İmişli şəhər 4 saylı tam orta məktəb

20/08/2026

🎓 Təmayül tədris modelinin tətbiq olunduğu İmişli şəhəri Eldar İbrahimov adına 4 nömrəli tam orta ümumtəhsil məktəbinin informatika müəllimi Qasımzadə Səfurəni təqdim edirik.

📌 Bakalavr təhsili – Gəncə Dövlət Universiteti
📌 Sertifikatlaşdırma nəticəsi – 57 bal
📌 Peşəkar göstəriciləri:
🔹 STEAM müəllimi;
🔹 2022–2023-cü ildən MİE Expert statusuna malikdir.
📌 Şagird nailiyyətləri – son 3 ildə 20-dən çox şagirdinin yüksək nəticə göstərərək tələbə adını qazanmasına töhfə verib.

Yeni təmayül tədris modeli çərçivəsində məktəbimizdə şagirdlərin seçdikləri ixtisas istiqamətləri üzrə bilik və bacarıqlarının inkişaf etdirilməsi, ali təhsilə hazırlıq prosesinin məktəb daxilində daha sistemli və məqsədyönlü təşkili qarşıya əsas məqsəd kimi qoyulub.

Bu istiqamətdə peşəkar, təcrübəli və nəticəyönümlü müəllimlərin fəaliyyəti şagirdlərimizin akademik inkişafında mühüm rol oynayır.

İnanırıq ki, Səfurə müəllimin bilik və təcrübəsi şagirdlərimizin gələcək təhsil hədəflərinə çatmasına mühüm töhfə verəcək.

20/08/2026

🎓 Təmayül tədris modelinin tətbiq olunduğu İmişli şəhəri Eldar İbrahimov adına 4 nömrəli tam orta ümumtəhsil məktəbinin tarix müəllimi Hüseynova Ruhiyyəni təqdim edirik.

📌 Bakalavr təhsili – Azərbaycan Dövlət Pedaqoji Universiteti
📌 Sertifikatlaşdırma nəticəsi – 58 bal
📌 Peşəkar göstəriciləri:
🔹 2010–2011-ci illərdə “İlin ən yaxşı müəllimi” müsabiqəsinin qalibi;
🔹 Elm və Təhsil Nazirliyi tərəfindən “Qabaqcıl təhsil işçisi” fəxri adı və döş nişanı ilə təltif olunub;
🔹 2018 və 2024-cü illərdə iki şagirdi tarix fənni üzrə Respublika Fənn Olimpiadasında bürünc medal qazanıb.
📌 Şagird nailiyyətləri – son 3 ildə 50-dən çox şagirdinin yüksək nəticə göstərərək tələbə adını qazanmasına töhfə verib.

Yeni təmayül tədris modeli çərçivəsində məktəbimizdə şagirdlərin seçdikləri ixtisas istiqamətləri üzrə bilik və bacarıqlarının inkişaf etdirilməsi, ali təhsilə hazırlıq prosesinin məktəb daxilində daha sistemli və məqsədyönlü təşkili qarşıya əsas məqsəd kimi qoyulub.

Bu istiqamətdə peşəkar, təcrübəli və nəticəyönümlü müəllimlərin fəaliyyəti şagirdlərimizin akademik inkişafında mühüm rol oynayır.

İnanırıq ki, Ruhiyyə müəllimin bilik və təcrübəsi şagirdlərimizin gələcək təhsil hədəflərinə çatmasına mühüm töhfə verəcək.

19/08/2026

İmişli şəhəri Eldar İbrahimov adına 4 nömrəli tam orta ümumtəhsil məktəbində yeni təmayül tədris modeli üzrə fəaliyyət göstərən ingilis dili müəllimi Şərəfxanlı Aysunu təqdim edirik. İnanırıq ki, onun bilik və təcrübəsi şagirdlərin akademik inkişafına mühüm töhfə verəcək.

📌 Bakalavr təhsili – Azərbaycan Dillər Universiteti
📌 Sertifikatlaşdırma nəticəsi – 54 bal
📌 Şagird nailiyyətləri – son 3 ildə 40-dan çox şagirdinin yüksək nəticə göstərərək tələbə adını qazanmasına töhfə verib.

Yeni təmayül tədris modeli çərçivəsində məktəblərimizə innovativ və nəticəyönümlü müəllimlər cəlb olunub.

Qeyd edək ki, yeni təmayüllü tədris modelinin məqsədi şagirdləri könüllü şəkildə təmayül istiqamətinə yönləndirmək, onların gələcək təhsil və karyera seçimlərinə uyğun imkanlar yaratmaqdır.

19/08/2026

Sizə İmişli şəhəri Eldar İbrahimov adına 4 nömrəli tam orta ümumtəhsil məktəbində yeni təmayül tədris modeli üzrə fəaliyyət göstərən riyaziyyat müəllimi Məmmədov Şamini təqdim edirik. İnanırıq ki, onun bilik və təcrübəsi şagirdlərin akademik inkişafına mühüm töhfə verəcək.

📌 Bakalavr təhsili – Sumqayıt Dövlət Universiteti
📌 Sertifikatlaşdırma nəticəsi – 57 bal
📌 Şagird nailiyyətləri – son 3 ildə 30-dan çox şagirdinin yüksək nəticə göstərərək tələbə adını qazanmasına töhfə verib.

Yeni təmayül tədris modeli çərçivəsində məktəblərimizə innovativ və nəticəyönümlü müəllimlər cəlb olunub.

Qeyd edək ki, yeni təmayüllü tədris modelinin məqsədi şagirdləri könüllü şəkildə təmayül istiqamətinə yönləndirmək, onların gələcək təhsil və karyera seçimlərinə uyğun imkanlar yaratmaqdır.

04/08/2026

Şagirdlərin qeydiyyat prosesi davam edir.
---
Mil-Muğan Regional Təhsil İdarəsinin tabeliyində fəaliyyət göstərən Beyləqan şəhəri Nizami Ağayev adına 6 nömrəli, İmişli şəhəri Eldar İbrahimov adına 4 nömrəli, Sabirabad şəhəri Səməd Vurğun adına 3 nömrəli, Sabirabad şəhəri Mikayıl Müşfiq adına 4 nömrəli və Saatlı şəhəri Səməd Vurğun adına 1 nömrəli tam orta ümumtəhsil məktəblərində tətbiq olunacaq yeni təmayül tədris modeli üzrə şagirdlərin qeydiyyatı davam edir.

Yeni təmayül tədris modeli şagirdlərin fərdi maraq və qabiliyyətlərini nəzərə alan müasir təhsil yanaşmasına əsaslanır. Modelin tətbiqi şagirdlərə gələcək təhsil və peşə hədəflərinə uyğun istiqamət seçmək, seçdikləri sahələr üzrə bilik və bacarıqlarını daha dərindən inkişaf etdirmək imkanı yaradır.

Təmayül siniflərində təhsil alan şagirdlər maraq göstərdikləri istiqamətlər üzrə daha geniş məzmunlu tədris proqramı ilə əhatə olunacaq, analitik düşünmə, tədqiqat aparma, problem həll etmə və praktik bacarıqlarını inkişaf etdirmək üçün əlverişli təhsil mühiti ilə təmin ediləcəklər. Bu yanaşma onların ali təhsil müəssisələrinə qəbul prosesinə daha hazırlıqlı olmalarına, gələcək peşə seçimlərini daha şüurlu şəkildə etmələrinə və əmək bazarının tələblərinə uyğun kompetensiyalar qazanmalarına xidmət edir.

Layihənin əsas məqsədi ümumi orta təhsil səviyyəsini başa vuran şagirdlər üçün daha keyfiyyətli və fərdiləşdirilmiş təhsil imkanları yaratmaq, onların intellektual və şəxsi inkişafını dəstəkləmək, eyni zamanda məktəblərdə sağlam sosial-psixoloji mühitin formalaşmasına töhfə verməkdir.

Mil-Muğan Regional Təhsil İdarəsi bütün şagirdlərə yeni tədris modelinin təqdim etdiyi imkanlardan faydalanmağa və gələcək uğurlarına möhkəm təməl yaradacaq bu təhsil imkanından yararlanmağa dəvət edir.

Aşağıda Mil-Muğan Regional Təhsil İdarəsinin tabeliyində fəaliyyət göstərən ümumi təhsil müəssisələrində X və XI siniflər üzrə şagird qəbulunun linkləri verilib. Linklər vasitəsi ilə qeyd olunan məktəblərə qəbula yazılmaq olar.

✅Beyləqan şəhəri Nizami Ağayev adına 6 nömrəli tam orta ümumtəhsil məktəb

https://docs.google.com/forms/d/e/1FAIpQLScvP5CihaMDTEXWL7wM869vUCA7RNxxBjlsKrJzXyL3aqgWyA/viewform

✅İmişli şəhəri Eldar İbrahimov adına 4 nömrəli tam orta ümumtəhsil məktəbi

https://forms.gle/uw6E57xmaqnXV5EPA

✅Sabirabad şəhəri Səməd Vurğun adına 3 nömrəli tam orta ümumtəhsil məktəbi

https://docs.google.com/forms/d/e/1FAIpQLSfwyK3GVPc7C1Y6j27eBYjdkl0Xpf3WKqBjEcCce6sTBxXa6A/viewform?usp=header

✅Sabirabad şəhəri Mikayıl Müşfiq adına 4 nömrəli tam orta ümumtəhsil məktəb

https://docs.google.com/forms/d/e/1FAIpQLSftg05yX5xr1hvfnvuzC8_d9ztkdADuekpCVtpIhfPItwjpOA/viewform?usp=header

✅Saatlı şəhəri Səməd Vurğun adına 1 nömrəli tam orta ümumtəhsil məktəb

https://forms.gle/cowV8MazSUduRDDW7

15/07/2026

Qeydiyyat prosesi davam edir.

09/07/2026

Bir seçim gələcəyi dəyişə bilər...
Valideyn olaraq hər birimizin arzusu eynidir – övladımızın yaxşı təhsil alması, potensialını reallaşdırması və gələcəyini düzgün qurması.
Məhz bu məqsədlə rayonumuzda dövlət tərəfindən 4 saylı tam orta məktəb yaradıldı. Burada məqsəd şagirdləri əlavə yükə məruz qoymaq deyil, onların vaxtını daha səmərəli təşkil etmək, ali təhsil hədəflərinə sistemli şəkildə hazırlamaqdır.
Artıq bir tədris ilini geridə qoymuşuq. Bu müddətdə şagirdlərimiz ali məktəbə qəbul proqramına uyğun tədris alıb, peşəkar müəllimlərin rəhbərliyi ilə məqsədyönlü şəkildə çalışıblar. Burada hər dərs şagirdin gələcəyinə hesablanıb.
Dövlətin övladlarımız üçün yaratdığı bu imkanı görmədən, tanımadan onun haqqında fikir formalaşdırmaq düzgün olmaz. Ən doğru qiyməti eşitdiklərimiz yox, gördüklərimiz və əldə olunan nəticələr verir.
Əziz valideynlər, seçim edərkən yalnız bir suala cavab verin: "Bu seçim övladımın gələcəyinə nə qazandıracaq?" Əgər cavabınız keyfiyyətli təhsil, sistemli hazırlıq və vaxtdan səmərəli istifadədirsə, gəlin 4 saylı tam orta məktəbi yaxından tanıyaq.
Çünki məqsədimiz rəqabət aparmaq deyil. Məqsədimiz övladlarımızın uğurudur.
Gələcək təsadüflərlə deyil, düzgün seçimlə qurulur.

03/07/2026

03/07/2026

Əziz siyasi həmfikirlər!
Bu gün Yeni Azərbaycan Partiyası İmişli rayon təşkilatının yaranmasından 33 il ötür. Bu əlamətdar tarix rayonumuzun ictimai-siyasi həyatında mühüm və qürurverici bir mərhələni özündə təcəssüm etdirir. Ümummilli Liderimiz, dahi şəxsiyyət Heydər Əliyevin uzaqgörən siyasəti və sarsılmaz ideyaları əsasında qurulan Yeni Azərbaycan Partiyası, bu gün Müzəffər Ali Baş Komandan, Partiyamızın Sədri cənab İlham Əliyevin müdrik rəhbərliyi ilə qələbədən qələbəyə, zirvədən zirvəyə doğru inamla addımlayır.
Ötən 33 il ərzində YAP İmişli rayon təşkilatı da bu şanlı yolun ayrılmaz bir parçası olmuş, dövlətçiliyimizin möhkəmlənməsində və rayonumuzun inkişafında aparıcı qüvvə kimi fəaliyyət göstərmişdir. Təşkilatımızın bu illər ərzində qazandığı hər bir uğurun arxasında şübhəsiz ki, sizlərin – dəyərli partiya üzvlərimizin fədakarlığı, əqidəyə sadiqliyi və vətənpərvərliyi dayanır. Sıralarımızda birləşən hər bir ziyalıya, gəncə, qadına, ağsaqqala və bütün zəhmətkeşlərimizə partiyamızın prinsiplərinə, dövlətimizin milli maraqlarına göstərdikləri sarsılmaz dəstəyə görə xüsusi təşəkkürümü bildirirəm. Bizim gücümüz birliyimizdədir!
Bu möhtəşəm 33 illik yubiley münasibətilə YAP İmişli rayon təşkilatının qeydiyyatında olan bütün çoxsaylı üzvlərimizi səmimi-qəlbdən təbrik edir, hər birinizə möhkəm cansağlığı, xoşbəxtlik və qüdrətli Azərbaycanımızın daha da çiçəklənməsi naminə birgə fəaliyyətimizdə yeni-yeni nailiyyətlər arzulayıram.
Yubileyimiz mübarək olsun!

Dərin hörmətlə,
Səfa Ağayev
YAP İmişli rayon təşkilatının sədri

25/06/2026

Məktəbimizin fiziki tərbiyə müəllimi Elvin Mehdiyev müəllimlərin sertifikatlaşdırılması imtahanında uğurla iştirak edərək 53 bal toplayıb.

Bu nəticə Elvin müəllimin öz peşəsinə məsuliyyətli yanaşmasının, davamlı inkişaf və özünütəkmilləşdirmə istiqamətində göstərdiyi səylərin göstəricisidir.

Elvin müəllim bu uğurunu belə ifadə edir:
"Uğur zəhmətin qazandırdığı bir qələbədir!"

Bu münasibətlə Elvin müəllimi səmimi qəlbdən təbrik edir, pedaqoji fəaliyyətində yeni nailiyyətlər və uğurlar arzulayırıq!