15/05/2023
Qarabaqqal kənd Mədəniyyət evində Qarabaqqal kənd Mədəniyyət evi və Qarabaqqal kənd kitabxanasının birgə təşkilatçılığı ilə Ulu Öndərimiz HEYDƏR ƏLİYEV in 100 illik yubileyinə həsr olunmuş tədbir keçirildi.Tədbirdə Ağdaş Regional Mədəniyyət İdarəsinin müdiri Rafiq İsgəndərov, Mirzə Ələkbər Sabir adına Göyçay rayon MKS-nin müdiri Zəfər Hacıyev, Rəsul Rza adına Göyçay rayon Mədəniyyət Mərkəzinin müdiri Azad Xudaverdiyev, Göyçay rayon Qarabaqqal İƏD-si nümayəndəsi Kamil Qasımov, Qarabaqqal kənd Mədəniyyət evinin işçiləri, Qarabaqqal kənd kitabxanasının işçiləri, Qarabaqqal kənd orta məktəbinin işçiləri, Qarabaqqal Bələdiyyəsinin üzvləri, Qarabaqqal kənd uşaq bağçası əməkdaşları, Çayarxı kənd uşaq bağçasının işçiləri,Hacalıkənd kəndi məktəbinin işçiləri və kənd sakinləri iştirak etdilər.
Heydər Əlirza oğlu Əliyev 1923-cü il mayın 10-da Azərbaycan Respublikasının Naxçıvan Muxtar Respublikasında anadan olub.
1939-cu ildə Naxçıvan Pedaqoji Texnikumunu bitirdikdən sonra Azərbaycan Sənaye İnstitutunun memarlıq fakültəsinə daxil olub,lakin İkinci Dünya müharibəsinin başlanması ona təhsilini başa çatdırmağa imkan verməyib.
Heydər Əliyev 1941-1944-cü illərdə əvvəlcə Naxçıvan Muxtar Respublikası Xalq Daxili İşlər Komissarlığında arxiv şöbəsinin məxfi hissəsinin müdiri, sonra isə Naxçıvan MSSR Xalq Komissarları Sovetində ümumi şöbənin müdiri vəzifəsində işləyib.
Heydər Əliyev 22 il Azərbaycan SSR Ali Sovetinin və SSRİ Ali Sovetinin deputatı olub.
Heydər Əliyev 1990-cı il yanvarın 19-dan 20-nə keçən gecə sovet qoşunlarının Bakıda törətdiyi qanlı faciə ilə əlaqədar, yanvarın 21-də Azərbaycanın Moskvadakı nümayəndəliyində bəyanatla çıxış edərək, Azərbaycan xalqına qarşı törədilmiş cinayətin təşkilatçıları və icraçılarının cəzalandırılmasını tələb edib, 1991-ci ilin iyulunda Sovet İttifaqı Kommunist Partiyasının sıralarını tərk edib.
Heydər Əliyev 1993-cü ilin iyunun 15-də Azərbaycan Respublikası Ali Sovetinin sədri seçilib, iyunun 24-dən isə Azərbaycan Respublikası Prezidentinin səlahiyyətlərini həyata keçirməyə başlayıb.
1993-cü il oktyabr 3-də ümumxalq səsverməsi nəticəsində Heydər Əliyev Azərbaycan Respublikasının Prezidenti seçilib.
O, 1998-ci il oktyabrın 11-də xalqın yüksək fəallığı şəraitində keçirilən seçkilərdə səslərin 76,1 faizini toplayaraq, yenidən Azərbaycan Respublikasının Prezidenti seçilib.
2003-cü il oktyabrın 15-də keçirilən prezident seçkilərində namizədliyini irəli sürülməsinə razılıq vermiş Heydər Əliyev səhhətində yaranmış problemlərlə əlaqədar namizədliyini İlham Əliyevin xeyrinə geri götürüb.
2003-cü il dekabrın 12-də Azərbaycan xalqının ümummilli lideri Heydər Əliyev Amerika Birləşmiş Ştatlarının Klivlend kilinikasında vəfat edib və dekabrın 15-də Bakıda, Fəxri xiyabanda dəfn olunub.
Heydər Əliyev beş dəfə keçmiş SSRİ- min Lenin ordeni ilə, Qırmızı Ulduz ordeni və çox saylı medallarla təltif edilib, iki dəfə Sosialist Əməyi Qəhrəmanı adına, həmçinin müxtəlif ölkələrin ali mükafatlarına , nüfuzlu ali məktəblərin fəxri adlarına layiq görülüb.
