Gəncə şəhər 17 nömrəli tam orta məktəb

14/07/2026

👩‍🏫 Yeni təmayüllü tədris modelinin tətbiq olunacağı ümumtəhsil məktəblərinə müəllimlərin işə qəbulu elan olunur!

📚 Gəncə-Daşkəsən Regional Təhsil İdarəsinin tabeliyində fəaliyyət göstərən, 2026–2027-ci tədris ilindən yeni təmayüllü tədris modelinin tətbiq olunacağı aşağıdakı ümumi təhsil müəssisələrinə fənn müəllimlərinin işə qəbulu üzrə müsahibə üçün qeydiyyat başlanılır.

🏫 Vakansiya elan olunan ümumi təhsil müəssisələri:
🔹 Gəncə şəhər M.Ə. Sabir adına 5 nömrəli tam orta ümumtəhsil məktəbi
🔹 Gəncə şəhər 9 nömrəli tam orta ümumtəhsil məktəbi
🔹 Gəncə şəhər N. Aydın adına 18 nömrəli tam orta ümumtəhsil məktəbi
🔹 Gəncə şəhər M. Füzuli adına 22 nömrəli tam orta ümumtəhsil məktəbi
🔹 Goranboy rayon 4 nömrəli tam orta ümumtəhsil məktəbi

🎯 Adı qeyd olunan təhsil müəssisələrində tədris prosesi yüksək akademik göstəricilərə malik peşəkar pedaqoji heyət tərəfindən həyata keçiriləcək.

🌟 Yeni təmayüllü tədris modelinin uğurlu tətbiqinə töhfə vermək, peşəkar komandada fəaliyyət göstərmək və gələcək nəslin keyfiyyətli təhsil almasına öz töhfəsini vermək istəyən müəllimləri müsahibədə iştirak etmək üçün qeydiyyatdan keçməyə dəvət edirik.

📌 Müsahibədə iştirak üçün tələblər:
✅ Yalnız Gəncə-Daşkəsən Regional Təhsil İdarəsinin tabeliyində fəaliyyət göstərən ümumi təhsil müəssisələrində çalışan müəllimlər müraciət edə bilərlər.
✅ Namizədlər ali pedaqoji təhsilə malik olmalıdırlar.
✅ MİQ və Sertifikasiya üzrə nəticəsi 85% və ya daha yüksək olan müəllimlər müsahibədə iştirak edə bilərlər.

🗓️ Qeydiyyat üçün son tarix: 1 avqust

Qeydiyyat linki
https://docs.google.com/forms/d/1nSitnkyar5yPMic3QG0DYLGhqsK-oyf2MTLIrlnFq6A/edit

09/07/2026

03/07/2026

Məktəbimizin məzunu Xədicə Bayramova Gəncə Dövlət Universitetinin Təcrübə və karyera şöbəsinin təşkilatçılığı ilə keçirilən Azərbaycan dili və ədəbiyyat fənn olimpiadasının qalibi olaraq Fəxri Fərmanla təltif olunmuşdur.
Məzunumuza gələcək təhsil həyatında da uğurlar arzulayırıq.

30/06/2026

30 iyun 2026-cı il tarixində məktəbdə Pedaqoji Şuranın 2025–2026-cı tədris ilinin yekunlarına həsr olunmuş iclası keçirildi.
İclasda 2025–2026-cı tədris ili ərzində görülmüş işlər, əldə olunmuş nailiyyətlər və tədris ilinin yekunları barədə geniş məlumat verildi, qarşıda duran vəzifələr müzakirə olundu.
Həmçinin müəllimlərin sertifikatlaşdırılması imtahanında yüksək nəticə göstərən bir qrup müəllim məktəb rəhbərliyi tərəfindən Fəxri Fərmanla təltif edildi.
Bundan başqa, Gəncə Daşkəsən Regional Təhsil İdarəsinin qadın müəllimləri arasında keçirilən voleybol yarışında II yerə layiq görülmüş komandanın üzvü, məktəbin fiziki tərbiyə müəllimi Sevinc Tağıyeva qazandığı uğura görə məktəb rəhbərliyi və kollektivi tərəfindən alqışlandı.
İclasda həmçinin məktəbin Azərbaycan dili və ədəbiyyat müəllimi Səadət Məmmədova direktorların işə qəbulu müsabiqəsində uğur qazanaraq Gəncə şəhərində fəaliyyət göstərən ümumi təhsil müəssisələrindən birinə direktor vəzifəsinə təyin olunması münasibətilə kollektiv adından təbrik edildi və ona gələcək fəaliyyətində uğurlar arzulandı.

30/06/2026

Tam orta məktəb layihəsi ilə bağlı Gəncə-Daşkəsən Regional Təhsil İdarəsinin nümayəndəsi Ayşən Kazımova valideyn və şagirdlərin iştirakı ilə məktəbimizdə iclas keçırdi.

Tam orta təhsil layihəsi tədrisin keyfiyyətinin yüksəldilməsi, ümumi təhsilin son mərhələsini əhatə edən, şagirdlərin bilik və bacarıqlarının inkişafına, onların ali təhsilə hazırlanmasına yönəlmiş bir təşəbbüsdür. Bu layihə çərçivəsində tədrisin keyfiyyətinin artırılması, müasir təlim metodlarının tətbiqi və şagirdlərin fərdi inkişafının dəstəklənməsi əsas məqsəd kimi müəyyən olunur.

25/06/2026

Sertifikasiya imtahanında uğurlu nəticə göstərərək yüksək bal toplayan Müəllimlərimizi təbrik edir, gələcək fəaliyyətlərində uğurlar arzulayırıq!!!

22/06/2026

03.06.2026-cı il tarixində Azərbaycan və dünya üzrə tanınmış şəxsiyyətləri daha yaxından tanımaq,onların həyat və yaradıcılığı ilə tanış olmaq məqsədilə "Tanınmış şəxsiyyətlər təqvimi" layihəsi çərçivəsində tanınmış bəstəkar Üzeyir Hacıbəylinin həyat və yaradıcılığı ilə bağlı tədbir keçirildi və şagirdlərə videoçarx nümayiş olundu. Şagirdlər Üzeyir Hacıbəylinin bəstələdiyi mahnıları ifa etdilər.

17/06/2026

Məktəbimizin 4a sinif şagirdi Bayramov Ümid Bayram oğlu Qlobal Riyaziyyat Olimpiadasında 1-ci yerin qalibi olaraq "Qızıl"medal,Global Olympiad Centerin təşkil etdiyi Beynəlxalq Enşteyn Riyaziyyat Olimpiadasında isə "Bürünc"medal qazanaraq Almaniyanın Berlin şəhərində keçiriləcək Final mərhələsinə vəsiqə əldə etmişdir.
Şagirdimizi ürəkdən təbrik edir və uğurların davamını arzulayırıq.

17/06/2026

Məktəbimizin 2 a sinif şagirdi Hüseynova Nigar Fuad qızı Beynəlxalq Eynşteyn Olimpiadasında iştirak edib və 2-ci yerin qalibi olaraq "Gümüş" medala layiq görülərək Almaniyanın Berlin şəhərində keçiriləcək finala vəsiqə qazanmışdır.Beyin Olimpiadasının təşkil etdiyi Qlobal Riyaziyyat Olimpiadasında isə 1-ci yerin qalibi olaraq "Qızıl" medala layiq görülmüşdür.

Şagirdimizi təbrik edir və uğurlar arzulayırıq.

13/06/2026