https://www.facebook.com/105036545580603/

SARUS Azerbaijan, Lerik (2026)

25/01/2026

Bu gün SARUS Dəstəsinin üzvləri üçün təşkilatın strukturu, prioritet istiqamətləri, iyerarxiyası və daxili iş prinsipləri ilə bağlı təlimatlandırıcı təlim keçirilib.

Təlimin məqsədi üzvlərin təşkilatın necə işlədiyini daha aydın şəkildə anlaması, məsuliyyət bölgüsünü düzgün qavraması və komanda daxilində əlaqənin gücləndirilməsi olub.

19/01/2026

Ötən gün “İlk Təmas” təlim proqramını uğurla tamamlayan iştirakçılar üçün sertifikat təqdimetmə mərasimi baş tutub. Təlim müddətində gənclər humanitar fəaliyyətlər zamanı ilkin tibbi yardım, ilkin psixoloji dəstək, zərərçəkmişlərlə ilk təmas, təhlükəsiz davranış, risklərin azaldılması, komanda işi və qərarvermə bacarıqları üzrə nəzəri biliklər və praktiki təcrübə qazanıblar.

Sertifikat mərasimi bu intensiv və məsuliyyətli prosesin rəmzi yekunu olmaqla yanaşı, iştirakçıların humanitar sahədə daha hazırlıqlı və məsuliyyətli fəaliyyətə hazır olduqlarını təmsil edir.

Təlimin həyata keçirilməsində dəstək göstərən hər kəsə təşəkkürlərimizi bildiririk.

az

08/01/2026

“İlk Təmas” - gənc humanitarlar üçün təlim proqramının üçüncü günü ekstremal şəraitdə zərərçəkənlərə yanaşma və real hadisələrə operativ reaksiya mövzusuna həsr olundu. Gün ərzində iştirakçılar təhlükəsiz yanaşma üsulları, zərərçəkənlərin triaj edilməsi, prioritetlərin müəyyənləşdirilməsi, təxliyyə prosesinin planlanması və icrası, situasiyanın sürətli analizi və düzgün qərarvermə bacarıqları üzərində işlədilər.

Praktiki ssenarilər zamanı komanda şəklində fəaliyyət, liderliyin bölüşdürülməsi, effektiv ünsiyyət, ilk müdaxilənin düzgün ardıcıllığı və risklərin minimuma endirilməsi xüsusi diqqət mərkəzində oldu. Simulyasiya olunmuş real hadisələr iştirakçılara yalnız bilik deyil, eyni zamanda təzyiq altında düzgün qərar vermə və məsuliyyət daşıma təcrübəsi qazandırdı.

Bu mərhələ gənclərin humanitar fəaliyyətlərdə daha hazırlıqlı, çevik və koordinasiyalı şəkildə iştirak etməsi üçün mühüm addım oldu.

Təlim Azərbaycan Skautlar Assosiasiyası tərəfindən, Azərbaycan Respublikası Gənclər Fondu və NAYORAnın dəstəyi ilə, eləcə də SARUS Azerbaijan təlimçilərinin iştirakı ilə həyata keçirildi.

az

27/12/2025

“İlk Təmas” təliminin ikinci günü

“İlk Təmas” – gənc humanitarlar üçün təlim proqramının ikinci günü ekstremal hallarda ilk yardım və hadisə zamanı atılacaq ilkin addımlar mövzusuna həsr olundu. Təlim zamanı iştirakçılar zərərçəkənə təhlükəsiz yaxınlaşma, triaj (prioritetləndirmə), risklərin qiymətləndirilməsi və operativ qərarvermə üzrə praktik yanaşmalarla tanış oldular.

Təlim SARUS Azerbaijan Təlim-Tədris üzrə İdarə Heyətinin üzvü, XTQ-nin ehtiyatda olan mayoru İlkin Ağazadə tərəfindən həyata keçirildi və real təcrübəyə əsaslanan nümunələrlə zəngin oldu.

Təlimin üçüncü günündə isə nəzəri və praktiki şəkildə öyrənilən biliklərin simulasiya və real ssenarilər əsasında tətbiqi həyata keçiriləcək.

29/12/2023

Türkiyə İzcilik Federasiyasının ( Türkiye İzcilik Federasyonu ) təşkilatçılığı ilə 21-27 dekabr tarixlərində Ərzurum şəhərində Allahuəkbər Dağı Şəhidlərinin Anım Yürüşü həyata keçirilib.

Azərbaycan Skautlar Assosiasiyasının böyükyaşlı skautları və axtarış-xilasetmə və humanitar fəaliyyətlərə dəstək qruplarını təmsil edən 6 nəfərlik heyətinin də qoşulduğu bu ənənəvi yürüş Əzurum şəhər mərkəzindən başlayaraq, Şankaya və Qaziler kəndlərində anım düşərgələri ilə dəvam edib.

Skautlarımız, Ömər Rüstəmli, Alim Qasımov, İslam Məmmədov, Aysu Məmmədova, Nigar Ələkbərova və Müşviq Səmədli iştirak etdiyi çətin hava şəraitində edilən anma yürüyüş Allahuəkbər dağlarındakı şəhid məzarlarına edilən səfərlə sona çatıb.

Bu çətin yürüşü uğurla tamamlayan skautlar bu gün evlərinə geri dönüblər.

15/12/2023

Bu gün Rusiyanın "Ümumrusiya İctimai Gənclər Təşkilatı"nın "Ümumrusiya Tələbə Xilasetmə Korpusu" rəhbərinin (Всероссийская общественная молодежная организация "Всероссийский студенческий корпус спасателей") müavini Aleksey Andeev Azərbaycan Skautlarının nümayəndə heyəti ilə görüşü keçirib. Görüşdə Azərbaycan Skautlar Assosiasiyasının baş katibi Ülvi Məmmədov, SARUS könüllü axtarış-xilasetmə və humanitar fəaliyyətlərə dəstək qruplarının rəhbəri Xəqani Məmmədov və media koordinatoru İslam Şükürov iştirak ediblər.

Görüş zamanı iki ölkə gəncliyinin birgə könüllü hümanitar fəaliyyətlərin, təlim və humanitar istiqamətdə sair tədbirlərin təşkili çay süfrəsi arxasında geniş müzakirə edildi. Qarşılıqlı əməkdaşlığın gücləndirilməsi üçün memerondom şərtləri müzakirə olundu. Aleksey Andreev, skaut fəaliyyətlərindən yaxından tanış olduğunu və humanitar istiqamətdə peşəkar heyətin formalaşmasını alqışladığını söyləyərək əməkdaşlığın önəmini vurğuladı.

18/11/2023

Gənclər İdman Nazirliyinin Quba rayonunda həyata keçirdiyi çərçivəsində Azərbaycan Skautları da öz təlim modulları ilə çıxış edib. öz növbəsində gənc idmançılara "ekstrimal şəraitdə od əldə etmə" və "təməl yanğın təhlükəsizliyi" haqqında praktiki təlimlər hıyata keçirib.

07/11/2023

Birlik, əzim və qələbə - ZƏFƏR GÜNÜ! ✊🏻.

8 Noyabr - ZƏFƏR GÜNÜ ədalətin, birliyin və igidliklə yazılmış qələbənin qeyd oldunğu 44 günlük bir dastandır.

Zəfər Günün Mübarək, Azərbaycan!🇦🇿✊🏻

---

"Unity, Determination, and Victory - VICTORY DAY! ✊🏻

November 8 - VICTORY DAY is a 44-day epic where justice, unity, and valor triumphantly inscribed their story.

Happy Victory Day, Azerbaijan!" 🇦🇿✊🏻

20/07/2023

SARUS Azerbaijan uşaq və yeniyetmələr üçün yanğın anlayışı və ondan qorunma tədbirləri haqqında maarifləndirici təlimlər həyata keçirir.

'in həyata keçirdiyi yay düşərgəsində tərəfindən düşərgə iştirakçılarına "yanğının yaranma səbəbləri",, "ekstremal hallarda əldə olan vasitələrlə od əldə etmə", "düşərgə və pikniklərdə oddan doğru istifadə", "yanğın zamanı ilk addım və müdaxilə" və s. mövzularda praktiki təlim həyata keçirilib.

15/06/2023

SARUSAzerbaijan tərəfindən humanitar təşəbbüslərin nümayişi!

WeAct formunda Azərbaycan Skautları fəaliyyətlərini əks etdirən stendi ilə çıxış etdi.

44 ölkədən olan skaut təşkilatı öz humanitar və sosial fəaliyyətlərini əks etdirən stendi ilə diqqətəlayiq təşəbbüslər, layihələr və fəaliyyətlər haqqında dəyərli təcrübələrini təqdim etdilər.

Cəmyyətdə müsbət dəyişiklik yaratmaq və öz fədakarlıqlarını nümayiş etdirmək üçün əla mühit olan bu axşamda Azərbaycan Skautları da SARUS Azerbaijanın fəaliyyətləri, təcrübələri və cəmiyyətə qatdığı faydaları haqqında geniş məlumatlar verdi.

WeAct Forumu ən yaxşı təcrübə, fikir mübadiləsi və skaut təşkilatları arasında əməkdaşlığın təşviqi üçün əlverişli platforma rolunu oynamaqla yanaşı, gənclərin öz fikirlərini və idealarını təqdim etmələrinə şərait yaradan möhtəşəm mühitdir.

11/06/2023

Azərbaycan Skautlar Assosiasiyasının könüllü axtarış-xilasetmə və humanitar fəaliyyətlərə dəstək qrupunun nümayəndə heyəti 'nin dəstəyi ilə beynəlxalq humanitar forumda iştirak edir.

Ümumdünya Skaut Hərəkatı Təşkilatı (WOSM) tərəfindən Polşa Skautlar Assosiasiyası (ZHP) ilə birgə təşkil edilən WeAct Forumu gənclərin humanitar fəaliyyətlərdə iştirakını yenidən müəyyənləşdirən və gəncləri bu mühüm işə cəlb etməyin dəyərini vurğulayan öyrənmə mühiti yaratmaq məqsədi daşıyır.

Polşanın Krakov şəhərində həyata keçirilən WeAct forumu UNICEF və WOSM arasında Ukraynada və qonşu ölkələrdə humanitar böhranı həll etmək üçün 2022-ci ilin aprelində başlanmış regional tərəfdaşlığın – UAct proqramının davamı olaraq həyata keçirilir. UAct proqram çərçivəsində müxtəlif regionlardan olan skautlar öz icmaları ilə birlikdə Ukraynada müharibədən zərər çəkmiş 1,12 milyondan çox insana yardım göstəriblər.

9-14 iyul 2023-cü tarixlərdə baş tutan forum dünyanın müxtəlif nöqtələrindən skaut təşkilatlarını, humanitar agentlikləri və gənclərin təşəbbüslərini təmsil edən qrumlardan 150-dən çox iştirakçını bir araya toplayır. UNICEF, Action Aid, Beynəlxalq Qırmızı Xaç Federasiyası (IFRC) və Birləşmiş Millətlər Təşkilatının İnsan Hüquqları üzrə Ali Komissarlığının Ofisi (OHCHR) kimi mötəbər qrumlar da bu interaktiv öyrənmə təcrübəsinə töhfə verirlər.

WeAct Forum, humanitar fəaliyyətə ənənəvi yanaşmaların yeniden dizayn edildiyi unikal öyrənmə mühiti təqdim edir. Yeni baxış bucaqları, innovativ həll, mürəkkəb problemlərin öhdəsindən gəlmə və dünya miqyasında digər gəncləri gücləndirmək gücünə malik olduqları üçün gənclərin bu mühim işə cəlb etmənin dəyəri vurğulanır.

Forum 14 iyun 2023-cü il tarixə qədər davam edəcək.

24/05/2023

“İctimai iştirakçılıq haqqında” Azərbaycan Respublikasının Qanununa və Azərbaycan Respublikası Nazirlər Kabinetinin 30 may 2014-cü il tarixli 171 nömrəli Qərarı ilə təsdiq edilmiş “İctimai şuranın vətəndaş cəmiyyəti institutları tərəfindən seçilməsinə dair Əsasnamə”nin tələblərinə uyğun olaraq, 23 may 2023-cü il tarixində Azərbaycan Respublikasının Fövqəladə Hallar Nazirliyi yanında yeni İctimai şuraya seçki keçirilib.

Şəffaf şəkildə keçirilmiş seçkinin yekunu olaraq Fövqəladə Hallar Nazirliyi yanında yeni İctimai şuranın üzvləri arasında Azərbaycan Skautlar Assosiasiyası tərəfindən namizədliyi irəli sürülən Azad Əliyev də yer alıb.

Qeyd edək ki, Azad Əliyev Azərbaycan Skautlar Assosiasiyasının könüllü axtarış-xilasetmə və humanitar fəaliyyətlərə dəstək qrupları olan `ın SƏTƏM və Hüquqi tənzimləmələr üzrə İdarə heyətinin üzvü, eyni zamanda Azərbaycan Skautlar Assosiasiyasının SƏTƏM üzrə məsləhətçisi olaraq fəaliyyət göstərir.

SARUS Azerbaijan

25/01/2026

19/01/2026

08/01/2026

27/12/2025

29/12/2023

15/12/2023

18/11/2023

07/11/2023

20/07/2023

15/06/2023

11/06/2023

24/05/2023

Address

Website

Alerts

Shortcuts

Share

Category