Lənkəran - Astara Regional Təhsil İdarəsi

28/05/2026

Lənkəran şəhər Osman Mirzəyev adına 5 saylı Uşaq evi sosial xidmət müəssisəsində “Erkən peşə yönümü və psixososial inkişaf proqramı”na start verilib.

Heydər Əliyev Fondunun təşəbbüsü və Azərbaycan Respublikası Elm və Təhsil Nazirliyinin tapşırığı əsasında “Valideyn himayəsindən məhrum olmuş uşaqlar üçün erkən peşə yönümü və psixososial inkişaf proqramı” adlı layihənin icrasına başlanılıb.

Layihənin əsas məqsədi valideyn himayəsindən məhrum olmuş uşaqların psixoloji vəziyyətinin qiymətləndirilməsi, onların maraq və bacarıqlarının müəyyən olunması, eləcə də uyğun peşə istiqamətlərinə yönləndirilməsinin təmin edilməsidir. Proqram çərçivəsində uşaqların fərdi xüsusiyyətlərinin öyrənilməsi, psixososial inkişafının dəstəklənməsi və gələcək peşə seçimlərinə hazırlığının artırılması istiqamətində kompleks fəaliyyətlər həyata keçirilir.

Layihə psixoloji diaqnostika, peşə yönümü üzrə qiymətləndirmə və praktiki bacarıqların inkişafını əhatə edən çoxşaxəli yanaşma əsasında təşkil olunub. İlkin mərhələdə proqramın icrasına Lənkəran şəhər Osman Mirzəyev adına 5 saylı Uşaq evi sosial xidmət müəssisəsində başlanılıb.

Layihə çərçivəsində Lənkəran-Astara Regional Təhsil İdarəsinin tabeliyindəki ümumtəhsil müəssisələrinin psixoloqları Uşaq evi sosial xidmət müəssisəsinin 42 sakini ilə fərdi və qrup şəklində fəaliyyətlər həyata keçirib. Aparılmış qiymətləndirmələr nəticəsində uşaqların maraq dairələri, potensial bacarıqları, peşə meyilləri və psixososial inkişaf xüsusiyyətləri müəyyənləşdirilib.

28/05/2026

🇦🇿 Müstəqilliyimiz əbədidir, dönməzdir, sarsılmazdır!

Lənkəran-Astara Regional Təhsil İdarəsində 28 May - Müstəqillik Günü ilə bağlı tədbir keçirilib.

Tədbir Azərbaycanın müstəqilliyi və ərazi bütövlüyü uğrunda şəhid olmuş qəhrəmanların əziz xatirəsinin bir dəqiqəlik sükutla yad edilməsi ilə başlanıb, Dövlət Himni səsləndirilib.

Lənkəran-Astara Regional Təhsil İdarəsinin müdiri Bəhruz Mehdiyev çıxışında bildirib ki, şərqdə və müsəlman aləmində ilk demokratik dövlət quruluşunu yaratmış Azərbaycan Xalq Cümhuriyyəti istiqlaliyyətimizi elan edərək, xalqımızın müstəqillik əzmini nümayiş etdirib. 1918-ci il mayın 28-də İstiqlal Bəyannaməsinin imzalanması ilə Azərbaycanın müstəqilliyi dünyaya bəyan edilib və xalqımızın çoxəsrlik dövlətçilik ənənələri davam etdirilib. 23 ay ərzində Azərbaycanın ilk parlamenti, hökuməti yaradılıb, dövlət atributları təsis olunub, dövlət quruculuğu sahəsində mühüm tədbirlər həyata keçirilib. XX əsrin sonlarında isə ulu öndər Heydər Əliyevin uğurla gerçəkləşdirdiyi siyasət xalqımızın tarixi-mədəni yaddaşını özünə qaytararaq milli mənlik şüurunu inkişaf etdirib, azərbaycançılıq məfkurəsi işığında müstəqillik arzularının güclənməsi və yaxın gələcəkdə yenidən həqiqətə çevrilməsinə zəmin yaradıb. Bu gün Prezident cənab İlham Əliyevin rəhbərliyi ilə müstəqil Azərbaycanın siyasi, iqtisadi və hərbi gücü daha da artıb, xalqımız qalib və müstəqil dövlətin vətəndaşı kimi fəxrlə yaşayır.

Sonda 28 May - Müstəqillik Gününün əhəmiyyətindən bəhs edən videoçarx nümayiş olunub.

27/05/2026

Qurban bayramı hər bir ocağa sevinc, bərəkət və xoşbəxtlik gətirsin!

26/05/2026

Elm və Təhsil Nazirliyi, Təhsil İnstitutu və Məktəbəqədər və Ümumi Təhsil üzrə Dövlət Agentliyinin təşkilatçılığı ilə 2025-ci ilin noyabr ayından etibarən həyata keçirilən BilBacar müsabiqəsinin 2025/2026-cı tədris ili üzrə finalçıları elan olunub.

BilBacar hesabına daxil olaraq nəticələri görmək mümkündür.

Final imtahanı ilə bağlı yaxın günlərdə ətraflı məlumat veriləcək.

Final mərhələsinə vəsiqə qazanan bütün şagirdlərimizə uğurlar arzulayırıq!

25/05/2026

ℹ️ Lənkəran məktəbliləri və onların valideynləri ilə görüş keçirilib.

Lənkəran-Astara Regional Təhsil İdarəsinin müdiri Bəhruz Mehdiyev yeni tədris ilində tam orta təhsil səviyyəsi üzrə təhsil alacaq şagirdlər və onların valideynləri ilə görüşüb.

31 məktəbin şagirdlərinin iştirak etdiyi görüşün əsas mövzusu Lənkəran şəhəri Rövşən Bədəlov adına 9 nömrəli tam orta ümumtəhsil məktəbinin qəbul qaydaları və yaratdığı təhsil imkanları olub. Uğurlu nəticələr və qarşıya qoyulan məqsədlər barədə geniş məlumat verilib, görüş iştirakçılarının sualları ətraflı şəkildə cavablandırılıb.

Ümumi orta təhsil səviyyəsi üzrə buraxılış imtahanlarında 150 və daha çox bal toplamış və Lənkəran şəhəri Rövşən Bədəlov adına 9 nömrəli tam orta ümumtəhsil məktəbində təhsil almaq istəyən şagirdlər aşağıdakı linkə daxil olmaqla qeydiyyatdan keçə bilərlər:
🔗 https://shorturl.at/XPN0Y

25/05/2026

✅ 37 nəfər şagirdimiz Məktəblilərarası fənn müsabiqələrinin və Lütfi Zadə adına riyaziyyat-məntiq olimpiadasının final turuna vəsiqə qazanıb.

Elm və Təhsil Nazirliyi tərəfindən keçirilmiş Məktəblilərarası fənn müsabiqələrinin və Lütfi Zadə adına riyaziyyat-məntiq olimpiadasının yarımfinal mərhələsinin nəticələrinə əsasən, Lənkəran-Astara Regional Təhsil İdarəsinin tabeliyindəki ümumi təhsil müəssisələrində təhsil alan 37 şagird final mərhələsinə vəsiqə qazanıb.

Fənn müsabiqələrinin və riyaziyyat-məntiq olimpiadasının final mərhələsində iştirak edəcək şagirdlərimizə müvəffəqiyyətlər arzulayırıq!

25/05/2026

📢 Azərbaycan dili müəllimlərinin nəzərinə: xarici ölkələrdə 1 il işləmə imkanı

📢 Azərbaycan dili müəllimlərinin nəzərinə: xarici ölkələrdə 1 il işləmə imkanı

ℹ️ Xarici ölkələrdə fəaliyyət göstərən məktəblərdə Elm və Təhsil Nazirliyi tərəfindən Azərbaycan dilinin tədrisinin təşkili üçün qrant müsabiqə elan edilib.

❗️Layihə təkliflərinin qəbulu Qırğız Respublikasının Bişkek şəhərində və Özbəkistan Respublikasının Daşkənd şəhərində yerləşən müvafiq məktəbin təhsilalanları üçün bir tədris ili ərzində Azərbaycan dili fənninin əyani tədrisi istiqamətlərində həyata keçiriləcək.

📌Müsabiqədə ümumi təhsil müəssisələrində Azərbaycan dilinin tədrisi üzrə ən azı 3 il pedaqoji staja malik olan və yaşı 60-dan çox olmayan şəxslər iştirak edə bilərlər.

📩 Müsabiqəyə təqdim olunacaq layihə sənədlərinin qəbulu 3 iyun 2026-cı il, saat 17:00-dək [email protected] elektron poçtu vasitəsilə həyata keçiriləcək.

🔗 Qrant müsabiqəsi barədə daha ətraflı məlumatla aşağıdakı elan və şərtlər toplusu vasitəsilə tanış ola bilərsiniz:

https://tinyurl.com/3wt5xncs
https://tinyurl.com/mrypxnd2

21/05/2026

Adaptasiya proqramı çərçivəsində görüş təşkil olunub ✅

Lənkəran-Astara Regional Təhsil İdarəsi tərəfindən yeni təyin olunmuş ümumtəhsil müəssisələrinin direktor və direktor müavinləri üçün adaptasiya proqramı çərçivəsində görüş keçirilib.

Proqramın məqsədi yeni təyinat alan rəhbər şəxslərin idarəetmə bacarıqlarının formalaşdırılması, təhsil qanunvericiliyinin düzgün tətbiqinin təmin olunması, məktəbdaxili proseslərin səmərəli təşkili üzrə bilik və bacarıqlarının artırılması, həmçinin liderlik və qərarvermə bacarıqlarının inkişaf etdirilməsidir.

Görüş zamanı iştirakçılarla məktəbdaxili idarəetmənin səmərəli təşkili, təhsil müəssisələrində planlaşdırma və hesabatlılıq mexanizmləri, müəllim və şagird kontingentinin düzgün idarə olunması, eləcə də rəhbərlik fəaliyyətində şəffaflıq və məsuliyyət prinsiplərinin tətbiqi ilə bağlı müzakirələr aparılıb.

Eyni zamanda, yeni təyin olunmuş rəhbər şəxslərə fəaliyyətlərinin ilk ilini əhatə edən hesabatın hazırlanması ilə bağlı tapşırıqlar və müvafiq tövsiyələr təqdim olunub.

20/05/2026

📢 Müəllimlərin iş yerinin dəyişdirilməsi müsabiqəsi üzrə vakansiya seçimi mərhələsinə başlanılır.

📢 Müəllimlərin iş yerinin dəyişdirilməsi müsabiqəsi üzrə vakansiya seçimi mərhələsinə başlanılır.

🗓️ 21 maydan etibarən dövlət ümumi təhsil müəssisələrində çalışan müəllimlərin iş yerinin dəyişdirilməsi müsabiqəsinin vakansiya seçimi mərhələsinə başlanılacaq. Müsabiqə qaydalarına əsasən vakansiya seçimi ilkin olaraq şəhid ailəsi üzvləri üçün aktivləşdiriləcək.

🕛 Müsabiqə üzrə qeydiyyatdan keçmiş və elektron ərizəsi təsdiqlənmiş şəhid ailəsi üzvləri 21 may saat 11:00-dan etibarən şəxsi səhifələrinə daxil olaraq müvafiq vakant yer seçimi edə bilərlər. İlkin vakansiya seçimi mərhələsi 22 may saat 11:00-dək davam edəcək.

ℹ️ Növbəti mərhələdə digər müsabiqə iştirakçıları üçün vakansiya seçimi prosesi həyata keçiriləcək və bununla bağlı ictimaiyyətə əlavə məlumat veriləcəkdir.

📌 Vakansiya seçimi mərhələsində iştirak edəcək şəxslərə seçim zamanı diqqətli olmaları və seçim tamamlandıqdan sonra elektron ərizələrini təsdiqləməyi unutmamaları tövsiyə olunur.

20/05/2026

🎖️ Lənkəranda “Şahin” hərbi-idman oyununun zona mərhələsi keçirilib.

Mayın 19-da Fövqəladə Hallar Nazirliyinin Mülki Müdafiə Qoşunlarının Lənkəran şəhərində yerləşən hərbi hissəsində “Şahin” hərbi-idman oyununun zona mərhələsi keçirilib.

Yarış Dövlət Himninin səsləndirilməsi və şəhidlərimizin xatirəsinin 1 dəqiqəlik sükutla yad edilməsi ilə başlayıb.

Lənkəran-Astara Regional Gənclər və İdman İdarəsinin rəisi Teymur Babazadə, Gənclər və İdman Nazirliyinin əməkdaşı Qoçaq İmanzadə, Lənkəran-Astara Regional Təhsil İdarəsinin müdir müavini Rəhim Rəhimov, hərbi hissənin qərargah rəisi, komandir müavini mayor Allahşükür Məmmədli və yarışın baş hakimi Məmməd Məmmədov çıxış edərək bildirdilər ki, “Şahin” hərbi-idman oyunu gənclərin hərbi-vətənpərvərlik ruhunda formalaşdırılması, onların fiziki hazırlığının artırılması və ilkin hərbi biliklərə yiyələnməsi baxımından mühüm əhəmiyyət daşıyır. Uzun illərdir keçirilən bu yarış yeniyetmə və gənclərdə Vətənə sevgi, dövlətçilik ənənələrinə bağlılıq, intizam və komanda ruhunun formalaşmasına böyük töhfə verir. Eyni zamanda vurğulanıb ki, “Şahin” hərbi-idman oyunu iştirakçıların çevikliyinin, dözümlülüyünün və liderlik bacarıqlarının inkişaf etdirilməsində mühüm rol oynayır.

Daha sonra komandalar sıra hazırlığı, maneələrin dəf olunması, turnikdə dartınma və digər hərbi-idman normativləri üzrə öz bacarıqlarını nümayiş etdiriblər.

🥇 l yerin qalibi Cəlilabad komandası,
🥈 ll yerin qalibi Lənkəran komandası,
🥉 lll yerin qalibi isə Lerik komandası olub.

Qalib komandalar Lənkəran-Astara Regional Gənclər və İdman İdarəsinin diplomu ilə təltif edilib.

Şagirdlərimizi təbrik edir, bol uğur arzulayırıq! 👏🏻