Badamlı kənd İ.Rüstəmov adına tam orta məktəb

14/06/2026

🔴Çalışmanın yaş həddinə çatmış müəllimin tədbiri
------
📌12 iyun 2026-cı il tarixdə Şahbuz rayon Badamlı kənd İ.Rüstəmov adına tam orta məktəbdə pedaqoji kollektivin iştirakı ilə pedaqoji sahədə uzun illər səmərəli fəaliyyət göstərən, çalışmanın yaş həddinə çatmış,məktəbin Psixoloqu və Rus dili müəllimi Qezenfer Novruzovun 65 illik yubiley tədbiri keçirildi.
📌 Tədbirdə yubilyarın təhsil sahəsində göstərdiyi xidmətlərdən, gənc nəslin tərbiyəsindəki əməyindən bəhs edildi.
📌Kollektiv tərəfindən Qəzənfər Novruzova gələcək həyatında möhkəm can sağlığı, uzun ömür və xoş günlər arzulandı.
📌Əziz müəllimimizi yubileyi münasibətilə bir daha ürəkdən təbrik edir, ona ailə səadəti və firavan həyat arzulayırıq.

14/06/2026

🔴Badamlı kənd İ.Rüstəmov adına tam orta məktəbdə təşkil olunan “🔔Son zəng🔔” tədbiri məktəbimizdə Azərbaycan Respublikasının Dövlət Himninin sədaları altında başlandı. Daha sonra Şəhidlərimizin ruhu 1 dəqiqəlik sükut ilə yad edildi.
Tədbir zamanı şagirdlər tərəfindən müxtəlif musiqi nömrələri, şeirlər və rəqs kompozisiyaları təqdim olundu. Məzunların məktəb illərini əks etdirən çıxışları və duyğulu anlar tədbir iştirakçıları tərəfindən böyük maraqla qarşılandı.
“Son zəng” tədbiri məzunların məktəb həyatı ilə vidalaşaraq yeni uğurlara doğru ilk addımlarını atdıqları unudulmaz bir gün kimi yadda qaldı. Bütün məzunlarımızı təbrik edir, onlara gələcək həyatlarında və ali təhsil yollarında yeni nailiyyətlər arzulayırıq.

11/06/2026

ℹ️ 2024-2025-ci tədris ilində buraxılış imtahanlarında ölkə üzrə ən yüksək nəticəni Naxçıvan şəhərində yerləşən ümumtəhsil məktəblərinin şagirdləri göstərib. Ordubad və Şahbuz rayonlarının şagirdləri də yüksək nəticələrinə görə ölkə üzrə ilk beşlikdə yer alıblar

📢 Dövlət İmtahan Mərkəzinin 2024–2025-ci tədris ili üzrə IX və XI siniflərin buraxılış imtahanlarına dair illik hesabatında Naxçıvan məktəblilərinin uğurlu nəticələri xüsusi diqqət çəkib.

✅ ️XI siniflər üzrə buraxılış imtahanlarında ölkə üzrə ən yüksək orta nəticə Naxçıvan şəhərində yerləşən ümumtəhsil məktəblərinin şagirdlərinə məxsus olub (158.37 bal).

🔷️ Ordubad rayonunun şagirdləri də yüksək nəticə göstərərək ölkə üzrə ilk beşlikdə yer alıblar.

❗️IX siniflər üzrə buraxılış imtahanlarında isə Naxçıvan şəhərinin ümumtəhsil müəssisələrinin şagirdləri ölkə üzrə ikinci ən yüksək nəticəni əldə ediblər (143.08 bal).

✔️ Şahbuz rayonunun məktəbliləri də uğurlu göstəriciləri ilə ölkə üzrə ilk beşlikdə qərarlaşıblar.

🔗 Bu nailiyyətlər şagirdlərimizin əzmkarlığının, müəllimlərimizin fədakar əməyinin və təhsil sahəsində həyata keçirilən məqsədyönlü fəaliyyətin nəticəsidir.

✨️ Uğurlu nəticələrə görə bütün şagirdlərimizi, müəllimlərimizi və valideynlərimizi təbrik edir, gələcək fəaliyyətlərində yeni uğurlar arzulayırıq.

11/06/2026

📢🔴09 iyun 2026-cı il tarixdə Badamlı kənd İ.Rüstəmov adına tam orta məktəbdə "İnsan Hüquqları Aylığı"çərçivəsində “İnsan hüquqları və vətəndaş məsuliyyəti” mövzusunda tədbir keçirilmişdir.
🔴Tədbirdə insan hüquq və azadlıqlarının mahiyyəti, vətəndaşların hüquq və vəzifələri, cəmiyyətdə qarşılıqlı hörmət və məsuliyyət prinsipləri barədə ətraflı məlumat verilmişdir.Mövzu ilə bağlı çıxışlar etmiş, fikir mübadiləsi aparmış və insan hüquqlarının qorunmasının əhəmiyyəti vurğulanmışdır. Tədbirin əsas məqsədi şagirdlərdə hüquqi maarifləndirməni artırmaq və onları məsuliyyətli vətəndaş kimi formalaşdırmaq olmuşdur.

26/05/2026

26 May 2026-cı il tarixdə Badamlı kənd İ.Rüstəmov adına tam orta məktəbdə "28 May Müstəqillik Günü"ilə bağlı maarifləndirici tədbir təşkil olunmuşdur.

08/05/2026

📢8 may 2026-cı il tarixdə Badamlı kənd İ.Rüstəmov adına tam orta məktəbdə "Ümummilli lider Heydər Əliyevin anadan olmasının 103 -cü il dönümü" və "Qələbə günü" münasibəti ilə tədbir keçirildi.

03/05/2026

29/04/2026

ℹ️ Mayın 2-dən Naxçıvanda təhsilverənlərin sertifikatlaşdırma imtahanlarına start verilir

Ⓜ️ayın 2–3 və 10–11 tarixlərində Naxçıvan Muxtar Respublikasında təhsilverənlərin sertifikatlaşdırma prosesinin ikinci dövriyyəsi üzrə test imtahanları keçiriləcək. Prosesdə ümumilikdə 2772 təhsilverənin iştirakı nəzərdə tutulur.

📢 İmtahan qrafikinə əsasən:

🔹 2 may — alman, fransız, ingilis, rus dilləri, Azərbaycan dili, Azərbaycan dili və ədəbiyyatı, informatika müəllimləri;
🔹 3 may — riyaziyyat, kimya, biologiya müəllimləri;
🔹 10 may — fizika, ibtidai sinif və coğrafiya müəllimləri;
🔹 11 may — fiziki tərbiyə, gənclərin çağırışaqədərki hazırlığı, musiqi, tarix, təsviri incəsənət və texnologiya müəllimləri sertifikatlaşdırma imtahanlarında iştirak edəcəklər.

❗️Təhsilverənlərdən xahiş olunur ki, şəxsi kabinetlərinə daxil olaraq imtahan tarixi, mərkəzi və seans vaxtı ilə bağlı məlumatları öncədən dəqiqləşdirsinlər. İmtahana gələrkən şəxsiyyəti təsdiq edən sənədin təqdim olunması mütləqdir.

✨ ️Sertifikatlaşdırma prosesində iştirak edəcək bütün təhsilverənlərə uğurlar arzulayırıq!

28/04/2026

📸🔴Badamlı kənd İ.Rüstəmov adına tam orta məktəb - fotolar

28/04/2026

📢Badamlı kənd İ.Rüstəmov adına tam orta məktəbi
Sinif:Vlll
Dərs:Kimya
Fənn müəllimi: Quliyeva Leyla Nüsrət qızı
Mövzu.: ⚗️Natrium metalı su ilə reaksiyaya daxil olaraq natrium-hidroksid və hidrogen qazı əmələ gətirir.🧫 Reaksiya sorucu şkafda aparılmalıdır, sorucu şkaf olmadığı üçün acıq havada aparılır.
🧫Alınan natrium-hidroksid suda həll olan əsasdır. Təyini üçün fenolftaleindən istifadə olunur.