Şahbuz Rayon İcra Hakimiyyəti

04/09/2026

Şahbuzda “İnsan alveri: Ümumbəşəri bəla” mövzusunda maarifləndirici tədbir keçirilib
4 sentyabr 2026 -cı il tarixdə Yeni Azərbaycan Partiyası Şahbuz Rayon Təşkilatının inzibati binasında “İnsan alveri: Ümumbəşəri bəla” mövzusunda maarifləndirici tədbir keçirilib.
Tədbir Şahbuz Rayon İcra Hakimiyyətinin təşkilatçılığı ilə baş tutub. Əvvəlcə ulu öndər Heydər Əliyevin və Azərbaycanın ərazi bütövlüyünün təmin olunması uğrunda canından keçmiş şəhidlərin əziz və unudulmaz xatirəsi bir dəqiqəlik sükutla yad edilib.
Tədbirdə giriş sözü ilə Şahbuz Rayon İcra Hakimiyyəti başçısı Aparatının Hüquq və kadr məsələləri sektorunun müdiri Sevindik Abdullayev çıxış edib.
Çıxışlar zamanı insan alverinin mahiyyəti, onun cəmiyyət və xüsusilə də uşaqlar üçün yaratdığı təhlükələr, insan alverinin qarşısının alınması istiqamətində görülən tədbirlər və hüquqi maarifləndirmənin əhəmiyyəti barədə məlumat verilib.
Tədbirdə həmçinin Şahbuz Rayon İcra Hakimiyyəti yanında Uşaq hüquqlarının müdafiəsi üzrə Komissiyanın məsul katibi Ülvi Əliyev və Şahbuz Rayon Gənclər və İdman İdarəsinin rəisi Elvin Hüseynli çıxış ediblər.
Çıxışlarda insan alverinə qarşı mübarizədə maarifləndirmənin, hüquqi biliklərin artırılmasının və xüsusilə uşaqların və gənclərin bu istiqamətdə məlumatlandırılmasının vacibliyi vurğulanıb. Tədbir iştirakçıların diqqətinə insan alverinin ümumbəşəri problem kimi yaratdığı fəsadların çatdırılması baxımından əhəmiyyətli olub.

03/09/2026

Şahbuzda Vətən müharibəsi qazisi İsa Yavərsoylunun övladının doğum günü qeyd olunub

03 sentyabr 2026-cı il tarixində Şahbuz Rayon İcra Hakimiyyətinin və Yeni Azərbaycan Partiyası (YAP) Şahbuz Rayon Təşkilatının əməkdaşları İkinci Qarabağ müharibəsinin qazisi, xüsusi təyinatlı hərbi qulluqçusu olmuş Yavərsoylu İsa Həmdulla oğlunun ailəsini ziyarət ediblər.

Ziyarət qazinin övladının doğum günü münasibətilə onun yaşadığı ünvanda baş tutub. Görüş zamanı rəsmi nümayəndələr qazinin övladını ad günü münasibətilə təbrik edib, ona xoş arzularını çatdırıblar. Həmçinin ailənin qayğıları və ehtiyacları ilə yaxından maraqlanılıb.

Qeyd edək ki, İsa Yavərsoylu İkinci Qarabağ müharibəsində göstərdiyi xüsusi şücaət və igidliklərə görə Azərbaycan Respublikası Prezidentinin sərəncamları ilə bir çox medallarla təltif edilmiş rəşadətli hərbi qulluqçularımızdandır.

03/09/2026

1991-ci il 3 sentyabr: Ulu Öndərin Ali Məclisin Sədri seçildiyi gün - dövlətçilik yolunda dönüş nöqtəsi
Görkəmli dövlət xadimi, Ümummilli Lider Heydər Əliyevin 1991-ci il sentyabrın 3-də Naxçıvan Muxtar Respublikası Ali Məclisində keçirilən fövqəladə sessiyada deputatların və iclas zalının qarşısına toplaşan minlərlə insanın təkidi ilə Ali Məclisin Sədri seçilməsi dahi şəxsiyyətə xalqın böyük etimadının nəticəsi idi.

02/09/2026

Şahbuzda yanğın təhlükəsizliyi ilə bağlı maarifləndirici seminar keçirilib

Sentyabrın 2-də Şahbuz rayonunun Türkeş kəndində Şahbuz Rayon İcra Hakimiyyəti və Naxçıvan Muxtar Respublikası Fövqəladə Hallar Nazirliyinin birgə təşkilatçılığı ilə “Yay mövsümü dövründə yanğınlara qarşı qabaqlayıcı tədbirlərin səmərəliliyinin artırılması” mövzusunda maarifləndirici seminar keçirilib.

Tədbirdə taxıl, əkin-otlaq və meşə sahələrində yanğınların qarşısının alınması, yanğın təhlükəsizliyi qaydalarına əməl olunması, eləcə də vətəndaşların, torpaq mülkiyyətçilərinin, sahibkarların və yerli özünüidarəetmə orqanlarının üzərinə düşən vəzifələr barədə məlumat verilib.

İştirakçılara maarifləndirici slayd və videoçarxlar təqdim olunub, “112” və “101” xidmət nömrələri barədə məlumat çatdırılıb.

Naxçıvan

02/09/2026

Azərbaycan Respublikası Prezidentinin 2023-cü il 5 iyun tarixli 3910 nömrəli Sərəncamı ilə təsdiq edilmiş “Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”nda dəyişiklik edilməsi haqqında Azərbaycan Respublikası Prezidentinin Sərəncamı
https://president.az/az/articles/view/73415

02/09/2026

Şahbuz Rayon İcra Hakimiyyətinin başçısı Rəfael Babayev rayonun idarə, müəssisə və xidmət sahələrinin rəhbərlərinin iştirakı ilə Nursu kənd sakinlərini növbəti səyyar qəbul çərçivəsində fərdi şəkildə qəbul edib, onların müraciətlərini dinləyib.
02 sentyabr 2026-cı il tarixində Nursu kənd İnzibati Ərazi Dairəsi üzrə Nümayəndəliyin inzibati binasında keçirilən qəbul zamanı rayon rəhbəri vətəndaşların problemləri ilə yaxından tanış olub, müraciət və təkliflərini diqqətlə dinləyib.
Rəfael Babayev qaldırılan məsələlərin qısa müddətdə araşdırılması və həlli istiqamətində müvafiq qurum rəhbərlərinə tapşırıqlar verib. Qəbul zamanı səsləndirilən müraciətlərin bir qismi yerində həll olunub, əlavə araşdırma tələb edən məsələlər isə nəzarətə götürülüb.
Kənd sakinləri müraciətlərinə operativ baxılması üçün yaradılan şəraitdən razılıqlarını ifadə edərək göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.
Qeyd edək ki, Şahbuz Rayon İcra Hakimiyyəti tərəfindən təşkil olunan bu cür səyyar qəbullar mütəmadi xarakter daşıyır və vətəndaşların dövlət qurumlarına birbaşa müraciət imkanlarını genişləndirir. Bu görüşlər mövcud problemlərin operativ həlli, yeni təşəbbüslərin dəstəklənməsi və kəndlərin sosial-iqtisadi inkişafına töhfə verilməsi baxımından mühüm əhəmiyyət kəsb edir.

01/09/2026

Naxçıvanda qəbul imtahanlarında yüksək nəticə göstərmiş məzunlarla görüş keçirilib
Sentyabrın 1-də Heydər Əliyev Sarayında Naxçıvan Muxtar Respublikasının ümumtəhsil məktəblərini 2025-2026-cı tədris ilində bitirən və ali təhsil müəssisələrinə qəbul imtahanlarında yüksək nəticə göstərən məzunlarla görüş keçirilib.
Tədbirdə əvvəlcə Azərbaycan xalqının Ümummilli Lideri Heydər Əliyevin və Azərbaycanın ərazi bütövlüyü və suverenliyi uğrunda canlarından keçmiş şəhidlərin əziz xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib.
Sonra Naxçıvan təhsilinin 2025-2026-cı tədris ilində əldə etdiyi nailiyyətləri əks etdirən videoçarx nümayiş olunub.
Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Ceyhun Cəlilov çıxış edərək yüksək nəticə göstərən məzunları, onların valideynlərini və müəllimlərini təbrik edib. Bildirilib ki, məzunların yüksək nəticələri onların bilik, əzmkarlıq və məqsədyönlü fəaliyyətinin, eyni zamanda valideyn və müəllimlərin fədakar əməyinin nəticəsidir. Bu nailiyyətlər yalnız məzunların şəxsi uğuru deyil, həm də Naxçıvan təhsilinin inkişaf səviyyəsini və regionun yüksək intellektual potensialını nümayiş etdirir.
Qeyd olunub ki, Azərbaycanda təhsilin inkişafı və milli kadr potensialının formalaşdırılması dövlət siyasətinin mühüm istiqamətlərindən biridir. Ulu Öndər Heydər Əliyevin rəhbərliyi ilə ötən əsrin 70-ci illərindən etibarən gənclərin müasir biliklərə yiyələnməsi, yüksək ixtisaslı milli kadrların hazırlanması və azərbaycanlı gənclərin ölkə hüdudlarından kənarda nüfuzlu ali təhsil müəssisələrində təhsil almaları istiqamətində mühüm tədbirlər həyata keçirilib. Vurğulanıb ki, bu strateji siyasət Prezident İlham Əliyev tərəfindən müasir dövrün tələblərinə uyğun şəkildə uğurla davam etdirilir. Ölkədə təhsil infrastrukturunun yenilənməsi, təhsilin keyfiyyətinin yüksəldilməsi, gənclərin inkişafına və dünyanın nüfuzlu ali təhsil müəssisələrində təhsil almalarına göstərilən dövlət dəstəyi insan kapitalının inkişafına verilən yüksək dəyərin ifadəsidir.

01/09/2026

31/08/2026

Şahbuzda şəhid ailələri ziyarət olunub

Şahbuz rayonunda şəhid ailələrinə göstərilən dövlət qayğısının davamlılığı diqqətdə saxlanılır.

Şahbuz Rayon İcra Hakimiyyətinin, Yeni Azərbaycan Partiyasının Şahbuz rayon təşkilatının, Sosial Xidmətlər Agentliyinin Şahbuz rayon sektorunun və Şahbuz Rayon Gənclər və İdman İdarəsinin əməkdaşları şəhid Tağıyev Səbuhi Gündüz oğlunun və şəhid Bağırov Ramin Nəriman oğlunun ailələrini yaşadıqları ünvanda ziyarət ediblər.

Ziyarət çərçivəsində şəhidlərin ailə üzvləri ilə görüş keçirilib, onların qayğı və problemləri ilə maraqlanılıb, müraciət və təklifləri dinlənilib.

Daha sonra şəhid Səbuhi Tağıyevin və şəhid Ramin Bağırovun məzarları ziyarət olunub. Məzarların önünə gül dəstələri düzülüb, şəhidlərin əziz xatirəsi ehtiramla yad edilərək ruhlarına dualar oxunub.

Şəhid ailələri onlara göstərilən diqqət və qayğıdan razılıqlarını ifadə edərək, dövlət tərəfindən həyata keçirilən sosial dəstək tədbirlərinə və göstərilən yüksək diqqətə görə ölkə rəhbərliyinə minnətdarlıqlarını bildiriblər.

Qeyd olunub ki, Şahbuz rayonunda şəhid ailələri daim diqqət mərkəzində saxlanılır, onların sosial-məişət məsələlərinin həlli və qarşılaşdıqları çətinliklərin aradan qaldırılması istiqamətində müvafiq tədbirlər həyata keçirilir.

Allah bütün şəhidlərimizə rəhmət eləsin!

31/08/2026

Azərbaycan Respublikasının Prezidenti İlham Əliyevin və Ermənistanın Baş naziri Nikol Paşinyanın görüşü ilə bağlı mətbuat üçün bəyanat