Goranboy rayon üzrə gənclər və idman sektoru

02/09/2026

🥋 Goranboy UGİM-in məşqçi-müəllimləri peşəkar inkişaf proqramını uğurla tamamladı!

🟢 24–29 avqust 2026-cı il tarixlərində Azərbaycan Cüdo Federasiyasının təşkil etdiyi Peşəkar İnkişaf Proqramı uğurla başa çatıb.

Proqramda iştirak edərək təlimləri uğurla tamamlayan Goranboy UGİM-in cüdo üzrə məşqçi-müəllimləri Tural Bədəlov və Rauf Mehdiyev Azərbaycan Cüdo Federasiyası tərəfindən sertifikatla təltif olunub.

Bu uğur məşqçi-müəllimlərin peşəkar bilik və bacarıqlarının daha da inkişaf etdirilməsi, eləcə də cüdo idmanının təbliği istiqamətində mühüm addımdır.

Tural Bədəlovu və Rauf Mehdiyevi təbrik edir, gələcək fəaliyyətində uğurlar arzulayırıq!




̇dman

01/09/2026

Goranboylu cüdoçu Polşanın Krakov şəhərində keçirilən cüdo üzrə beynəlxalq turnirdə ən yüksək kürsüyə yüksəldi.

🥋 Goranboy Uşaq Gənclər İdman Məktəbinin yetirməsi olan Abbaszadə Ayxan Səbuhi oğlu U-16 yaş kateqoriyasında, 60 kq çəki dərəcəsində mübarizə apararaq fəxri kürsünün ən yüksək pilləsinə yüksəlib.

✅ Bu münasibətlə məşqçi-müəllim Tural Bədəlovu və idmançımızı səmimi qəlbdən təbrik edir, gələcək yarışlarda uğurlar arzulayırıq.

28/08/2026

Goranboylu gənclərin iştirakı ilə Xankəndi və Şuşa şəhərlərinə ekskursiya təşkil olunub

✅ Gəncə-Daşkəsən Regional Gənclər və İdman İdarəsinin Goranboy rayonu üzrə gənclər və idman sektoru tərəfindən rayonun bir sıra fəal gənclərinin iştirakı ilə Xankəndi və Şuşa şəhərlərinə ekskursiya təşkil olunub.

➡️ Ekskursiyanın məqsədi gənclərin Azərbaycanın zəngin tarixi-mədəni irsi ilə yaxından tanış olmaları, işğaldan azad edilmiş ərazilərdə həyata keçirilən bərpa və quruculuq işləri barədə məlumat əldə etmələri, həmçinin vətənpərvərlik və milli-mənəvi dəyərlərə bağlılıq hisslərinin gücləndirilməsidir.

➡️ Səfər çərçivəsində gənclər Xankəndi şəhərində Qarabağ Universiteti, Xankəndi şəhər stadionu, Zəfər Tağı və şəhərin digər görməli yerlərini, Şuşa şəhərində isə Molla Pənah Vaqifin muzey-məqbərə kompleksi, Yuxarı Gövhər Ağa məscidi, Aşağı Gövhər Ağa məscidi, Saatlı məscidi, Gəncə qapısı, Cıdır düzü və şəhərin digər görməli yerlərini ziyarət ediblər.

📝 Ekskursiya zamanı iştirakçılara ziyarət olunan məkanların tarixi və mədəni əhəmiyyəti, eləcə də işğaldan azad edilmiş ərazilərdə aparılan genişmiqyaslı bərpa və yenidənqurma işləri barədə məlumat verilib.

📌 Səfər gənclərin tarixi yaddaşının möhkəmləndirilməsi, milli-mənəvi dəyərlərə bağlılığının artırılması və vətənpərvərlik ruhunda maarifləndirilməsi baxımından mühüm əhəmiyyət daşıyıb.

16/08/2026

🇦🇿 Goranboy rayonunda şəhər, qəsəbə və kənd komandaları arasında keçirilən futbol turnirinə yekun vuruldu.

✅️ 11 iyun - 15 avqust 2026-cı il tarixlərində Goranboy Rayon İcra Hakimiyyəti və Gəncə-Daşkəsən Regional Gənclər və İdman İdarəsinin Goranboy rayonu üzrə gənclər və idman sektorunun təşkilatçılığı, Elm və Təhsil İşçiləri Həmkarlar İttifaqı Goranboy Rayon Komitəsi və Goranboy Olimpiya İdman Kompleksinin dəstəyi ilə keçirilən, "Şəhərsalma və Memarlıq İli" çərçivəsində Gənclər və İdman Nazirliyinin yaradılması gününə həsr olunmuş futbol turniri sona çatdı.

➡️ Tədbirdə Goranboy Rayon İcra Hakimiyyəti başçısının birinci müavini Seymur Nazarov, Goranboy rayonu üzrə gənclər və idman sektorunun müdiri Cəfər Verdiyev, Elm və Təhsil İşçiləri Həmkarlar İttifaqı Goranboy Rayon Komitəsinin sədri Kamil Baxşəliyev iştirak etdilər. Rəsmilər ölkəmizdə əsası Umumilli Lider Heydər Əliyev tərəfindən qoyulan və cənab Prezident İlham Əliyev tərəfindən uğurla davam etdirilən idman siyasətindən bəhs edərək, Goranboy rayonunda da, idmana göstərilən diqqət və qayğıdan söz açdılar. Ölkəmizdə bütün idman növləri ilə yanaşı futbol idman növünün də sürətlə inkişaf etdiyini, həmçinin gənclərin bu idman növünə xüsusi maraq göstərdiyini iştirakçıların diqqətinə çatdırdılar.

⚽️ Goranboy Olimpiya İdman Kompleksində baş tutan final mərhələsinin birincilik uğrunda oyunu Düzqışlaq və Baxçakürd kənd komandaları arasında keçirildi.

🔹️ Yekun nəticələrə əsasən komandaların turnirdə tutduğu yerlər aşağıdakı kimi müəyyənləşdi:

🥇 I yer – Düzqışlaq kənd komandası
🥈 II yer – Baxçakürd kənd komandası
🥉 III yer – Alpout kənd komandası

📌 Qeyd edək ki, turnirə şəhər, qəsəbə və kəndlərdən 16 komanda qatılmışdır.

🔹️ Sonda I yerin qalibi olmuş komandaya kubok, diplom və medal, II və III yerlərin qalib komandalara isə diplom və medallar təqdim edildi. Turnirə qatılmış bütün komandalara təşəkkür edir və qalib gələn komandaları təbrik edərək növbəti yarışlarda uğurlar arzulayırıq.

15/08/2026

14/08/2026

Goranboy rayonunda üzgüçülük idman növü üzrə rayon turniri keçirilib.

🏊‍♂️ 14 avqust 2026-cı il tarixində Gəncə-Daşkəsən Regional Gənclər və İdman İdarəsinin Goranboy rayonu üzrə gənclər və idman sektorunun və Goranboy Olimpiya İdman Kompleksinin birgə təşkilatçılığı ilə "Şəhərsalma və Memalıq İli" çərçivəsində qız və oğlanlar arasında üzgüçülük idman növü üzrə Goranboy rayon turniri keçirilib.

Turnirdə 3 yaş qrupu üzrə qızlar 4 yaş qrupları üzrə oğlanlar öz qüvvələrini sınayaraq maraqlı və gərgin mübarizə şəraitində çıxış ediblər.

✅ Yarışın keçirilməsində əsas məqsəd idmançıların təcrübələrinin artırılması, fiziki hazırlıq səviyyələrinin qiymətləndirilməsi, gələcək yarışlara hazırlıq prosesinin daha da gücləndirilməsi və üzgüçülük idman növünə marağın artırılması olmuşdur.

🏅 Turnirin sonunda 21 nəfər mükafatçı diplom və medallarla təltif olunublar.

13/08/2026

Goranboy rayonunda 12 Avqust – "Beynəlxalq Gənclər Günü" münasibətilə görüş keçirilib.

✅️ Goranboy Rayon İcra Hakimiyyətinin əməkdaşı Kürdoğlu Abbasov, Goranboy Gənclər Evinin direktoru Elçin Əliyev və Goranboy rayonu üzrə gənclər və idman sektorunun əməkdaşı Ruslan Nadirli gənclərin cəmiyyətin ictimai, sosial və mədəni həyatında fəal iştirakının vacibliyini vurğulayıb, onların bilik və bacarıqlarının inkişaf etdirilməsi, yeni təşəbbüslərinin dəstəklənməsi və potensiallarından səmərəli istifadə olunmasının əhəmiyyətindən danışıblar.

🎯 Görüşün əsas məqsədi gənclər üçün səmimi ünsiyyət və fikir mübadiləsi mühitinin yaradılması, gənclərin gündəlik fəaliyyətləri, maraqları və gələcək planları barədə müzakirələrin aparılması olub.

💬 Tədbir zamanı gənclərin qarşılaşdığı məsələlər, onların təklif və təşəbbüsləri dinlənilib, müxtəlif istiqamətlər üzrə fikir mübadiləsi aparılıb. Gənclərin asudə vaxtlarının səmərəli təşkili, ictimai fəallığının artırılması və müxtəlif layihələrdə iştirakının genişləndirilməsi ilə bağlı müzakirələr keçirilib.

12/08/2026

Goranboy rayonunda uşaqlar arasında “Macəra Estafeti” adlı əyləncəli idman tədbiri keçirilib.

✅ Tədbir Gəncə-Daşkəsən Regional Gənclər və İdman İdarəsinin Goranboy rayonu üzrə gənclər və idman sektoru və Goranboy Gənclər Evinin birgə təşkilatçılığı ilə baş tutub.

👥 Tədbirdə Goranboy Rayon İcra Hakimiyyətinin məsul əməkdaşı, Goranboy UGİM-in idmançıları, gənclər və könüllülər iştirak ediblər.

🎯 Tədbirin əsas məqsədi uşaqlar arasında sağlam həyat tərzinin təbliği, fiziki aktivliyin artırılması, idmana marağın gücləndirilməsi və asudə vaxtın səmərəli təşkilindən ibarət olub.

🏃‍♀️🏃‍♂️ Tədbir çərçivəsində uşaqlar müxtəlif maraqlı və əyləncəli estafetlərdə iştirak edərək sürət, çeviklik, dəqiqlik və komanda bacarıqlarını nümayiş etdiriblər. Müxtəlif maneələrin dəf edilməsi və tapşırıqların yerinə yetirilməsi iştirakçılar arasında böyük maraq və yüksək əhval-ruhiyyə yaradıb.

➡️ Şən və dinamik mühitdə keçən yarış zamanı uşaqlar öz fiziki və çeviklik bacarıqlarını sınamaqla yanaşı, komanda ruhu, dostluq, qarşılıqlı dəstək və sağlam rəqabətin əhəmiyyətini də nümayiş etdiriblər.

➡️ Sağlam gələcək üçün birlikdə hərəkət edək!

12/08/2026

12 Avqust - Beynəlxalq Gənclər Günüdür.
Əziz gənclər, gününüz mübarək!

10/08/2026

📣 Əziz idmansevərlər!

✅️ 12 avqust 2026-cı il tarixində Goranboy Gənclər Parkında uşaqlar arasında "Macəra Estafeti" adlı əyləncəli idman tədbiri keçiriləcək.

🎯 Məqsəd: Uşaqlar arasında sağlam həyat tərzinin təbliği, fiziki aktivliyin artırılması asudə vaxtın səmərəli və əyləncəli təşkili, eləcə də iştirakçıların çeviklik, sürət və koordinasiya bacarıqlarının inkişaf etdirilməsi, həmçinin idmana marağının daha da gücləndirilməsidir.

🔹️ Uşaqların sürət, çeviklik, diqqət və bacarıqlarını nümayiş etdirəcəyi “Macəra Estafeti” yarışında maraqlı və əyləncəli tapşırıqlar, komanda mübarizəsi və xoş anlar sizi gözləyir.

“Macəra Estafeti” – hər addımda hərəkət, hər anında əyləncə!