Lənkəran-Astara Regional Gənclər və İdman İdarəsi

Lənkəran-Astara Regional Gənclər və İdman İdarəsi Lankaran-Astara Regional Youth and Sports Department

Лянкяран-Астаринское региональное управление молодежи и спорта

Astaralı güləşçilər ölkələrarası turnirdə iki bürünc medal qazanıblar. 31 iyul-02 avqust tarixlərində Türkiyənin Kocae...
03/08/2026

Astaralı güləşçilər ölkələrarası turnirdə iki bürünc medal qazanıblar.

31 iyul-02 avqust tarixlərində Türkiyənin Kocaeli şəhərində keçirilən Hasan Gemici və Qazanfar Bilgenin xatirəsinə həsr olunmuş beynəlxalq turnirində Sərbəst güləş üzrə Azərbaycan Milli komandasının tərkibində astaralı güləşçilər Ramik Heybətov (70 kq) və Musa Ağayev (65 kq) bürünc medal qazanıblar.

İdmançıların şəxsi məşqçiləri Astara Uşaq-Gənclər İdman-Şahmat Məktəbinin məşqçi müəllimləri "Azərbaycan Respublikasının Əməkdar məşqçisi" fəxri adını daşıyan Məhərrəm Ağayev və Astara Olimpiya İdman Kompleksinin məşqçisi Nizami Axundovdur.
İdmançılarımızı və məşqçi müəllimləri təbrik edirik.

Avqustun 1-də Cəlilabad şəhər Heydər Əliyev Mərkəzində Cəlilabad Rayon İcra Hakimiyyətinin və Lənkəran - Astara Regional...
02/08/2026

Avqustun 1-də Cəlilabad şəhər Heydər Əliyev Mərkəzində Cəlilabad Rayon İcra Hakimiyyətinin və Lənkəran - Astara Regional Gənclər və İdman İdarəsinin birgə təşkilatçılığı ilə “1 Avqust – Azərbaycan Əlifbası və Azərbaycan Dili Günü münasibətilə “Hərf-hərf Vətən!” adlı görüş keçirilib.

Tədbirin əsas məqsədi gənclərdə ana dilimizə sevgi və hörmət aşılamaq, Azərbaycan əlifbasının tarixi və milli identikliyimizin formalaşmasındakı rolu haqqında maarifləndirmə aparmaq, Ümummilli Lider Heydər Əliyevin 2001-ci il 9 avqust tarixli Fərmanı ilə təsis edilən bu əlamətdar günün mahiyyətini, latın qrafikalı Azərbaycan əlifbasına tam keçidin tarixi əhəmiyyətini gənclərə xatırlatmaq, Gənclər arasında interaktiv müzakirələr, nitq Mədəniyyəti üzrə fikir mübadiləsi və dilimizin zənginliyini təbliğ edən yaradıcı təşəbbüsləri həvəsləndirmək, gənclərə ana dilimizin hər bir hərfinin, hər bir sözünün müqəddəs Vətən torpağı kimi dəyərli olduğunu çatdırmaq, onları milli-mənəvi dəyərlərimizə sahib çıxmağa və Azərbaycan dilini düzgün, səlis və qürurla təbliğ etməyə təşviq etməkdir.

Tədbir iştirakçıları mövzu ətrafında fikir mübadiləsi aparıb, onları maraqlandıran suallar cavablandırılıb.

“1 Avqust – Azərbaycan Əlifbası və Azərbaycan Dili Günü” münasibətilə Lənkəran-Astara Regional Gənclər və İdman İdarəsi ...
01/08/2026

“1 Avqust – Azərbaycan Əlifbası və Azərbaycan Dili Günü” münasibətilə Lənkəran-Astara Regional Gənclər və İdman İdarəsi və Lənkəran Gənclər Evinin birgə təşkilatçılığı ilə “Hərf-hərf Vətən!” adlı tədbir təşkil olunub.

Tədbir Azərbaycan Respublikasının Dövlət Himninin səsləndirilməsi ilə açıq elan edilib.

Tədbirdə əvvəlcə 1 Avqust – Azərbaycan Əlifbası və Azərbaycan Dili Gününün tarixi və əhəmiyyəti barədə iştirakçılara ətraflı məlumat verilib.

Tədbir zamanı iştirakçılar Azərbaycan Respublikasının Prezidenti cənab İlham Əliyevin Azərbaycan Milli Elmlər Akademiyasının yaradılmasının 80 illiyinə həsr olunmuş tədbirdəki çıxışını izləyiblər.

Daha sonra iştirakçılar üçün “Hərf-hərf Vətən!” adlı interaktiv oyun təşkil olunub. Oyun zamanı təqdim olunan ipucları əsasında iştirakçılar qarışıq hərflərdən “Şuşa”, “Vətən”, “Yurd”, “İgid”, “Əsgər”, “Ana dili” və digər sözləri formalaşdıraraq həm biliklərini, həm də komanda şəklində əməkdaşlıq bacarıqlarını nümayiş etdiriblər.

Tədbirdə 22 gənc iştirak edib.

Avqustun 1-də Masallı Gənclər Evi sosial xidmət müəssisəsində Lənkəran - Astara Regional Gənclər və İdman İdarəsinin təş...
01/08/2026

Avqustun 1-də Masallı Gənclər Evi sosial xidmət müəssisəsində Lənkəran - Astara Regional Gənclər və İdman İdarəsinin təşkilatçılığı ilə “1 Avqust – Azərbaycan Əlifbası və Azərbaycan Dili Günü münasibətilə “Hərf-hərf Vətən!” adlı gənclərlə görüş keçirilib.

Görüş zamanı iştirakçılara Azərbaycan əlifbasının tarixi inkişaf yolu, Ümummilli lider Heydər Əliyevin Azərbaycan dilinin qorunması və inkişafı istiqamətində həyata keçirdiyi siyasət, eləcə də bu siyasətin bu gün uğurla davam etdirilməsi barədə ətraflı məlumat verilib.

Çıxış edən natiqlər ana dilinin hər bir xalqın milli kimliyinin əsas göstəricilərindən biri olduğunu vurğulayaraq, gəncləri Azərbaycan dilinin saflığını qorumağa, onu düzgün və zəngin şəkildə istifadə etməyə çağırıblar.

Bu görüşün təşkil edilməsində məqsəd, Azərbaycan dilinin zənginliyini, saflığını və milli-mənəvi dəyərlərimizin qorunmasında ana dilimizin əhəmiyyətini gənclərə çatdırmaq, onlarda dövlət dilinə sevgi və hörmət hissini daha da gücləndirmək olub.

Tədbir iştirakçıları mövzu ətrafında fikir mübadiləsi aparıb, onları maraqlandıran suallar cavablandırılıb.

1 Avqust - Azərbaycan Əlifbası və Azərbaycan Dili Günüdür.
01/08/2026

1 Avqust - Azərbaycan Əlifbası və Azərbaycan Dili Günüdür.

Avqustun 1-də Lənkəran-Astara Regional Gənclər və İdman İdarəsinin və Lerik Heydər Əliyev Mərkəzinin birgə təşkilatçılığ...
01/08/2026

Avqustun 1-də Lənkəran-Astara Regional Gənclər və İdman İdarəsinin və Lerik Heydər Əliyev Mərkəzinin birgə təşkilatçılığı ilə Lerik rayon Heydər Əliyev Mərkəzində “1 Avqust – Azərbaycan Əlifbası və Azərbaycan Dili Günü”nə həsr olunmuş “Hərf-hərf Vətən!” adlı görüş keçirilib.

Tədbirin keçirilməsində əsas məqsəd gənclərdə ana dilinə sevgi və hörmət hissinin gücləndirilməsi, Azərbaycan dilinin dövlət dili kimi əhəmiyyətinin təbliği, milli-mənəvi dəyərlərimizin qorunması, zəngin dil irsimizin gələcək nəsillərə çatdırılması və dövlət dilinin düzgün istifadəsi vərdişlərinin təşviq edilməsi olub.

Görüş zamanı çıxış edənlər Azərbaycan dilinin xalqımızın milli kimliyinin, mədəniyyətinin və mənəvi dəyərlərinin əsas sütunlarından biri olduğunu vurğulayaraq, Ümummilli lider Heydər Əliyevin ana dilimizin inkişafı və qorunması istiqamətində həyata keçirdiyi siyasətdən, eləcə də bu siyasətin Azərbaycan Respublikasının Prezidenti cənab İlham Əliyev tərəfindən uğurla davam etdirilməsindən bəhs ediblər.

Görüş çərçivəsində mövzu ətrafında müzakirələr aparılıb, gənclərin fikir və təklifləri dinlənilib, onları maraqlandıran suallar cavablandırılıb.

İyulun 31-də Astara Gənclər evi sosial xidmət müəssisəsində Lənkəran-Astara Regional Gənclər və İdman İdarəsinin təşkila...
01/08/2026

İyulun 31-də Astara Gənclər evi sosial xidmət müəssisəsində Lənkəran-Astara Regional Gənclər və İdman İdarəsinin təşkilatçılığı ilə “Hüquqi savadlılıq cəmiyyətin əsas inkişaf mexanizmidir” mövzusunda gənclərlə görüş keçirilmişdir.

Tədbirdə Lənkəran-Astara Regional Gənclər və İdman idarəsinin və Astara Gənclər evinin əməkdaşları çıxış edərək bildirmişlər ki, hüquqi savadlılıq insan hüquqları və vətəndaş azadlıqlarının qorunmasında vacib amillərdən biridir. Hüquqi biliklərə malik olmaq, yalnız qanunların tətbiqində deyil, eyni zamanda insanların hüquqlarını qorumaq və vəzifələrini dərk etmək baxımından əhəmiyyətlidir. Hüquqi savadlılıq insanın öz hüquq və vəzifələrini bilməsi, həmçinin cəmiyyət və dövlət qarşısında məsuliyyətini dərk etməsidir. İnsan hüquqları hər bir fərdin doğulduğu andan sahib olduğu toxunulmaz, ayrılmaz hüquqlardır. Bu hüquq və azadlıqlar şəxsin cəmiyyət və digər şəxslər qarşısında məsuliyyətlərini də ehtiva edir.

Lənkəranda "Səhər idmanı" layihəsi çərçivəsində gimnastika üzrə səhər məşqləri keçirildi ✅İyulun 31-də rayon sakinləri G...
31/07/2026

Lənkəranda "Səhər idmanı" layihəsi çərçivəsində gimnastika üzrə səhər məşqləri keçirildi ✅

İyulun 31-də rayon sakinləri Gənclər və İdman Nazirliyinin təşəbbüsünə qoşularaq Lənkəran Olimpiya İdman Kompleksində səhər idmanı edərək sağlam həyat tərzinə çağırış ediblər.

Məqsəd idmanın hər bir insan üçün həyat tərzinə çevrilməsi və hər kəsin günə gümrah başlamasıdır.

31/07/2026

“Enerji düşərgəsi” adlı günərzi düşərgə təşkil olunub ✅

Address

Lankaran
AZ4200

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+994252540319

Website

Alerts

Be the first to know and let us send you an email when Lənkəran-Astara Regional Gənclər və İdman İdarəsi posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Lənkəran-Astara Regional Gənclər və İdman İdarəsi:

Shortcuts

Share

Category