CTCC-Caspian Training and Certification Center

21/08/2026

Məmnuniyyətlə bildiririk ki, SOCAR-ın Təlim, Tədris və Sertifikatlaşdırma İdarəsi (CTCC) regionda ilk təlim provayderi olaraq ABŞ-ın Beynəlxalq Qazma Podratçıları Assosiasiyası (IADC) tərəfindən WellSharp proqramı çərçivəsində “Well Servicing Workover Well Control” təliminin keçirilməsi üzrə akkreditasiya əldə etmişdir

Bu istiqamət üzrə TTSİ-nin təlimçisi Müşfiq Şıxəlizadə IADC tərəfindən Instructor və Assessor olaraq təsdiqlənmişdir.

Əldə edilmiş akkreditasiya TTSİ-yə bu təlimi yalnız SOCAR əməkdaşlarına deyil, Baker Hughes, SLB (Schlumberger), Weatherford və digər beynəlxalq neft-qaz servis şirkətlərinə də təqdim etmək imkanı yaradır. Bu isə xidmət və satış portfelinin genişləndirilməsi, yeni müştəri seqmentlərinə çıxış və əlavə kommersiya potensialının formalaşdırılması baxımından mühüm imkanlar açır.

Bu mühüm nailiyyətə verdikləri töhfəyə görə TTSİ-nin Beynəlxalq Əlaqələr şöbəsinin rəisi Əhəd Bayramova və Tədris Resursları şöbəsinin rəis müavini, təlimçi Müşfiq Şıxəlizadəyə təşəkkürümüzü bildiririk.

14/08/2026

230000-ci DINLƏYİCİ

SOCAR Təlim, Tədris və Sertifikatlaşdırma İdarəsində (CTCC) Exemplar Global akkreditasiyalı “İnteqrasiya edilmiş İdarəetmə Sistemləri üzrə Baş Auditor” təlim proqramını uğurla başa vurmuş iştirakçılar üçün sertifikatların təqdimat mərasimi keçirilib.

Tədbirdə SOCAR Təlim, Tədris və Sertifikatlaşdırma İdarəsinin (CTCC) rəisi Fuad Süleymanov və SOCAR Neftqaztikinti Trestinin müdiri Qağaməli Seyfullayev çıxış edərək təlim proqramının əhəmiyyətindən, beynəlxalq tələblərə uyğun auditor hazırlığının təşkilatlar üçün yaratdığı üstünlüklərdən və inteqrasiya edilmiş idarəetmə sistemlərinin effektiv tətbiqində auditorların rolundan danışıblar.

Çıxışlarda vurğulanıb ki, müasir idarəetmə yanaşmalarının əsasını təşkil edən inteqrasiya edilmiş idarəetmə sistemlərinin davamlı təkmilləşdirilməsi və effektiv fəaliyyətinin təmin olunmasında peşəkar auditorlar mühüm əhəmiyyət kəsb edir. Auditorlar yalnız uyğunluğun qiymətləndirilməsi funksiyasını yerinə yetirmir, eyni zamanda risklərin vaxtında müəyyənləşdirilməsi, proseslərin təkmilləşdirilməsi və təşkilati məqsədlərə nail olunmasına töhfə verirlər. Bu baxımdan beynəlxalq akkreditasiyaya malik auditor hazırlığı proqramları müəssisələrdə idarəetmə sistemlərinin inkişafı üçün mühüm platforma hesab olunur.

Proqram çərçivəsində iştirakçılar inteqrasiya edilmiş idarəetmə sistemləri üzrə auditin planlaşdırılması, aparılması, audit sübutlarının qiymətləndirilməsi, audit nəticələrinin təqdim edilməsi və auditor liderliyi istiqamətlərində beynəlxalq tələblərə uyğun bilik və bacarıqlar əldə ediblər.

Tədbir çərçivəsində daha bir əlamətdar hadisə qeyd olunub. SOCAR Təlim, Tədris və Sertifikatlaşdırma İdarəsi (CTCC) tərəfindən təşkil edilən təlim proqramları üzrə iştirakçıların sayı 230000 çatıb.

Sevindirici hal ondan ibarət olub ki, 230000-ci dinləyici Exemplar Global akkreditasiyalı “İnteqrasiya edilmiş İdarəetmə Sistemləri üzrə Baş Auditor” təlim proqramının iştirakçısı, SOCAR Neftqaztikinti Trestinin əməkdaşı Şirinbəyli Nərgizə təqdim edilib. Tədbir iştirakçıları bu əlamətdar hadisəni alqışlarla qarşılayaraq sertifikat sahibini təbrik ediblər.

Sonda təlim proqramını uğurla başa vurmuş iştirakçılara beynəlxalq sertifikatlar təqdim olunub.

07/08/2026

Təlim, Tədris və Sertifikatlaşdırma İdarəsinin Kadr Hazırlığının Təşkili Mərkəzində növbəti “İnteqrasiya edilmiş idarəetmə sistemləri (ISO 9001:2015, ISO 14001:2015, ISO 45001:2018) üzrə Baş Auditor” təliminə start verilib.

Dünyanın 100-dən çox ölkəsində fəaliyyət göstərən Exemplar Global təşkilatı tərəfindən akkreditasiya olunmuş təlim proqramının məqsədi iştirakçılara ISO 9001:2015, ISO 14001:2015 və ISO 45001:2018 standartlarının tələblərini, onların inteqrasiya prinsiplərini və audit fəaliyyətinin beynəlxalq metodologiyasını öyrətməkdir.

Exemplar Global təşkilatının kompetensiya tələblərinə uyğun hazırlanmış proqram çərçivəsində iştirakçıların peşəkar bilik və bacarıqlarının inkişaf etdirilməsi, beynəlxalq səviyyədə tanınan Baş Auditor kimi fəaliyyət göstərə biləcək mütəxəssislərin hazırlanması hədəflənir.

Təlim kursu Təlim, Tədris və Sertifikatlaşdırma İdarəsinin Beynəlxalq Standartların Tətbiqinə Nəzarət Şöbəsinin rəisi, ISO 9001:2015, ISO 14001:2015 və ISO 45001:2018 standartları üzrə Baş Auditor Ramil Nəzərov tərəfindən tədris olunur.

01/08/2026

Ana dilimiz bizi birləşdirən, toxunulmaz sərvətimizdir.

1 Avqust – Azərbaycan Əlifbası və Azərbaycan Dili Günümüz mübarək!



Today, we celebrate Azerbaijani Alphabet and Azerbaijani Language Day.

31/07/2026

29/07/2026

SOCAR Liderlik Akademiyası çərçivəsində keçirilən “9 Addımda Liderlik” proqramını uğurla başa vuran Təlim, Tədris və Sertifikatlaşdırma İdarəsinin əməkdaşlarından ibarət “Enerji Liderləri”nin ilk məzunlarına SOCAR-ın vitse-prezidenti, hörmətli Ziba xanım Mustafayeva tərəfindən sertifikatlar təqdim edilmişdir.

Məzun adını qazanmış bütün əməkdaşlarımızı səmimi qəlbdən təbrik edir, onlara gələcək fəaliyyətlərində uğurlar və yeni nailiyyətlər arzulayırıq.

24/07/2026

SOCAR-ın Təlim, Tədris və Sertifikatlaşdırma İdarəsinin əməkdaşları Elvin Əmrahov və Elmin Məmmədov Böyük Britaniyanın əməyin mühafizəsi və təhlükəsizliyi sahəsində aparıcı peşəkar təşkilatı olan IOSH (Institution of Occupational Safety and Health) tərəfindən Technical Member (TechIOSH) beynəlxalq peşəkar üzvlük dərəcəsinə yüksəldilmişlər.

IOSH tərəfindən aparılmış qiymətləndirmənin nəticəsinə əsasən əməkdaşlarımızın peşəkar bilik, bacarıq və praktiki təcrübəsi beynəlxalq meyarlar əsasında təsdiq edilmiş və onlara TechIOSH statusundan istifadə hüququ verilmişdir.

TechIOSH statusu əməyin mühafizəsi və təhlükəsizliyi sahəsində peşəkar səriştələrin beynəlxalq səviyyədə tanındığını təsdiq edir, həmçinin peşə etikası prinsiplərinə riayət və davamlı peşəkar inkişaf (CPD) öhdəliyini əks etdirir.

Bu nailiyyət TTSİ-də insan kapitalının inkişafı, beynəlxalq peşəkar standartların tətbiqi və əməyin mühafizəsi sahəsində yüksək ixtisaslı mütəxəssislərin hazırlanması istiqamətində həyata keçirilən fəaliyyətin daha bir uğurlu nəticəsidir.

24/07/2026

SOCAR Təlim, Tədris və Sertifikatlaşdırma İdarəsi tərəfindən SOCAR Baş Ofisinin departament rəhbərləri üçün “Ətraf Mühitin İdarə Edilməsi Sisteminin (EMS) Təşkilati Proseslərə İnteqrasiyası: Liderlik, Əməkdaşlıq və Davamlı İnkişaf” mövzusunda təlim keçirilmişdir.

Təlimin əsas məqsədi ISO 14001 beynəlxalq standartının tələblərinə uyğun olaraq Baş Ofisdə tətbiq edilən Ətraf Mühitin İdarə Edilməsi Sisteminin təşkilatın bütün idarəetmə və əməliyyat proseslərinə effektiv inteqrasiyasına dəstək vermək, rəhbər heyətdə ekoloji məsuliyyət, sistemli idarəetmə və davamlı inkişaf prinsipləri üzrə vahid yanaşmanın formalaşdırılmasını təşviq etmək olmuşdur.

Təlim SOCAR Təlim, Tədris və Sertifikatlaşdırma İdarəsinin Beynəlxalq Standartların Tətbiqinə Nəzarət Şöbəsinin rəisi Ramil Nəzərov tərəfindən tədris edilmişdir.

Təlimin sonunda iştirakçılar praktiki çalışma vasitəsilə əldə etdikləri bilik və bacarıqları tətbiq etmiş, mövzular üzrə müzakirələr aparılmış və öyrənmə nəticələrinin qiymətləndirilməsi həyata keçirilmişdir.

SOCAR Təlim, Tədris və Sertifikatlaşdırma İdarəsi tərəfindən beynəlxalq standartların təşkilati fəaliyyətlərə inteqrasiyasına, idarəetmə sistemlərinin təkmilləşdirilməsinə və davamlı inkişaf mədəniyyətinin gücləndirilməsinə yönəlmiş təlimlərin keçirilməsi davam etdirilir.

22/07/2026

151 il əvvəl “Əkinçi” ilə başlayan bu yol bu gün də cəmiyyətimizin maariflənməsində mühüm rol oynayır. 🖊️

22 iyul – Milli Mətbuat Günü münasibətilə ölkəmizdə peşəkar jurnalistikanın inkişafına töhfə verən bütün media nümayəndələrini təbrik edirik.



The journey that began with Akinchi 151 years ago continues to play an important role in the enlightenment of our society today. 🖊️

On 22 July – National Press Day, we congratulate all media professionals who contribute to the advancement of professional journalism in Azerbaijan.

13/07/2026

Təlim, Tədris və Sertifikatlaşdırma İdarəsinin Qobustan Regional Təlim Mərkəzinin böyük mühəndisi Rasim Musayevi 65 illik yubileyi münasibətilə bütün kollektivimiz adından səmimi qəlbdən təbrik edir, ona möhkəm can sağlığı və uğurlar arzulayırıq.