Göyçay rayon 1 saylı şəhər kitabxana filialı

28/07/2026

“Səhifə, səhifə kəşf” başlıqlı kitab sərgisi təşkil edilib.

İyulun 27-də Göyçay rayon Mərkəzləşdirilmiş Kitabxana Sisteminin 1 nömrəli şəhər kitabxana filialı tərəfindən “Səhifə, səhifə kəşf” başlıqlı kitab sərgisi təşkil edilib. Heydər Əliyev Mərkəzində təşkil edilən sərginin məqsədi cəmiyyətdə kitaba olan marağı artırmaq və mütaliə mədəniyyətini təbliğ etməkdir. Sərgidə Azərbaycan və dünya ədəbiyyatının incilərindən ibarət müxtəlif janrlı kitablar nümayiş olunub.

15/07/2026

01/07/2026

"Mütaliə üçün zaman ayır" adlı tədbir keçirilib.

İyulun 1-də Göyçay rayon Mərkəzləşdirilmiş Kitabxana Sisteminin 1 saylı şəhər kitabxana filialının və Göyçay rayon Gənclərin İnkişaf və Karyera Mərkəzinin birgə təşkilatçılığı ilə gənclərin asudə vaxtının səmərəli təşkili məqsədilə "Mütaliə üçün zaman ayır" adlı tədbir keçirildi. Tədbirdə gənclər həm zamanın idarə edilməsi, həm də oxu mədəniyyəti barədə fikir mübadiləsi apardı, müxtəlif yanaşmalarla tanış oldular. Sonda kitabxananın daimi oxucusu Zinhar Bəbişov çıxış edərək gənclərin asudə vaxtlarını necə keçirdiklərindən və kitab oxumağı bu seçimlər arasında ön sıraya çəkməyin önəmindən danışdı.

01/06/2026

Əziz övladlar! 1 İyun - Uşaqların Beynəlxalq Müdafiəsi Günü münasibətilə hər birinizi təbrik edir, hamınıza cansağlığı və xoşbəxtlik arzulayıram.

22/05/2026

Doğan Cüceloğlu təkcə psixologiya sahəsindəki parlaq karyerası ilə deyil, həyata istiqamət verən və insana dair hər hekayədən dərs çıxara bilən dərin zəkası ilə də ən önəmli elm adamlarından biridir. O, səksən illik zəngin həyat təcrübəsinin nəticəsi olaraq hamını maraqlandıran suallara ən səmimi cavablarını təqdim edir. Əslində, hər kəs kimi o da mübarizə aparır, kəşf edir və həyata dəyər qatır. Həyatın mənası nədir? Özümüzü necə inkişaf etdirə bilərik? Ümidsizliyin öhdəsindən necə gəlmək olar? İçimizdəki “mən”i kəşf etməyin yolu nədir? Kiminlə məsləhətləşməliyik? Həyat nələri mükafatlandırır? “Biz” olmaqdan ötrü nələr etmək lazımdır? Bu kimi mühüm sualları cavablandıran rəhbər səciyyəli kitab ömürboyu müsbət məziyyətlərin izində olan, onları həyatının hər anına ilmə-ilmə işləyən professor Doğan Cüceloğlunun ən mühüm əsərlərindəndir.

02/05/2026

“Mədəniyyət haqqında” Azərbaycan Respublikasının Qanununda dəyişiklik edildi.

Ətraflı məlumat üçün: https://president.az/az/articles/view/72215

24/04/2026

V.Sinelnikov – tanınmış və təcrübəli psixoterapevt, psixoloq, sadəliyi və müalicəvi effektliliyinə görə minlərlə adama sağlamlığını qaytarmağa, rifahını yüksəltməyə, həyat sevincini dərk etməyə kömək edən unikal psixoloji metodikaların müəllifidir. Onun kitablarından hələ lazımınca ifadəsini tapmamış, instinktiv gücünüzdən qüvvə və enerji toplamaq, öz problemlərinizdən baş çıxarmaq, stress və xəstəliyin nə olduğunu birdəfəlik unutmaq üçün necə istifadə etməyi öyrənəcəksiniz. Kitab müalicəvi gücə malikdir və onun pozitiv təsiri onu əlinizə götürdüyünüz andan başlayır...

09/04/2026