22/06/2026
Azərbaycan Respublikasının Birinci vitse-prezidenti Mehriban Əliyeva hər zaman gənclərə böyük diqqət və qayğı ilə yanaşır. O, Azərbaycan gənclərini ölkəmizin gələcəyi, inkişafın əsas hərəkətverici qüvvəsi kimi dəyərləndirir və onların təhsilinə, şəxsi inkişafına, vətənpərvərlik ruhunda formalaşmasına xüsusi önəm verir. Mehriban Əliyeva öz çıxışlarında gənclərin bilikli, savadlı, təşəbbüskar və milli-mənəvi dəyərlərə bağlı olmasının vacibliyini vurğulayır. O, gənclərin elm, təhsil, idman, mədəniyyət və digər sahələrdə qazandıqları uğurları yüksək qiymətləndirərək onların yeni nailiyyətlərə imza atacağına inandığını dəfələrlə ifadə edib. Birinci vitse-prezidentin gənclərə olan səmimi münasibəti onların potensialına və gələcəyinə olan böyük etimadın göstəricisidir. Mehriban Əliyeva hesab edir ki, Azərbaycan gəncləri öz bilikləri, bacarıqları və uğurları ilə ölkəmizin daha da qüdrətlənməsinə, xalqımızın rifahına və dövlətimizin inkişafına mühüm töhfələr verəcəklər.
Mehriban xanımın dediyi kimi, qoy hər bir Azərbaycan gənci öz zəkası, əzmkarlığı və vətən sevgisi ilə ölkəmizi daim ucaltsın, xalqımızı yeni uğur və qələbələrlə sevindirsin.
