Culfa şəhər 3 nömrəli tam orta məktəb

19/08/2026

Kəmalə xala, vaxtsız gedişiniz qəlbimizdə dərin bir boşluq buraxdı… Səmimiyyətiniz, mehribanlığınız və xoş xatirələriniz daim bizimlə yaşayacaq. 🖤
Allah rəhmət eləsin, məkanınız cənnət, ruhunuz şad olsun. Ailənizə və yaxınlarınıza səbir diləyirik. 🤲🖤

18/08/2026

ℹ️ Naxçıvanda peşə təhsilinə maraq artıb

📢 Naxçıvanda peşə təhsili müəssisələrinə ölkə üzrə mərkəzləşmiş qaydada keçirilən tələbə qəbulunun I mərhələsinin nəticələri açıqlanıb.

✅ ️Naxçıvan Muxtar Respublikası Təhsil Nazirliyinin tabeliyində fəaliyyət göstərən peşə təhsili müəssisələrində də bu il əvvəlki illərlə müqayisədə daha yüksək maraq müşahidə olunub.

❗️ Belə ki, 2026–2027-ci tədris ili üzrə Naxçıvan Dövlət Peşə Təhsil Mərkəzində 320 plan yerinə qarşı 3058, Şərur Peşə Liseyində 180 plan yerinə qarşı 241, Ordubad Peşə Liseyində isə 200 plan yerinə qarşı 265 məzun sənədvermə prosesində iştirak edib. Ümumilikdə, 28 ixtisas, 35 qrup olmaqla 700 plan yeri üzrə 3564 məzunun müraciət etməsi peşə təhsilinə artan marağın göstəricisidir.

🔷️ Peşə təhsilinə marağın artmasının əsas səbəblərindən biri müəssisələrdə müasir tədris və istehsalat infrastrukturunun formalaşdırılması, təhsilin keyfiyyətinin yüksəldilməsi və əmək bazarının tələblərinə uyğun ixtisasların tədris olunmasıdır.

✔️ Tələbələrin praktiki bacarıqlarının inkişaf etdirilməsinə xüsusi diqqət yetirilməsi onların məzun olduqdan sonra əmək bazarına daha hazırlıqlı daxil olmalarına imkan yaradır.

14/08/2026

🔴 Məktəbimizin məzunu Mətin Polis Akademiyasının tələbəsi adını qazandı!
🌟 Mətin məktəbimizin ötənilki məzunlarındandır. O, ötən il tələbə adını qazansa da, ən böyük arzusu olan Polis Akademiyasına qəbul ola bilməmişdi. Lakin məqsədindən və arzusundan vaz keçməyən Mətin əzmi, zəhməti və inadkar mübarizəsi sayəsində nəhayət, arzusuna qovuşdu.
👏 Bu böyük uğur münasibətilə Mətini səmimi-qəlbdən təbrik edir, ona təhsilində uğurlar, gələcək peşə fəaliyyətində şərəf və məsuliyyət arzulayırıq.
🇦🇿 İnanırıq ki, Mətin vətəninə və dövlətinə layiqincə xidmət edəcək, seçdiyi şərəfli peşənin məsuliyyətini daim uca tutacaq və məktəbimizin adını gələcək uğurları ilə daha da yüksəldəcək.
Uğurların bol olsun, Mətin! Arzularının ardınca inamla get! 🇦🇿🌟

30/06/2026

ℹ️ Şagirdlərin dərs və məşğələ müddətində mobil telefon, planşet, ağıllı saat və digər analoji cihazlardan istifadəsi qadağan edilir.

📵 Şagirdlər tərəfindən məktəbə gətirilən cihazlar dərs bitənədək söndürülmüş və ya səssiz rejimdə, məktəb rəhbərliyinin müəyyən etdiyi xüsusi yerlərdə saxlanılmalıdır.

✅ ️Yeni qərar məktəblərdə texnologiyanı tamamilə rədd etmir, əksinə, onun nəzarətsiz istifadəsini məhdudlaşdıraraq təhlükəsiz tədris mühiti yaratmağı hədəfləyir.

Daha ətraflı:⤵️ https://muallim.edu.az/sagird-mektebe-telefon-getire-biler-nazirliyin-yeni-sertleri

26/06/2026

🇦🇿 26 İyun – Azərbaycan Respublikasının Silahlı Qüvvələri Günüdür

✅️ Azərbaycan Respublikasının Silahlı Qüvvələrinin yaradılmasının ildönümü münasibətilə hərbçilərimizi təbrik edirik.

✨ ️Silahlı Qüvvələr Gününüz mübarək!

25/06/2026

24/06/2026

15/06/2026

🔔📚 “Son Zəng” tədbirinin ən yaddaqalan anları yaşandı 📚🔔
Tədbirin ən təsirli və simvolik məqamlarından biri məzunlara bilik açarının təqdim edilməsi oldu. Bu mərasim məktəbdə qazanılan bilik və təcrübənin gələcək nəsillərə ötürülməsini, eləcə də məzunların yeni həyata qədəm qoymasını ifadə etdi.
Daha sonra ənənəvi “Son Zəng”in çalınması mərasimi keçirildi. Səslənən son zəng məzunlar üçün məktəb illərinin başa çatdığını və həyatın yeni mərhələsinin başlandığını simvolizə etdi. Bu an həm məzunlar, həm müəllimlər, həm də valideynlər üçün unudulmaz və duyğulu anlarla yadda qaldı.
Mərasim iştirakçıları məzunları alqışlarla yola salaraq onlara gələcək həyatlarında uğurlar, yeni zirvələr və böyük nailiyyətlər arzuladılar.
🎓✨ Son zəng səsləndi, lakin məktəb illərinin ən gözəl xatirələri hər zaman qəlblərdə yaşayacaq.
🔔🎓🌹