Abşeron-Xızı Regional Gənclər və İdman İdarəsi

23/08/2026

23/08/2026

Abşeron-Xızı Regional Gənclər və İdman İdarəsinin təşkilatçılığı ilə 22 avqust 2026-cı il tarixində Xırdalan şəhərində yerləşən Heydər Əliyev parkında canlı musiqi və Kapoeyra ritmləri sədaları altında açıq hava rodası (döyüş dairəsi) və nümayiş keçirilib.

Yğma komandanın məşqçiləri Dilqəm Seyidzadə, Asya Atayeva və Fərid Səlimov tərəfindən keçirilən rodada rayon sakinlərinə Kapoeyranın ən estetik, sürətli və vizual cəhətdən təsirli hərəkətləri (akrobatik tullanışlar, fırlanmalar, estetik zərbə simulyasiyaları) göstərilib.

Tədbirin keçirilməsində məqsəd Kapoeyranın fəlsəfəsini, mədəniyyətini və dinamikasını cəlbedici şəkildə çatdırmaq, bu idman növünə maraq oyatmaq, eyni zamanda fiziki aktivliyin təşviq edilməsi, sağlam həyat tərzinin təbliği və asudə vaxtın səmərəli keçirilməsinə şərait yaradılmasıdır.

22/08/2026

Abşeron-Xızı Regional Gənclər və İdman İdarəsi və Gənclərin İnkişaf və Karyera Mərkəzinin Abşeron-Xızı regional nümayəndəliyinin birgə təşkilatçılığı ilə 21 avqust 2026-cı il tarixində Sumqayıt şəhər Heydər Əliyev Mərkəzində gənclər arasında "Nə? Harada? Nə zaman?" formatında intellektual bilik yarışı keçirilib.

​Oyunun nəticəsinə əsasən I yerə "Hexabond", II yerə "Everbest", III yerə isə "Last Spartans" komandası layiq görülüb.

​Sonda qalib komandalar Regional İdarənin diplomları və kuboku ilə təltif edilib.

22/08/2026

Abşeron-Xızı Regional Gənclər və İdman İdarəsinin təşkilatçılığı ilə 21 avqust 2026-cı il tarixində Sumqayıt şəhər, Nəsimi adına Mədəniyyət və İstirahət parkında “İdman hamı üçün” layihəsi çərçivəsində nərd üzrə həvəskarlar arasında Sumqayıt şəhər turniri keçirilib.

Tədbirin keçirilməsində məqsəd sakinlərin asudə vaxtlarının səmərəli və faydalı təşkil olunması, iştirakçılar arasında dostluq və sağlam rəqabət mühitinin yaradılmasıdır.

Qalib və mükafatçılar Regional idarə tərəfindən diplom və medallarla təltif olunub.

20/08/2026

Abşeron-Xızı Regional Gənclər və İdman İdarəsi və Regional Təhsil İdarəsinin birgə təşkilatçılığı ilə 20 avqust 2026-cı il tarixində Sumqayıt şəhər, Corat qəsəbəsi 7 nömrəli tam orta məktəbdə həvəskar gənclər arasında 3x3 basketbol yarışı keçirilib.

Məqsəd sağlam həyat tərzinin təşviqi, dostluq münasibətlərinin inkişaf etdirilməsi və gənclərin idman fəaliyyətində fəal iştirakının dəstəklənməsi olub.

Yarışın nəticələrinə əsasən I yerə Abşeron-Xızı Regional Gənclər və İdman İdarəsinin könüllülərindən ibarət "Professionallar" komandası, II yerə İstedad liseyinin "Zəfər" komandası, III yerə isə Sumqayıt Gənclər Evinin eyni adlı komandası layiq görülüb.

Qalib komandalara Regional İdarənin kubok və diplomları təqdim olunub.

20/08/2026

Abşeron-Xızı Regional Gənclər və İdman İdarəsinin təşkilatçılığı ilə 20 avqust 2026-cı il tarixində Xırdalan şəhər Heydər Əliyev Parkında taekvondo idman növü üzrə məşqçi-müəllim Rauf Rəhimov tərəfindən "Gimnastika hamı üçün" layihəsi çərçivəsində səhər idmanı keçirilib.

Tədbirin keçirilməsində məqsəd rayonda yeniyetmə və gənclər arasında idmana marağın artırılması, sağlam həyat tərzinin təbliği və asudə vaxtın səmərəli təşkilidir.

Tədbirdə 50-yə yaxın yeniyetmə və gənc iştirak edib.