14/07/2020
Ya qalxanla, ya da qalxan üstə
Ən yaxşı TƏSƏLLİ QƏLƏBƏDİR, ən yaxşı MƏLHƏM ZƏFƏR HAYQIRTISIDIR
Döyüş gedən vaxtı ağlamazlar, sızlamazlar
10 may 1940-cı ildə Britaniyanın Baş naziri təyin edilən, 20-ci əsrin ən görkəmli siyasətçi və liderlərindən biri Uniston Çörçill 3 gün sonra Nümayəndələr Platasında çıxışı zamanı məhşur çağırışını edir. Qısa nitqinin sonuna yaxın deyir: “Mən Palata qarşısında yeni hökumət üzvü olmağa razılıq verən zaman artıq söylədiyimi bir daha təkrar edirəm: “”Mən, qan, ağır zəhmət, göz yaşı və tərdən başqa heç nə təklif edə bilmərəm”. Bu Britaniya və britaniyalıların II Dünya müharibəsində əsas şüarına və yanaşmasına çevrildi, onlar qələbə çaldırlar.
Müharibə gerçəkdən, qan, ağır zəhmət, göz yaşı və tərdən ibarətidr. Bunların məcmusuna QƏLƏBƏ ƏZMİ deyilir. Döyüş gedən vaxtı ağlamazlar, sızlamazlar. Qədim Spartada oğlunu müharibəyə yola salan ana qalxanı ona uzadaraq deyirdi: “Qalxanla, ya da qalxan üstə”, yəni “ya qalib ol və əlində qalxan qayıt, ya da döyüşdə həlak ol və səni qalxanın üstündə gətirsinlər”. (O dövrdə döyüşdə yaralananları və ölənləri daşımaq üçün qalxandan xərək kimi də istifadə edirdilər.). İndi hər kəsdən spartalı davranış tələb olunur. Bütün ağrı, acılar döyüşdən sonra, bütün ittihamlar, ”Niyə belə oldu? Elə olmadı?” – sualları döyüşdən sonra. İndi əsas bir hədəf var – Qalib olmaq! Napaleon demiş, “Qələbəsiz heş nə yoxdur, biz yoxuq”. Ən yaxşı TƏSƏLLİ QƏLƏBƏDİR, ən yaxşı MƏLHƏM ZƏFƏR HAYQİrTSIDIR. Qorxaqlar sussun lütfən. Sonra elə anacq onlar danışacaq. Onsuz da onlardan daha çoxu sağ qalır. Döyüşdən sonra danışarlar. İndi susun, imkan olsa etibarlı gizlənin. Məncə qorxaqlardan inciməzlər. Qorxaqlara döyüşə girməyin də bir mənası yoxdur. Ona görə, onlardan inciməzlər. Amma onları mane olanda da tərbiyə etmək vacibdir, vahimə yaratmasınlar. Susun lütfən və mane olmayın!
