Azərbaycan Qida Təhlükəsizliyi İnstitutu

Azərbaycan Qida Təhlükəsizliyi İnstitutu Azərbaycan Qida Təhlükəsizliyi İnstitutu - publik hüquqi şəxs

🍎 Payızın sevilən meyvələrindən olan alma lif, vitamin və faydalı bitki mənşəli maddələrlə zəngindir. Alma:🔹 Həzmi dəstə...
03/09/2026

🍎 Payızın sevilən meyvələrindən olan alma lif, vitamin və faydalı bitki mənşəli maddələrlə zəngindir.

Alma:
🔹 Həzmi dəstəkləyir, tərkibindəki lif bağırsaqların normal fəaliyyətinə kömək edir.
🔹 Lif və bitki mənşəli maddələr ürək-damar sağlamlığının qorunmasına dəstək olur.
🔹 Antioksidantlarla zəngindir, kversetin və digər faydalı maddələr hüceyrələrin qorunmasına kömək olur.
🔹 Lif karbohidratların sorulmasını yavaşladaraq qan şəkərinin daha sabit qalmasına yardım edir.

Alma yaxşı yuyulduqdan sonra qabığı ilə yeyilə bilər. 🍏 Çünki faydalı lif və bitki mənşəli maddələrin bir hissəsi qabıqda yerləşir.

✨ Gündəlik qidalanmada alma kimi müxtəlif meyvələrə yer vermək sağlam və balanslı qidalanmanın vacib hissəsidir.

📍Heyvanların identifikasiya ilə bağlı miflər və həqiqətlər
03/09/2026

📍Heyvanların identifikasiya ilə bağlı miflər və həqiqətlər

Extra virgin zeytun yağı zeytun yağları arasında ən yüksək keyfiyyət göstəricilərinə malik növdür. 🫒 Meyvədən yalnız mex...
02/09/2026

Extra virgin zeytun yağı zeytun yağları arasında ən yüksək keyfiyyət göstəricilərinə malik növdür. 🫒 Meyvədən yalnız mexaniki üsulla və 27°C-dən aşağı temperaturda (soyuq sıxım) əldə edildiyi üçün tərkibindəki polifenollar və E vitamini daha yaxşı qorunur.

🔬 Tərkibindəki oleik turşusu, güclü antioksidantlar olan polifenollar və E vitamini bu yağın təbii xüsusiyyətlərinin qorunmasına kömək edir.

Extra virgin zeytun yağı güclü aroma və təbii dadına görə salatlar, soyuq yeməklər və hazır yeməklərin üzərinə əlavə etmək üçün ideal seçimdir. Orta temperaturda bişirmə üçün də istifadə oluna bilər. 🥗

💚 Zeytun yağı seçərkən onun istehsal üsuluna və istifadə məqsədinə diqqət yetirin.

“Vahid Sağlamlıq” mentorluq proqramıMüraciət üçün tələblərVətəndaşlıq: Azərbaycan Respublikası vətəndaşıYaş: 16-29 yaş a...
01/09/2026

“Vahid Sağlamlıq” mentorluq proqramı

Müraciət üçün tələblər
Vətəndaşlıq: Azərbaycan Respublikası vətəndaşı
Yaş: 16-29 yaş arası
Təhsil: Ali təhsilin bakalavriat səviyyəsi (hazırlıq ili və 1-ci kurs tələbələri istisna olmaqla)

Orta akademik göstərici:
- 4 ballıq sistemdə ən az 2.5
- 100 ballıq sistemdə ən az 80
Dil biliyi: İngilis dili
- Ən az IELTS 6.5 akademik və ya ekvivalent səviyyədə ingilis dili biliyi və təsdiqedici sənəd

Təhsil istiqamətləri:
- Qida mühəndisliyi/Qida təhlükəsizliyi/Qida texnologiyaları/Qida elmləri
- Baytarlıq/Heyvandarlıq/Heyvan sağlamlığı
- Bitki mühafizəsi/Aqronomiya/Aqrokimya
- İctimai səhiyyə/Qidalanma/Dietologiya

31/08/2026

🛡️ Halal loqosu məhsul və ya xidmətin halal standartlara uyğunluğunu göstərən, istehlakçı etibarını gücləndirən rəsmi nişandır.

Bu loqo yalnız halal uyğunluq sertifikatı almış məhsul və xidmətlərdə AQTİ tərəfindən təsdiqlənmiş qaydalara uyğun şəkildə istifadə oluna bilər. Sertifikatı olmayan məhsullarda halal loqosunun istifadəsi və ya məhsulun halal statusunun həqiqətə uyğun olmayan formada təqdim edilməsi yolverilməzdir.

📦 Məhsul qablaşdırmalarında,
🌐 veb-saytlarda,
📱 sosial media paylaşımlarında,
🎥 videoçarxlarda və broşürlərdə halal loqosunun düzgün tətbiqi brendin etibarlılığını artırır və istehlakçıda güvən yaradır.

Loqonun ölçüsünün, rənginin və dizayn elementlərinin dəyişdirilməsi onun rəsmi statusuna şübhə yarada və istehlakçını çaşdıra bilər. Buna görə də halal loqosu yalnız təsdiq edilmiş rəsmi formatda istifadə edilməlidir. ⚠️

Halal uyğunluq sertifikatı almaq üçün:
💌 [email protected]
📞 1003 Çağrı Mərkəzi

🫐 Yay mövsümündə yetişən meşə və bağ giləmeyvələrindən biri olan böyürtkən yüksək qida dəyəri ilə seçilir.Böyürtkən:🔹 Gü...
28/08/2026

🫐 Yay mövsümündə yetişən meşə və bağ giləmeyvələrindən biri olan böyürtkən yüksək qida dəyəri ilə seçilir.

Böyürtkən:
🔹 Güclü antioksidant tərkibi sayəsində hüceyrələrin zədələnmədən qorunmasına və orqanizmdə iltihabın azalmasına kömək edir.
🔹 C vitamini və digər faydalı maddələr immun sisteminin normal fəaliyyətini dəstəkləyir.
🔹 Tərkibindəki lif bağırsaqların normal fəaliyyətinə və həzmin yaxşılaşmasına kömək olur.
🔹 Antioksidantlar və flavonoidlər damarların sağlamlığının qorunmasına və qan təzyiqinin normal səviyyədə saxlanmasına dəstəkçidir.
🔹 K vitamini, maqnezium və kalsium kimi minerallar sümüklərin normal quruluşunun və möhkəmliyinin qorunmasına yardım edir.

Böyürtkən balanslı qidalanmada vitamin, mineral, lif və antioksidantlarla zəngin, faydalı giləmeyvələrdən biridir. ✨

28/08/2026

Abşeron Regional Sınaq Laboratoriyası müasir standartlara uyğun fəaliyyət göstərərək qida təhlükəsizliyinin təmin olunmasında mühüm rol oynayır. Laboratoriya ISO/IEC 17025:2017 beynəlxalq standartına uyğun fəaliyyət göstərir və alkoqollu içkilər, taxıl məhsulları və digər qida məhsulları üzrə keyfiyyət və təhlükəsizlik sınaqları aparır.

Laboratoriya:
✅ Fiziki-kimyəvi, mikrobioloji və toksikoloji analizlər həyata keçirir.
✅ Vİ1 sertifikatı üçün tələb olunan sınaqları beynəlxalq standartlara uyğun aparır.
✅ İngiltərənin “FAPAS” və “LGC”, Fransanın “Bipea” və digər beynəlxalq laboratoriyaların sınaqlarında yüksək nəticələr əldə edib.

2020-ci ildə AZS ISO/IEC 17025:2009, 2021-ci ildə isə ISO/IEC 17025:2017 standartları üzrə akkreditasiya olunmuş laboratoriya, araq, şərab, pivə və digər məhsullarda keyfiyyət və təhlükəsizlik təminatını təmin edir. 🔬

Qida allergiyası immun sisteminin bəzi qidalarda olan zülallara qarşı həddindən artıq reaksiyasıdır. 🧬 Orqanizm bu zülal...
27/08/2026

Qida allergiyası immun sisteminin bəzi qidalarda olan zülallara qarşı həddindən artıq reaksiyasıdır. 🧬 Orqanizm bu zülalları təhlükə kimi qəbul edir və nəticədə allergik reaksiya yaranır.
🍽️ Ən çox allergiyaya səbəb olan qidalar arasında süd, yumurta, yerfındığı, qoz-fındıq, buğda, soya, balıq və dəniz məhsulları, həmçinin küncüt yer alır.
⚠️ Qida allergiyası zamanı dəridə səpki və qaşınma, üz, dodaq və göz ətrafında şişkinlik, qarın ağrısı, qusma, ishal, nəfəs darlığı və başgicəllənmə kimi əlamətlər müşahidə oluna bilər. Ağır hallarda isə anafilaksiya inkişaf edə bilər.
Simptomlar, adətən, allergen qidanın qəbulundan sonra bir neçə dəqiqə ərzində başlayır və əksər hallarda 2 saatadək müddətdə özünü göstərir. ⏱️
💡 Qida allergiyasının qarşısını almaq üçün allergen qidalardan uzaq durmaq, qida məhsullarının etiketlərini diqqətlə oxumaq və çarpaz çirklənmə riskini nəzərə almaq məsləhətdir.
Güclü allergik reaksiya və ya anafilaksiya şübhəsi olduqda dərhal təcili tibbi yardıma müraciət edilməsi tövsiyə olunur. 🆘

27/08/2026

Zeytun yağı sağlam qidalanmanın əsas hissəsidir. 🥗 Zeytun meyvəsindən əldə olunan bu bitki mənşəli yağ doymamış yağ turşuları, xüsusilə oleik turşusu, E vitamini və güclü antioksidantlar olan polifenollarla zəngindir. ✨

💚 Bu tərkib hüceyrələri oksidləşdirici zədələnmədən qorumağa, orqanizmin normal fəaliyyətinə və balanslı qidalanmanı dəstəkləməyə kömək edir.

Yağın keyfiyyəti yalnız zeytunun növündən deyil, həm də istehsal prosesindən asılıdır. 📌 Aşağı temperaturda aparılan “soyuq sıxım” üsulu faydalı maddələri maksimum qoruyur.

🌿 Zeytun yağının növünə görə istifadə sahəsi dəyişir: bəziləri salat və çiy istifadə üçün, bəziləri isə yüksək temperaturda bişirmə üçün daha uyğundur.

Düzgün seçilmiş zeytun yağı yeməyə həm ləzzət qatır, həm də qidanın faydasını artırır. ✅

26 Avqust - Laçın şəhəri günüdür.Qədim tarixə, zəngin mədəniyyətə və möhtəşəm təbiətə malik doğma Laçın bu gün inkişaf v...
26/08/2026

26 Avqust - Laçın şəhəri günüdür.

Qədim tarixə, zəngin mədəniyyətə və möhtəşəm təbiətə malik doğma Laçın bu gün inkişaf və bərpa mərhələsini yaşayır. 🌿

Address

Suleyman Sani Axundov 73C
Baku

Opening Hours

Monday 09:30 - 18:30
Tuesday 09:30 - 18:30
Wednesday 09:30 - 18:30
Thursday 09:30 - 18:30
Friday 09:30 - 18:30

Telephone

+994123770020

Website

Alerts

Be the first to know and let us send you an email when Azərbaycan Qida Təhlükəsizliyi İnstitutu posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Azərbaycan Qida Təhlükəsizliyi İnstitutu:

Shortcuts

Share

Category