https://www.facebook.com/239650242559600/

Laçın Simurq Kitabxanası

Home
Azerbaijan
Lachin
Laçın Simurq Kitabxanası

Laçın rayonu T.Ş.Simurq adına Kitabxananın rəsmi səhifəsi.
(8)

24/10/2025

“Mənəviyyat zirvəsi” Mübariz Binnətoğlu.

Bu kitab idman və bədən tərbiyəsi üzrə böyük mütəxəssis, görkəmli şəxsiyyət, elm və mənəviyyat adamı olan İnqilab Əliş oğlu Novruzovun həyat fəaliyyətinə həsr edilmişdir. Müəllif oxucunu onun zəngin idman fəaliyyəti, mənəvi düşüncələri və insanlıq dəyərləri ilə tanış edir.

✨ “Mənəviyyat zirvəsi” – adının da ifadə etdiyi kimi, İnqilab Novruzovun elmə, maarifə və mənəviyyata həsr olunmuş ömrünün rəmzidir.

30/09/2025

📚 Laçın Simurq Kitabxanasında daha bir dəyərli gün!

Hörmətli ziyalımız Ziyadxan Nəbibəyli kampaniyasına qoşularaq kitabxanamıza müəllifi olduğu kitablarını şəxsən təqdim etdi. Onun bu nəcib addımı oxucularımızın bilik dünyasını zənginləşdirəcək, gənc nəslin elm və ədəbiyyata marağını daha da artıracaq.

🙏 Bu töhfəyə görə Ziyadxan müəllimə dərin təşəkkürümüzü bildiririk!
Kitab bağışlayan hər kəs gələcəyə işıq saçır. 🌟

23/09/2025

Məqalənin müəllifi : Toğrul Mahmudlu.

Azərbaycan Cümhuriyyətini işğal edən sovet generalını Qarabağda kim məğlub etdi?

Bu məqalə Qarabağın görkəmli nəsillərindən olan Laçınlı Sultanovların, xüsusilə də xalq qəhrəmanı Sultan bəy Sultanovun həyat və mübarizəsinə həsr edilib.
Məqalədə Sultan bəyin 3 müxtəlif siyasi dövrdə, özəlliklə, az tədqiq olunmuş və geniş ictimaiyyətə məlum olmayan 1920-1923-cü illərdə bolşevik işğalçılarına qarşı apardığı mübarizəsindən bəhs edilib. Dünya mətbuatında Sultan bəyin qəhrəmanlığının necə əks-səda yaratdığı bu məqalədə qeyd edilmiş xarici qəzet arxivlərinin sənədlərindən aydın görünür. Məqalədəki faktlar Sultan bəyin təkcə hərbi lider olmadığını, eyni zamanda, milli qürurun və müstəqillik iradəsinin simvolu olduğunu göstərir.

Məqalə oxucuya tarixi faktlarla yanaşı xalqımızın mübarizə ruhunu bir daha xatırladır və bu irsin bu günə qədər yaşadığını vurğulayır.
Sultan bəy Sultanovun həyat yolu yalnız bir ailənin, bir bölgənin deyil, bütövlükdə Azərbaycanın milli yaddaşı və müstəqillik uğrunda mübarizə tarixidir.
🇦🇿🇦🇿

09/09/2025

Qərbi Kaspi Universitetinin müəllimi, dəyərli həmyerlimiz Ülkər xanım Hüseynova Simurq kitabxanasının qonağı oldu ✨
O, kampaniyası çərçivəsində balaca kitabsevərlərimizə gözəl hədiyyələr – dəyərli kitablar bəxş etdi 📚💫

Bu nəcib addımına görə Ülkər xanıma təşəkkür edirik və işlərində bol-bol uğurlar arzulayırıq! 🌸

04/09/2025

Antiqa Qonaq Laçında – Kitabxanamızın Qonağı.

Əməkdar jurnalist, müharibə veteranı Əntiqə Qonaqla ilk tanışlığımız təsadüfi olmuşdu. Bu dəfə isə yollarımız doğma Laçında kəsişdi.

Kitabxanamızda keçirilən görüş zamanı Əntiqə xanım 44 günlük Vətən müharibəsinə həsr etdiyi 3 cildlik “444 cəngavər” trilogiyasını və yazıçı Ulduz Qasımın 3 kitabını bizə hədiyyə etdi. 📖

Bu dəyərli kitablar oxucularımız üçün əhəmiyyətli bir töhfə olacaq.

Əntiqə xanıma təşəkkür edir, yaradıcılıq fəaliyyətində uğurlar arzulayırıq! 🙏

28/08/2025

Laçın rayonunun tanınmış şairi və jurnalisti Şöhlət Abbas doğma yurdunun mədəni həyatına dəyərli bir töhfə verib. Yaradıcılığında Vətən sevgisi və Laçın həsrəti ön planda olan şair, “Simurq” kitabxanasına özünün və digər müəlliflərin əsərlərindən ibarət zəngin kitab toplusu hədiyyə edib.

Bu təşəbbüs bölgədə ədəbiyyat sevgisinin artırılması, gənclərin müasir və klassik poeziya ilə tanış olması üçün mühüm addımdır. Şöhlət Abbasın bu jesti, onun mədəniyyətə və elmə sadiqliyinin, həm də doğma torpağına dərin bağlılığının bariz nümunəsidir.

02/08/2025

🗓 31 iyul 2025-ci il tarixində Laçın şəhərində yerləşən LaCinema kino mərkəzində, şəhidimizin atası Kamil Vəfadar, "ŞahGündüzün arzusu" və ŞahGündüzün qələmə aldığı "Gözləyin dağlar, gəlirəm" kitabları ilə laçınlıların görüşünə gəldi. Görüşü sevilən yazıçı Şərif Ağayar təqdim edirdi.

📚 Görüşün sonunda kitablar həm tədbir iştirakçılarına, həm də Simurq kitabxanasına hədiyyə olundu.

Şəhidimizi unutmadıq, unutmayacağıq! 🇦🇿

01/08/2025

1 Avqust — Azərbaycan Dili Günü 🇦🇿
Bu gün dilimizin dövlət dili statusu aldığı gündür.
Azərbaycan dili — bizim kimliyimiz, tariximiz, milli ruhumuzdur.
Gəlin dilimizi sevək, qoruyaq və gələcək nəsillərə layiqincə ötürək!

28/07/2025

Alp Ərdoğan Abbas İsveçrədən vətəni Azərbaycana ayaq basan kimi ilk yolunu babalarının yurdu olan Laçına saldı. Bu torpaqların hər daşı, hər qarışı onun üçün Vətən sevgisinin təcəssümüdür. Bu ziyarət onun köklərinə, torpağına və tarixə olan dərin bağlılığının rəmzidir. Laçının dağlarında nəfəs almaq, babalarının xatirələrini daşıyan torpaqlara ayaq basmaq Alp Ərdoğan üçün təkcə bir səfər deyil – bu, ruhunun rahatlığı, Vətən sevgisinin canlı ifadəsi idi.

Laçına səfəri zamanı Alp Ərdoğan Simurq Kitabxanasını da ziyarət etməyi unutmadı.

24/07/2025

📚 Şükür Şükürovun xatirəsinə.

Əslən Laçın şəhərindən olan mərhum Şükür Şükürovun şeirlər kitabı ailəsi tərəfindən Simurq Kitabxanasına hədiyyə edilib.

Bu dəyərli töhfəyə görə ailəsinə təşəkkür edir, müəllifin əziz xatirəsini ehtiramla yad edirik.
🕊️ Allah rəhmət eləsin.

15/07/2025

Həmyerlimiz, Azərbaycanın tanınmış tarixçi alimi, Azərbaycan Texniki Universitetinin Tarix kafedrasının müdiri, tarix elmləri doktoru, professor Şikar Qasımov Laçın şəhərində yerləşən Simurq Kitabxanasının qonağı olub.

Görüş çərçivəsində hörmətli professor kampaniyasına qoşularaq müəllifi olduğu dəyərli kitabları Laçın Simurq Kitabxanasına hədiyyə edib.

Professor Şikar Qasımova bu dəyərli təşəbbüs və ziyalı mövqeyinə görə dərin təşəkkürümüzü bildirir, elmi fəaliyyətində və gələcək işlərində uğurlar arzulayırıq!

12/07/2025

12 iyul 2025-ci il tarixində Laçın şəhərində yerləşən LaCinema kinoteatrında Azərbaycan ədəbiyyatının tanınmış siması, yazıçı, prezident təqaüdçüsü Şərif Ağayarın oxucularla görüşü keçirildi.

Bu ədəbi-bədii tədbir iştirakçılar üçün unudulmaz və yaddaqalan bir xatirəyə çevrildi. Görüşü giriş sözü ilə yazıçı Sharif AG açaraq, öz həyat yolu və ədəbiyyata gəlişi barədə səmimi və əhatəli şəkildə danışdı.

Daha sonra söz Laçın şəhər sakini Qəzənfər Hüseynova verildi. Ardınca Laçın Abadlıq MMC direktor müavini Elnur Abdullayev, professor Çingiz Abdullayev, “Qartal” firmasının direktoru Şahin Məmmədov, Laçın Mərkəzi Xəstəxanasının həkimi Sənan Əmirli, Laçın sakini Şahin Həsənov və Vəli Həsənov çıxış etdilər.

Tədbirdə aşıq sənətinin tanınmış nümayəndələri – aşıq Umbay Axundov və aşıq Cabbar Cabbarov çıxış etdilər. Sonra aşıq Əbdüləli Axundov, aşıq Afiq və digər gənc aşıqlar sazın müşayəti ilə Şərif Ağayarın şeirlərindən ibarət çıxışlar etdilər.

Yazıçının tələbə yoldaşlarından Elşən Əzim, Həşim Mürsəlov və başqaları da çıxış edərək tələbəlik illərindən maraqlı və yaddaqalan xatirələrini bölüşdülər.

Address

Lachin

Website

facebook.com

Alerts

Be the first to know and let us send you an email when Laçın Simurq Kitabxanası posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Government Service in Lachin?