Lerik Rayon Heydər Əliyev Mərkəzi

06/09/2026

Yeni yaradıcı istiqamətlər üzrə qəbul üçün müraciətlərin qəbul edilməsi 10 sentyabr 2026-cı il tarixinədək uzadıldı!

04/09/2026

02/09/2026

02/09/2026

Mədəniyyət naziri Adil Kərimli
Naxçıvanda vətəndaşları qəbul edəcək.

Mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə əsasən Azərbaycan Respublikasının mədəniyyət naziri Adil Kərimli tərəfindən 2026-cı il sentyabrın 24-də Naxçıvan Muxtar Respublikasının Mədəniyyət Nazirliyində (ünvan: Naxçıvan şəhəri, Heydər Əliyev prospekti,1) Naxçıvan şəhəri, Babək, Culfa, Kəngərli, Ordubad, Sədərək, Şahbuz, Şərur rayonlarından olan vətəndaşların qəbulu keçiriləcəkdir.

Vətəndaşlar 2026-cı il sentyabrın 18-dək Nazirliyin [email protected] elektron poçt ünvanı, (012) 493-43-98 telefon nömrəsi vasitəsilə müraciət etməklə qəbula yazıla bilərlər.

01/09/2026

Avqustun 31-də Lerik rayon Heydər Əliyev Mərkəzinin və Lənkəran-Astara Regional Gənclər və İdman İdarəsinin birgə təşkilatçılığı ilə Lerik rayon Heydər Əliyev Mərkəzində “Gələcəyin peşəsini seç” – gənclərin peşə seçimi və karyera istiqamətləndirilməsi ilə bağlı görüş keçirilib.

Görüşdə gənclərə peşə seçiminin insan həyatında mühüm mərhələlərdən biri olduğu, düzgün seçimin gələcək karyera və şəxsi inkişaf baxımından böyük əhəmiyyət daşıdığı barədə məlumat verilib. Bildirilib ki, peşə seçərkən yalnız ixtisasın nüfuzuna və gəlir imkanlarına deyil, şəxsin maraq dairəsinə, fərdi bacarıqlarına, qabiliyyətlərinə və gələcək hədəflərinə də diqqət yetirmək vacibdir.

Tədbirin daha interaktiv və maraqlı keçməsi məqsədilə gənclərin iştirakı ilə “Mənim Peşə Kompasım” adlı oyun keçirilib. İştirakçılar komandalara bölünərək müxtəlif sual və tapşırıqları yerinə yetirib, öz maraq və bacarıqlarını müəyyənləşdirməyə çalışıblar. Oyun zamanı komanda üzvləri fikir mübadiləsi aparıb, verilən situasiyaları birlikdə müzakirə edib və ümumi qərarlar qəbul ediblər.

Tədbirin sonunda qeyd olunub ki, düzgün peşə seçimi uğurlu gələcəyə aparan mühüm addımlardan biridir. Gənclərin öz potensiallarını tanımaları, məqsədlərini düzgün müəyyənləşdirmələri və gələcəyin tələblərinə uyğun bacarıqlar formalaşdırmaları uğurlu karyera qurmaq baxımından mühüm əhəmiyyət daşıyır.

29/08/2026

Avqustun 28-də Lənkəran-Astara Regional Gənclər və İdman İdarəsinin, Lerik rayon Heydər Əliyev Mərkəzinin və Uşaq Səfirlər Məclisinin Lerik nümayəndəliyinin birgə təşkilatçılığı ilə Lerik rayon Heydər Əliyev Mərkəzində “Şəhərsalma və Memarlıq İli” çərçivəsində “Qərbi Azərbaycan abidələri: tarixi irsə baxış” mövzusunda görüş və “İrəvan: gizlədilmiş həqiqətlər” adlı sənədli filmin nümayişi keçirilib.
Görüşdə Lənkəran-Astara Regional Gənclər və İdman İdarəsinin Lerik rayonu üzrə gənclər və idman sektorunun əməkdaşları, Lerik rayon Heydər Əliyev Mərkəzinin əməkdaşları, Uşaq Səfirlər Məclisinin Lerik rayonu üzrə nümayəndələri və fəal gənclər iştirak ediblər.
Tədbir çərçivəsində Uşaq Səfirlər Məclisinin Lerik rayonu üzrə nümayəndələri Cavanşir Qurbanzadə və Gülay Məhərrəmzadə, məktəb nümayəndəsi Xəyyam Nurullayev, Gənc diplomatlar təşəbbüs qrupunun sədri Amil Mərdin tərəfindən “Şəhərsalma və Memarlıq İli”nin əhəmiyyəti, şəhərsalma və memarlıq sahəsində görülən işlər, tarixi abidələrin mühafizəsinin vacibliyi barədə təqdimatlar edilib. Mövzu əyani slaydlar və təqdimatlar vasitəsilə iştirakçıların diqqətinə çatdırılıb.
Daha sonra Qərbi Azərbaycanın tarixi-mədəni irsi, bölgədə yerləşən qədim yaşayış məskənləri və memarlıq nümunələri haqqında məlumatlar səsləndirilib. Tarixi irsin öyrənilməsi, qorunması və gələcək nəsillərə düzgün şəkildə çatdırılmasının əhəmiyyəti vurğulanıb.
Görüşün davamında “İrəvan: gizlədilmiş həqiqətlər” adlı sənədli film nümayiş etdirilib. Filmin nümayişindən sonra iştirakçıların mövzu ilə bağlı sualları cavablandırılıb, fikir mübadiləsi aparılıb.
Maarifləndirici görüş gənclərin tarixi yaddaşının gücləndirilməsi, milli-mədəni irsə bağlılığının artırılması, tarixi abidələrə və memarlıq nümunələrinə diqqətin yönəldilməsi baxımından əhəmiyyətli olub.

26/08/2026