Neftçala Tarix Diyarşünaslıq Muzeyi

Neftçala Tarix Diyarşünaslıq Muzeyi Neftçala rayon Tarix Diyarşünaslıq Muzeyi 1980 ci ildən fəaliyyət göstərir. III qrup

“Şəhərsalma və Memarlıq İli” çərçivəsində Neftçala Tarix-Diyarşünaslıq Muzeyində maarifləndirici tədbir keçirilib.“Şəhər...
03/09/2026

“Şəhərsalma və Memarlıq İli” çərçivəsində Neftçala Tarix-Diyarşünaslıq Muzeyində maarifləndirici tədbir keçirilib.
“Şəhərsalma və Memarlıq İli” çərçivəsində Neftçala Rayon Heydər Əliyev Mərkəzi və Neftçala Tarix-Diyarşünaslıq Muzeyinin birgə təşkilatçılığı ilə muzeydə “Ulu Öndər Heydər Əliyev və Azərbaycanın beynəlxalq mövqeyi” mövzusunda maarifləndirici tədbir keçirilib.
Tədbirdə Ulu Öndər Heydər Əliyevin xarici siyasət strategiyası, Azərbaycanın beynəlxalq aləmdə nüfuzunun möhkəmləndirilməsi, dünya dövlətləri və beynəlxalq təşkilatlarla əlaqələrin inkişafı istiqamətində həyata keçirilən məqsədyönlü siyasət barədə ətraflı məlumat verilib.
Həmçinin “Şəhərsalma və Memarlıq İli” ilə əlaqədar Azərbaycanın tarixi-mədəni irsinin qorunmasının, şəhərsalma və memarlıq sahəsində həyata keçirilən işlərin əhəmiyyəti diqqətə çatdırılıb. Tədbir çərçivəsində Neftçala rayonunun tarixi, mədəni irsi və memarlıq xüsusiyyətləri haqqında geniş söhbət aparılıb.
Sonda iştirakçılar Neftçala Tarix-Diyarşünaslıq Muzeyində Ulu Öndər Heydər Əliyevin həyat və fəaliyyətinə həsr olunmuş fotoşəkillər, kitablar və tarixi sənədlərdən ibarət sərgi ilə tanış olublar.

Şirvan-Salyan Regional Gənclər və İdman İdarəsinin Neftçala rayonu üzrə Gənclər və İdman Sektorunun əməkdaşları və gəncl...
20/08/2026

Şirvan-Salyan Regional Gənclər və İdman İdarəsinin Neftçala rayonu üzrə Gənclər və İdman Sektorunun əməkdaşları və gənclər muzeydə ekskursiyada olublar.
Ekskursiya zamanı qonaqlara muzeyin fəaliyyəti, Neftçala rayonunun tarixi, zəngin maddi-mədəni irsi və muzeydə qorunub saxlanılan qiymətli eksponatlar haqqında ətraflı məlumat verilib.
Gənclərin tariximizin və milli-mədəni irsimizin öyrənilməsinə marağının artırılması məqsədilə keçirilən ekskursiya qarşılıqlı fikir mübadiləsi şəraitində baş tutub.
Səfərin sonunda iştirakçılara muzey əməkdaşları tərəfindən göstərilən diqqət və ətraflı məlumat üçün təşəkkür bildirilib.

Neftçala rayon Heydər Əliyev Mərkəzinin əməkdaşları Tarix-Diyarşünaslıq Muzeyində ekskursiyada olublar.Ekskursiya zamanı...
19/08/2026

Neftçala rayon Heydər Əliyev Mərkəzinin əməkdaşları Tarix-Diyarşünaslıq Muzeyində ekskursiyada olublar.
Ekskursiya zamanı qonaqlar muzeyin ekspozisiya zalları ilə tanış olub, Neftçalanın qədim tarixini, zəngin maddi-mədəni irsini və bölgənin tarixi inkişafını əks etdirən eksponatlar haqqında ətraflı məlumat əldə ediblər.
Muzey əməkdaşları tərəfindən ziyarətçilərə nümayiş olunan tarixi və qiymətli nümunələr barədə geniş məlumat verilib. Səmərəli və maraqlı keçən ekskursiya qarşılıqlı fikir mübadiləsi ilə davam edib.
Bu cür görüşlər tariximizin və milli-mədəni irsimizin təbliği, eləcə də mədəniyyət müəssisələri arasında əməkdaşlığın daha da möhkəmləndirilməsi baxımından əhəmiyyətlidir.

Neftçala Tarix-Diyarşünaslıq Muzeyində Xəzər dənizinin və bölgəmizin su hövzələrinin zənginliyini əks etdirən “Balıqları...
18/08/2026

Neftçala Tarix-Diyarşünaslıq Muzeyində Xəzər dənizinin və bölgəmizin su hövzələrinin zənginliyini əks etdirən “Balıqların növləri” adlı sərgi təşkil olunub.
Sərgidə müxtəlif balıq növləri, onların xüsusiyyətləri, yaşayış mühiti və bölgənin təbiətindəki rolu haqqında məlumatlar təqdim edilib. Ekspozisiyada balıqçılıq təsərrüfatında istifadə olunan nümunələr, qədim balıqçılıq ənənələri və Xəzər dənizinin biomüxtəlifliyi ilə bağlı materiallar nümayiş etdirilib.
Sərgi iştirakçılarda su ehtiyatlarının və canlı aləmin qorunması, Xəzər dənizinin ekoloji tarazlığının mühafizəsi barədə maarifləndirici təsəvvürlərin formalaşdırılmasına xidmət edib.
Sərgi zamanı ziyarətçilərə sərgi haqqında ətraflı məlumat verilərək, bölgəmizin təbii sərvətlərinin qorunmasının vacibliyi vurğulanıb.

Neftçala Tarix-Diyarşünaslıq Muzeyinin əməkdaşları Rəsm Qalereyasında “Rəsmlərdə həyat” adlı tədbir keçirib.Tədbirin əsa...
14/08/2026

Neftçala Tarix-Diyarşünaslıq Muzeyinin əməkdaşları Rəsm Qalereyasında “Rəsmlərdə həyat” adlı tədbir keçirib.
Tədbirin əsas məqsədi rəssamlıq sənətinin insan həyatındakı rolunu diqqətə çatdırmaq, rəsm əsərlərində əks olunan həyat lövhələrini iştirakçılara təqdim etmək və gənclərdə incəsənətə marağı artırmaq olub.
Tədbir zamanı Rəsm Qalereyasında nümayiş olunan əsərlər haqqında məlumat verilib, onların mövzusu, bədii xüsusiyyətləri və rəssamların yaradıcılığı barədə söhbət aparılıb. İştirakçılar müxtəlif rəsm nümunələri ilə tanış olaraq sənətin insan duyğularını və həyatın müxtəlif anlarını necə əks etdirdiyini müşahidə ediblər.
Sonda qeyd olunub ki, rəsm yalnız rəng və cizgilərdən ibarət deyil, həm də insanın düşüncələrini, hisslərini və yaşadığı həyatın izlərini özündə əks etdirən sənət nümunəsidir.

Neftçala Tarix-Diyarşünaslıq Muzeyinin əməkdaşı tərəfindən Xanoğlan Məmmədov adına Mədəniyyət Mərkəzində "Qadın zorakılı...
05/08/2026

Neftçala Tarix-Diyarşünaslıq Muzeyinin əməkdaşı tərəfindən Xanoğlan Məmmədov adına Mədəniyyət Mərkəzində "Qadın zorakılığı" mövzusunda açıq dərs keçirilib.
Tədbirdə qadın zorakılığının cəmiyyət və ailə həyatına mənfi təsirləri, zorakılığın fiziki, psixoloji, iqtisadi və mənəvi formaları haqqında ətraflı məlumat verilib. Bildirilib ki, qadınlara qarşı zorakılıq insan hüquqlarının pozulmasıdır və onun qarşısının alınması hər bir cəmiyyətin əsas prioritetlərindən biridir.
Açıq dərs zamanı qadın hüquqlarının qorunmasının vacibliyi, sağlam ailə münasibətlərinin formalaşdırılması, qarşılıqlı hörmət və bərabərlik prinsiplərinin əhəmiyyəti iştirakçıların diqqətinə çatdırılıb. Sonda mövzu ətrafında fikir mübadiləsi aparılıb, iştirakçıların sualları cavablandırılıb və qadınlara qarşı zorakılığın yolverilməz olduğu bir daha vurğulanıb.

Neftçala Rayon Mərkəzləşdirilmiş Kitabxanada, Tarix Diyarşünaslıq Muzeyində,Xanoğlan Məmmədov adına Mədəniyyət Mərkəzind...
05/08/2026

Neftçala Rayon Mərkəzləşdirilmiş Kitabxanada, Tarix Diyarşünaslıq Muzeyində,Xanoğlan Məmmədov adına Mədəniyyət Mərkəzində Neftçala rayonunun igid şəhidi Abbasov Samir Azər oğlunun şərəfli ömür yolu və Vətən müharibəsində göstərdiyi qəhrəmanlığa həsr olunmuş mühazirə təşkil olunub.
Mühazirə Neftçala Tarix-Diyarşünaslıq Muzeyinin əməkdaşları tərəfindən təqdim edilərək, şəhid Samir Abbasovun həyat yolu, döyüşlərdə göstərdiyi igidlik, Azərbaycanın ərazi bütövlüyü uğrunda göstərdiyi misilsiz xidmətlər və ölümündən sonra layiq görüldüyü dövlət təltifləri haqqında ətraflı məlumat verilib. Bildirilib ki, Samir Abbasov Vətənə sonsuz sevgisi və qəhrəmanlığı ilə xalqımızın yaddaşında əbədi yaşayacaq.
Mühazirənin məqsədi cəmiyyətdə vətənpərvərlik ruhunun gücləndirilməsi, şəhidlərimizin əziz xatirəsinin daim yaşadılması və onların keçdiyi şərəfli ömür yolunun təbliğ olunması idi.

Allah bütün şəhidlərimizə rəhmət eləsin, onların əziz xatirəsi xalqımızın qəlbində daim yaşayacaq.

01/08/2026

1 Avqust – Azərbaycan Əlifbası və Azərbaycan Dili Günüdür.

Dil xalqın yaddaşı, mədəniyyəti və kimliyidir. Onu yaşadan hər gün doğma dildə sevə-sevə danışan insanlardır.

Bu gün Azərbaycan dili bayramını birlikdə qeyd edirik. Bayramınız mübarək!

29/07/2026

2026/2027-ci tədris ili üzrə qəbul müsabiqəsinin ixtisas və məktəb seçimi nəticələri elan olunub!
Azərbaycan Respublikası Mədəniyyət Nazirliyinin tabeliyində fəaliyyət göstərən incəsənət məktəb və mərkəzlərinə I sinif üzrə şagird qəbulu müsabiqəsinin ixtisas və məktəb seçimi mərhələsinin nəticələri açıqlanıb.
Namizədlər nəticələri qeydiyyatdan keçdikləri “MyCulture” vahid şəxsi kabineti və exam.culture.az portalı vasitəsilə əldə edə bilərlər.
Qəbul olunan namizədlər tələb olunan sənədləri 15 avqust 2026-cı il saat 18:00-dək “MyCulture” şəxsi kabinetində müvafiq bölməyə yükləməklə qəbullarını təsdiqləməlidirlər.
Yeni tədris ilində bütün şagird və müəllimlərimizə uğurlar arzulayırıq!


29/07/2026

Gil sadəcə bir sənət deyil, xəyalların əllərdə can tapdığı sehrli bir dünyadır...

Muzey əməkdaşımızın keçirdiyi gil master-klassı iştirakçılar üçün həm əyləncəli, həm də öyrədici anlarla yadda qaldı. Hər toxunuşda yeni bir fiqur yarandı, hər gülümsəmədə isə yaradıcılığa olan sevgi daha da artdı.

Bu master-klass iştirakçılara yalnız gildən fiqurlar hazırlamağı deyil, həm də səbirli olmağı, xəyal gücünü sərbəst ifadə etməyi və milli tətbiqi sənətimizin incəliklərini öyrənməyi bəxş etdi.

Bəzən ən gözəl əsərlər bir ovuc gildən başlayır...

Address

Azerbaycan
Neftçala

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00
Saturday 09:00 - 18:00
Sunday 09:00 - 16:00

Telephone

+994212631356

Website

Alerts

Be the first to know and let us send you an email when Neftçala Tarix Diyarşünaslıq Muzeyi posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Neftçala Tarix Diyarşünaslıq Muzeyi:

Shortcuts

Share

Category