Cndd-Fdd

24/08/2026

29.08.2026

20/08/2026

Umunyamabanga mukuru w’Umugambwe Cndd-Fdd, Nyeniteka Reveriyano Ndikuriyo azoremesha ikiganiro gitumiwemwo abanditsi n’abamenyeshamakuru kuri uyu wa gatandatu, 22 Myandagaro 2026, i Makamba, intara ya Burunga.

📍 Stade NPPC – Gisenyi�🗓️ Samedi 22 août 2026�⏰ 09h00

19/08/2026

Umunyamabanga Mukuru w'umugambwe Cndd-Fdd yaraye atanguje ingendo mu mazone, mu ntumbero yo gusanga abagumyabanga ku kivi no gusuzuma ibikorwa vy'iterambere biriko birangurwa mu gihugu n'abagumyabanga.

Urwo rugendo rwatangujwe kuri uyu wa kabiri, igenekerezo rya 18 Myandagaro 2026 na Nyeniteka Ndikuriyo Reveriyano, ari kumwe n'abari mu buserukizi bukuru bw'Umugambwe, aho yagendeye ibibanza bitatu vyo mu makomine ya Mugina na Cibitoke, ari vyo Mabayi, Mugina na Cibitoke.

Bitegekanijwe ko izo ngendo zikorwa mu bibanza birenga 150, aho Umunyamabanga Mukuru w'umugambwe CNDD-FDD azobonana n'indongozi z'Umugambwe kuva ku rwego rw'ikomine gushika ku mutumba. Intumbero nyamukuru ni ugusuzuma imigambi iriko irangurwa n'abagumyabanga, kubaha intumbero nshasha no kubaha impanuro zijanye n'ishirwa mu ngiro ry'imigambi y'iterambere.

Izo ngendo z'isuzuma zibaye inyuma y'imyaka ibiri n'amezi ane gusa Komite Nkuru y'Umugambwe CNDD-FDD ifashe ingingo yo guteza imbere ibiterwa njabukamazi, ari vyo ivoka, ikawa n'icayi.

Mu mpanuro yatanze, Nyeniteka Ndikuriyo Reveriyano yasavye abagumyabanga kwama bashira igihugu imbere mu kugikorera kandi bongera bagikingira abansi. Yabasavye kandi kuguma bazirikana akarangamutima k'Umugambwe no gukomeza umurindi mu bikorwa vy'iterambere.

Yabibukije kandi ko ikiringo c'amatora cegereje, Umugambwe CNDD-FDD ukaba waramaze kwerekana uwuzowuserukira muri ayo matora, ari we Nyenicubahiro Evariste Ndayishimiye, asanzwe arongoye igihugu akaba n'Umukuru w'Inama Nkuru y'Inararibonye.

Nyeniteka Ndikuriyo yasavye kandi abagumyabanga hamwe n'Abarundi bose kwirinda ibikorwa bishobora guhungabanya ubutunzi bw'igihugu, abasaba kutadandaza amatungo y'igihugu ku banyamahanga, ahubwo bakaba ijisho n'ugutwi vy'igihugu.

Yamenyesheje ko gukunda igihugu bisaba kandi kuvavanura n'urudandazwa rwo mu binywabi, kuko ari imwe mu bituma iterambere ry'igihugu rihungabana.

Mu bibanza yagendeye, Nyeniteka Ndikuriyo Reveriyano yashimiye abagumyabanga ku bikorwa vy'iterambere bariko bararangura. Aho yamenyesheje ko umwimbu wiyongereye cane, cane cane ku bijanye n'ikawa, aho wavuye ku matoni 8 ukagera ku matoni 24 kuva mu mwaka w'2024 gushika uyu mwaka.

Ku bijanye n'ibiti vy'ikawa vyatewe kuva mu mwaka w' 2024, yavuze ko bitegekanijwe ko bizotangura gutanga umwimbu mu mwaka uza. Ku bijanye n'amavoka yatewe, yasavye abagumyabanga kubandanya kuyitwararika no kuyavomera muri iki gihe c'ici.

Umunyamabanga Mukuru yasavye abagumyabanga kubandanya uwo murindi kugira ngo intumbero Umugambwe wihaye zishikweko hakiri kare. Ivyo bikazofasha guteza imbere imigambi y'igihugu no kurwanya ingeso yo gusegerereza.
Mu gusozera, Nyeniteka Ndikuriyo Reveriyano yagarutse ku migambi amakomine akwiye gushira imbere kugira ngo ashobore kwiteza imbere, guteza imbere ubutunzi bw'ayo hamwe no kwakira ingenzi.

17/08/2026

Sous l’égide du Secrétaire général du Parti Cndd-Fdd, Très Honorable Révérien Ndikuriyo, le Secrétariat national chargé du développement a organisé, ce lundi 17 août 2026, une conférence scientifique consacrée à la réflexion sur les moyens d’accélérer la mise en œuvre de la Vision d’un émergent en 2040 et développé en 2060.

Cette rencontre a réuni les responsables du Parti aux niveaux national, provincial et communal, ainsi que les responsables du département chargé du développement dans les provinces et les communes. Des experts en économie et des représentants d’institutions publiques intervenant dans des secteurs à vocation économique ont également pris part aux échanges.

Cette conférence scientifique a offert un cadre important de réflexion, d’évaluation et de conscientisation des responsables du Parti CNDD-FDD dans la mise en œuvre de la Vision d’un Burundi émergent en 2040 et développé en 2060. Elle visait à identifier les avancées et les obstacles constatés sur le terrain, afin de dégager des mesures correctives et d’accélérer les actions de développement.

L’objectif était surtout de faire en sorte que le Parti CNDD-FDD prenne le lead et montre lui-même l’exemple, à travers des actions concrètes dans les secteurs porteurs de développement, et que ses responsables deviennent des modèles pour les citoyens qu’ils encadrent: « La Vision 2040-2060 ne doit donc pas rester un idéal: elle doit se traduire par le travail, la valorisation des ressources du pays, la formation de la population et des réalisations concrètes dans chaque communauté. »

16/08/2026

Ku magenekerezo ya 15 na 16 Myandagaro 2026, Umunyamabanga Mukuru w’Umugambwe CNDD-FDD, Nyeniteka Reveriyano Ndikuriyo, yarateye iteka ibikorwa vyatunganijwe mu mashengero abiri atandukanye;, muri Beloved Church, no mw’Ishengero ry'Urutare. Muri ivyo bikorwa, yashikirije ubutumwa bushingiye ku kwemera, kw'ihangiro ry'Igihugu n'uruhara rw’amadini mu bikorwa vy’iterambere ry’Uburundi.
—-—————————————————————-
Kuri uyu wa Mungu, igenekerezo rya 16 Myandagaro, mu ntara ya Burunga, yitavye ibirori vyo kwinjira ku mugaragaro Ishengero ry'Urutare ryo mu Rumonge. Ivyo birori vyaherekejwe n’iyatirwa ry’ubudiyakoni hamwe no kwakira abakirisu bashasha.

Mu gushima ibikorwa iryo Shengero rimaze gushikako hamwe n’ingene ririko ryagura ibikorwa vyaryo mu mihingo itandukanye y’igihugu, Nyeniteka Reveriyano Ndikuriyo yahamagariye abarongozi baryo kuramura abakozi b'Imana batanga inyigisho zijanye n’ibihe igihugu kigezemwo.

Muri iyo ntumbero, yabasavye kwigisha ibikorwa abakrisu kugira bagire nabo uruhara mu bikorwa vy’iterambere no gukorana neza n’abajejwe intwaro. Yibukije ko amashengero ari igice c’umuryango munini kandi ko adakwiye kwitandukanya n’ibibazo biranga ikibano. Yasavye kandi abapasitori gutanga inyigisho zijanye n'ibihe igihugu kigezemwo na canecane mu bijanye no kurera, gukomeza imiryango, kuko umuryango ari wo mushinge w’ikibano n'iterambere ry'igihugu.

Mu nyigisho zashikirije na Rév. Pasitori Denise Nkurunziza, Pastori mukuru w’amashengero y'Urutare mu Burundi, yifashishije izaburi ya 127, yahamagariye abakrisu gushira icizere cabo ku Mana no kuyigirako inkomezi zibafasha gutsinda ibigeragezo.

Yifashishije kandi akarorero ka Goliati na Samusoni, aho yibukije ko inkomezi nyakuri zitava gusa ku bubasha umuntu afise, ahubwo ko agaciro kazo karangwa n'uburyo uwufise izo nkomezi yitwara mu gukora ivyiza no gufasha abandi.

Ku wa gatandatu naho, igenekerezo rya 15 Myandagaro, Nyeniteka Reveriyano Ndikuriyo yaritavye kandi ibikorwa vyabereye mu ntara ya Bujumbura, komine Mugere, zone Ramba, vyo kwimika umwepiskopi mushasha w'Ishengero Beloved Church, Musenyeri Nzisabira Jean Bosco, hamwe no kwimika abapasitori 50 n’abavugabutumwa barenga 40.

Muri ivyo birori, yahamagariye abakrisu gusenga mu mpwemu no mu kuri, ariko kandi bakajanisha amasengesho n’ibikorwa. Yibukije inyigisho ya Nyakwigendera Perezida Pierre Nkurunziza aho yahamagarira abakristu agira ati: «Dusenga, dukora; dukora, dusenga.»

Ivyo bikorwa bibiri vyerekanye ko ukwemera n’ibikorwa bikwiye kubangabangana.

Umunyamabanga Mukuru w’Umugambwe CNDD-FDD yarashimye uruhara rw’amadini n’amashengero mu buzima bw’igihugu, abahamagarira kwama bakorana n’abajejwe intwaro, kwigisha abakrisu gukunda ibikorwa, gufashanya no kwitaho imigambi y’iterambere. Iyo ntumbero ikaba ijanye n’ihangiro ry'imbonakazoza igihugu cihaye,Uburundi bw'ifashe mu mwaka w'2040, n'igihugu giteye imbere mu mwaka w'2060.

02/08/2026

30/07/2026

: Mu rugendo rw'akazi mu gihugu ca Vietnam, Umunyamabanga Mukuru w'Umugambwe CNDD-FDD, Nyeniteka Reveriyano Ndikuriyo, abandanya gukomeza ubucuti n'imigenderanire hagati y’Umugambwe Cndd-Fdd n’Umugambwe uri ku butegetsi muri Vietnam, PCV (Parti Communiste Vietnamien)

Arongoye intumwa z'Umugambwe CNDD-FDD ziri mu rugendo rw'akazi mu gihugu ca Vietnam, Nyeniteka Reveriyano Ndikuriyo yaragiranye ibiganiro n'indongozi z'Umugambwe PCV (Parti Communiste Vietnamien) wo mu gihugu ca Vietnam hamwe n'abategetsi batandukanye b'ico gihugu.

Mu ntumbero yo gutsimbataza ubucuti n'ugufashanya hagati y'iyo migambwe irongoye ibihugu, Nyeniteka Reveriyano Ndikuriyo, umunyamabanga mukuru w'umugambwe CNDD-FDD, ari kumwe na Lê Hoài Trung, Umushikiranganji ajejwe imigenderanire ya Vietnam, asanzwe ari no mu rwego ndongozi rw’umugambwe PCV; barashize umukono ku masezerano y'ubucuti n'ugufashanya hagati y’iyo migambwe, mu bisata bitandukanye.

Inyuma yo gushira umukono ku masezerano, haratunganijwe inama yo guhanahana ivyiyumviro bijanye n’ishirwa mu ngiro ry’ayo masezerano, no kurabira hamwe ibindi bisata vy'iterambere borangurira hamwe.

Iyo ntambwe nshasha ikaba yerekana ishaka ry’iyo migambwe yose mu gukomeza ubucuti n'ugufashanya, bishingiye mu kwizerana, kwubahana, kwubahiriza ubwigenge bw'ibihugu, kutivanga mu bibazo vy'ibindi bihugu, gukorana nk'abavukanyi no guteza imbere iterambere rirama rigirira akamaro Abarundi n'Abanyagihugu ba Vietnam.

10/07/2026

Kw'igenekerezo rya 09 Mukakaro 2026, Umunyamabanga Mukuru w'Umugambwe Cndd-Fdd, Nyeniteka Reveriyano Ndikuriyo, yarakoresheje inama yo gutanga inyigisho n'impanuro ku ntumwa zatumwe n'Ubuserukizi Bukuru bw'Umugambwe zizogendera amazone yose 451 agize igihugu c'Uburundi, aho zizogenda zitwaye ubutumwa bwo gukomeza ubumwe no guhamagarira abagumyabanga kurushiriza gukunda igihugu no kwitanga mu bikorwa vy'iterambere.

Iyo nama yabaye imbere y'uko izo ntumwa zija mu bikorwa, yari ifise intumbero yo kuzifasha gutahura neza ingingo ngenderwako n'intumbero z'umugambwe mu bijanye n’ico gikorwa c’iteka, kugira zizoshikane ku bagumyabanga ubutumwa bumwe, butomoye kandi buhamagarira bose kwitanga, bujanye n'imbono y'Umugambwe CNDD-FDD mu guteza imbere Uburundi n’Abarundi.

Kukaba nk’ako, vyaragaragaye ko ibikorwa, indero, akarorero keza, ugukunda igihugu, ubumwe, kwegera abenegihugu no kuguma ku bikorwa vy'iterambere; ari yo nzira irashe yo gutsimbataza no gukomeza intambwe Umugambwe CNDD-FDD umaze gushikako, kandi ko ari wo mushinge wubakwako kazoza keza k'Uburundi, umutumba ku mutumba, Zone kuri Zone, eka no mu gihugu cose.

Bukeye bw'iyo nama, kw'igenekerezo rya 10 Mukakaro 2026, Umunyamabanga Mukuru w'Umugambwe CNDD-FDD, Reveriyano Ndikuriyo, yatanguje ku mugaragaro urwo rugendo rwo kugendera amazone yose agize igihugu. Akaba ari na we ubwiwe yatanguje ico igikorwa c'iteka mu kugendera amwe mu mazone yo mu ntara ya Burunga, aho yakiriwe n'akanyamuneza ntangere n'abajejwe intwaro n'Umugambwe mu mazone ya Makamba na Gisenyi agize Komine Makamba, aho yatanguye gushikiriza abagumyabanga ubutumwa bw'Ubuserukizi Bukuru bw'Umugambwe bubahamagarira gukomeza ubumwe, amahoro, indero n'uruhara rwabo mu rugamba rw'iterambere ry'Uburundi.

09/07/2026

Kw’izina ryiwe no kw’izina ry’Abagumyabanga bose, Umunyamabanga mukuru w’Umugambwe Cndd-Fdd, Nyeniteka Reveriyano Ndikuriyo arakeje vy’imvamutima Nyenicubahiro Angeline Ndayishimiye, Umutambukanyi w’Umukuru w’igihugu c’Uburundi; kw’iteka yasubiye guterwa mu kuronswa agashimwe n’ishirahamwe mpuzamakungu rya ONU ryitaho ubuzima bw’abantu: « Ni ikimenyetso kidasanzwe ko ibikorwa vy’ikigo «Fondation Bonne action Umugiraneza» asanzwe arongoye, bishimwa na bose, mu no mu makungu. »