Şəki Regional Turizm İdarəsi

01/06/2026

31/05/2026

Qaxda yerləşən mehmanxana və digər turizm obyektlərinə Qax bələdçi xəritələri təhvil verilib

Azərbaycan Respublikası Dövlət Turizm Agentliyinin Şəki Regional Turizm İdarəsi tərəfindən Qax bələdçi xəritəsinin paylanılması həyata keçirilmişdir. Azərbaycan və ingilis dillərində hazırlanmış bələdçi xəritəsində Qax rayonunun mərkəzində və kəndlərində yerləşən tarixi-mədəni abidələr, muzeylər, turizm marşrutları, dağ cığırları, təbiət məkanları, ictimai iaşə obyektləri, yerləşmə müəssisələri və turistlər üçün faydalı digər məlumatlar öz əksini tapmaqdadır. Çap materialları rayon ərazisində fəaliyyət göstərən mehmanxana tipli yerləşmə müəssisələrinə, ictimai iaşə obyektlərinə və digər turizm məkanlarına paylanılmışdır. Qaxa səfər edən yerli və xarici turistlər xəritələri qeyd olunan müəssisələrdən ödənişsiz şəkildə əldə edə bilərlər.

Həyata keçirilən təşəbbüs turistlərin bölgə üzrə daha rahat istiqamətlənməsinə, turizm məkanları haqqında məlumatlılığın artırılmasına, rayonun turizm resurslarının daha geniş tanıdılmasına, eləcə də Qaxın turizm destinasiyası kimi cəlbediciliyinin artırılmasına mühüm töhfə verməkdədir.

Xəritənin online versiyasını əldə etmək üçün aşağıdakı linkə keçir edə bilərsiniz:

https://azerbaijan.travel/publications-azerbaijan

28/05/2026

Oğuz Peşə Məktəbində “Karyera startı: Gənclərin peşə seçimi və turizm potensialı” mövzusunda tələbələrlə görüş keçirilmişdir

26 may 2026-cı il tarixində Şəki Regional Turizm İdarəsi və Şəki-Zaqatala Regional Gənclər və İdman İdarəsinin Oğuz rayonu üzrə Gənclər və İdman sektoru ilə əməkdaşlıq çərçivəsində Oğuz Peşə Məktəbində “Karyera startı: Gənclərin peşə seçimi və turizm potensialı” mövzusunda tələbələrlə görüş keçirilmişdir.

Görüşün əsas məqsədi gənclərin turizm sahəsinə marağının artırılması, regionun turizm potensialının tanıdılması, eləcə də peşə seçimi prosesində turizm sektorunun təqdim etdiyi imkanlar barədə maarifləndirmə işinin aparılması olmuşdur.

Tədbir zamanı Şəki Regional Turizm İdarəsinin əməkdaşları tərəfindən turizmin ölkə iqtisadiyyatındakı rolu, regionda ekoturizm və aqroturizm istiqamətində mövcud potensial, turizm sahəsində həyata keçirilən tənzimləmə tədbirləri, regional idarənin fəaliyyəti və icra olunmuş layihələr barədə ətraflı təqdimat keçirilmişdir.
Görüş çərçivəsində Oğuz Peşə Məktəbinin rəhbərliyi ilə gələcək əməkdaşlıq imkanları, tələbələrin turizm sahəsində praktik bilik və bacarıqlarının artırılması istiqamətində birgə təşəbbüslər barədə müzakirələr həyata keçirilmişdir.

Şəki Regional Turizm İdarəsi tərəfindən gənclərinin turizm sahəsində bilik və bacarıqlarının inkişaf etdirilməsi, onların sektora inteqrasiyasının təşviqi istiqamətində maarifləndirici tədbirlərin davam etdirilməsi nəzərdə tutulur.

25/05/2026

Qaxda kitab sərgisi keçiriləcək

30-31 may tarixlərində Azərbaycan Nəşrliyyatlar Asossasiyası İctimai Birliyinin (ANAİB) təşəbbüsü ilə Qaxda "Oxu Qax" adlı I Kitab Sərgisi keçiriləcək. Qaxın tarixi İçəribazar ərazisində keçiriləcək sərgiyə Şəki Regional Turizm İdarəsi təşkilati dəstək göstərir.

21/05/2026

Azərbaycanın qastroturizm imkanları beynəlxalq sərgidə təqdim olunub

Böyük Britaniyanın Nyuport şəhərində keçirilən “Ümumdünya Baş Aşpazlar Cəmiyyətləri Assosiasiyasının Konqresi və Beynəlxalq Sərgisi” (Worldchefs Congress & Expo) çərçivəsində Azərbaycanın qastroturizm imkanları təqdim edilib.

20/05/2026

Mehmanxanaların ulduz kateqoriyaları üzrə sertifikatlaşdırılması istiqamətində həyata keçirilən tədbirlər davam etdirilir.
Agentliyin ekspert-auditorları tərəfindən Qax və Balakən rayonlarında fəaliyyət göstərən yerləşmə müəssisələrində “Mehmanxanaların (hotellərin) ulduz kateqoriyaları üzrə qiymətləndirmə meyarları”na uyğun olaraq audit prosesi həyata keçirilmişdir.
Audit prosesi çərçivəsində mehmanxananın xidmət keyfiyyəti göstəriciləri, infrastruktur təminatı, idarəetmə və xidmət standartlarına uyğunluq mexanizmləri, eləcə də qonaq məmnuniyyətinin təmin olunması istiqamətində tətbiq edilən prosedurlar mövcud normativ tələblər əsasında qiymətləndirilmişdir.

20/05/2026

Minilliklərin yaddaşını müasir dövrümüzə qədər qoruyub saxlayan bu məbəd canlı bir tarix kimi dəyərləndirilir

“Kiş” Tarix-Memarlıq Qoruğunun ərazisində çəkilişlər edən müxbir Əli Səmədov məlumat verib ki, Kiş Alban məbədi əsrlərin izini, Azərbaycanın zəngin keçmişini özündə yaşadır.

20/05/2026

Dövlət Turizm Agentliyi və tabeliyindəki Azərbaycan Turizm Bürosu tərəfindən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunan “Urban Expo” sərgisində Azərbaycan pavilyonunda ölkəmizin turizm imkanları tanıdılır.