Mingəçevir STEAM Mərkəzi

23/05/2026

✨ Uğurun, zəhmətin və nümunəvi fəaliyyətin dəyər gördüyü bir gündə biz də vardıq!

Mingəçevir STEAM Mərkəzi olaraq Ruslan Muradov adına Texniki və Humanitar Fənlər Liseyində keçirilən “Yaxşıların Yaxşısı” mükafatlandırma tədbirində iştirak etdik və uğurlu şagirdlərin mükafatlandırılması prosesində yer almaqdan böyük qürur duyduq. 🎓🏆

Tədbir boyunca əzmi, biliyi və fəallığı ilə seçilən şagirdlərin uğurlarına şahid olmaq bizə bir daha göstərdi ki, gələcək savadlı, yaradıcı və məqsədli gənclərin əlindədir. 🚀

Bu gözəl təşəbbüsə görə təşkilatçılara təşəkkür edir, mükafat alan bütün şagirdlərimizi ürəkdən təbrik edirik. Uğur sizinlə olsun! 🌟
edu.azat.steam
Uğur Mükafatlandırma Mingəçevir

22/05/2026

Mingəçevir STEAM Mərkəzində müxtəlif kateqoriyalar üzrə dərslərə start verildi.edu.az

01/05/2026

28 aprel 2026-cı il tarixində Mingəçevir Dövlət Universitetində keçirilən “Rəqəmsal transformasiya və gələcəyin peşələri” mövzusunda panel müzakirədə Mingəçevir STEAM Mərkəzi də aktiv şəkildə təmsil olundu.

Mərkəzin koordinatoru Müşfiq Tarıverdiyev panel çərçivəsində süni intellekt, gələcəyin peşələri və əmək bazarında dəyişən tələblər haqqında fikirlərini bölüşərək gənclərlə interaktiv müzakirə apardı. Çıxış zamanı texnologiyanın sürətli inkişafı fonunda yeni bacarıqların əhəmiyyəti və STEAM yanaşmasının bu prosesdə rolu xüsusi vurğulandı.

💡 Panel iştirakçıları rəqəmsal dünyada uğur qazanmaq üçün tələb olunan kompetensiyalar, innovativ düşüncə və adaptasiya qabiliyyəti haqqında dəyərli məlumatlar əldə etdilər.

🚀 Mingəçevir STEAM Mərkəzi olaraq gənclərin gələcəyin çağırışlarına hazır olması üçün bu kimi platformalarda aktiv iştirak etməyə davam edəcəyik!edu.az

Gənclərinİnkişafı

30/04/2026

Bugün Mingəçevir şəhər Texniki Humanitar Fənlər Liseyində keçirilən “Açıq qapı günü”ndə Mingəçevir STEAM Mərkəzi olaraq aktiv iştirak etdik 🚀

Tədbir çərçivəsində valideynlər və qonaqlarla birbaşa ünsiyyət quraraq mərkəzimizin fəaliyyət istiqamətləri, tətbiq etdiyimiz innovativ tədris yanaşmaları və dərs proseslərimiz haqqında ətraflı məlumat paylaşdıq.

STEAM təhsilinin uşaqların analitik düşüncə, yaradıcılıq və problem həll etmə bacarıqlarının inkişafındakı rolunu real nümunələr və layihələr üzərindən təqdim etdik.

Gələcəyin mühəndisləri, proqramçıları və ixtiraçıları bu gün burada idi — biz isə onların ilk addımlarına dəstək olmaqdan qürur duyuruq 💡

27/04/2026

Mingəçevir şəhər R. Mirabov adına 7 nömrəli tam orta ümumtəhsil məktəbində STEAM yanaşmasına əsaslanan maraqlı və yaradıcı açıq dərs təşkil olunub.

Məktəbin rus dili müəllimi Tünzalə Ağayeva tərəfindən keçirilən dərs zamanı şagirdlər innovativ metodlardan istifadə edərək bilik və bacarıqlarını nümayiş etdirib, yaradıcı tapşırıqlar üzərində fəal iştirak ediblər. Dərs prosesi şagirdlərin analitik və yaradıcı düşünmə qabiliyyətlərinin inkişafına yönəlib.

Açıq dərsdə Mingəçevir STEAM Mərkəzinin əməkdaşları — Müşfiq Tarıverdiyev və Aysel Şamxalova qonaq qismində iştirak edərək dərs prosesini izləyib, öz peşəkar rəy və tövsiyələrini bölüşüblər.

Qeyd edək ki, bu kimi dərslər şagirdlərdə XXI əsr bacarıqlarının formalaşmasına, innovativ düşüncə tərzinin inkişafına və STEAM təhsilinə marağın artırılmasına mühüm töhfə verir.

Mingəçevir STEAM Mərkəzinin əməkdaşları olaraq belə təşəbbüslərdə iştirak etməkdən məmnunluq duyuruq.
edu.az at.steam

21/04/2026

“İnnovasiya və yaradıcılıq” ayı çərçivəsində Mingəçevir regional “ASAN xidmət” əməkdaşları və könüllüləri üçün Mingəçevir STEAM Mərkəzinə maraqlı və maarifləndirici ekskursiya təşkil olunub.

Ekskursiya zamanı iştirakçılar Mərkəzin fəaliyyəti ilə yaxından tanış olaraq burada həyata keçirilən innovativ layihələr və müasir texnologiyalar haqqında ətraflı məlumat əldə ediblər. Onlara STEAM (elm, texnologiya, mühəndislik, incəsənət və riyaziyyat) yanaşmasının əhəmiyyəti izah olunub və bu istiqamətdə həyata keçirilən praktiki layihələr nümayiş etdirilib.

Ziyarət çərçivəsində iştirakçılar robototexnika, proqramlaşdırma və 3D modelləşdirmə sahələrində tətbiq olunan texnologiyaları yerində izləmək imkanı qazanıblar. İnteraktiv təqdimatlar və real nümunələr ekskursiyanı daha da maraqlı və yaddaqalan edib.

Bu cür təşəbbüslər gənclərin innovativ düşüncə tərzinin formalaşdırılması, yaradıcılıq potensialının inkişaf etdirilməsi və müasir texnologiyalara marağın artırılması baxımından xüsusi əhəmiyyət daşıyır.

21/04/2026

Mərkəzi Aran Regional Təhsil İdarəsinin təşkilatçılığı ilə STEAM müəllimlərinin peşəkar inkişafının dəstəklənməsi məqsədilə təlim təşkil olunub.

Təlim Mingəçevir şəhəri Dilqəm Nağıyev adına 9 nömrəli tam orta ümumtəhsil məktəbin nəzdində fəaliyyət göstərən STEAM mərkəzində həyata keçirilib.

Təlim zamanı müəllimlər STEAM yanaşmasının tətbiqi, müasir tədris metodları və praktik fəaliyyətlər üzrə bilik və bacarıqlarını inkişaf etdirmək imkanı əldə ediblər.

21/04/2026

18/04/2026

Natiq Qasımov adına 4 nömrəli tam orta ümumtəhsil məktəbinin şagird və müəllim kollektivi Mingəçevir STEAM Mərkəzinə maarifləndirici ekskursiya çərçivəsində səfər edib.

Ekskursiya zamanı iştirakçılar mərkəzdə həyata keçirilən innovativ tədris proqramları, müasir texnologiyalar və STEAM yanaşmasının tətbiqi ilə yaxından tanış olublar. Şagirdlər robototexnika, proqramlaşdırma, 3D modelləşdirmə və süni intellekt modulları üzrə təqdim olunan layihələri maraqla izləyib, bəzi fəaliyyətlərdə isə birbaşa iştirak edərək praktiki təcrübə qazanıblar.

Müəllim heyəti üçün də bu ziyarət yeni tədris metodları və texnoloji imkanlar baxımından faydalı olub, STEAM əsaslı təhsilin gələcək perspektivləri ilə bağlı fikir mübadiləsi aparılıb.

Bu cür ekskursiyalar şagirdlərdə yaradıcılıq, analitik düşüncə və innovativ baxışın formalaşmasına mühüm töhfə verir. Mingəçevir STEAM Mərkəzi olaraq gənclərin texnologiya ilə daha yaxından tanış olması və gələcəyin bacarıqlarını qazanması istiqamətində fəaliyyətimizi davam etdiririk. edu.az at.steam