Qarabağ Regional Turizm İdarəsi

02/09/2026

ℹ️Qarabağ Regional Turizm İdarəsi tərəfindən Laçın şəhərində fəaliyyət göstərən yerləşmə vasitələrində xidmət keyfiyyətinin yüksəldilməsi və qonaqlama standartlarının təhlili məqsədilə növbəti monitorinqlər həyata keçirilmişdir.
Monitorinq çərçivəsində “Abdallar”, “Lachinn” və “Hekeri” hotellərində mövcud şəraitə baxış keçirilmişdir. Baxış zamanı qonaqların rahatlığı, təhlükəsizliyin təmin olunması, sanitariya-gigiyena normalarına riayət edilməsi, eləcə də təqdim olunan xidmətlərin mövcud standartlara uyğunluğu qiymətləndirilmişdir.
Şərqi Zəngəzurun sürətlə artan turizm potensialı nəzərə alınaraq, bölgədə qonaqlama infrastrukturunun inkişaf etdirilməsi, xidmət səviyyəsinin yüksəldilməsi və yerləşmə müəssisələrinin fəaliyyətinin mövcud standartlara uyğunluğunun təmin edilməsi istiqamətində monitorinq tədbirləri müntəzəm olaraq davam etdiriləcəkdir.

Dövlət Turizm Agentliyi Azerbaijan Tourism Board Azerbaijan Hotel Association Turizm Təlim və Sertifikasiya Mərkəzi Turizm və Səyahət / Travel and Tourism Azərbaycan Turizm ve Menecment Universiteti Laçın rayonunda Bərpa, Tikinti və İdarəetmə Xidməti

02/09/2026

01/09/2026

ℹ️Laçında turistlər arasında sorğu keçirilmişdir.
Laçın şəhəri zəngin təbii landşaftları, tarixi-mədəni irsi və son illərdə formalaşan müasir turizm infrastrukturu ilə regionun diqqətçəkən turizm məkanlarından birinə çevrilir. İşğaldan azad olunmuş ərazilərə səfərlərin təşkili ilə bağlı prosedurların sadələşdirilməsi də bölgəyə turist marağının artmasına şərait yaradır.
Laçına səfər edən turistlərin maraq və seçimlərini daha yaxından öyrənmək məqsədilə Qarabağ Regional Turizm İdarəsinin əməkdaşları tərəfindən şəhərdə sorğu keçirilmişdir.
Sorğu zamanı turistlərin profili, səfər məqsədləri, qalma müddətləri, yerləşmə seçimləri və səfərin təşkili forması ilə bağlı məlumatlar toplanmış, həmçinin Laçın və ətraf ərazilərdə ziyarət etmək istədikləri turizm məkanları barədə fikirləri öyrənilmişdir.
Sorğunun nəticələrinə əsasən, Laçına səfər edənlərin əksəriyyətini ölkədaxili səyahət edən Azərbaycan vətəndaşları təşkil edir. Turistlər əsasən qısamüddətli səfərlərə üstünlük verir, şəhərin təbii landşaftları, tarixi-mədəni irsi, yeni infrastrukturu və turizm imkanları ilə tanış olurlar.
Əldə olunan nəticələr Laçının və ətraf ərazilərin turizm potensialından daha səmərəli istifadə, yeni turizm marşrutlarının hazırlanması, xidmətlərin təkmilləşdirilməsi və turistlərin şəhərdə qalma müddətinin artırılması istiqamətində gələcək fəaliyyət üçün əsas məlumat bazası formalaşdırır.

Dövlət Turizm Agentliyi Azerbaijan Tourism Board Azerbaijan Hotel Association Azərbaycan Aqroturizm Assosiasiyası Association of Travel Agencies of Azerbaijan Turizm Təlim və Sertifikasiya Mərkəzi Turizm və Səyahət / Travel and Tourism Azərbaycan Turizm ve Menecment Universiteti Laçın rayonunda Bərpa, Tikinti və İdarəetmə Xidməti

26/08/2026

Bu gün Azərbaycanın dilbər guşələrindən biri, möhtəşəm təbiəti, zəngin tarixi-mədəni irsi və özünəməxsus gözəlliyi ilə seçilən Laçın şəhərinin günüdür.

Laçın – dağları, meşələri, çayları, mineral bulaqları və füsunkar təbiəti ilə Şərqi Zəngəzurun ən qiymətli təbii sərvətlərindən biridir. Şəhər və onun ətraf əraziləri əsrlər boyu formalaşmış zəngin mədəni irsi, qədim yaşayış məskənləri, tarixi abidələri və xalqımızın milli-mənəvi dəyərləri ilə seçilir.

Bu gün Laçın yeni inkişaf dövrünü yaşayır. Şəhərdə aparılan genişmiqyaslı bərpa və quruculuq işləri nəticəsində Laçın öz simasını yenidən qazanır, müasir infrastruktur formalaşdırılır və şəhərin sosial-iqtisadi potensialının reallaşdırılması üçün mühüm addımlar atılır.

Laçının inkişafında turizm xüsusi əhəmiyyət daşıyır. Əlverişli təbii-coğrafi mövqeyi, dağlıq relyefi, zəngin biomüxtəlifliyi, mineral və termal su ehtiyatları, təbiət mənzərələri və tarixi-mədəni irsi şəhərin ekoturizm, dağ turizmi, sağlamlıq turizmi, mədəni və kənd turizmi kimi müxtəlif turizm istiqamətlərinin inkişafı üçün geniş imkanlar yaradır.

Laçının hər bir guşəsi özünəməxsus hekayə daşıyır. Onun dağları, meşələri, bulaqları və yaşayış məskənləri yalnız təbiətin gözəlliyini deyil, həm də bu torpağın tarixini və yaddaşını özündə yaşadır.

Bu əlamətdar gündə Laçın şəhərinin bütün sakinlərini və doğma Laçına bağlı olan hər kəsi ürəkdən təbrik edir, şəhərimizə davamlı inkişaf, firavanlıq və parlaq gələcək arzulayırıq!

Laçın – təbiətin, tarixin və gələcəyin qovuşduğu məkan.

Laçın Şəhəri Gününüz mübarək!
Dövlət Turizm Agentliyi Azerbaijan Tourism Board Azerbaijan Hotel Association Turizm Təlim və Sertifikasiya Mərkəzi Laçın rayonunda Bərpa, Tikinti və İdarəetmə Xidməti

20/08/2026

Azərbaycan Respublikasının Prezidenti cənab İlham Əliyev “Azərbaycan Respublikasında turizmin inkişafına dair 2026–2030-cu illər üçün Dövlət Proqramı”nın təsdiq edilməsi haqqında Sərəncam imzalayıb

Sərəncamda qeyd olunur:

"Azərbaycan Respublikası Konstitusiyasının 109-cu maddəsinin 3-cü və 32-ci bəndlərini rəhbər tutaraq, turizm bazarında rəqabətqabiliyyətli turizm məhsullarının təqdim edilməsi, turizm sahəsində idarəetmənin və tənzimləmənin təkmilləşdirilməsi, regionlarda turizmin inkişafının təşviq edilməsi, effektiv brendinq və marketinq fəaliyyətinin təşkili məqsədilə qərara alıram:

1. “Azərbaycan Respublikasında turizmin inkişafına dair 2026–2030-cu illər üçün Dövlət Proqramı” (bundan sonra – Dövlət Proqramı) təsdiq edilsin (əlavə olunur).

2. Azərbaycan Respublikasının Nazirlər Kabineti:

2.1. aşağıdakılar barədə təkliflərini hazırlayıb Azərbaycan Respublikasının Prezidentinə təqdim etsin:

2.1.1. altı ay müddətində Azərbaycan Respublikası Dövlət Turizm Agentliyinin təklifləri əsasında “Turizm haqqında” Azərbaycan Respublikası Qanununun təkmilləşdirilməsi;

2.1.2. üç ay müddətində:

2.1.2.1. turizm fəaliyyəti ilə bağlı layihələrə investisiya təşviqi sənədinin verilməsi və turizm fəaliyyətinin xüsusiyyətləri nəzərə alınmaqla investisiya təşviqi sənədinin verilməsi mexanizminin təkmilləşdirilməsi;

2.1.2.2. Dövlət Proqramının 8.8.1.3-cü abzasında və 8.8.2-ci yarımbəndində nəzərdə tutulmuş dövlət büdcəsi hesabına verilən subsidiya şərtlərinə dair;

2.2. Dövlət Proqramında nəzərdə tutulmuş tədbirlərin əlaqələndirilməsini və icrasına nəzarəti həyata keçirsin;

2.3. Dövlət Proqramında nəzərdə tutulmuş tədbirlərin icrası barədə ildə bir dəfə Azərbaycan Respublikasının Prezidentinə məlumat versin;

2.4. bu Sərəncamdan irəli gələn digər məsələləri həll etsin.

3. Azərbaycan Respublikasının Rəqəmsal İnkişaf və Nəqliyyat Nazirliyi hava nəqliyyatının turizmin inkişafına töhfəsinin artırılmasına dair təkliflərini üç ay müddətində hazırlayıb Azərbaycan Respublikasının Nazirlər Kabinetinə təqdim etsin.

4. Azərbaycan Respublikasının Dövlət Turizm Agentliyi bu Sərəncamdan irəli gələn məsələlərin həlli üçün zəruri tədbirlər görsün.

5. Azərbaycan Respublikasının Maliyyə Nazirliyi və Azərbaycan Respublikasının İqtisadiyyat Nazirliyi Azərbaycan Respublikasının Dövlət Turizm Agentliyi ilə birlikdə Dövlət Proqramında nəzərdə tutulmuş tədbirlərin maliyyələşdirilməsi məqsədilə hər il Azərbaycan Respublikası dövlət büdcəsinin və dövlət investisiya proqramlarının tərtibi prosesində zəruri maliyyə vəsaitinin nəzərdə tutulması üçün müvafiq tədbirlər görsünlər.

6. Dövlət Proqramında nəzərdə tutulmuş tədbirlərin icrasının monitorinqini və qiymətləndirilməsini Azərbaycan Respublikası Dövlət Turizm Agentliyinin sifarişi əsasında İqtisadi İslahatların Təhlili və Kommunikasiya Mərkəzi həyata keçirsin.


İlham Əliyev

Azərbaycan Respublikasının Prezidenti

Bakı şəhəri, 20 avqust 2026-cı il"

Mənbə: president.az

14/08/2026

Dövlət Turizm Agentliyinin Qarabağ Regional Turizm İdarəsinin təşkilatçılığı ilə Bərdə, Tərtər, Ağdərə rayonları və Xankəndi şəhərinin turizm potensialının təbliği və təşviqi məqsədilə səyahət blogerləri üçün infotur təşkil edilmişdir.
İnfoturun əsas məqsədi regionun mövcud və yeni formalaşan turizm məhsullarının geniş auditoriyaya təqdim edilməsi, yeni yaradılmış turizm müəssisələrinin tanıdılması və bölgənin turizm destinasiyası kimi mövqeyinin daha da gücləndirilməsinə imkanlar yaratmaq olmuşdur.
İnfotur çərçivəsində Bərdə,Tərtər,Ağdərə rayonları və Xankəndi şəhərində fəaliyyət göstərən əsas istirahət mərkəzləri, muzeylər, qastronomiya və ekoturizm məkanları, eləcə də regionun təbii və mədəni irs nümunələri ziyarət edilmiş, iştirakçılara həmin məkanların turizm imkanları və təqdim etdiyi xidmətlər barədə ətraflı məlumat verilmişdir.
Səfər zamanı regionda turist axınının artırılması, turistlərin müxtəlif turizm məhsullarına yönləndirilməsi, yeni turizm marşrutlarının təşviqi və səfər olunan məkanların rəqəmsal platformalar və sosial media vasitəsilə daha geniş auditoriyaya çatdırılması imkanları ətrafında fikir mübadiləsi aparılmışdır
Qarabağ Regional Turizm İdarəsi tərəfindən bu istiqamətdə həyata keçirilən infoturların davamlı şəkildə təşkil olunması, müxtəlif turizm istiqamətləri üzrə ixtisaslaşmış media nümayəndələri, blogerlər və kontent yaradıcılarının prosesə cəlb edilməsi regionun turizm marketinqinin gücləndirilməsinə və Qarabağın Azərbaycanın cəlbedici və perspektivli turizm destinasiyalarından biri kimi mövqeyinin daha da möhkəmləndirilməsinə xidmət edir.
Dövlət Turizm Agentliyi Azerbaijan Tourism Board Azerbaijan Hotel Association Turizm Təlim və Sertifikasiya Mərkəzi Xankəndi, Ağdərə və Xocalıda Prezidentin xüsusi nümayəndəliyi Association of Travel Agencies of Azerbaijan Azərbaycan Turizm ve Menecment Universiteti

06/08/2026

ℹ️Bərdənin tarixi rəmzlərindən biri — Allah-Allah türbəsi (Nüşabə qalası)
Qədim tarixi, zəngin mədəni irsi və qiymətli memarlıq nümunələri ilə seçilən Bərdə Qarabağın mühüm tarixi şəhərlərindən biridir. Şəhərin tarixi simasını yaşadan ən dəyərli abidələrdən biri isə XIV əsrə aid dünya əhəmiyyətli memarlıq abidəsi — Allah-Allah türbəsidir. 1322-ci ildə inşa edilən bu möhtəşəm abidə özünəməxsus memarlıq xüsusiyyətləri ilə Bərdənin tarixi-mədəni irsində xüsusi yer tutur.
Abidə özünəməxsus memarlıq quruluşu, kərpic və kaşı bəzəkləri ilə diqqət çəkir. Türbənin “Allah-Allah” adlandırılması isə onun üzərində kaşı ilə “Allah” kəlməsinin dəfələrlə təkrarlanması ilə bağlıdır. Abidə el arasında “Nüşabə qalası” kimi də tanınır.
Bu gün Allah-Allah türbəsi Bərdəyə səfər edənlərin maraq göstərdiyi mühüm tarixi məkanlardan biri olmaqla yanaşı, şəhərin turizm potensialında da xüsusi yer tutur. 2018-ci ildə türbə və onun yerləşdiyi Torpaqqala kompleksində bərpa işləri aparılaraq tarixi-memarlıq irsinin qorunması istiqamətində mühüm addım atılıb.

Dövlət Turizm Agentliyi Azerbaijan Tourism Board Azerbaijan Hotel Association Association of Travel Agencies of Azerbaijan Turizm Təlim və Sertifikasiya Mərkəzi Turizm və Səyahət / Travel and Tourism Azərbaycan Turizm ve Menecment Universiteti Bərdə Rayon İcra Hakimiyyəti