Bakı Dövlət Universiteti

03/06/2026

📌 Müdafiə Sənayesi Nazirliyi və Elm və Təhsil Nazirliyinin birgə əməkdaşlığı çərçivəsində həyata keçirilən “Mühəndis Hazırlığı və Müdafiə Sənayesi Ekosisteminin İxtisaslaşmış Akademik Tədris Proqramı”nın 2026–2027-ci tədris ilinin payız semestri üzrə tələbə qəbulunun müddəti müraciət saylarının çoxluğu nəzərə alınaraq iyunun 10-u saat 23:59-dək uzadılıb.

ℹ️ “Mühəndis Hazırlığı və Müdafiə Sənayesi Ekosisteminin İxtisaslaşmış Akademik Tədris Proqramı” çərçivəsində tələbələr nəzəri biliklərini praktiki mühitdə tətbiq etmək, real layihələr üzərində çalışmaq, həmçinin Müdafiə Sənayesi Nazirliyinin tabeliyində fəaliyyət göstərən müəssisə və laboratoriyalarla yaxından tanış olmaq imkanı əldə edəcəklər.

🔹 Proqram iştirakçıları müasir mühəndislik yanaşmaları və müdafiə sənayesi istiqamətində ixtisaslaşmış bilik və bacarıqlar qazanacaq, innovativ istehsal və texnoloji proseslərlə bağlı praktiki təcrübə əldə edəcəklər.

🔸 Müraciət şərtləri: Proqrama yalnız formda qeyd olunan ali təhsil müəssisələrində müvafiq ixtisaslar üzrə təhsil alan II kurs tələbələri müraciət edə bilərlər. Namizədlərin ümumi orta müvəffəqiyyət göstəricisi (ÜOMG) 71 baldan yuxarı olmalıdır.

🔹 Seçim mərhələləri: Seçim prosesi 4 mərhələdən ibarətdir:

I. Qeydiyyat mərhələsi
Tələbələrin müraciətləri onlayn platforma vasitəsilə qəbul olunur və ilkin məlumatlar sistemə daxil edilərək qeydiyyata alınır.

II. Akademik göstəricilərin qiymətləndirilməsi
Tələbələrin təhsil göstəriciləri və ümumi akademik nəticələri ilkin mərhələdə qiymətləndirilir.

III. Test mərhələsi
Seçilmiş tələbələrin məntiqi və riyazi biliklərinin yoxlanılması məqsədilə test imtahanı keçirilir.

IV. Müsahibə mərhələsi
Test mərhələsini uğurla keçən namizədlər müsahibə mərhələsinə dəvət olunurlar. Tələbələrin qiymətləndirilməsi universitetə qəbul balı, ümumi orta müvəffəqiyyət göstəricisi (ÜOMG), test imtahanı nəticələri və müsahibə mərhələsində əldə olunan balların cəmi əsasında həyata keçirilir.

🔸 İlkin mərhələni uğurla keçən namizədlərə növbəti mərhələ barədə ətraflı məlumat elektron poçt vasitəsilə göndəriləcək.

🗓️ Son müraciət tarixi: 10.06.2026, saat 23:59

🔗 Qeydiyyat linki:
https://forms.office.com/pages/responsepage.aspx?id=xWiCFKIjr0Wmu7fIaODj2JggMMTMEU1Ohf0mPhCADBVUOVVaSjhTQUxZQlRBWkk2SE83MkVXVzREQy4u&route=shortur

03/06/2026

Bakı Dövlət Universiteti (BDU) və Qərbi Azərbaycan İcmasının (QAİ) birgə təşkilatçılığı ilə “Qərbi Azərbaycana qayıdış: milli ideyanın yeni mərhələsi kimi” mövzusunda I Beynəlxalq elmi konfrans öz işini panel sessiyalarla davam etdirir.

“Qayıdış və regionun yeni sülh arxitekturası” mövzusunda panel sessiyasının moderatoru Milli Məclisin Elm və təhsil komitəsinin sədr müavini, ADA Universitetinin prorektoru Fariz İsmayılzadə olub.

Moderator tədbirin əsas məqsədinin Qərbi Azərbaycana Qayıdış Konsepsiyasının regional sülh gündəliyi, beynəlxalq hüquq, tarixi ədalət və müasir geosiyasi reallıqlar kontekstində müzakirəsi olduğunu vurğulayıb. O qeyd edib ki, Prezident İlham Əliyevin irəli sürdüyü Qayıdış Konsepsiyası yalnız tarixi yaddaşın bərpasına deyil, həm də Cənubi Qafqazda davamlı sülhün və qarşılıqlı etimadın formalaşmasına xidmət edir. Fariz İsmayılzadə bildirib ki, bu gün Azərbaycan postmünaqişə dövrünün əsas aktorlarından biri kimi regionun yeni təhlükəsizlik və əməkdaşlıq modelinin formalaşdırılmasında mühüm rol oynayır.

Paneldə ADA Universitetinin İctimai və Beynəlxalq Münasibətlər Məktəbinin professoru Daniel Pommier Vincelli, Türkiyə Böyük Millət Məclisinin deputatı, Türkiyə–Azərbaycan Parlamentlərarası Dostluq Qrupunun sədri Şamil Ayrım, Qərbi Kaspi Universitetinin beynəlxalq münasibətlər üzrə eksperti Şeraz Mahmud Xan, Bakı Dövlət Universitetinin Beynəlxalq münasibətlər kafedrasının dosenti Fərhad Hüseynov çıxış ediblər. Çıxışlarda Qərbi Azərbaycan məsələsinin beynəlxalq səviyyədə tanıdılması və qayıdış hüququnun dünya ictimaiyyətinə çatdırılması yolları nəzərə çatdırılıb. Gələcəkdə azərbaycanlıların Qərbi Azərbaycana qayıdaraq ermənilərlə yanaşı, sülh və qarşılıqlı hörmət şəraitində yaşamasının regionun uzunmüddətli sabitliyi üçün vacib amillərdən biri olduğu diqqətə çatdırılıb. Qərbi Azərbaycana qayıdış ideyasının regional sülh, əməkdaşlıq və inteqrasiya proseslərinin mühüm tərkib hissəsi olduğu vurğulanıb.

Ətraflı: http://bsu.edu.az/az/news/qrbi_azrbaycana_qayd_milli_ideyann_yeni_mrhlsi_kimi_mvzusunda_beynlxalq_konfrans_davam_edir

03/06/2026

✍️ BDU və Qərbi Azərbaycan İcması arasında əməkdaşlıq haqqında memorandum imzalanıb

ℹ️ Bakı Dövlət Universiteti (BDU) və Qərbi Azərbaycan İcmasının (QAİ) birgə təşkilatçılığı ilə keçirilən “Qərbi Azərbaycana qayıdış: milli ideyanın yeni mərhələsi kimi” mövzusunda I Beynəlxalq elmi konfrans çərçivəsində mühüm əməkdaşlıq sənədi imzalanıb. BDU ilə QAİ əməkdaşlıq haqqında anlaşma memorandumu imzalayıb.

🔹 Memorandumun əsas məqsədi BDU və QAİ arasında elm, təhsil, tədqiqat, mədəni irsin qorunması və təbliği, tarixi yaddaşın öyrənilməsi, insan kapitalının inkişafı və ümumi maraq doğuran digər sahələr üzrə əməkdaşlıq münasibətlərinin qurulması, genişləndirilməsi və inkişaf etdirilməsidir.

🔸 Bu əməkdaşlıq Qərbi Azərbaycanın tarixi, coğrafiyası, demoqrafiyası, etnoqrafiyası, mədəni irsi, toponimiyası, hüquqi məsələləri və digər əlaqəli istiqamətlər üzrə birgə elmi tədqiqatların aparılması, maddi, qeyri-maddi mədəni irsin araşdırılması, sənədləşdirilməsi, qorunması və geniş ictimaiyyətə çatdırılmasında birgə fəaliyyətin həyata keçirilməsini nəzərdə tutur.

03/06/2026

Bakı Dövlət Universiteti (BDU) və Qərbi Azərbaycan İcmasının (QAİ) birgə təşkilatçılığı ilə “Qərbi Azərbaycana qayıdış: milli ideyanın yeni mərhələsi kimi” mövzusunda I Beynəlxalq elmi konfrans keçirilir.

Tədbirdən əvvəl konfrans iştirakçıları Fəxri xiyabanda Ulu Öndər Heydər Əliyevin məzarını ziyarət ediblər. Ulu Öndərin xatirəsi dərin hörmət və ehtiramla yad olunub.

Tədbir Dövlət himninin səsləndirilməsi ilə başlayıb. Ümummilli Lider Heydər Əliyevin və Azərbaycan Respublikasının ərazi bütövlüyü uğrunda canlarından keçən şəhidlərimizin əziz xatirələri bir dəqiqəlik sükutla yad edilib.

Açılış mərasimində çıxış edən BDU rektoru Elçin Babayev qeyd edib ki, Azərbaycan xalqı son illərdə öz tarixinin ən mühüm mərhələlərindən birini yaşayır. 2020-ci ildə əldə edilmiş tarixi Zəfər ölkəmizin ərazi bütövlüyünün bərpası istiqamətində dönüş nöqtəsi olub. 2023-cü ildə isə Azərbaycan bütün əraziləri üzərində dövlət suverenliyini tam təmin edib. Hazırda işğaldan azad edilmiş torpaqlarda şəhərlər, kəndlər yenidən qurulur, insanlar doğma yurdlarına qayıdır, həyat bərpa olunur. Ölkəmizin qazandığı tarixi qələbələr Qərbi Azərbaycandan müxtəlif dövrlərdə zorla çıxarılmış, öz tarixi torpaqlarından didərgin salınmış soydaşlarımızın taleyini bir daha gündəmə gətirir. Rektor Azərbaycan Respublikasının Prezidenti İlham Əliyevin “Söhbət tanklarla qayıdışdan getmir – söhbət avtomobillərlə, sülh yolu ilə, ləyaqətli və təhlükəsiz qayıdışdan gedir” fikrinin yeni dövrün fəlsəfəsi və qarşımızda dayanan yol xəritəsi olduğunu bildirib: “XXI əsrdə tarixi ədalət yalnız güclə deyil, hüquq, diplomatiya, beynəlxalq mexanizmlər və sülh gündəliyi ilə təmin olunur. 2022-ci il dekabrın 24-də Prezident İlham Əliyevin Qərbi Azərbaycan İcmasının inzibati binasının açılışı zamanı ziyalılarla görüşü bu baxımdan xüsusi əhəmiyyət daşıyır. Həmin görüşdə qayıdışın ideoloji, siyasi və hüquqi konturları daha aydın şəkildə ifadə edildi. Sonrakı mərhələdə formalaşdırılmış Qayıdış Konsepsiyası isə bu istiqamətdə aparılan fəaliyyətin nəzəri və praktik əsaslarını müəyyən edən mühüm sənədə çevrildi. Qərbi Azərbaycana qayıdış məsələsi yalnız milli gündəlik deyil, beynəlxalq humanitar hüquq, insan hüquqları, öz torpaqlarından didərgin düşmüş soydaşlarımızın geri dönüşü kontekstində araşdırılması vacib olan elmi istiqamətlərdir. Azərbaycan artıq münaqişədən çıxmış ölkə deyil. Azərbaycan eyni zamanda postmünaqişə quruculuğu modeli təqdim edən dövlətdir. İşğaldan azad edilmiş ərazilərdə aparılan bərpa prosesi, “ağıllı kənd” layihələri, infrastrukturun yenidən qurulması, dağıdılmış məskənlərin yaşayış və inkişaf məkanına çevrilməsi dünyada nadir nümunələrdən biridir. Ölkəmiz regionda yeni sülh arxitekturasının formalaşması istiqamətində ardıcıl siyasət həyata keçirir. Prezident İlham Əliyevin dəfələrlə vurğuladığı kimi, sülh gündəliyi bütövlükdə regionun gələcəyini müəyyən edən strateji seçimdir. Məhz buna görə Qərbi Azərbaycana qayıdış məsələsi qarşıdurma yox, sülh gündəliyinin bir hissəsi kimi təqdim olunur. Qayıdış ideyası revanşizm, münaqişənin davamı deyil, hüquqa söykənən tarixi ədalət çağırışı, uzunmüddətli sülh və etimad üçün yeni imkanların axtarışıdır”.

Ətraflı: http://bsu.edu.az/az/news/bdu_v_qann_birg_tkilatl_il_qrbi_azrbaycana_qayd_milli_ideyann_yeni_mrhlsi_kimi_mvzusunda_i_beynlxalq_elmi_konfransn_al_mrasimi_

02/06/2026

ℹ️ Bakı Dövlət Universitetinin (BDU) Sosial elmlər və psixologiya fakültəsinin “Sosial iş” ixtisasının (rus bölməsi) III kurs tələbəsi Səkinə Hacızadə Monakoda keçirilən Avropanın Kiçik Ölkələrinin Çempionatında uğurla çıxış edib.

🥉 Nüvəitələmə növündə mübarizə aparan Azərbaycan milli komandasının üzvü Səkinə Hacızadə 12,78 metr nəticə göstərərək üçüncü yeri tutub və bürünc medala sahib olub.

✨ Tələbəmizi təbrik edir, daha böyük uğurlar arzulayırıq! 👏

02/06/2026

May ayının təqaüdü ödənilib!

02/06/2026

Bakı Dövlət Universiteti və Qərbi Azərbaycan İcmasının birgə təşkilatçılığı ilə 3-4 iyun 2026-cı il tarixlərində “Qərbi Azərbaycana qayıdış: milli ideyanın yeni mərhələsi kimi” mövzusunda I Beynəlxalq elmi konfrans keçiriləcək.

Konfransda Qərbi Azərbaycana qayıdışın tarixi, hüquqi, siyasi, mədəni və sosio-fəlsəfi aspektləri, regional sülh və təhlükəsizlik baxımından əhəmiyyəti müzakirə olunacaq. Qərbi Azərbaycana qayıdış konsepsiyası milli ideyanın inkişaf mərhələsi kimi beynəlxalq hüquq normaları kontekstində qiymətləndiriləcək. Konfransda həmçinin humanitar və mədəni irsin qorunması məsələləri, qayıdış ideyasının sülh və regional sabitliklə uzlaşan konseptual model kimi təqdim edilməsi, milli ideyanın müasir mərhələdə dövlətçilik, suverenlik və tarixi ədalət prinsipləri əsasında yenidən şərh olunması istiqamətində əldə edilmiş elmi nəticələr beynəlxalq müstəvidə müzakirə olunacaq, habelə Qərbi Azərbaycandan deportasiya olunmuş azərbaycanlıların qayıdış hüququnun normativ əsasları elmi baxımdan təhlil ediləcək.

Ətraflı: http://bsu.edu.az/az/news/bdu_v_qann_birg_tkilatl_il_qrbi_azrbaycana_qayd_milli_ideyann_yeni_mrhlsi_kimi_mvzusunda_i_beynlxalq_elmi_konfrans_keirilck

02/06/2026

BDU-nun Astrofizika kafedrası: “Yay fəsli Azərbaycana iyunun 21-i saat 12:24:26-da daxil olacaq”

Yay fəsli (Yay günəş duruşu) Azərbaycana iyunun 21-i Bakı vaxtı ilə saat 12:24:26-da daxil olacaq.

Bakı Dövlət Universitetinin Fizika fakültəsinin Astrofizika kafedrasından verilən məlumata görə, bu zaman Şimal yarımkürəsində astronomik yay fəsli, Cənub yarımkürəsində isə qış fəsli başlayacaq. Bu hadisə zamanı Yerin fırlanma oxu ilə Günəşin istiqaməti arasında ən kiçik bucaq əmələ gələcək. Nəticədə Günəş səmada ilin ən yüksək nöqtəsinə çatacaq. Bakıda Günəş həmin gün günorta vaxtı üfüqdən maksimum hündürlükdə (73.1°) olacaq.

Həmin gün ilin ən uzun gündüzü və ən qısa gecəsinin müşahidə olunduğu gündür. Gündüzün uzunluğu 15 saat 03 dəqiqə 24 saniyə, gecənin uzunluğu isə 8 saat 56 dəqiqə 36 saniyə olacaq. Yay fəslinin uzunluğu 93 gün 15 saat 40 dəqiqə 42 saniyə təşkil edəcək.

01/06/2026

✍BDU-da yaz imtahan sessiyası başlayıb

⏳Sessiya 5 həftə ərzində davam edəcək.
✅Bakalavriat səviyyəsində 15000-dən çox,
✅Magistratura səviyyəsində 1089 magistrant imtahan verəcək.

Ətraflı: http://bsu.edu.az/az/news/bduda_yaz_imtahan_sessiyas_balayb20072001080727

27/05/2026