11/01/2023
السنة الي فاتت أثبَّت لنفسي، وللمرة الثانية، أن من بعد توفيق رب العالمين والدعاء المستمر له والتوكل عليه، إني اقدر أخلق لنفسي فرصة عمل!
مثل ما صرت حكواتية حق ١١ سنة، مجال مهدته وكونته في البحرين من ولا شي، وصار رسمي بسجل تجاري ذو فئة اساسا ما كانت موجودة الا وهي القراءة للمتعة والي خليتهم يسوونها لي!
قدرت بعد سنوااااات من متابعة الناس الطيبة الي اهمه انتوا اني اكسب ثقتكم ومحبتكم وتشجيعكم واحول مساري الى حسابي الحالي
الي بين أياديكم ❤️
معلومة داخلية: كانوا بنات خالي يسموني "فتافت" لأني دائما احب اشارك اي شي استفدت منه او حبيته 😅
وكانوا الي يتابعوني على حسابي الخاص السابق او على سناب يقولون لي ايماااااان مايصير بس تتكلمين عن القصص في حساب بوك ورمز لاااااازم تشاركين الناس الاشياء الثانية الي تحطينها!
فتحول ذي الحساب شوي شوي الى حساب شخصي ولكن على صعيد اكبر…اشارككم فيه الي احسه مفيد وافضفض فيه بأفكاري ومشاعري…
وصار منصة اتعاون فيها مع شركات كبيرة تثق في محتواي وتحترم مصداقيتي وتعطيني مساحة للإبداع.
اكيد احس بفخر كبييير خصوصا اني مو ماخذة شهادة تسويق!
ولكن صار بتعب وحب وخبرة تراكمت مع السنوات بفضل من رب العالمين ومن ثم دعمكم ودعم الاهل والاصدقاء.
مثل ما كنت قبل افكر "ياريت الوحدة تقدر تقرأ قصص وتدخل مدخول" وصار!
كنت في يوم من الايام اقول "حلاته الوحدة تكون أم وتعيش حياتها وتدخل مدخول" وصار!
كانت فكرة ريادية في زمن ما كان فيه بلوغرز ولا انستغرام فكانت فكرة مينونة وقتها 😅
هو بوست تعبير مشاعر وشكر لكم 🥹 وفي نفس الوقت بوست تشجيعي…على وعسى في شخص محبط من ظروف الحياة يقراه ويقرر ان ما يستسلم ويستمر لين ما تتحقق اهدافه ولو بعد حين❤️
