Neftçala Tarix Diyarşünaslıq Muzeyi

23/06/2026

26 iyun – Azərbaycan Respublikası Silahlı Qüvvələrinin yaranmasının ildönümü münasibətilə muzeydə tədbir təşkil olunub.
Muzey zalında keçirilən tədbir zamanı iştirakçılar Azərbaycan ordusunun tarixi, qəhrəmanlıq ənənələri və milli müdafiə sahəsindəki nailiyyətləri haqqında məlumatlandırıldı. Çıxış edən muzey işçiləri Azərbaycan Silahlı Qüvvələrinin yaranma tarixi, keçdiyi şanlı yol və ölkənin müdafiəsindəki rolu barədə ətraflı söhbət açdı.
Tədbir sülh, əmin-amanlıq və Azərbaycanın parlaq gələcəyinə olan inamla yekunlaşdı.
Yaşasın Azərbaycan Respublikasının Silahlı Qüvvələri! 🇦🇿

23/06/2026

Asudə vaxtın səmərəli təşkili

23/06/2026

Muzeydə “Vətənin qartal övladları” adlı sərgi təşkil olunub. Sərgi zamanı məktəblilər və ziyarətçilər Vətən uğrunda canından keçmiş qəhrəman şəhidlərimizin həyat və döyüş yolunu əks etdirən eksponatlarla tanış olublar. Tədbirdə şəhidlərə həsr olunmuş fotoşəkillər, xatirə materialları nümayiş etdirilib, onların göstərdiyi igidlik və qəhrəmanlıq nümunələri haqqında məlumat verilib. Sərgi iştirakçılar tərəfindən böyük maraqla qarşılanıb və gənc nəslin vətənpərvərlik ruhunda tərbiyəsinə töhfə verib.

18/06/2026

Bu gün Milli Qəhrəman Mübariz İbrahimovun şəhidlik zirvəsinə ucaldığı gündür. Vətən uğrunda canından keçən Mübarizin qəlbindəki alov müqəddəs Qarabağ Zəfərimizin parlaq məşəlinə çevrildi. Bu fədakar qəhrəmanın ən böyük amalı torpaqlarımızın düşmən tapdağından qurtulması və bayrağımızın Qarabağda dalğalanması idi. İllər keçdi və Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusu həsrətində olduğumuz torpaqları azad etdi. Allah bütün şəhidlərimizə rəhmət eləsin! Onların əziz xatirəsi əbədi olaraq qəlblərdə yaşayacaq.

15/06/2026

15/06/2026

15 İyun - Milli Qurtuluş Günüdür

13/06/2026

15 İyun – Milli Qurtuluş Günü münasibətilə muzeydə sərgi təşkil edilib. Sərgidə Azərbaycan xalqının Ümummilli Lideri Heydər Əliyevin zəngin siyasi fəaliyyəti, dövlətçilik ideyaları və ölkəmizin müstəqilliyinin möhkəmləndirilməsi istiqamətində gördüyü mühüm işləri əks etdirən materiallar nümayiş olunub.
Sərgini ziyarət edənlər Milli Qurtuluş Gününün Azərbaycan tarixindəki əhəmiyyəti, ölkəmizin inkişafı və sabitliyinin təmin olunmasında oynadığı rol barədə məlumatlandırılıblar. Sərginin keçirilməsində məqsəd gənc nəslə milli dövlətçilik dəyərlərinin təbliği, tarixi yaddaşın qorunması və vətənpərvərlik hisslərinin aşılanması olub.

11/06/2026

Samid İmanov adına 1 saylı tam orta məktəbin 2B sinif şagirdləri sinif rəhbəri Aybəniz müəllim ilə birlikdə muzeyə ekskursiya ediblər. Şagirdlər muzey zallarını gəzərək tarixi və mədəni irs nümunələri ilə yaxından tanış olublar. Muzey əməkdaşları uşaqlara eksponatlar haqqında maraqlı məlumatlar veriblər. Kiçik yaşlı şagirdlər böyük həvəs və maraqla hər şeyi dinləyib izləyiblər. Ekskursiya şagirdlərdə vətənpərvərlik hissi oyadıb və onların dünyagörüşünü genişləndirib.

11/06/2026

Samid İmanov adına 1 saylı tam orta məktəbin I sinif şagirdləri Alimə müəllimin rəhbərliyi ilə muzeyə ekskursiya ediblər. Ekskursiya zamanı şagirdlər muzeydə qorunan tarixi və mədəni irs nümunələri ilə tanış olub, eksponatlar haqqında maraqlı məlumatlar əldə ediblər. Muzey əməkdaşları tərəfindən verilən məlumatlar uşaqların böyük marağına səbəb olub. Ekskursiya şagirdlərin biliklərinin artırılmasına, tariximizə və mədəniyyətimizə maraqlarının formalaşmasına töhfə verib.

11/06/2026

Samid İmanov adına 1 saylı tam orta məktəbin şagirdləri Gülşən müəllimin rəhbərliyi ilə muzeydə ekskursiyada iştirak ediblər. Ekskursiya zamanı şagirdlər muzeyin ekspozisiya zalları ilə tanış olub, burada nümayiş etdirilən tarixi və mədəni irs nümunələri haqqında ətraflı məlumat əldə ediblər. Muzey əməkdaşları tərəfindən eksponatların tarixi, əhəmiyyəti və qorunması barədə məlumat verilib, şagirdlərin sualları cavablandırılıb. Ekskursiya məktəblilərin tarixə və mədəni irsimizə marağının artırılmasına, onların dünyagörüşünün genişlənməsinə töhfə verib. Şagirdlər muzeydən zəngin təəssüratlarla ayrılıblar.