08/07/2026
Əziz Diplomatlar 9 iyul – Azərbaycan Respublikası Xarici İşlər Nazirliyinin və diplomatik xidmət orqanları əməkdaşlarının peşə bayramı günü münasibətilə ürəkdən təbrik edirəm!
Müsəlman Şərqində ilk demokratik respublika olan Azərbaycan Xalq Cümhuriyyətinin Xarici İşlər Nazirliyinin fəaliyyətə başladığı 9 iyul 1919-cu ildən bu yana, Azərbaycan diplomatiyası şərəfli və zəngin bir yol keçmişdir.
Artıq bir əsrdən çoxdur ki, milli maraqlarımızın qorunması, müstəqilliyimizin möhkəmləndirilməsi və ölkəmizin beynəlxalq arenada layiqli yer qazanması naminə fədakar fəaliyyətiniz davam edir.Bu gün dövlətimizin yürütdüyü uzaqgörən və uğurlu xarici siyasət sayəsində Azərbaycan dünyada söz sahibi olan, etibarlı tərəfdaş və qlobal təşəbbüslərin mərkəzi kimi tanınan güclü bir ölkəyə çevrilmişdir. Vətənimizin suverenliyini, iqtisadi və siyasi maraqlarını dünyanın hər bir nöqtəsində uca tutan, sülh və sabitlik naminə çalışan hər bir diplomatımızın əməyi dövlətimiz üçün olduqca qiymətlidir.Sizə bu məsuliyyətli və şərəfli fəaliyyətinizdə yeni-yeni uğurlar, uzaqgörən diplomatik qələbələr, möhkəm cansağlığı və işinizdə müvəffəqiyyətlər arzulayıram!
Peşə bayramınız mübarək olsun! Azərbaycan Xarici İşlər Nazirliyi/Ministry of Foreign Affairs of Azerbaijan
