Azərbaycan Rəssamlıq Akademiyası

Azərbaycan Rəssamlıq Akademiyası Azərbaycan Rəssamlıq Akademiyası. Rəsmi səhifə. Azərbaycan, Bakı şəhəri, Heydər Əliyev prospekti 24

[email protected]
https://ara.edu.az

Azərbaycan Rəssamlıq Akademiyasının "Rəngkarlıq", "Qrafika" və "Heykəltaraşlıq" ixtisaslarının tələbələri yay təcrübəsi ...
02/06/2026

Azərbaycan Rəssamlıq Akademiyasının "Rəngkarlıq", "Qrafika" və "Heykəltaraşlıq" ixtisaslarının tələbələri yay təcrübəsi çərçivəsində etüdlər üzərində çalışırlar.

Bu məşğələlər tələbələrin müşahidə bacarıqlarının, forma və rəng duyumunun, eləcə də kompozisiya düşüncəsinin inkişaf etdirilməsində mühüm rol oynayır. Tələbələr ətraf mühiti və təbiəti sənət dilində ifadə etməklə nəzəri biliklərini praktik yaradıcılıq fəaliyyəti ilə möhkəmləndirirlər.

Peşəkar rəssam hazırlığında mühüm yer tutan bu proses gənc sənətkarların fərdi yaradıcılıq baxışlarının formalaşmasına da töhfə verir.

28 May — xalqımızın azadlıq iradəsinin, dövlətçilik ənənəsinin və milli qürurunun təntənəsidir. 🇦🇿Müstəqilliyimizin təmə...
28/05/2026

28 May — xalqımızın azadlıq iradəsinin, dövlətçilik ənənəsinin və milli qürurunun təntənəsidir. 🇦🇿

Müstəqilliyimizin təməlini qoyan Azərbaycan Xalq Cümhuriyyətinin yaranmasının 108-ci ildönümü münasibətilə hər kəsi təbrik edirik!
Yaşasın müstəqil Azərbaycan!

Qurban Bayramınız Mübarək!
27/05/2026

Qurban Bayramınız Mübarək!

Azərbaycan Respublikasının Xalq rəssamı, UNESCO yanında Rəssamlar Birliyinin üzvü, Azərbaycan manatının ilk eskizlərinin...
26/05/2026

Azərbaycan Respublikasının Xalq rəssamı, UNESCO yanında Rəssamlar Birliyinin üzvü, Azərbaycan manatının ilk eskizlərinin müəllifi, Azərbaycan Rəssamlıq Akademiyasının “Bədii toxuculuq və xalça sənəti” kafedrasının dosenti, Eldar Mikayılzadə Azərbaycan Respublikasının Prezidenti İlham Əliyevin Sərəncamı ilə mədəniyyət sahəsindəki xidmətlərinə görə Dövlət Mükafatına layiq görülüb.

Azərbaycan xalça sənətini yalnız milli ornamental yaddaş kimi deyil, fəlsəfi-estetik düşüncə sistemi kimi dünyaya təqdim edən Eldar Mikayılzadə öz yaradıcılığı ilə milli dekorativ-tətbiqi sənətimizin inkişafında mühüm mərhələ formalaşdırmış sənətkarlardandır.

Onun müəllifi olduğu “Azərbaycan xalçası – ilmələrin rəqsi”, “Xəmsə” silsilələri və “Səmavi dinlər” triptixi milli xalça sənətinin bədii imkanlarını yeni məzmunda təqdim edən, yüksək peşəkarlıq, dərin ideya, estetik yük və monumental bədii həll ilə seçilən nadir sənət nümunələridir. Bu əsərlər təkcə dekorativ sənət nümunəsi deyil, Azərbaycanın mədəni yaddaşını, mənəvi irsini və milli kimliyini yaşadan sənət manifestidir.

Eldar Mikayılzadənin Dövlət Mükafatına layiq görülməsi Azərbaycan xalça sənətinə, milli mədəniyyətimizə və bu sənətin gələcək nəsillərə ötürülməsi istiqamətində aparılan böyük missiyaya verilən yüksək dəyərin göstəricisidir.

Azərbaycan Rəssamlıq Akademiyası olaraq dəyərli müəllimimizi, görkəmli sənətkarımızı bu ali mükafat münasibətilə səmimi-qəlbdən təbrik edir, ona möhkəm can sağlığı, yeni yaradıcılıq uğurları və Azərbaycan təsviri-dekorativ sənətinin inkişafı naminə davamlı nailiyyətlər arzulayırıq.

25/05/2026

AzRA tələbələri WUF13-də uğurla iştirak ediblər ✨

Azərbaycan Rəssamlıq Akademiyasının tələbələri “Azərxalça” ASC ilə əməkdaşlıq çərçivəsində BMT-nin nüfuzlu platformalarından biri olan Ümumdünya Şəhərsalma Forumunun 13-cü sessiyasında (WUF13) Akademiyamızı uğurla təmsil ediblər.

Forum çərçivəsində 9 tələbəmiz 5 gün boyunca səhər saatlarından axşama qədər fasiləsiz yaradıcılıq prosesində iştirak edərək kətan üzərində canlı sənət nümunələri ərsəyə gətirib, yerli və xarici qonaqlar qarşısında Azərbaycan təsviri sənətini nümayiş etdiriblər.

Bununla yanaşı, Akademiyamızın müxtəlif ixtisaslarında təhsil alan digər tələbələr də WUF13-də həm könüllü, həm də rəsmi heyət üzvü kimi aktiv fəaliyyət göstərərək beynəlxalq tədbirin təşkilati prosesinə töhfə veriblər.

Tələbələrimizin beynəlxalq platformalarda nümayiş etdirdiyi peşəkarlıq, yaradıcılıq və məsuliyyət hissi Azərbaycan Rəssamlıq Akademiyasının gənc sənətçilərinin potensialını bir daha nümayiş etdirib.

25 may 2026-cı il tarixində Azərbaycan Rəssamlıq Akademiyasında Elmi Şuranın növbəti iclası keçirilib.İclası Akademiyanı...
25/05/2026

25 may 2026-cı il tarixində Azərbaycan Rəssamlıq Akademiyasında Elmi Şuranın növbəti iclası keçirilib.

İclası Akademiyanın rektoru, Elmi Şuranın sədri, Xalq rəssamı, professor Natiq Əliyev açaraq Akademiyanın beynəlxalq fəaliyyəti, tələbələrinin nailiyyətləri və yaradıcılıq layihələrinin əhəmiyyətini vurğulayıb.
İclasın əvvəlində Akademiyanın son dövrdə iştirak etdiyi beynəlxalq forumlar, sərgilər və əməkdaşlıqlarla bağlı məlumat verilib. Qeyd olunub ki, AzRA nümayəndə heyəti AzMİU tərəfindən təşkil olunan Dizayn Həftəsində iştirak edib, tərəflər arasında əməkdaşlıq memorandumu imzalanıb. Həmçinin Akademiya tələbələrinin Ümumdünya Şəhərsalma Forumunun 13-cü sessiyası, III Beynəlxalq Xalça Festivalı və Türk Dövlətləri Təşkilatına üzv ölkələrin QHT-lərinin II Həmrəylik Forumunda Akademiyanı uğurla təmsil etdiyi diqqətə çatdırılıb.

Daha sonra gündəlikdə duran məsələlər müzakirə olunub. Ümumi işlər üzrə prorektor Anar Nəsibov Akademiyada nizam-intizam mühitinin təkmilləşdirilməsi istiqamətində görülən işlər barədə çıxış edib, Baş mühasib Rəşadət Məhərrəmov isə 2025-ci il üzrə maliyyə hesabatını təqdim edib.
“Qiymətləndirmə və imtahan” şöbəsinin müdiri Aytən Muradlı imtahan sessiyasına hazırlıq və qiymətləndirmə prosesinin gedişatı barədə məlumat verib. Fakültə dekanları Nərminə Rzayeva və Nigar Məmmədova, həmçinin müvafiq kafedra müdirləri tərəfindən buraxılış yaradıcılıq işlərinin mövzuları və icra vəziyyəti ilə bağlı təqdimatlar səsləndirilib.
Daha sonra Tədris işləri üzrə prorektor v.m.i.e Limunə Yadigarova Elmi-metodiki şuranın fəaliyyəti, "Keyfiyyət təminatı və monitorinq" şöbəsinin müdiri Kəmalə İslamova isə strateji inkişaf planının icrası və keyfiyyət təminatı mexanizmlərinin tətbiqi ilə bağlı hesabat təqdim edib.
“Təcrübə və məzunlarla iş” bölməsinin rəhbəri Səidə Qulubəyova yay tədris yaradıcılıq təcrübəsinin təşkili, İncəsənət kollecinin direktoru Elşad Əhmədov isə kollecin fəaliyyəti və tədrisin təşkili ilə bağlı illik hesabatla çıxış edib.
İclasın sonunda gündəlikdə yer alan məsələlər üzrə qərarlar qəbul olunub və aidiyyəti struktur bölmələrə tapşırıqlar verilib.

Azərbaycan təsviri sənətinin görkəmli nümayəndəsi, dünya şöhrətli rəssam, SSRİ Xalq rəssamı, Azərbaycan Respublikasının ...
21/05/2026

Azərbaycan təsviri sənətinin görkəmli nümayəndəsi, dünya şöhrətli rəssam, SSRİ Xalq rəssamı, Azərbaycan Respublikasının Xalq rəssamı Tahir Salahovun anım günü münasibətilə Azərbaycan Rəssamlıq Akademiyasının rəhbərliyi tərəfindən Fəxri xiyabanda sənətkarın məzarı ziyarət olunub, xatirəsi dərin ehtiramla yad edilərək məzarı önünə əklil qoyulub.

XX əsr Azərbaycan rəssamlıq məktəbinin ən monumental simalarından biri olan Tahir Salahov milli təsviri sənətimizin sərhədlərini aşaraq dünya incəsənət məkanında Azərbaycan adını böyük nüfuzla təmsil edən sənətkarlardandır. Onun yaradıcılığı yalnız rəng və kompozisiyanın deyil, həm də xarakterin, iradənin və bütöv bir dövrün bədii salnaməsi kimi qiymətləndirilir.

“Təmirçilər”, “Səhər eşelonu”, “Abşeron qadınları”, “Neftçi” kimi əsərləri ilə sərt üslubun ən qüdrətli nümayəndələrindən birinə çevrilən Tahir Salahov insan əməyinin poetikasını, Azərbaycan insanının daxili gücünü və mənəvi bütövlüyünü bənzərsiz sənət dili ilə ifadə edib. Onun fırçasında Abşeronun sərt nəfəsi, Xəzərin ritmi, neftçi zəhməti və milli ruh bütöv bir estetik məktəbə çevrilib.

Tahir Salahov yalnız böyük rəssam deyil, həm də beynəlxalq nüfuza malik görkəmli sənət xadimi, pedaqoq və mədəniyyət diplomatı idi. O, Rusiya Rəssamlıq Akademiyasının vitse-prezidenti, SSRİ Rəssamlıq Akademiyasının həqiqi üzvü, Sosialist Əməyi Qəhrəmanı olmuş, Azərbaycanın ali dövlət təltifi olan “İstiqlal” və “Şərəf” ordenlərinə layiq görülmüş, həmçinin dünya mədəniyyətinə verdiyi misilsiz töhfələrə görə UNESCO-nun nüfuzlu Pikasso medalı və Fransa Respublikasının İncəsənət və Ədəbiyyat Ordeni ilə təltif edilmişdir.

Böyük sənətkarın zəngin yaradıcılığı və sənət fəlsəfəsi bu gün də Azərbaycan təsviri sənətinin inkişafında mühüm məktəb, yeni nəsil rəssamlar üçün isə tükənməz ilham mənbəyi olaraq yaşayır. Azərbaycan Rəssamlıq Akademiyası Tahir Salahovun əziz xatirəsini dərin ehtiramla yad edir, onun milli və dünya incəsənətində qoyduğu silinməz iz qarşısında baş əyir.

Azərbaycan Rəssamlıq Akademiyasının "Memarlıq və Dizayn" fakültəsi "Dekorativ-tətbiqi sənət" və "Təsviri incəsənət müəl...
19/05/2026

Azərbaycan Rəssamlıq Akademiyasının "Memarlıq və Dizayn" fakültəsi "Dekorativ-tətbiqi sənət" və "Təsviri incəsənət müəllimliyi" ixtisaslarının tələbələri Bakı şəhərində keçirilən Ümumdünya Şəhərsalma Forumu — WUF13 çərçivəsində ölkəmizi və milli incəsənətimizi yaradıcılıq fəaliyyəti ilə təmsil edir.

“Azərxalça” ASC və Azərbaycan Rəssamlıq Akademiyası arasında əməkdaşlıq çərçivəsində həyata keçirilən layihə əsasında tələbələr forum müddətində kətan üzərində rəsm əsərləri hazırlayaraq Azərbaycan memarlığını, xalçaçılıq sənətinin, milli ornamentlərin və zəngin mədəni irsimizin müasir bədii interpretasiyasını beynəlxalq auditoriyaya təqdim edirlər.

Dünyanın müxtəlif ölkələrindən dövlət nümayəndələri, memarlar, şəhərsalma mütəxəssisləri və qonaqları bir araya gətirən WUF13 urbanizasiya və dayanıqlı şəhər inkişafı istiqamətində qlobal platformalardan biri olmaqla yanaşı, ölkələrin mədəni kimliyinin nümayiş etdirildiyi mühüm beynəlxalq tədbir kimi də xüsusi əhəmiyyət daşıyır.

Forum çərçivəsində tələbələrimizin iştirakı Azərbaycan gəncliyinin yaradıcı potensialının, milli dekorativ-tətbiqi sənət ənənələrinin və müasir bədii düşüncəsinin beynəlxalq müstəvidə tanıdılması baxımından mühüm rol oynayır.
Azərbaycan Rəssamlıq Akademiyası tələbələrinin belə nüfuzlu beynəlxalq platformalarda iştirakı onların peşəkar təcrübəsinin formalaşmasına və milli mədəniyyətimizin beynəlxalq səviyyədə təbliğinə mühüm töhfə verir.

Azərbaycan Rəssamlıq Akademiyasının "Rəngkarlıq" ixtisası tələbələri Gülüstan Sarayında keçirilən Türk Dövlətləri Təşkil...
17/05/2026

Azərbaycan Rəssamlıq Akademiyasının "Rəngkarlıq" ixtisası tələbələri Gülüstan Sarayında keçirilən Türk Dövlətləri Təşkilatına üzv ölkələrin QHT-lərinin II Həmrəylik Forumunda iştirak ediblər.

Forum çərçivəsində Akademiyanın tələbələri Qarabağ xalçalarının bənzərsiz motivləri əsasında hazırlanmış rəsm nümunələrini təqdim edərək Azərbaycan mədəniyyətini, milli-mənəvi dəyərlərimizi və zəngin bədii irsimizi uğurla təmsil ediblər.

Qeyd edək ki, təqdim olunan əsərlər III Beynəlxalq Xalça Festivalında da Qarabağ Dirçəliş Fondu və Azərbaycan Rəssamlıq Akademiyasının birgə əməkdaşlığı çərçivəsində nümayiş etdirilərək tamaşaçılar tərəfindən böyük maraqla qarşılanmışdır.

Azərbaycan Rəssamlıq Akademiyasının “Akademik rəngkarlıq və kompozisiya” kafedrasının baş müəllimi Səbuhi Atababayev növ...
15/05/2026

Azərbaycan Rəssamlıq Akademiyasının “Akademik rəngkarlıq və kompozisiya” kafedrasının baş müəllimi Səbuhi Atababayev növbəti dəfə Azərbaycan kino sənayesində uğurlu yaradıcılıq fəaliyyəti ilə diqqət mərkəzindədir.

Mayın ayında Heydər Əliyev Mərkəzində “Tağıyev IV: Məktəb” bədii filminin təqdimatı keçirilib. Nümayişdə Bakı Media Mərkəzinin rəhbəri Arzu Əliyeva, Leyla Əliyeva, Alena Əliyeva, hökumət rəsmiləri, mədəniyyət və incəsənət xadimləri, eləcə də çoxsaylı qonaqlar iştirak ediblər.

Filmdə quruluşçu rəssam kimi yer alan Səbuhi Atababayev, ekran əsərinin bədii-estetik konsepsiyasının formalaşdırılmasında mühüm rol oynayıb. Tarixi atmosferin, dövr ruhunun və vizual həllərin peşəkar şəkildə təqdim olunması onun yaradıcılıq işinin növbəti uğurlu nümunələrindən biri kimi qiymətləndirilir.

Qeyd edək ki, S.Atababayevin quruluşçu rəssam kimi yer aldığı “Tağıyev: Neft” filmi 98-ci “Oscar” mükafatlarında “Ən yaxşı beynəlxalq bədii film” kateqoriyası üzrə Azərbaycanın rəsmi namizədi seçilib, həmçinin Los-Ancelesdə təqdim olunub. Film beynəlxalq “Dehancer Colourist Awards 2024” festivalında “Filmdə ən yaxşı rəng korreksiyası” nominasiyası üzrə qalib gəlib.

Səbuhi Atababayev “Tağıyev” layihəsindəki yüksək peşəkarlığına görə 2025-ci ildə Azərbaycan Kinorejissorlar Gildiyasının “Qızıl Pəri” mükafatına, Azərbaycan Kinematoqrafçılar İttifaqının “Filmdə ən yaxşı rəssam işi” və Azərbaycan Kinokritiklər Gildiyasının “Tarixi filmdə ən yaxşı rəssam işi” mükafatlarına layiq görülüb.

Azərbaycan Rəssamlıq Akademiyası olaraq müəllimimiz Səbuhi Atababayevi təbrik edir, Azərbaycan kino sənətindəki uğurlarının davamlı olmasını arzulayırıq.

Address

Heydər Əliyev Pros. 24
Baku
AZ1029

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

(012) 566-56-69

Website

Alerts

Be the first to know and let us send you an email when Azərbaycan Rəssamlıq Akademiyası posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Azərbaycan Rəssamlıq Akademiyası:

Shortcuts

Share