurlar arzulayırıq!

25/08/2026

📢 25 avqust 2026-cı il tarixində Sənaye və Texnologiyalar üzrə Gəncə Dövlət Peşə Təhsil Mərkəzində Peşə Təhsili üzrə Dövlət Agentliyi və Dövlət Məşğulluq Agentliyinin birgə əməkdaşlığı ilə Gəncə-Daşkəsən Regionu üzrə ixtisaslaşmış əmək yarmarkası keçirilib.

ℹ Əmək yarmarkasında 27 işəgötürən tərəfindən 168 vakant iş yeri təqdim edilib.

🔗 Daha ətraflı: https://vet.edu.gov.az/news/content/1343/inner

25/08/2026

📢 Bir sıra peşə təhsili müəssisələrinin əməkdaşları üçün təlimlər keçirilib.

24–25 avqust 2026-cı il tarixlərində Qəbələ Dövlət Peşə Təhsil Mərkəzində Peşə Təhsili üzrə Dövlət Agentliyinin nümayəndələrinin iştirakı ilə bir sıra peşə təhsili müəssisələrinin rəhbər və məsul əməkdaşları üçün təlimlər keçirilib.

24 avqust tarixində direktorlar və tədris və təlim işləri üzrə direktor müavinləri üçün dərs bölgüsü, tarifləşmə, dərs cədvəlinin hazırlanması və yeni kurikulumlar, 25 avqust tarixində isə baş mühasiblər üçün inventarların siyahıya alınması və silinməsi, yenidən qiymətləndirmə və tarifləşmə mövzularında təlimlər təşkil olunub.

ℹ Təlimlərin əsas məqsədi peşə təhsili müəssisələrində idarəetmə, tədris və maliyyə proseslərinin daha səmərəli təşkili, eləcə də əməkdaşların peşəkar bilik və bacarıqlarının artırılmasıdır.

24/08/2026

📢 Qəbələ Dövlət Peşə Təhsil Mərkəzində gənclərin peşə təhsilinə marağının artırılması və yaradılmış imkanların ictimaiyyətə təqdim olunması məqsədilə “Açıq Qapı” günü keçirilib.

300-dən artıq iştirakçının qatıldığı tədbirdə qonaqlar mərkəzin fəaliyyəti, tədris prosesi və tələbələr üçün yaradılan imkanlarla tanış olublar.

21/08/2026

📢 Bir sıra peşə təhsili müəssisələrinin əməkdaşları üçün təlimlər keçirilib.

20–21 avqust 2026-cı il tarixlərində Sənaye və İnnovasiyalar üzrə Bakı Dövlət Peşə Təhsil Mərkəzində Peşə Təhsili üzrə Dövlət Agentliyinin nümayəndələrinin iştirakı ilə bir sıra peşə təhsili müəssisələrinin rəhbər və məsul əməkdaşları üçün təlimlər keçirilib.

20 avqust tarixində direktorlar və tədris və təlim işləri üzrə direktor müavinləri üçün dərs bölgüsü, tarifləşmə, dərs cədvəlinin hazırlanması və yeni kurikulumlar, 21 avqust tarixində isə baş mühasiblər üçün inventarların siyahıya alınması və silinməsi, yenidən qiymətləndirmə və tarifləşmə mövzularında təlimlər təşkil olunub.

ℹ Təlimlərin əsas məqsədi peşə təhsili müəssisələrində idarəetmə, tədris və maliyyə proseslərinin daha səmərəli təşkili, eləcə də əməkdaşların peşəkar bilik və bacarıqlarının artırılmasıdır.

21/08/2026

🚍 “Səyyar Gənclər Xidməti” layihəsinin növbəti dayanacağı Lənkəran olub.

📌 Tədbirdə Lənkəran Dövlət Peşə Təhsil Mərkəzinin tələbələrinin əl işlərindən ibarət sərgi nümayiş etdirilib və tədris olunan ixtisaslar haqqında gənclərə ətraflı məlumat verilib.

ℹ️ Layihə Azərbaycan Gənclər Fondu / Azerbaijan Youth Foundation tərəfindən Gənclər Fondunun fəaliyyətə başlamasının 15 illiyi münasibətilə “Gənclərlə, gənclər üçün” şüarı altında təşkil edilir.

21/08/2026

💇‍♂️ Peşə təhsili – sevdiyin sənəti peşəkarlığa çevirməkdir!

Uşaqlıqdan saç ustası olmağı arzulayan Vüqar Səmədov ailəsinin istəyilə ali təhsil alsa da, ürəyindəki arzudan əl çəkmədi. Sevdiyi sənətin incəliklərini peşəkar səviyyədə öyrənmək üçün peşə təhsilinə üz tutdu, Texnika və Texnologiyalar üzrə Bakı Dövlət Peşə Təhsil Mərkəzində bərbər-vizajist-manikürçü ixtisası üzrə təhsil aldı və bu gün “X Studio”da baş usta kimi fəaliyyət göstərir.

Onun hekayəsi bir daha göstərir ki, sevdiyin peşəni təhsillə birləşdirdikdə uğura gedən yol daha inamlı olur.

Vüqar Səmədovun peşə təhsili, seçimi və uğur hekayəsi ilə AZƏRTAC-ın hazırladığı məqalədə tanış ola bilərsiniz.⬇️

Peşə təhsili insana yalnız müəyyən bir sənətin texniki tərəflərini öyrətmir, həm də həmin sahədə peşəkar kimi formalaşmağa, yaradıcılıq imkanlarını inkişaf etdirməyə və əmək bazarında öz yerini tapmağa şərait yaradır. Bu imkanlardan faydalanan şəxslərdən b...

20/08/2026

📌 Saatlı Peşə Liseyində yeni təyinat

Pünhan Əlizadə Saatlı Peşə Liseyində tərbiyə işləri üzrə direktor müavini vəzifəsinə təyin edilib.

Pünhan Əlizadə 2001-ci ildə Azərbaycan Dövlət Pedaqoji Universitetinin “Riyaziyyat-informatika” ixtisası üzrə bakalavriat səviyyəsini bitirib.

Əmək fəaliyyətinə 2002-ci ildə Saatlı rayonu M.Əzizbəyov adına 2 nömrəli orta məktəbdə riyaziyyat müəllimi kimi başlayıb. 2006–2007-ci illərdə Saatlı Rayon Təhsil Şöbəsində metodist vəzifəsində, 2007-2013-cü illərdə Saatlı rayonunda şəhər 2 nömrəli tam orta məktəbdə direktor vəzifəsində çalışıb.

2014–2020-ci illərdə Azərbaycan Respublikası Təhsil Nazirliyinin Saatlı Rayon Təhsil Şöbəsində məsləhətçi, 2020–2021-ci illərdə Mil-Muğan Regional Təhsil İdarəsinin Saatlı rayonu üzrə təhsil sektorunda məsləhətçi vəzifəsində fəaliyyət göstərib.

2022-ci ildən 2024-cü ilədək Mil-Muğan Regional Təhsil İdarəsinin Saatlı rayonu üzrə təhsil sektorunun metodik kabinetinin müdiri vəzifəsində çalışıb.

6 yanvar 2025-ci ildən Mil-Muğan Regional Təhsil İdarəsinin Saatlı rayonu Nabatkənd kəndi İ.Ağayev adına tam orta məktəbində müəllim kimi fəaliyyət göstərir.

19 avqust 2026-cı il tarixindən Saatlı Peşə Liseyində tərbiyə işləri üzrə direktor müavini təyin olunub.

Yeni vəzifəsində Pünhan Əlizadəyə uğurlar arzulayırıq.

20/08/2026

📢 21 avqust tarixində Qəbələ Dövlət Peşə Təhsil Mərkəzində Açıq Qapı Günü keçiriləcək.

✅ Açıq Qapı Günündə iştirakçılar təhsil müəssisəsinin infrastrukturu, müasir tədris otaqları, tədris imkanları və yataqxanası ilə yaxından tanış olmaq, təhsil prosesi və ixtisaslar barədə ətraflı məlumat əldə etmək imkanı qazanacaqlar.

📅 21 avqust 2026
🕘 09:00 – 13:00
📍 Qəbələ şəhəri, 28 May küçəsi, 89

19/08/2026

Peşə təhsili müasir əmək bazarına uyğunlaşır və gənclərə daha geniş imkanlar təqdim edir.