Səfərbərlik və Hərbi Xidmətə Çağırış üzrə Dövlət Xidməti

06/09/2026

05/09/2026

04/09/2026

Qalib ölkənin əsgəri olmaq şərəf, qürur və Vətən qarşısında müqəddəs məsuliyyətdir. 🇦🇿

03/09/2026

3 sentyabr - Ümummilli Lider Heydər Əliyevin Naxçıvan Muxtar Respublikası Ali Məclisinin Sədri seçilməsindən 35 il ötür.

02/09/2026

Azərbaycan Respublikasının Prezidenti İlham Əliyev sentyabrın 2-də Azərbaycan Respublikası vətəndaşlarının 2026-cı il oktyabrın 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında Sərəncam imzalayıb. 2008-ci ildə doğulmuş və çağırış gününədək (həmin gün də daxil olmaqla) 18 yaşı tamam olmuş, habelə 1996–2007-ci illərdə doğulmuş, yaşı 30-dək olan, Azərbaycan Respublikasının Silahlı Qüvvələrində müddətli həqiqi hərbi xidmət keçməmiş, müddətli həqiqi hərbi xidmətə çağırışdan möhlət hüququ olmayan və ya müddətli həqiqi hərbi xidmətə çağırışdan azad edilməmiş Azərbaycan Respublikası vətəndaşları 2026-cı il oktyabrın 1-dən 30-dək müddətli həqiqi hərbi xidmətə çağırılacaqlar. Həmçinin “Hərbi vəzifə və hərbi xidmət haqqında” Azərbaycan Respublikası Qanununun 38.1.1-ci maddəsində nəzərdə tutulmuş xidmət müddətini keçmiş müddətli həqiqi hərbi xidmət hərbi qulluqçuları 2026-cı il oktyabrın 1-dən 30-dək ehtiyata buraxılacaqlar.

02/09/2026

Səfərbərlik və Hərbi Xidmətə Çağırış üzrə Dövlət Xidmətinə aşağıdakı vakansiyalar üzrə həkim mütəxəssislər və tibb işçiləri tələb olunur:

-Həkim-otorinolarinqoloq
-Həkim-cərrah
-Elektrokardioqrafiya
-Exokardioqrafiya
-Elektroensefaloqrafiya-funksional diaqnostika

Vakansiyalar üzrə müraciət etmək istəyənlər [email protected] elektron poçtuna yaza və ya anketi (https://exidmet.seferberlik.gov.az/Security/Login/Index/?ReturnUrl=/Application/PreLoadIndex?serviceId=1&serviceId=1) doldura bilərlər.

📌Qeyd edək ki, müraciət zamanı şəxsiyyət vəsiqəsinin fərdi identifikasiya nömrəsini yazmaq mütləqdir. Ətraflı məlumat üçün 📞9100 "Çağrı" mərkəzi ilə əlaqə saxlaya bilərsiniz.

✔️Namizədlərin seçimi zamanı kliniki təcrübəsi olan namizədlərə üstünlük veriləcəkdir.

01/09/2026

Hörmətli izləyicilər,

Səfərbərlik və Hərbi Xidmətə Çağırış üzrə Dövlət Xidmətinin rəsmi "İnstagram" hesabı aktiv şəkildə fəaliyyət göstərir.

Aşağıdakı link, eyni zamanda QR kod vasitəsilə bizi izləyərək Xidmətin fəaliyyəti ilə bağlı yeniliklər və məlumatlarla tanış ola bilərsiniz.

https://www.instagram.com/seferberlikaz

30/08/2026

30 avqust - Zəfər Bayramı və Türk Silahlı Qüvvələri Günüdür.🇦🇿🇹🇷

Qardaş Türkiyə xalqını əlamətdar gün münasibətilə təbrik edirik!

29/08/2026

❓Rəsmi iş yeri olan vətəndaşlara doktorantura təhsili ilə bağlı möhlət verilirmi?

✔️“Hərbi vəzifə və hərbi xidmət haqqında” Azərbaycan Respublikası Qanununun 21.1.7-ci maddəsinə əsasən əyani təhsilalma formasında doktoranturada (adyunkturada) təhsil alanlara – təhsilini bitirənədək müddətli həqiqi hərbi xidmətə çağırışdan möhlət verilir. "Doktoranturaların yaradılması və doktoranturaya qəbul Qaydaları" nın təsdiq edilməsi haqqında Azərbaycan Respublikasının Nazirlər Kabinetinin 1 iyul 2010-cu il tarixli 129 nömrəli Qərarının 1.4-cü bəndinə əsasən doktoranturada təhsilalma əyani (istehsalatdan ayrılmaqla) və qiyabi (istehsalatdan ayrılmamaqla) formalar üzrə həyata keçirilir. Yəni, doktorantura pilləsində əyani təhsil alan çağırışçı istehsalatdan (iş yerindən) ayrılmaqla təhsil ala bilər. Qaydaların 3.35-ci bəndinə əsasən, əyani təhsil alan doktorantlar elmi rəhbərin razılığı ilə təhsil aldıqları ali təhsil müəssisəsi, elmi müəssisə və təşkilatda 0,5 ştat vahidi ilə müvafiq elmi və ya elmi-pedaqoji işlərə cəlb oluna bilərlər.