https://www.facebook.com/102731001922119/

Lerik rayonu Elçin Mirişov adına Haftonu kənd ümumi orta ümumtəhsil məktəbi, Azərbaycan Respublikası Lerik rayonu Haftonu kəndi, Lerik (2026)

Q: What is the address?

Azərbaycan Respublikası Lerik Rayonu Haftonu Kəndi

23/07/2026

Azərbaycan Respublikasının Prezidenti cənab İlham Əliyevin Almaniya Federativ Respublikasına rəsmi səfəri: Tarixi uğurlar və Cənubi Qafqazda yeni sülh dövrü:

Lerik rayonu Elçin Mirişov adına Haftonu kənd ümumi orta ümumtəhsil məktəbinin kollektivi və rəhbərliyi olaraq, dövlət başçımızın rəhbərliyi ilə Azərbaycanın qlobal arenada qazandığı növbəti tarixi diplomatik uğuru böyük qürur və fərəh hissi ilə qarşılayırıq.Prezident cənab İlham Əliyevin Almaniyaya etdiyi rəsmi səfər və Federal Kansler Fridrix Merts ilə keçirdiyi görüşlər ölkəmizin beynəlxalq nüfuzunun, iqtisadi və siyasi qüdrətinin növbəti bariz nümunəsidir. Səfər çərçivəsində imzalanmış “Azərbaycan Respublikası və Almaniya Federativ Respublikası arasında ikitərəfli tərəfdaşlıq üçün strateji gündəliyə dair Birgə Bəyannamə” və “Azərbaycan-Almaniya Biznes Şurasının yaradılmasına dair Birgə Bəyannamə” münasibətlərimizi keyfiyyətcə tamamilə yeni, strateji bir mərhələyə qaldırır.Bu tarixi bəyanatın mahiyyətini bir təhsil işçisi və vətəndaş olaraq növbəti mühüm istiqamətlər üzrə yüksək qiymətləndiririk:

Avropa İttifaqı ilə Genişlənən Əlaqələr və Regional Liderlik:
Avropa İttifaqının aparıcı qüvvəsi olan Almaniya ilə qurulan strateji dialoq təkcə ikitərəfli əlaqələrə deyil, bütövlükdə Cənubi Qafqazda davamlı sülhə, əmin-amanlığa və əməkdaşlığa xidmət edir. Aİ rəsmilərinin ölkəmizə səfərləri fonunda bu görüş, Azərbaycanın regionun əsas hərəkətverici qüvvəsi olduğunu bir daha təsdiqləyir.
Qlobal Enerji Təhlükəsizliyinə Böyük Töhfə:
Azərbaycan artıq öz təbii qazını Almaniyaya ixrac etməyə başlamışdır. Bu gün Azərbaycan mavi qazı Aİ üzvü olan 10 ölkəyə çatdırılır. Neft və ənənəvi enerji ilə yanaşı, gələcəkdə "yaşıl enerji" layihələrinin Avropaya inteqrasiyası ölkəmizin qlobal enerji xəritəsindəki yerini sarsılmaz edir.

İqtisadi İnkişaf və Tranzit İmkanları:
Hazırda ölkəmizdə 200-dən çox Almaniya şirkəti uğurla fəaliyyət göstərir. Keçən il Orta Asiya məşvərət formatına tamhüquqlu üzv olan Azərbaycan, Orta Asiya ilə Avropa arasında mühüm nəqliyyat və tranzit körpüsünə çevrilmişdir. Yeni yaradılacaq işçi qruplar bu potensialı daha da gücləndirəcəkdir.

Tarixi Sülh və Humanizm Missiyası: Ermənistan-Azərbaycan münasibətlərinin normallaşması, sülh sazişinin paraflanması və Vaşinqtonda imzalanan Birgə Bəyannamə ilə 30 illik münaqişəyə tamamilə son qoyulmuşdur. Azərbaycan öz gücü ilə ərazi bütövlüyünü və suverenliyini bərpa etdikdən sonra regionda humanizm missiyasını da öz üzərinə götürüb. Ölkəmiz tərəfindən Ermənistana benzin və dizel yanacağının təchiz edilməsi, həmçinin Azərbaycan ərazisindən Ermənistana 40 min tondan çox tranzit yükün keçməsi dövlətimizin sülhpərvər və ədalətli siyasətinin ən böyük göstəricisidir.
Biz, Haftonu kənd ümumi orta ümumtəhsil məktəbinin pedaqoji kollektivi olaraq, gənc nəslə dövlətimizin bu müdrik, uzaqgörən və sülhsevər siyasətini aşılamaqdan qürur duyuruq. Müzəffər Ali Baş Komandanımız cənab İlham Əliyevin rəhbərliyi ilə Azərbaycan həm döyüş meydanında, həm də diplomatiya masasında hər zaman qalibdir!

Lerik rayonu Elçin Mirişov adına Haftonu kənd ümumi orta ümumtəhsil məktəbinin direktoru Lətif Bəbirov

23/07/2026

Milli Mətbuatımızın Tarixi Zəfər Səhifəsi və Maarifçilik Missiyamız

Azərbaycan ictimai-siyasi və mədəni fikir tarixinin ən parlaq səhifələrindən biri olan Milli Mətbuat Gününü məktəbimizin kollektivi adından böyük qürur hissi ilə salamlayıram!
Ulu Öndər Heydər Əliyevin vurğuladığı kimi, milli mətbuatımızın inkişaf mərhələləri xalqımızın azadlıq və müstəqillik uğrunda mübarizə tarixinin ayrılmaz tərkib hissəsidir. Biz azadlıq, demokratiya və müstəqillik dərslərini ilk növbədə milli mətbuatımızın şərəfli səhifələrindən öyrənmişik.

Bu şərəfli yolun ilk təməl daşı 1875-ci il iyulun 22-də görkəmli ziyalı, böyük maarifçi-publisist Həsən bəy Zərdabi tərəfindən qoyulmuşdur. "Əkinçi" qəzeti cəmi 56 sayı işıq üzü görməsinə baxmayaraq, xalqımızın milli oyanışında, ana dilimizin qorunmasında və mənəvi dəyərlərimizin təbliğində əvəzsiz, tarixi bir missiyanı yerinə yetirmişdir.
Bu gün fəxrlə deyə bilərik ki, Möhtərəm Prezidentimiz, Müzəffər Ali Baş Komandan İlham Əliyevin rəhbərliyi altında Azərbaycan mətbuatı yeni, müasir və qüdrətli inkişaf mərhələsinə qədəm qoyub. Dövlət başçımızın ifadə etdiyi kimi, müstəqillik dövrümüzdə ilk dəfə olaraq jurnalistlərimiz öz peşə bayramlarını Ermənistanın 30 illik işğalından azad edilmiş Qarabağın tacı, mədəniyyət paytaxtımız Şuşada qeyd etməyin qürurunu yaşadılar. Şuşada keçirilən media forumları və mətbuat tədbirləri zəngin ənənələrə malik Azərbaycan mətbuatının hansı uca zirvəyə yüksəldiyinin əyani sübutudur.Müasir dövrdə operativlik, qərəzsizlik və milli maraqların qorunması prinsiplərini rəhbər tutan mətbuatımız həm də mühüm bir informasiya cəbhəsidir.

Bu cəbhədə fədakarlıqla çalışan, həqiqətləri dünyaya çatdıran və cəmiyyətimizi dolğun məlumatlarla təmin edən bütün media nümayəndələrini 22 İyul - Milli Mətbuat Günü münasibətilə ürəkdən təbrik edirəm.Bir təhsil ocağı olaraq biz də Haftonu kənd ümumi orta ümumtəhsil məktəbində Həsən bəy Zərdabi dühasından, "Əkinçi" ənənələrindən ilham alaraq, dövlətinə, millətinə sadiq, yüksək milli şüura malik və maarifpərvər bir gəncliyin yetişdirilməsi naminə var gücümüzlə çalışmağa davam edəcəyik. Qələminiz iti, sözünüz kəsərli, yolunuz hər zaman aydın olsun!

Lerik rayonu Elçin Mirişov adına Haftonu kənd ümumi orta ümumtəhsil məktəbinin direktoru Lətif Bəbirov

15/07/2026

Prezident İlham Əliyevin IV Şuşa Qlobal Media Forumunda çıxışı ilə bağlı

Azərbaycan Respublikasının Prezidenti İlham Əliyevin iştirakı ilə keçirilən IV Şuşa Qlobal Media Forumu ölkəmizin və regionun ən mühüm beynəlxalq media hadisələrindən biridir. Forum 13-14 iyul 2026-cı il tarixlərində Şuşa şəhərində uğurla baş tutmuşdur.

“Builki forumun ana xətti” Sülhün təşviqində medianın missiyası: Həqiqətin bərpası və etimadın yenidən qurulması” mövzusuna həsr olunmuşdur.
Dünyanın 53 fərqli ölkəsindən 160-a yaxın media nümayəndəsi, dövlət rəsmisi, beynəlxalq ekspert və media rəhbəri iştirak etmişdir.
Müasir qlobal çağırışlar fonunda medianın sülhyaratma prosesindəki rolunu artırmaq, yalan məlumatlara (dezinformasiyaya) qarşı mübarizə aparmaq və peşəkar jurnalistika prinsiplərini qorumaq.

Forumun açılış günündə Azərbaycan Respublikasının Prezidenti İlham Əliyev iştirakçılarla görüşmüş və geniş nitqlə çıxış etmişdir.
Prezident İlham Əliyev dörd saata yaxın davam edən sessiyada xarici jurnalistlərin və media ekspertlərinin müxtəlif mövzulardakı dolğun və aktual suallarını birbaşa, ətraflı şəkildə cavablandırmışdır.
Dövlət başçısı Cənubi Qafqazda davamlı sülhün və təhlükəsizliyin təmin edilməsi, Azərbaycanın regionda həyata keçirdiyi genişmiqyaslı quruculuq işləri və beynəlxalq əməkdaşlıq platformaları barədə mühüm mesajlar vermişdir.
Prezident süni intellektin, sosial medianın inkişafı və bu müstəvidə yaranan rəqəmsal təhlükəsizlik problemləri ilə mübarizədə medianın üzərinə düşən məsuliyyəti xüsusi vurğulamışdır.

İki gün davam edən tədbir çərçivəsində rəqəmsal transformasiya və təhlükəsizliyə yönəlmiş bir sıra vacib mövzular ətrafında paralel müzakirələr keçirilmişdir:

Forum proqramına əsasən xarici qonaqlar həm də işğaldan azad edilmiş digər ərazilərdəki reallıqlarla yerindəcə tanış olublar:
Xankəndi şəhərində yerləşən Zəfər Parkını ziyarət ediblər.
Xocalı Soyqırımı Memorial Kompleksində olublar.
Şuşada aparılan möhtəşəm bərpa-quruculuq işlərini və yeni salınan Qarabağ küçəsini yaxından izləyiblər.

Forumun əsas mesajlarından biri müasir dövrdə medianın üzərinə düşən böyük məsuliyyət idi. İnformasiya müharibələrinin, dezinformasiyanın və saxta xəbərlərin geniş yayıldığı bir dövrdə peşəkar jurnalistika həqiqətin qorunması və cəmiyyətlər arasında etimadın formalaşdırılması baxımından mühüm rol oynayır.

Cənab Prezident İlham Əliyev beynəlxalq media nümayəndələrinin suallarını cavablandırarkən Azərbaycanın sülh gündəliyinə sadiqliyini bir daha vurğulayaraq bildirdi ki, “Biz hesab edirik ki, sülh mümkündür.” Dövlət başçısı qeyd etdi ki, Azərbaycan Cənubi Qafqazda uzunmüddətli sabitliyin və təhlükəsizliyin təmin olunmasının tərəfdarıdır və bütün təşəbbüslərini məhz bu məqsədə xidmət edən prinsiplər üzərində qurur.

Cənab Prezident İlham Əliyev çıxışında Azərbaycanın xarici siyasət kursunun mahiyyətini də aydın şəkildə ifadə edərək vurğuladı: “Azərbaycanın siyasəti hər zaman əməkdaşlığa yönəlib.” Bu fikir ölkəmizin həm region dövlətləri, həm də beynəlxalq tərəfdaşlarla qarşılıqlı hörmət və etimada əsaslanan münasibətlər qurmaq əzmində olduğunu bir daha nümayiş etdirdi".

Forum çərçivəsində keçirilən geniş sual-cavab sessiyasında dövlət başçısı Ermənistanla münasibətlərin normallaşdırılması prosesi, Qarabağ və Şərqi Zəngəzurda həyata keçirilən bərpa-quruculuq işləri, Böyük Qayıdış Proqramı, enerji təhlükəsizliyi, nəqliyyat-kommunikasiya layihələri, COP29-un irsi və beynəlxalq gündəmdə yer alan digər mühüm məsələlər barədə ətraflı fikirlərini bölüşdü:

"Cənab Prezident İlham Əliyev Azərbaycanın beynəlxalq etimad qazanan tərəfdaş olduğunu xüsusi vurğulayaraq qeyd etdi ki, “Bizim mövqeyimiz həmişə açıq olub. Biz dediyimizin arxasında dayanırıq və tərəfdaşlarımız da bunu bilir.” Məhz bu prinsipial və ardıcıl siyasət Azərbaycanın beynəlxalq nüfuzunu ildən-ilə daha da möhkəmləndirir.

Dövlət başçısının çıxışında informasiya təhlükəsizliyi məsələləri də xüsusi yer tutdu. Prezident İlham Əliyevin vurğuladığı kimi, dezinformasiyaya qarşı mübarizə, həqiqətin müdafiəsi və obyektiv informasiyanın beynəlxalq ictimaiyyətə çatdırılması bu gün hər bir məsuliyyətli medianın əsas vəzifələrindən biridir.

Forum iştirakçıları da Şuşanın qısa müddətdə beynəlxalq dialoq və əməkdaşlıq mərkəzinə çevrilməsini yüksək qiymətləndirərək şəhərin artıq qlobal media ictimaiyyətinin diqqət mərkəzində olan nüfuzlu platforma kimi formalaşdığını qeyd etdilər. Müxtəlif ölkələrdən media rəhbərlərinin, jurnalistlərin, ekspertlərin və beynəlxalq təşkilatların nümayəndələrinin iştirakı Forumun artan beynəlxalq nüfuzunun göstəricisidir.

Cənab Prezident İlham Əliyevin beynəlxalq media nümayəndələri ilə səmimi və açıq dialoq aparması Azərbaycanın şəffaflığa, beynəlxalq əməkdaşlığa və obyektiv informasiya siyasətinə sadiqliyinin növbəti nümayişi oldu. Dövlət başçısının səsləndirdiyi mesajlar bir daha təsdiqlədi ki, Azərbaycan regionda sülhü, sabitliyi və qarşılıqlı etimada əsaslanan əməkdaşlığı dəstəkləyən, eyni zamanda həqiqətin müdafiəsini dövlət siyasətinin mühüm istiqamətlərindən biri hesab edən ölkədir.

IV Şuşa Qlobal Media Forumu Azərbaycanın beynəlxalq informasiya məkanında artan nüfuzunun, Şuşanın qlobal dialoq mərkəzi kimi mövqeyinin möhkəmlənməsinin və ölkəmizin sülhə, əməkdaşlığa və etibarlı informasiya mühitinin formalaşdırılmasına verdiyi töhfənin daha bir parlaq nümunəsi kimi tarixə düşəcək".

Lerik rayonu Elçin Mirişov adına Haftonu kənd ümumi orta ümumtəhsil məktəbin Tarix və coğrafiya müəllimi Vüsalə Baxışova

15/07/2026

UĞURLU STRATEJİ TƏRƏFDAŞLIQ VƏ QARABAĞIN DİRÇƏLİŞİNDƏ SLOVAKİYA TÖHFƏSİ: ŞUŞA BƏYANATINA BAXIŞ

Azərbaycan Respublikasının Prezidenti cənab İlham Əliyevin rəsmi xarici qonaqları ölkəmizin mədəniyyət paytaxtı Şuşada qəbul etməsi və oradan dünyaya mühüm mesajlar verməsi artıq bir dövlətçilik ənənəsinə çevrilmişdir. Slovakiya Respublikasının Prezidenti Peter Pelleqrinin ölkəmizə rəsmi səfəri və iyulun 14-də Şuşada dövlətimizin başçısı ilə birgə verdiyi bəyanat Azərbaycanın qlobal miqyasda artan nüfuzunun və uğurlu xarici siyasətinin növbəti bariz nümunəsidir.

Prezident İlham Əliyevin vurğuladığı kimi, iki ölkə arasındakı əlaqələr müntəzəm xarakter daşıyır və dinamik şəkildə inkişaf edir. 2024-cü ildə imzalanmış strateji tərəfdaşlığa dair Birgə Bəyannamə kağız üzərində qalmamış, real və praktiki işlərlə öz təsdiqini tapmışdır. Slovakiya Prezidentinin həm parlament sədri, həm Baş nazir, həm də dövlət başçısı kimi Azərbaycana etdiyi səfərlər onun ölkəmizə və xalqımıza olan səmimi dostluq münasibətinin göstəricisidir.

Biz təhsil işçilərini və bütün xalqımızı ən çox qürurlandıran məqamlardan biri Slovakiyanın işğaldan azad edilmiş torpaqlarımızın, xüsusilə Qarabağın bərpasında fəal iştirak etməsidir. Ağdam rayonunun Baş Qərvənd kəndində Slovakiya şirkəti tərəfindən icra olunan “Ağıllı kənd” layihəsi dost ölkənin Azərbaycanın ərazi bütövlüyünə və onun gələcək inkişafına verdiyi real dəstəkdir. Bu layihələr regiona həyatın, o cümlədən təhsilin və quruculuğun yenidən qayıtmasının müjdəçisidir.

Şuşada aparılan səmimi və açıq müzakirələr iqtisadiyyat, ticarət, energetika və hərbi-texniki sahələri əhatə etməklə gələcək uğurlu əməkdaşlığın möhkəm təməlini qoyur. İki liderin konkret işlərə əsaslanan tərəfdaşlıq fəlsəfəsi bu münasibətlərin bundan sonra da yüksələn xətlə davam edəcəyinə tam əminlik yaradır.

Lerik rayonu Elçin Mirişov adına Haftonu kənd ümumi orta ümumtəhsil məktəbinin kollektivi olaraq, dövlətimizin rəhbəri cənab İlham Əliyevin rəhbərliyi ilə həyata keçirilən bu tarixi xarici və daxili siyasəti tam dəstəkləyir, Qarabağımızın dirçəlişi yolunda atılan hər bir addımla fəxr edirik! AZƏRBAYCAN-SLOVAKİYA dostluğu və əməkdaşlığı daimi olsun!

Lerik rayonu Elçin Mirişov adına Haftonu kənd ümumi orta ümumtəhsil məktəbin direktoru Lətif Bəbirov

06/07/2026

AZƏRBAYCAN-AVROPA İTTİFAQI TƏRƏFDAŞLIĞINDA YENİ TARİXİ MƏRHƏLƏ VƏ REGİONAL SÜLHÜN MEMARI: PREZİDENT İLHAM ƏLİYEV!

1 iyul 2026-cı il tarixində Avropa Komissiyasının Prezidenti xanım Ursula Fon der Lyayenin Azərbaycana rəsmi səfəri və möhtərəm Prezidentimiz cənab İlham Əliyevlə keçirdiyi yüksək səviyyəli görüşlər ölkəmizin beynəlxalq arenadakı sarsılmaz mövqeyini bir daha təsdiq etdi. Bu tarixi görüş və səsləndirilən bəyanatlar sadəcə iki tərəf arasında iqtisadi-siyasi əlaqələrin deyil, bütövlükdə Cənubi Qafqazın geosiyasi mənzərəsinin Azərbaycanın maraqları çərçivəsində formalaşdığının bariz sübutudur.
Bir kənd məktəbinin rəhbəri, bir pedaqoq və ziyalı olaraq, dövlətimizin bu möhtəşəm diplomatik uğuruna münasibətimi və qürur hisslərimi bir neçə mühüm strateji tezislə bölüşmək istəyirəm:

Şəxsi Liderlik və Regional Sülhün Təminatı:
Görüş zamanı Avropa Komissiyasının Prezidenti Ursula Fon der Lyayen Azərbaycan və Ermənistan arasında tarixi sülh müqaviləsinin təşviq edilməsində cənab Prezident İlham Əliyevin şəxsi liderliyini xüsusi qeyd etmiş və yüksək qiymətləndirmişdir. Avropa İttifaqının regionda sülhün kağız üzərində qalmaması üçün 20 milyon avro dəyərində yeni “Sülhün Təşviqi Proqramı” elan etməsi ölkəmizin bölgədə diktə etdiyi yeni reallıqların və sülh gündəliyinin Qərb tərəfindən tam qəbul olunması deməkdir. Azərbaycan artıq regionda sadəcə sabitlik adası deyil, həm də qlobal sülhün əsas memarıdır.

Avropanın Etibarlı Enerji və Nəqliyyat Tərəfdaşı:
Bəyanatda xüsusi vurğulanan əsas məqamlardan biri də Azərbaycanın Avropanın enerji təhlükəsizliyində oynadığı strateji roldur. 2022-ci ildən bəri ölkəmizdən Avropa İttifaqına qaz ixracının davamlı şəkildə artması Azərbaycanı Avropa üçün ən etibarlı tərəfdaş statusuna yüksəltmişdir. Yaşıl enerji dəhlizlərinin yaradılması, rəqəmsal iqtisadiyyat və Mərkəzi Asiya ilə Avropanı birləşdirən transport logistikasında (Orta Dəhliz) ölkəmizin mərkəzi rolu Azərbaycanın qlobal iqtisadi gücünü təsdiqləyir.

Müstəqil və Praqmatik Xarici Siyasət Zəfəri:
1 iyul Bakı görüşü sübut etdi ki, Azərbaycanla Avropa İttifaqı arasındakı münasibətlər bəzi qərəzli xarici dairələrin manipulyasiyalarından tamamilə uzaqdır. Dövlət başçımızın yürütdüyü uzaqgörən, milli maraqlara söykənən rasional və praqmatik siyasət ölkəmizi beynəlxalq tərəfdaşlıq platformalarında bərabərhüquqlu və güclü bir subyekt kimi tanıdır. Hazırda üzərində işlənilən “Hərtərəfli Əməkdaşlıq Sazişi” bu əlaqələri daha da zirvəyə daşıyacaqdır.

Təhsil Cəmiyyəti Olaraq Bizim Öhdəliyimiz:
Dövlətimizin qazandığı bu böyük tarixi və diplomatik zəfərlər biz təhsil işçilərinin də üzərinə böyük məsuliyyət qoyur. Lerik rayonunun Haftonu kəndində yetişən hər bir azərbaycanlı gənc cənab Prezidentin bu ali fəaliyyətini örnək götürməli, savadlı, vətənpərvər və qlobal dünyada söz sahibi ola biləcək səviyyədə yetişməlidir. Biz məktəb olaraq, dövlətimizin uğurlu daxili və xarici siyasət xəttini hər zaman dəstəkləyir, gələcəyimizin təminatı olan uşaqlarımızı bu ruhda tərbiyə etməkdən şərəf duyuruq!
Ulu Öndər Heydər Əliyevin siyasi kursunu zəfərlərlə taclandıran möhtərəm Prezidentimiz cənab İlham Əliyevə xalqımızın və dövlətimizin işıqlı gələcəyi naminə fəaliyyətində yeni-yewi böyük uğurlar arzulayırıq!

Lerik rayonu Elçin Mirişov adına Haftonu ümumi orta kənd ümumtəhsil məktəbinin direktoru Lətif Bəbirov

25/06/2026

QÜDRƏTLİ ORDUMUZ – MÜSTƏQİLLİYİMİZİN VƏ GƏLƏCƏYİMİZİN TƏMİNATIDIR!

Hər bir xalqın tarixində onun varlığını, təhlükəsizliyini və qürurunu təmin edən müqəddəs rəmzlər vardır. Bizim üçün bu rəmzlərin ən alisi və fəxr mənbəyi şanlı Azərbaycan Ordusudur!
26 İyun – Azərbaycan Respublikasının Silahlı Qüvvələri Günü münasibətilə bütün azərbaycanlıları məktəbimizin rəhbərliyi adından ürəkdən təbrik edirəm.Ulu Öndər Heydər Əliyev hələ 1996-cı ildə uzaqgörənliklə qeyd edirdi: “Gənclərin orduda xidmət etmək üçün tərbiyələndirilməsi bizim əsas vəzifələrimizdən biri olmalıdır... Xalqla ordunun birliyi həm xalqın qüdrətini, həm də ordunu daha da qüvvətli edir”.
Bu gün bir təhsil ocağı olaraq bizim ən böyük missiyamız məhz Ümummilli Liderin bizə əmanət etdiyi bu vəzifəni yerinə yetirmək – dövlətinə, ordusuna sadiq, vətənpərvər gənclər yetişdirməkdir.

Bu gün fəxrlə qeyd etdiyimiz güclü ordunun təməli asan yollarla qoyulmayıb. Silahlı Qüvvələrimizin inkişaf tarixi dahi şəxsiyyət Heydər Əliyevin adı ilə sıx bağlıdır:Hərbi kadrların yetişdirilməsi: Ulu Öndərin 1969-cu ildə hakimiyyətə gəlişindən sonra atdığı strateji addımlar ölkəmizdə hərbi elmin əsasını qoydu.Cəmşid Naxçıvanski adına Hərbi Lisey: 1971-ci ildə böyük zəhmət hesabına yaradılan bu məktəb azərbaycanlı gənclərdə hərb sənətinə böyük maraq oyatdı, milli zabit korpusunun formalaşmasında əvəzsiz rol oynadı.Nizami ordunun qurulması: 90-cı illərin əvvəllərində ölkəmiz müstəqilliyini itirmək və parçalanmaq təhlükəsi ilə üz-üzə qalanda, xalqın çağırışı ilə qayıdan Heydər Əliyev pərakəndə dəstələri ləğv edərək vahid, nizam-intizamlı rəsmi ordu quruculuğuna start verdi.

Ulu Öndərin başlatdığı bu müqəddəs missiyanı layiqincə davam etdirən Azərbaycan Respublikasının Prezidenti, Müzəffər Ali Baş Komandan cənab İlham Əliyev ordumuzu müasir dünyanın ən güclü hərbi qüvvələrindən birinə çevirdi. Dövlət Başçımızın vurğuladığı kimi: “Bu gün Azərbaycan Ordusu dünyanın ən güclü 50 ordusu sırasında mühüm yer tutur. Bizim ordumuzun həm maddi-texniki təchizatı, həm də döyüş qabiliyyəti ən yüksək səviyyədədir. Biz bunu döyüş meydanında sübut edə bilmişik”.Məhz bu yüksək döyüş qabiliyyəti və sarsılmaz xalq-ordu birliyi sayəsində rəşadətli ordumuz torpaqlarımızı işğaldan azad etdi, tarixi ədaləti bərpa etdi və adını tarixə qızıl hərflərlə yazdı.

Bizim də vəzifəmiz
məktəb kollektivi olaraq gələcəyimiz olan gənclərə təkcə elm və bilik vermirik, həm də onlara Vətəni canından əziz tutmağı, orduya və dövlətə sadiq olmağı aşılayırıq. Hər bir şagirdimiz bilməlidir ki, güclü ordu güclü arxa cəbhədən, savadlı və vətənpərvər cəmiyyətdən başlayır.Bu əlamətdar gündə canını Vətən uğrunda fəda etmiş müqəddəs şəhidlərimizin xatirəsini dərin ehtiramla yad edir, qazilərimizə şəfa diləyir, hazırda səngərdə və postda dayanan bütün əsgər və zabitlərimizə güc-qüvvət arzulayırıq! Silahlı Qüvvələr Günümüz mübarək olsun!
Yaşasın Azərbaycan Ordusu!
Yaşasın Müstəqil Azərbaycan!

Lerik rayonu Elçin Mirişov adına Haftonu kənd ümumi orta ümumtəhsil məktəbin direktoru Lətif Bəbirov

24/06/2026

Azərbaycan-Türkmənistan Qardaşlığı: Tarixi Bağlardan Strateji Zəfərlərə Doğru

Azərbaycan və Türkmənistan dövlətləri arasındakı münasibətlər sadəcə iki qonşu ölkənin əməkdaşlığı deyil, kökü əsrlərə dayanan ortaq tarixin, mədəniyyətin və sarsılmaz mənəvi bağların qardaşlıq təzahürüdür. Ölkə başçımız cənab İlham Əliyevin Türkmənistan Prezidenti Sərdar Berdiməhəmmədovun ölkəmizə rəsmi səfəri çərçivəsində verdiyi mətbuat bəyanatı bu birliyin sarsılmazlığını və gələcək perspektivlərini bir daha bütün dünyaya nümayiş etdirdi.Bir təhsil müəssisəsi olaraq, gənc nəslə milli-mənəvi dəyərləri və dövlətlərarası dostluq ənənələrini aşılamaq məqsədilə bu tarixi görüşün ən mühüm məqamlarını və strateji əhəmiyyətini sizlərlə bölüşürük:
Qarabağın Dirçəlişində Türkmənistan İmzası:

Türkmənistanın Ümummilli Lideri, Arkadağ Qurbanqulu Berdiməhəmmədovun təşəbbüsü ilə işğaldan azad edilmiş Füzuli şəhərində məscid tikintisinə başlanılması qardaş ölkənin sevincimizə və kədərimizə olan səmimi şərikliyinin rəmzidir. Bakı-Aşqabad və Arkadağ-Füzuli şəhərlərinin qardaşlaşması bu mənəvi vəhdəti regional səviyyədə taclandırır.
Geosiyasi Tarixi Hadisə:
Böyük Mərkəzi Asiya İnteqrasiyasıTürkmənistanın fəal dəstəyi ilə Azərbaycanın Mərkəzi Asiya Dövlət Başçılarının Məşvərət Şurasına tamhüquqlu üzv qəbul edilməsi regionun geosiyasi xəritəsini yenidən formalaşdıran tarixi bir addımdır. Coğrafi sərhədləri aşan bu ittifaq, ortaq soy-kökə malik xalqların vahid geosiyasi və geoiqtisadi bölgədə birləşməsini təmin edir.
Qlobal Nəqliyyat və Logistika Qovşağı:
Müasir dünyada təhlükəsiz və etibarlı ticarət yollarına ehtiyacın artdığı bir dövrdə, Azərbaycan və Türkmənistan şərqlə qərbi birləşdirən strateji logistik dəhliz rolunu oynayır. Cənab Prezidentin vurğuladığı kimi, siyasi qarşılıqlı etimad olmasaydı, heç bir coğrafi şərait bu nəqliyyat uğurlarını təmin edə bilməzdi. İki zəngin enerji nəhənginin logistika və karbohidrogen ehtiyatları sahəsindəki koordinasiyalı fəaliyyəti qlobal iqtisadiyyata yön verir.
Mədəniyyət Körpüləri və Gələcəyə Baxış:
Aşqabad, Arkadağ, Bakı və Gəncə şəhərlərində qarşılıqlı olaraq keçirilən Mədəniyyət Günləri xalqlarımızı bir-birinə daha da yaxınlaşdırır. İmzalanan yeni ikitərəfli sənədlər və gələn ay keçiriləcək Hökumətlərarası Komissiyanın iclası bu münasibətləri konkret əməli layihələrlə daha da zənginləşdirəcəkdir.Məktəb rəhbərliyi olaraq hesab edirik ki, dövlətlərimiz arasındakı bu möhkəm strateji tərəfdaşlıq, uşaqlarımıza regional sülhün, neytrallıq siyasətinə hörmətin və vətənpərvərliyin ən gözəl nümunəsidir. Müstəqil Azərbaycanın və qardaş Türkmənistanın beynəlxalq arenadakı bu tarixi zəfərləri hər birimizi qürurlandırır!

Lerik rayonu Elçin Mirişov adına Haftonu kənd ümumi orta ümumtəhsil məktəbin direktoru Lətif Bəbirov

23/06/2026

Dövlət qulluqçusu olmaq təkcə peşə deyil, dövlətə və xalqa sədaqətlə xidmət etmək missiyasıdır. Peşə bayramınız mübarək olsun! İşinizdə hər zaman ədalət, vicdan və uğur yol yoldaşınız olsun.Ən böyük arzularımdan biri də budur ki, bu dövlətin hər bir vətəndaşını yetişdirən, savadlandıran qiymətli müəllimlərimiz də tezliklə dövlət qulluqçusu adı daşısınlar. Çünki dövləti yaşadan insanı məhz müəllim formalaşdırır. Bayramınız mübarək!

15/06/2026

TARİXİ QARDAŞLIĞIN VƏ RUH BİRLİYİNİN ŞUŞA ZİRVƏSİ

2021-ci il iyunun 15-də ulu əcdadlarımızın bizə miras qoyduğu “Bir millət, iki dövlət” fəlsəfəsi Şuşa Bəyannaməsinin imzalanması ilə özünün ən ali hüquqi, siyasi və mənəvi zirvəsinə ucaldı. Bu sənəd sadəcə iki qardaş dövlətin geostrateji maraqlarının təminatı deyil; o, yüzilliklər boyu eyni kökdən bəhrələnən, eyni dildə danışan və eyni amala xidmət edən böyük bir millətin ortaq gələcək manifestidir.
Azərbaycan dili və ədəbiyyatı müəllimi olaraq mən bu tarixi sənədə həm də fundamental bir mədəniyyət, dil və maarifçilik hadisəsi kimi baxıram. Şuşa Bəyannaməsi bizim ədəbi-bədii təfəkkürümüzün, dil birliyimizin və zəngin irsimizin gələcək nəsillərə daha mükəmməl, sistemli şəkildə ötürülməsi üçün sarsılmaz zəmin yaradır. Bu müqavilə Əhməd Cavadın, Məhəmməd Əmin Yurdaulun, Məhəmmədhüseyn Şəhriyarın və Bəxtiyar Vahabzadənin ruhlarının şad olduğu, Türk dünyasının ədəbi və mənəvi sərhədlərinin bütövləşdiyi müqəddəs andır.
Şuşa kimi bir məkanda — Qarabağın mədəniyyət beşiyində, xarıbülbülün vətənində bu sənədin imzalanması bəşəriyyətə verilən rəmzi və qətiyyətli bir mesajdır: Biz buradayıq, birlikdəyik və əbədiyyən var olacağıq!Bəyannamədə təhsil, mədəniyyət, ortaq tarixin fundamental şəkildə öyrənilməsi və dil əlaqələrinin strateji səviyyədə gücləndirilməsi ilə bağlı əks olunan müddəalar biz pedaqoqların çiyinlərinə böyük bir tarixi məsuliyyət qoyur. Bu gün sinif otaqlarında şagirdlərimizə ana dilimizin sarsılmaz qüdrətini, Nizaminin, Füzulinin, Yunus İmrənin bəşəri humanist ideyalarını aşılayarkən, biz həm də bu sənədin ideoloji sütunlarını yaşatmış oluruq. Şuşa Bəyannaməsi gənc nəslə milli kimlik şüurunu, Türk dünyasının vahid coğrafi, mədəni və mənəvi məkan olduğunu dərk etdirmək üçün ən mükəmməl, canlı və əyani dərslikdir.

Nəticə olaraq vurğulamaq istəyirəm ki, 15 iyun xalqımızın milli yaddaşına təkcə Dövlət Müstəqilliyini xilas edən Milli Qurtuluş Günü kimi deyil, həm də Türk birliyinin Şuşa zəfəri kimi həkk olundu. Bu bəyannamə hər birimiz üçün tükənməz milli qürur mənbəyidir. Biz pedaqoqların, maarif fədailərinin ali vəzifəsi isə bu sənədin ehtiva etdiyi qardaşlıq, birlik və müttəfiqlik ruhunu gələcək nəsillərin qəlbinə və şüuruna silinməz hərflərlə, əbədi olaraq həkk etməkdir.

Lerik rayonu Elçin Mirişov adına Haftonu kənd ümumi orta ümumtəhsil məktəbin Azərbaycan dili və ədəbiyyatı müəllimi Tural Məmmədov

15/06/2026

15 İyun - Milli Qurtuluş Günü!
Bu gün Azərbaycan xalqının müstəqillik tarixinə qızıl hərflərlə yazılmış, dövlətimizin varlığını və gələcəyini xilas edən möhtəşəm bir tarixin – Milli Qurtuluş Gününün 33-cü ildönümünü böyük qürur və fərəh hissi ilə qeyd edirik.15 İyun 1993-cü il sadəcə təqvimdə adi bir gün deyil; bu tarix müstəqilliyini itirmək təhlükəsi ilə üz-üzə qalan, daxili xaos və parçalanma girdabına yuvarlanan bir ölkənin yenidən doğulduğu gündür. Xalqımızın təkidli çağırışı ilə yenidən hakimiyyətə qayıdan Ümummilli Lider Heydər Əliyev öz müdrik siyasəti, polad iradəsi və sarsılmaz cəsarəti ilə Azərbaycanı məhv olmaqdan xilas etdi. Ulu Öndər dövlətçiliyimizin əsaslarını yenidən quraraq, ölkədə daxili sabitliyi, iqtisadi inkişafı və beynəlxalq nüfuzu təmin etdi. Qurtuluş fəlsəfəsi bizə müstəqilliyimizi qorumağı və onu əbədi etməyi öyrətdi.Bu gün qurtuluş idealı daha uca zirvələrdə dalğalanır. Ulu Öndərin siyasi xəttinin layiqli davamçısı, Müzəffər Ali Baş Komandanımız cənab İlham Əliyevin rəhbərliyi altında qazanılan tarixi Zəfər Qurtuluş Gününün ən böyük mənasıdır. Bu gün biz Milli Qurtuluş Gününü ərazi bütövlüyünü tam bərpa etmiş, suverenliyi hər bir qarış torpağında təmin olunmuş qalib bir xalq kimi qeyd edirik. Şuşada, Xankəndidə, Xocalıda dalğalanan üçrəngli bayrağımız bu qurtuluşun bəxş etdiyi ən ali xoşbəxtlikdir.Bir təhsil ocağı olaraq bizim ən böyük vəzifəmiz bu şanlı tarixi, qurtuluş məfkurəsini gələcək nəsillərə aşılamaqdır. Məktəbimizdə yetişən hər bir gənc dahi rəhbər Heydər Əliyevin dövlətçilik irsinə sadiq, vətənpərvər, elmli və milli dəyərlərinə bağlı bir vətəndaş kimi formalaşır. Biz gələcəyimizin təminatı olan şagirdlərimizlə qürur duyur, onlara müstəqil Azərbaycanın adını hər zaman uca tutmağı tövsiyə edirik.Bu müqəddəs bayram münasibətilə başda xalqımızın xilaskarı Ulu Öndər Heydər Əliyev olmaqla, canı bahasına bu torpağı bizə Vətən edən bütün şəhidlərimizi rəhmətlə, qazilərimizi minnətdarlıqla yad edirik.Milli Qurtuluş Günümüz mübarək olsun! Müstəqilliyimiz əbədi, dövlətimiz sarsılmaz, gələcəyimiz parlaq olsun!
Lerik rayonu Elçin Mirişov adına Haftonu kənd ümumi orta ümumtəhsil məktəbin direktoru Lətif Bəbirov

Lerik rayonu Elçin Mirişov adına Haftonu kənd ümumi orta ümumtəhsil məktəbi

23/07/2026

23/07/2026

15/07/2026

15/07/2026

06/07/2026

25/06/2026

24/06/2026

23/06/2026

15/06/2026

15/06/2026

Address

Website

Alerts

Shortcuts

Share

Category

Listing takedown request