29/06/2026
24 iyun 2026-cı il tarixdə Goranboy rayon Mərkəzi Kitabxananın oxu zalında 26 İyun-Narkomaniya və Narkobiznesə qarşı Beynəlxalq Mübarizə Günü münasibətilə Heydər Əliyev Mərkəzi, Mərkəzi Kitabxana, Şəhər Kitabxana filialının birgə təşkilatçılığı və Goranboy rayon Ailə Qadın və Uşaq Problemləri üzrə Dövlət Komitəsi əməkdaşlarının iştrakı ilə "Narkomaniya gələcəyin və cəmiyyətin düşmənidir" mövzusunda dəyirmi masa keçirildi. Tədbirdə çıxış edənlər qeyd ediblər ki, narkomaniya bəşəriyyətin üzləşdiyi ən ciddi sosial problemlərdən biridir. Narkotik vasitələr insanın sağlamlığına, psixikasına, ailə münasibətlərinə və cəmiyyətə böyük zərər vurur. Narkotikdən istifadə edən şəxslər tədricən öz sağlamlıqlarını, iradələrini və həyata olan maraqlarını itirirlər. Bu bəla xüsusilə gənclərin gələcəyini təhlükə altına alır. Birləşmiş Millətlər Təşkilatının qərarına əsasən, hər il 26 iyun tarixi Dünyada Narkomaniya və Narkotik Vasitələrin Qanunsuz Dövriyyəsinə Qarşı Beynəlxalq Mübarizə Günü kimi qeyd edilir. Bu günün məqsədi insanları narkomaniyanın fəsadları barədə məlumatlandırmaq, xüsusilə gənclər arasında sağlam həyat tərzini təbliğ etmək və cəmiyyəti bu təhlükəyə qarşı birgə mübarizəyə səsləməkdir. Narkomaniyanın qarşısının alınmasında ailənin, məktəbin, kitabxanaların, mədəniyyət və təhsil müəssisələrinin rolu böyükdür. Gənclərin asudə vaxtının səmərəli təşkili, onların idmana, elmə, incəsənətə və mütaliəyə cəlb olunması bu bəlanın qarşısının alınmasına kömək edir. Unutmayaq ki, sağlam cəmiyyət sağlam gənclikdən başlayır. Gəlin, birlikdə narkomaniyaya "Yox!", sağlam həyata isə "Bəli!" deyək. Sağlam gələcək naminə hər birimiz bu ümumbəşəri problemə qarşı mübarizədə fəal iştirak etməliyik.
