Gəncə Gənclər Evi /Ganja Youth House

02/09/2026

🕊️ 21 Avqust – 21 Sentyabr | Sülh Aylığı

📌 Tarixlərin ölkədə “Sülh Aylığı” elan edilməsi ilə əlaqədar olaraq, 21 avqust – 21 sentyabr tarixləri sülh, həmrəylik və qarşılıqlı anlaşma dəyərlərinin təşviqinə həsr olunur.

🌍 Birləşmiş Millətlər Təşkilatının Baş Assambleyasının 30 noyabr 1981-ci il tarixli 36/67 saylı qətnaməsi ilə Beynəlxalq Sülh Günü təsis edilib. 2001-ci ildə qəbul edilmiş 55/282 saylı qətnamə ilə isə 21 sentyabr hər il Beynəlxalq Sülh Günü kimi müəyyənləşdirilib və bu tarix qlobal atəşkəs və zorakılıqdan imtina günü elan olunub.

🤝 Sülh mədəniyyətinin təşviqi, qarşılıqlı hörmət və dialoq dəyərlərinin gücləndirilməsi cəmiyyətin, xüsusilə də gənclərin fəal iştirakını tələb edir.

🌿 Sülh yalnız bir gün deyil, hər gün qorunmalı olan dəyərdir.

🕊️ Sülh gələcəyimizdir!

26/08/2026

🇦🇿 26 Avqust – Laçın Şəhəri Günü

26 avqust 2022-ci ildə Azərbaycan Ordusunun Laçın şəhərini, Zabux və Sus kəndlərini nəzarətə götürməsi ilə Laçın rayonunun işğalına son qoyuldu.

📌 Azərbaycan Respublikasının Prezidenti cənab İlham Əliyevin 31 iyul 2023-cü il tarixli Sərəncamına əsasən, hər il avqustun 26-sı Laçın Şəhəri Günü kimi qeyd olunur.

🏞️ Laçının azadlığı Azərbaycanın ərazi bütövlüyünün və tarixi ədalətin bərpasının mühüm rəmzlərindən biridir.

🇦🇿 Laçın Şəhəri Günümüz mübarək!

25/08/2026

🎉 Gəncə Gənclər Evi “Balakən Gənclər Festivalı”nda.

12 avqust 2026-cı il tarixində Balakən rayonunda, Heydər Əliyev adına Mədəniyyət və İstirahət Parkında 12 Avqust – Beynəlxalq Gənclər Gününə həsr olunmuş “Balakən Gənclər Festivalı” keçirilib.

Azərbaycan Respublikası Gənclər və İdman Nazirliyinin dəstəyi ilə təşkil olunan festivalda Gəncə, Goranboy, Göygöl, Göyçay və Ucar Gənclər evlərinin yaradıcı heyətləri iştirak ediblər.

Festivalda Gəncə Gənclər Evinin metodisti Xəlil Yusifli və istedadlı gənclərimiz iştirak edərək öz yaradıcılıq nümunələri və çıxışları ilə tədbirə rəng qatıblar. 🎶✨

Həmçinin gənclərimizin hazırladığı əl işləri festival çərçivəsində təşkil olunan sərgidə nümayiş etdirilib və iştirakçılar tərəfindən böyük maraqla qarşılanıb. 🎨🧶

Gənclərin yaradıcılıq potensialının nümayiş etdirildiyi, müxtəlif bölgələrdən olan gənclərin bir araya gəldiyi festival xoş və yaddaqalan anlarla yadda qalıb. 💫

24/08/2026

🎓 Tələbə adını qazanan gənclərimizi təbrik edirik! 🎉

📚 Gəncə Gənclər Evi olaraq ali məktəblərə qəbul olunaraq tələbə adını qazanan bütün gənclərimizi səmimi-qəlbdən təbrik edirik.

🎓 Qarşıda sizi yeni biliklər, yeni imkanlar və mühüm hədəflər gözləyir. Tələbəlik həyatınızın uğurlu və yaddaqalan olması diləyi ilə.

👏 Bütün tələbə adını qazanan gənclərimizi bir daha təbrik edir, təhsil və gələcək fəaliyyətlərində uğurlar arzulayırıq.

21/08/2026

💚 Gəncə Gənclər Evinin psixoloqiya kursunun gəncləri olaraq biz də bu trendə qoşulur, yaradıcılıq və pozitiv enerjimizi bölüşürük. Gənclərlə birlikdə hər gün yeni ideyalar, yeni fəaliyyətlər və yeni təcrübələr üçün fəaliyyətdəyik🌸

20/08/2026

20/08/2026

🧠🌿 Gəncə Rehab Reabilitasiya Mərkəzində sağlam düşüncə tərzi, psixoloji rifah və sağlam həyat vərdişlərinin əhəmiyyətinə həsr olunmuş maarifləndirici təlim keçirilib.

🌟 Təlim çərçivəsində iştirakçılarla gündəlik həyatda düzgün seçimlərin, sağlam vərdişlərin və müsbət düşüncə tərzinin insan həyatına təsiri barədə fikir mübadiləsi aparılıb.

🌱 Görüş Gəncə Gənclər Evinin psixoloqu Selcan Xoyluzadə və “Pozitiv Psixologiya Mərkəzi”nin Gəncə filialının psixoloqu Nərgiz Xanlarqızı tərəfindən keçirilib. 💚

20/08/2026

📌 Azərbaycan Respublikası Gənclər və İdman Nazirliyinin təşkilatçılığı, Türkiyə Yeşilay Cəmiyyətinin tərəfdaşlığı ilə həyata keçirilən “Asılılıqlara qarşı mübarizə: tətbiqedici təlim proqramı” çərçivəsində Gəncə Gənclər Evi tərəfindən, “Pozitiv Psixologiya Mərkəzi”nin Gəncə filialının dəstəyi ilə Gəncə Rehab Reabilitasiya Mərkəzində “Sağlam düşüncə, sağlam həyat” mövzusunda maarifləndirici təlim keçirilib. 🧠🌿

🌱 Təlim zamanı iştirakçılara sağlam düşüncə tərzinin formalaşdırılması, psixoloji rifahın qorunması, sağlam həyat vərdişlərinin gündəlik həyata tətbiqi və düzgün seçimlərin insan həyatındakı rolu barədə ətraflı məlumat verilib.

🌟 İnteraktiv müzakirələr və praktik yanaşmalar əsasında keçirilən görüşdə iştirakçıların mövzu ilə bağlı sualları cavablandırılıb, sağlam və balanslı həyat tərzinin formalaşdırılması istiqamətində faydalı tövsiyələr səsləndirilib.

💫 Təlim Gəncə Gənclər Evinin psixoloqu Selcan Xoyluzadə və “Pozitiv Psixologiya Mərkəzi”nin Gəncə filialının psixoloqu Nərgiz Xanlarqızı tərəfindən keçirilib. 👩‍⚕️

20/08/2026

📣 Region gənclərinin nəzərinə!

🌐💻 Rəqəmsal gələcəyə yol Gənclər evlərindən başlayır!

Gənclər və İdman Nazirliyinin “Yerli” layihəsi növbəti dəfə region gəncləri ilə görüşür.

“Yerli 2” layihəsi çərçivəsində regionlarda yaşayan 400 gəncin müasir əmək bazarının tələblərinə uyğun bilik və bacarıqlarının artırılması məqsədilə ödənişsiz təlimlər təşkil olunacaq.

Gənclər aşağıdakı istiqamətlər üzrə təlimlərə qoşula biləcəklər:

🔹 “Web Development”;
🔹 “Qrafik dizayn”;
🔹 “Helpdesk”;
🔹 “Sosial Media Marketinqi”.

Təlimlər peşəkar mütəxəssislər tərəfindən Balakən, Füzuli, Gəncə, Göygöl, Lənkəran, Mingəçevir, Qazax, Şirvan və Ucar Gənclər evlərində, həmçinin işğaldan azad edilmiş ərazilərdə yeni salınan yaşayış məntəqələrində və Naxçıvan şəhərində keçiriləcək.

🔗 Qeydiyyat üçün link: https://gencler.az/events/yerli

📌 Qeydiyyat 30 avqust 2026-cı il tarixinədək davam edəcək.

📌 Qeydiyyat zamanı gənclər özlərinə yaxın şəhər və ya rayonda keçiriləcək təlimlər üçün də müraciət edə bilərlər.

18/08/2026

🎶 Gəncimizi tanıyaq! 🌟

Bu dəfə sizi musiqiyə olan sevgisi və istedadı ilə seçilən gəncimiz Fərid Qulamovla tanış edirik. 🎤

🎓 Bakı Musiqi Akademiyasının III kurs tələbəsi olan Fərid Qulamov vokal sənəti ilə məşğuldur və öz yaradıcılığı ilə musiqi sahəsində inkişafını davam etdirir.

🏆 Fərid Ulu Öndər Heydər Əliyevin 99, 100 və 101 illiyinə həsr olunmuş müsabiqələrin qalibidir.

🎼 Musiqiyə olan sevgisi, vokal istedadı və səhnə fəaliyyəti ilə qarşısına qoyduğu məqsədlərə doğru inamla addımlayan gəncimizi siz də tanıyın🌸

✨ Gəncimizə gələcək fəaliyyətlərində uğurlar arzulayırıq 🌟.