Shromani Akali Dal Amritsar

Directions

Shromani Akali Dal Amritsar Shromani Akali Dal Amritsar (Canada)

09/23/2026

ਬੇਅਦਬੀ ਮਾਮਲਾ ਸਰੀ ਕੈਨੇਡਾ 🇨🇦

09/22/2026

ਬੇਅਦਬੀ ਮਾਮਲਾ ਦੇ ਦੋਸ਼ੀਆਂ ਕੋਲੋਂ ਗੁਰੂ ਗ੍ਰੰਥ ਸਾਹਿਬ ਦੇ ਸਰੂਪ ਵਾਪਸ ਲੈਣ ਲਈ ਮੋਰਚਾ ਨਿਰੰਤਰ ਜਾਰੀ

09/14/2026

ਸ਼ਹੀਦ ਸ਼ੀਤਲ ਸਿੰਘ ਮੱਤੇਵਾਲ ਜੀ ਦੇ ਭਰਾਤਾ ਸਾਹਿਬ ਨੂੰ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੀ ਸਰੀ ਯੂਨਿਟ ਵੱਲੋਂ ਸਿਰਪਾਓ ਅਤੇ ਸ੍ਰੀ ਸਾਹਿਬ ਭੇਟ ਕਰਕੇ ਕੀਤਾ ਗਿਆ ਸਨਮਾਨ

ਸਰੀ, ਕੈਨੇਡਾ, 12 ਸਤੰਬਰ 2026:
ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੀ ਸਰੀ, ਕੈਨੇਡਾ ਇਕਾਈ ਵੱਲੋਂ ਪੰਥ ਅਤੇ ਕੌਮ ਲਈ ਕੁਰਬਾਨੀ ਦੇਣ ਵਾਲੇ ਸ਼ਹੀਦਾਂ ਦੇ ਪਰਿਵਾਰਾਂ ਪ੍ਰਤੀ ਆਪਣੇ ਸਤਿਕਾਰ ਅਤੇ ਫ਼ਰਜ਼ ਦੀ ਭਾਵਨਾ ਨੂੰ ਪ੍ਰਗਟ ਕਰਦਿਆਂ ਸ਼ਹੀਦ ਸ਼ੀਤਲ ਸਿੰਘ ਮੱਤੇਵਾਲ ਜੀ ਦੇ ਭਰਾਤਾ ਸਾਹਿਬ ਭਾਈ ਲਖਵਿੰਦਰ ਸਿੰਘ ਮੱਤੇਵਾਲ ਦਾ ਉਨ੍ਹਾਂ ਦੇ ਗ੍ਰਹਿ ਵਿਖੇ ਪਹੁੰਚ ਕੇ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ।

ਇਹ ਸਨਮਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਕੈਨੇਡਾ ਦੇ ਮੀਤ ਪ੍ਰਧਾਨ ਸ. ਐਸ.ਪੀ. ਸਿੰਘ ਮਾਨ ਜੀ ਦੀ ਅਗਵਾਈ ਅਤੇ ਦਿਸ਼ਾ-ਨਿਰਦੇਸ਼ ਹੇਠ ਪਾਰਟੀ ਦੇ ਸਰੀ ਯੂਨਿਟ ਦੇ ਸੇਵਾਦਾਰਾਂ ਵੱਲੋਂ ਕੀਤਾ ਗਿਆ। ਇਸ ਮੌਕੇ ਸ਼ਹੀਦ ਸ਼ੀਤਲ ਸਿੰਘ ਮੱਤੇਵਾਲ ਜੀ ਦੇ ਭਰਾਤਾ ਸਾਹਿਬ ਨੂੰ ਸਿਰਪਾਓ ਅਤੇ ਸ੍ਰੀ ਸਾਹਿਬ ਭੇਟ ਕਰਕੇ ਸਤਿਕਾਰ ਦਿੱਤਾ ਗਿਆ।

ਪਾਰਟੀ ਆਗੂਆਂ ਨੇ ਕਿਹਾ ਕਿ ਸ਼ਹੀਦ ਕਿਸੇ ਇੱਕ ਪਰਿਵਾਰ ਦੀ ਵਿਰਾਸਤ ਨਹੀਂ ਹੁੰਦੇ, ਸਗੋਂ ਉਹ ਸਮੁੱਚੀ ਕੌਮ ਦਾ ਮਾਣ ਅਤੇ ਇਤਿਹਾਸ ਹੁੰਦੇ ਹਨ। ਜਿਨ੍ਹਾਂ ਪਰਿਵਾਰਾਂ ਨੇ ਕੌਮੀ ਸੰਘਰਸ਼ਾਂ ਵਿੱਚ ਆਪਣੇ ਪਿਆਰਿਆਂ ਦੀਆਂ ਕੁਰਬਾਨੀਆਂ ਦਿੱਤੀਆਂ, ਉਨ੍ਹਾਂ ਪਰਿਵਾਰਾਂ ਦਾ ਸਤਿਕਾਰ ਕਰਨਾ ਅਤੇ ਉਨ੍ਹਾਂ ਨਾਲ ਖੜ੍ਹਨਾ ਪੰਥਕ ਜਥੇਬੰਦੀਆਂ ਦੀ ਨੈਤਿਕ ਅਤੇ ਕੌਮੀ ਜ਼ਿੰਮੇਵਾਰੀ ਹੈ।

ਸ. ਐਸ.ਪੀ. ਸਿੰਘ ਮਾਨ ਨੇ ਆਪਣੇ ਸੰਦੇਸ਼ ਵਿੱਚ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਸ਼ਹੀਦਾਂ ਦੀਆਂ ਕੁਰਬਾਨੀਆਂ, ਉਨ੍ਹਾਂ ਦੇ ਸੰਘਰਸ਼ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਵੱਲੋਂ ਸਹੇ ਗਏ ਦੁੱਖਾਂ ਨੂੰ ਕਦੇ ਵੀ ਭੁੱਲ ਨਹੀਂ ਸਕਦਾ। ਪਾਰਟੀ ਦੇਸ਼-ਵਿਦੇਸ਼ ਵਿੱਚ ਵੱਸਦੇ ਸਿੱਖਾਂ ਨੂੰ ਆਪਣੇ ਸ਼ਹੀਦਾਂ ਦੇ ਇਤਿਹਾਸ ਨਾਲ ਜੁੜੇ ਰਹਿਣ ਅਤੇ ਸ਼ਹੀਦ ਪਰਿਵਾਰਾਂ ਨੂੰ ਬਣਦਾ ਮਾਣ-ਸਤਿਕਾਰ ਦੇਣ ਲਈ ਹਮੇਸ਼ਾ ਪ੍ਰੇਰਿਤ ਕਰਦੀ ਰਹੇਗੀ।

ਸਰੀ ਯੂਨਿਟ ਦੇ ਸੇਵਾਦਾਰਾਂ ਨੇ ਕਿਹਾ ਕਿ ਸ਼ਹੀਦ ਸ਼ੀਤਲ ਸਿੰਘ ਮੱਤੇਵਾਲ ਜੀ ਦੀ ਕੁਰਬਾਨੀ ਸਿੱਖ ਕੌਮ ਦੀ ਯਾਦ ਵਿੱਚ ਸਦਾ ਸਤਿਕਾਰ ਨਾਲ ਦਰਜ ਰਹੇਗੀ ਅਤੇ ਉਨ੍ਹਾਂ ਦੇ ਪਰਿਵਾਰ ਦਾ ਸਤਿਕਾਰ ਕਰਨਾ ਸਮੁੱਚੀ ਜਥੇਬੰਦੀ ਲਈ ਮਾਣ ਵਾਲੀ ਗੱਲ ਹੈ।

ਜਾਰੀ ਕਰਤਾ:
ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ)
ਸਰੀ ਯੂਨਿਟ, ਕੈਨੇਡਾ

ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਵਿੱਚ ਹੋਈਆਂ ਵਿਦਿਆਰਥੀ ਕੌਂਸਲ ਚੋਣਾਂ ਦੇ ਨਤੀਜਿਆਂ ਨੇ ਇੱਕ ਵਾਰ ਫਿਰ ਕਈ ਸਿਆਸੀ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। RSS...
09/02/2026

ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਵਿੱਚ ਹੋਈਆਂ ਵਿਦਿਆਰਥੀ ਕੌਂਸਲ ਚੋਣਾਂ ਦੇ ਨਤੀਜਿਆਂ ਨੇ ਇੱਕ ਵਾਰ ਫਿਰ ਕਈ ਸਿਆਸੀ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। RSS ਨਾਲ ਸੰਬੰਧਿਤ ABVP ਦੇ ਉਮੀਦਵਾਰ ਅੰਕਿਤ ਬਿਧਾਨ ਨੇ 3,149 ਵੋਟਾਂ ਪ੍ਰਾਪਤ ਕਰਕੇ ਪ੍ਰਧਾਨਗੀ ਦਾ ਅਹੁਦਾ ਜਿੱਤਿਆ ਅਤੇ ਉਸ ਨੂੰ ਸ਼੍ਰੋਮਣੀ ਅਕਾਲੀ ਦਲ ਨਾਲ ਜੁੜੀ ਵਿਦਿਆਰਥੀ ਜਥੇਬੰਦੀ SOI ਵੱਲੋਂ ਆਖ਼ਰੀ ਸਮੇਂ ਸਮਰਥਨ ਦਿੱਤਾ ਗਿਆ। ਇਹ ਸਮਰਥਨ ਚੋਣ ਨਤੀਜੇ ਵਿੱਚ ਇੱਕ ਅਹਿਮ ਕਾਰਕ ਵਜੋਂ ਸਾਹਮਣੇ ਆਇਆ ਹੈ।

ਸਾਡੇ ਵਿਚਾਰ ਵਿੱਚ ABVP ਅਤੇ SOI ਦੀ ਇਸ ਸਾਂਝ ਨੇ ਇੱਕ ਵਾਰ ਫਿਰ ਇਹ ਸਪੱਸ਼ਟ ਕੀਤਾ ਹੈ ਕਿ ਜਦੋਂ ਸਿਆਸੀ ਹਿੱਤਾਂ ਦੀ ਗੱਲ ਆਉਂਦੀ ਹੈ ਤਾਂ ਪੰਜਾਬ ਦੇ ਹੱਕਾਂ ਦੀਆਂ ਗੱਲਾਂ ਕਰਨ ਵਾਲੀਆਂ ਰਵਾਇਤੀ ਧਿਰਾਂ ਵੀ RSS ਨਾਲ ਹੱਥ ਮਿਲਾਉਣ ਤੋਂ ਪਿੱਛੇ ਨਹੀਂ ਹਟਦੀਆਂ। ਅੱਜ ਪੰਜਾਬ ਯੂਨੀਵਰਸਿਟੀ ਵਿੱਚ RSS ਦੇ ਵਧਦੇ ਸਿਆਸੀ ਪ੍ਰਭਾਵ ਅਤੇ ਭਗਵੇਂ ਰੰਗ ਦੇ ਵਧਦੇ ਦਬਦਬੇ ਨੂੰ ਹਰ ਪੰਜਾਬੀ ਅਤੇ ਸਿੱਖ ਨੌਜਵਾਨ ਨੂੰ ਗੰਭੀਰਤਾ ਨਾਲ ਸਮਝਣ ਦੀ ਲੋੜ ਹੈ।

ਅਕਾਲੀ ਦਲ ਦੇ ਇਹਨਾਂ ਯਤਨਾਂ ਨਾਲ ਸਾਡੇ ਲਈ ਇਹ ਗੱਲ ਹੋਰ ਸਪੱਸ਼ਟ ਹੋ ਗਈ ਹੈ ਕਿ ਇਹ ਧਿਰ ਪੰਜਾਬ ਦੇ ਹੱਕਾਂ ਦੀ ਗੱਲ ਤਾਂ ਕਰਦੀ ਹੈ, ਪਰ ਸਮਾਂ ਆਉਣ ’ਤੇ ਪੰਜਾਬ ਦੀ ਸੋਚ ਦੇ ਉਲਟ ਖੜ੍ਹੀਆਂ ਤਾਕਤਾਂ ਨਾਲ ਸਾਂਝ ਪਾਉਣ ਤੋਂ ਵੀ ਗੁਰੇਜ਼ ਨਹੀਂ ਕਰਦੀ। ਇਸ ਤਰ੍ਹਾਂ ਦੀ ਸਿਆਸਤ ਨੇ ਪਹਿਲਾਂ ਵੀ ਪੰਜਾਬੀਆਂ ਨੂੰ ਨਿਰਾਸ਼ ਕੀਤਾ ਹੈ ਅਤੇ ਅੱਜ ਪੰਜਾਬ ਯੂਨੀਵਰਸਿਟੀ ਵਿੱਚ ਹੋਇਆ ABVP–SOI ਤਾਲਮੇਲ ਉਸੇ ਸਿਆਸੀ ਸੋਚ ਦਾ ਇੱਕ ਹੋਰ ਉਦਾਹਰਨ ਹੈ।

ਦੂਜੇ ਪਾਸੇ ਅਸੀਂ ਸੱਥ ਦੇ ਉਹਨਾਂ ਨੌਜਵਾਨਾਂ ਦੀ ਹਿੰਮਤ ਦੀ ਕਦਰ ਕਰਦੇ ਹਾਂ, ਜਿਨ੍ਹਾਂ ਨੇ ਵੱਡੀਆਂ ਸਿਆਸੀ ਪਾਰਟੀਆਂ ਦੇ ਪ੍ਰਭਾਵ ਅਤੇ ਸਰਕਾਰੀ ਸਹਾਰੇ ਤੋਂ ਬਿਨਾਂ ਆਪਣੀ ਸੋਚ ਅਤੇ ਆਪਣੀ ਆਵਾਜ਼ ਪੰਜਾਬ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਸਾਹਮਣੇ ਰੱਖੀ। ਸੱਥ ਦੇ ਪ੍ਰਧਾਨਗੀ ਉਮੀਦਵਾਰ ਦਰਸ਼ਪ੍ਰੀਤ ਸਿੰਘ ਨੇ 1,387 ਵੋਟਾਂ ਹਾਸਲ ਕੀਤੀਆਂ। ਇਹ ਆਪਣੇ ਆਪ ਵਿੱਚ ਇਸ ਗੱਲ ਦਾ ਸਬੂਤ ਹੈ ਕਿ ਯੂਨੀਵਰਸਿਟੀ ਅੰਦਰ ਪੰਜਾਬ-ਪੱਖੀ ਅਤੇ ਸਿੱਖ ਪਛਾਣ ਨਾਲ ਜੁੜੀ ਸੋਚ ਨੂੰ ਸੁਣਨ ਵਾਲੇ ਵਿਦਿਆਰਥੀ ਮੌਜੂਦ ਹਨ।

RSS ਜਾਂ ਸੰਘ ਹਿੰਦੁਸਤਾਨ ਵਿੱਚ ਆਪਣੀ ਵਿਚਾਰਧਾਰਾ ਦਾ ਪ੍ਰਚਾਰ ਕਰੇ, ਇਹ ਉਸਦੀ ਸਿਆਸੀ ਸੋਚ ਹੈ; ਪਰ ਪੰਜਾਬ ਦੀ ਧਰਤੀ, ਪੰਜਾਬ ਦੇ ਕਾਲਜਾਂ ਅਤੇ ਪੰਜਾਬ ਯੂਨੀਵਰਸਿਟੀ ਵਿੱਚ ਪੰਜਾਬੀ ਬੋਲੀ, ਪੰਜਾਬੀ ਪਛਾਣ, ਸਿੱਖ ਇਤਿਹਾਸ ਅਤੇ ਸਿੱਖਾਂ ਦੇ ਹੱਕਾਂ ਨਾਲ ਜੁੜੀ ਆਵਾਜ਼ ਨੂੰ ਦਬਾਇਆ ਨਹੀਂ ਜਾ ਸਕਦਾ। ਕਿਸੇ ਵੀ ਹਾਕਮ ਧਿਰ ਨੂੰ ਇਸ ਗਲਤਫ਼ਹਿਮੀ ਵਿੱਚ ਨਹੀਂ ਰਹਿਣਾ ਚਾਹੀਦਾ ਕਿ ਸਿਆਸੀ ਤਾਕਤ ਦੇ ਜ਼ੋਰ ਨਾਲ ਪੰਜਾਬ ਦੀ ਵੱਖਰੀ ਪਛਾਣ ਜਾਂ ਸਿੱਖਾਂ ਦੇ ਆਪਣੇ ਇਤਿਹਾਸਕ ਅਤੇ ਜਮਹੂਰੀ ਹੱਕਾਂ ਦੇ ਦਾਅਵੇ ਨੂੰ ਖਤਮ ਕੀਤਾ ਜਾ ਸਕਦਾ ਹੈ।

ਅਸੀਂ ਪੰਜਾਬ ਯੂਨੀਵਰਸਿਟੀ ਵਿੱਚ ਵੱਡੀਆਂ ਸਿਆਸੀ ਪਾਰਟੀਆਂ ਦੇ ਨੁਮਾਇੰਦਿਆਂ ਵੱਲੋਂ ਵਿਦਿਆਰਥੀ ਰਾਜਨੀਤੀ ਉੱਤੇ ਵਧਾਏ ਜਾ ਰਹੇ ਪ੍ਰਭਾਵ ਦਾ ਪੁਰਜ਼ੋਰ ਵਿਰੋਧ ਕਰਦੇ ਹਾਂ ਅਤੇ ਵਿਦਿਆਰਥੀਆਂ ਦੀ ਆਜ਼ਾਦ, ਨਿਰਭੈ ਅਤੇ ਪੰਜਾਬ-ਪੱਖੀ ਆਵਾਜ਼ ਦੇ ਹੱਕ ਵਿੱਚ ਖੜ੍ਹੇ ਹਾਂ।

ਸੱਥ ਦੇ ਨੌਜਵਾਨਾਂ ਨੂੰ ਸਾਡਾ ਸੁਨੇਹਾ ਸਪੱਸ਼ਟ ਹੈ—ਤੁਸੀਂ ਆਪਣੀ ਆਵਾਜ਼ ਬੁਲੰਦ ਰੱਖੋ। ਹਾਰ-ਜਿੱਤ ਚੋਣ ਦਾ ਹਿੱਸਾ ਹੈ, ਪਰ ਪੰਜਾਬ, ਪੰਜਾਬੀਅਤ, ਸਿੱਖ ਪਛਾਣ ਅਤੇ ਆਪਣੇ ਜਮਹੂਰੀ ਹੱਕਾਂ ਲਈ ਨਿਰਭੈ ਹੋ ਕੇ ਖੜ੍ਹਨਾ ਆਪਣੇ ਆਪ ਵਿੱਚ ਵੱਡੀ ਜਿੱਤ ਹੈ।

#ਸਿਮਰਨਜੀਤਸਿੰਘਮਾਨ #ਇਮਾਨਸਿੰਘਮਾਨ #ਐੱਸਪੀਸਿੰਘਮਾਨ
#ਸ਼੍ਰੋਮਣੀਅਕਾਲੀਦਲਅੰਮ੍ਰਿਤਸਰਕੈਨੇਡਾ

ਗੈਂਗਸਟਰ ਦੇ ਕਥਿਤ ਦਾਅਵੇ ਪਿੱਛੇ ਅਸਲ ਸਾਜ਼ਿਸ਼ ਨਹੀਂ ਲੁਕਾਈ ਜਾ ਸਕਦੀ — ਐਸ.ਪੀ. ਸਿੰਘ ਮਾਨਹਰਦੀਪ ਸਿੰਘ ਨਿੱਝਰ ਦੇ ਕਤਲ ਸਬੰਧੀ ਗੋਲਡੀ ਬਰਾੜ ਨਾਲ...
08/23/2026

ਗੈਂਗਸਟਰ ਦੇ ਕਥਿਤ ਦਾਅਵੇ ਪਿੱਛੇ ਅਸਲ ਸਾਜ਼ਿਸ਼ ਨਹੀਂ ਲੁਕਾਈ ਜਾ ਸਕਦੀ — ਐਸ.ਪੀ. ਸਿੰਘ ਮਾਨ

ਹਰਦੀਪ ਸਿੰਘ ਨਿੱਝਰ ਦੇ ਕਤਲ ਸਬੰਧੀ ਗੋਲਡੀ ਬਰਾੜ ਨਾਲ ਜੋੜੀ ਜਾ ਰਹੀ ਕਥਿਤ ਆਡੀਓ ਨੂੰ ਅੱਗੇ ਕਰਕੇ ਜੇ ਕੋਈ ਇਹ ਸਮਝਦਾ ਹੈ ਕਿ ਇਸ ਕਤਲ ਨਾਲ ਜੁੜੇ ਗੰਭੀਰ ਸਵਾਲਾਂ ਉੱਤੇ ਪਰਦਾ ਪਾਇਆ ਜਾ ਸਕਦਾ ਹੈ, ਤਾਂ ਇਹ ਵੱਡੀ ਭੁੱਲ ਹੋਵੇਗੀ। ਇੱਕ ਗੈਂਗਸਟਰ ਦੇ ਕਥਿਤ ਦਾਅਵੇ ਨਾਲ ਜਾਂਚ ਖ਼ਤਮ ਨਹੀਂ ਹੁੰਦੀ—ਸਗੋਂ ਇਹ ਸਵਾਲ ਹੋਰ ਗੰਭੀਰ ਹੋ ਜਾਂਦਾ ਹੈ ਕਿ ਉਸਦੇ ਪਿੱਛੇ ਕੌਣ ਸੀ, ਹੁਕਮ ਕਿੱਥੋਂ ਆਇਆ ਅਤੇ ਨੈੱਟਵਰਕ ਕਿੰਨਾ ਵੱਡਾ ਸੀ।

ਕਿਸੇ ਅਪਰਾਧਿਕ ਗਿਰੋਹ ਦਾ ਨਾਮ ਸਾਹਮਣੇ ਆ ਜਾਣਾ ਕਿਸੇ ਸਰਕਾਰ, ਖੁਫੀਆ ਏਜੰਸੀ, ਅਧਿਕਾਰੀ ਜਾਂ ਹੋਰ ਨੈੱਟਵਰਕ ਦੀ ਸੰਭਾਵਿਤ ਭੂਮਿਕਾ ਨੂੰ ਆਪਣੇ-ਆਪ ਖ਼ਤਮ ਨਹੀਂ ਕਰਦਾ। ਖਾਸ ਤੌਰ ’ਤੇ ਜਦੋਂ ਕੈਨੇਡਾ ਦੀ RCMP ਵੱਲੋਂ ਪਹਿਲਾਂ ਹੀ ਭਾਰਤੀ ਸਰਕਾਰੀ ਏਜੰਟਾਂ ਨਾਲ ਜੋੜੀਆਂ ਕਥਿਤ ਹਿੰਸਕ ਗਤੀਵਿਧੀਆਂ ਅਤੇ organized crime ਦੀ ਵਰਤੋਂ ਬਾਰੇ ਗੰਭੀਰ ਦਾਅਵੇ ਜਨਤਕ ਕੀਤੇ ਜਾ ਚੁੱਕੇ ਹਨ, ਤਾਂ ਕੇਵਲ ਇੱਕ ਗੈਂਗਸਟਰ ਦੇ ਨਾਮ ਨੂੰ ਢਾਲ ਬਣਾ ਕੇ ਪੂਰੇ ਮਾਮਲੇ ਨੂੰ ਬੰਦ ਕਰਨ ਦੀ ਕੋਈ ਵੀ ਕੋਸ਼ਿਸ਼ ਕਬੂਲ ਨਹੀਂ ਕੀਤੀ ਜਾ ਸਕਦੀ।

ਸਾਡਾ ਸਵਾਲ ਬਿਲਕੁਲ ਸਿੱਧਾ ਹੈ—ਜੇ ਗੋਲਡੀ ਬਰਾੜ ਜਾਂ ਕੋਈ ਹੋਰ ਅਪਰਾਧਿਕ ਗਿਰੋਹ ਇਸ ਕਤਲ ਵਿੱਚ ਸ਼ਾਮਲ ਸੀ, ਤਾਂ ਉਸਨੂੰ ਕਿਸਨੇ ਵਰਤਿਆ? ਹੁਕਮ ਕਿਸਨੇ ਦਿੱਤਾ? ਪੈਸਾ, ਜਾਣਕਾਰੀ, ਨਿਗਰਾਨੀ ਅਤੇ ਮਦਦ ਕਿੱਥੋਂ ਆਈ? ਇਨ੍ਹਾਂ ਸਵਾਲਾਂ ਦੇ ਜਵਾਬ ਤੋਂ ਬਿਨਾਂ ਕਿਸੇ ਨੂੰ ਕਲੀਨ ਚਿੱਟ ਦੇਣ ਦੀ ਕੋਸ਼ਿਸ਼ ਸੱਚ ਦੀ ਖੋਜ ਨਹੀਂ, ਸਗੋਂ ਸੱਚ ਤੋਂ ਧਿਆਨ ਹਟਾਉਣ ਵਾਲੀ ਕਾਰਵਾਈ ਮੰਨੀ ਜਾਵੇਗੀ।

ਸਿੱਖ ਕਾਰਕੁਨਾਂ ਅਤੇ ਸਿੱਖ ਨੌਜਵਾਨਾਂ ਦੇ ਕਤਲਾਂ ਨੂੰ ਹਰ ਵਾਰ “ਗੈਂਗਵਾਰ” ਜਾਂ “ਅਪਰਾਧਿਕ ਰੰਜਿਸ਼” ਦੇ ਖਾਤੇ ਵਿੱਚ ਪਾ ਕੇ ਵੱਡੇ ਸਵਾਲਾਂ ਤੋਂ ਬਚਿਆ ਨਹੀਂ ਜਾ ਸਕਦਾ। ਜਿਸ ਕਿਸੇ ਸਰਕਾਰ, ਏਜੰਸੀ, ਅਧਿਕਾਰੀ, ਅਪਰਾਧਿਕ ਗਿਰੋਹ ਜਾਂ ਵਿਅਕਤੀ ਦੀ ਭੂਮਿਕਾ ਸਬੂਤਾਂ ਨਾਲ ਸਾਹਮਣੇ ਆਵੇ, ਉਸਨੂੰ ਬਿਨਾਂ ਕਿਸੇ ਰਾਜਨੀਤਿਕ ਸੁਰੱਖਿਆ ਦੇ ਕਾਨੂੰਨ ਅੱਗੇ ਜਵਾਬਦੇਹ ਬਣਾਇਆ ਜਾਣਾ ਚਾਹੀਦਾ ਹੈ।

ਅਸੀਂ ਇਹ ਵੀ ਸਪੱਸ਼ਟ ਕਰਨਾ ਚਾਹੁੰਦੇ ਹਾਂ ਕਿ ਸਾਡੇ ਲਈ ਖਾਲਸਾ ਰਾਜ ਦੀ ਰਿਵਾਇਤ ਦਾ ਮਤਲਬ ਬਦਲਾ ਨਹੀਂ, ਸਗੋਂ ਸੱਚ, ਨਿਆਂ ਅਤੇ ਬਿਨਾਂ ਪੱਖਪਾਤ ਦੇ ਜਵਾਬਦੇਹੀ ਹੈ। ਸਿੱਖ ਰਿਵਾਇਤ ਕਿਸੇ ਬੇਗੁਨਾਹ ਨੂੰ ਸਜ਼ਾ ਦੇਣ ਦੀ ਇਜਾਜ਼ਤ ਨਹੀਂ ਦਿੰਦੀ, ਪਰ ਸਬੂਤਾਂ ਨਾਲ ਦੋਸ਼ੀ ਸਾਬਤ ਹੋਣ ਵਾਲੇ ਕਿਸੇ ਵੀ ਵਿਅਕਤੀ ਜਾਂ ਸੰਸਥਾ ਨੂੰ ਸਿਆਸੀ ਤਾਕਤ, ਸਰਕਾਰੀ ਅਹੁਦਾ ਜਾਂ ਏਜੰਸੀ ਦੀ ਢਾਲ ਪਿੱਛੇ ਲੁਕਣ ਦੀ ਵੀ ਇਜਾਜ਼ਤ ਨਹੀਂ ਹੋਣੀ ਚਾਹੀਦੀ।

ਅਸੀਂ ਕੈਨੇਡਾ ਦੀਆਂ ਜਾਂਚ ਏਜੰਸੀਆਂ ਤੋਂ ਮੰਗ ਕਰਦੇ ਹਾਂ ਕਿ ਗੋਲਡੀ ਬਰਾੜ ਨਾਲ ਜੋੜੀ ਜਾ ਰਹੀ ਕਥਿਤ ਆਡੀਓ ਦੀ ਪੂਰੀ ਫੋਰੈਂਸਿਕ ਜਾਂਚ ਕੀਤੀ ਜਾਵੇ। ਨਾਲ ਹੀ ਇਹ ਵੀ ਸਾਹਮਣੇ ਲਿਆਂਦਾ ਜਾਵੇ ਕਿ ਕਤਲ ਦੀ ਯੋਜਨਾ ਕਿਸਨੇ ਬਣਾਈ, ਹੁਕਮ ਕਿਸਨੇ ਦਿੱਤੇ, ਸਹਾਇਤਾ ਕਿਸਨੇ ਕੀਤੀ ਅਤੇ ਇਸ ਪੂਰੇ ਨੈੱਟਵਰਕ ਦੀਆਂ ਕੜੀਆਂ ਕਿੱਥੋਂ ਤੱਕ ਜਾਂਦੀਆਂ ਹਨ।

— ਐਸ.ਪੀ. ਸਿੰਘ ਮਾਨ
ਮੀਤ ਪ੍ਰਧਾਨ, ਕੈਨੇਡਾ
ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ)

#ਸ਼੍ਰੋਮਣੀਅਕਾਲੀਦਲਅੰਮ੍ਰਿਤਸਰ #ਸਿਮਰਨਜੀਤਸਿੰਘਮਾਨ
#ਮਝੈਲਮਾਨਸਿੰਘਬੁੱਢਾ #ਹਰਮੇਲਸਿੰਘਯੋਧੇ

ਸੱਜਣ ਕੁਮਾਰ ਵਰਗਾ ਮਨੁੱਖਤਾ ਦਾ ਕਾਤਲ ਆਪਣੀ ਮੌਤ ਨਹੀਂ ਸੀ ਮਰਨਾ ਚਾਹੀਦਾ : ਮਾਨਫ਼ਤਹਿਗੜ੍ਹ ਸਾਹਿਬ, 21 ਅਗਸਤ ( ) “ਜਿਸ ਸੱਜਣ ਕੁਮਾਰ ਵਰਗੇ ਕਾਂਗ...
08/21/2026

ਸੱਜਣ ਕੁਮਾਰ ਵਰਗਾ ਮਨੁੱਖਤਾ ਦਾ ਕਾਤਲ ਆਪਣੀ ਮੌਤ ਨਹੀਂ ਸੀ ਮਰਨਾ ਚਾਹੀਦਾ : ਮਾਨ

ਫ਼ਤਹਿਗੜ੍ਹ ਸਾਹਿਬ, 21 ਅਗਸਤ ( ) “ਜਿਸ ਸੱਜਣ ਕੁਮਾਰ ਵਰਗੇ ਕਾਂਗਰਸੀ ਨੇ 1984 ਵਿਚ ਦਿੱਲੀ ਵਿਖੇ ਕਾਤਲ ਟੋਲੀਆ ਦੀ ਅਗਵਾਈ ਕਰਦੇ ਹੋਏ ਨਿਰਦੋਸ਼, ਨਿਹੱਥੇ ਸਿੱਖ ਨੌਜਵਾਨਾਂ, ਬੀਬੀਆਂ, ਬੱਚਿਆਂ ਨੂੰ ਬਹੁਤ ਹੀ ਬੇਰਹਿੰਮੀ ਨਾਲ ਕਤਲੇਆਮ ਕੀਤਾ ਸੀ, ਬੇਸੱਕ ਉਸ ਨੂੰ ਬੀਬੀ ਜਗਦੀਸ ਕੌਰ ਦੇ ਪਰਿਵਾਰਿਕ ਮੈਬਰਾਂ ਦੇ ਕਤਲ ਕਰਨ ਅਤੇ ਸ. ਜਸਵੰਤ ਸਿੰਘ ਤੇ ਉਸਦੇ ਪੁੱਤਰ ਨੂੰ ਕਤਲ ਕਰਨ ਦੇ ਕੇਸਾਂ ਵਿਚ ਉਮਰ ਕੈਦ ਦੀ ਸਜ਼ਾ ਹੋਈ ਸੀ । ਜੋ ਦਿੱਲੀ ਜੇਲ੍ਹ ਵਿਚ ਬੰਦ ਸੀ । ਉਹ ਬੀਤੇ ਦਿਨੀਂ ਜੇਲ੍ਹ ਵਿਚ ਹੀ ਖਤਮ ਹੋ ਗਿਆ ਹੈ । ਅਜਿਹੇ ਮਨੁੱਖਤਾ ਦੇ ਕਾਤਲ ਆਪਣੀ ਮੌਤ ਨਹੀ ਸੀ ਮਰਨਾ ਚਾਹੀਦਾ । ਬਲਕਿ ਇਹ ਸੇਵਾ ਤਾਂ ਕਿਸੇ ਸਿੱਖ ਵੱਲੋ ਹੀ ਨਿਭਾਉਣੀ ਚਾਹੀਦੀ ਸੀ । ਕਿਉਂਕਿ ਅਜਿਹੇ ਮੁਤੱਸਵੀ ਤੇ ਫਿਰਕੂ ਕਾਤਲ ਆਪਣੀ ਮੌਤ ਮਰਨ ਦੇ ਹੱਕਦਾਰ ਨਹੀ ਹਨ । ਇਨ੍ਹਾਂ ਨੂੰ ਤਾਂ ਉਸੇ ਤਰ੍ਹਾਂ ਸਜ਼ਾ ਮਿਲਣੀ ਚਾਹੀਦੀ ਸੀ, ਜਿਵੇਕਿ ਐਸ.ਐਸ.ਪੀ ਗੋਬਿੰਦ ਰਾਮ, ਨਿਹੰਗ ਪੂਹਲਾ ਅਤੇ ਜੇਲ੍ਹ ਵਿਚ ਬੰਦੀ ਐਸ.ਐਚ.ਓ ਸੂਬਾ ਸਿੰਘ ਨੂੰ ਜਿਵੇ ਮਿਲੀ ਹੈ ।”

ਇਹ ਵਿਚਾਰ ਸ. ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਜੇਲ੍ਹ ਵਿਚ ਹੀ ਸਿੱਖ ਕੌਮ ਦੇ ਕਾਤਲ ਸੱਜਣ ਕੁਮਾਰ ਦੀ ਮੌਤ ਹੋ ਜਾਣ ਉਤੇ ਤਿੱਖਾ ਪ੍ਰਤੀਕਰਮ ਜਾਹਰ ਕਰਦੇ ਹੋਏ ਅਤੇ ਸਿੱਖ ਕੌਮ ਦੀਆਂ ਭਾਵਨਾਵਾ ਦਾ ਇਜਹਾਰ ਕਰਦੇ ਹੋਏ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਅਜਿਹੇ ਕਾਤਲਾਂ ਨੂੰ ਅਜਿਹੇ ਮਨੁੱਖਤਾ ਵਿਰੋਧੀ ਕੁਕਰਮ ਕਰਨ ਤੋ ਪਹਿਲੇ ਵੱਖ-ਵੱਖ ਸਮਿਆ ਤੇ ਹੋਏ ਉਨ੍ਹਾਂ ਦੇ ਪਰਿਵਾਰਿਕ ਹਾਦਸਿਆ ਜਾਂ ਉਨ੍ਹਾਂ ਨਾਲ ਹੋਏ ਵਰਤਾਰੇ ਨੂੰ ਆਪਣੇ ਜਹਿਨ ਵਿਚ ਰੱਖਣਾ ਚਾਹੀਦਾ ਹੈ । ਇਥੇ ਇਹ ਵੀ ਵਰਨਣ ਕਰਨਾ ਜਰੂਰੀ ਹੈ ਕਿ ਇਸ ਸੱਜਣ ਕੁਮਾਰ ਕਾਤਲ ਦੀ ਬਹੁਟੀ ਤੇ ਮੁੰਡੇ ਦੇ ਹਸਰ ਬਾਰੇ ਵੀ ਆਪਣੇ ਮਨ ਵਿਚ ਜਾਣਕਾਰੀ ਰੱਖਣੀ ਚਾਹੀਦੀ ਹੈ । ਤਾਂ ਕਿ ਕੋਈ ਵੀ ਫਿਰਕੂ ਅਨਸਰ ਅਜਿਹਾ ਕਰਨ ਤੋਂ ਪਹਿਲਾ ਆਪਣੀ ਤੇ ਆਪਣੇ ਪਰਿਵਾਰਿਕ ਮੈਬਰਾਂ ਦੇ ਹੋਣ ਵਾਲੇ ਹਸਰ ਨੂੰ ਵੀ ਯਾਦ ਰੱਖੇ । ਅਜਿਹੇ ਕਾਤਲਾਂ ਨੂੰ ਜਨਤਕ ਤੌਰ ਤੇ ਮਿਲੀ ਸਜ਼ਾ ਹੀ ਪੀੜ੍ਹਤ ਪਰਿਵਾਰਾਂ ਦੀ ਸੰਤੁਸਟੀ ਕਰ ਸਕਦੀ ਹੈ ਕਿਉਂਕਿ ਜਿਸ ਬੇਰਹਿੰਮੀ ਤੇ ਅਣਮਨੁੱਖੀ ਢੰਗਾਂ ਨਾਲ ਅਜਿਹੇ ਕਾਤਲਾਂ ਵੱਲੋ ਕਤਲ ਕੀਤੇ ਗਏ, ਉਸੇ ਤਰ੍ਹਾਂ ਦਾ ਹਸਰ ਅਜਿਹੇ ਕਾਤਲਾਂ ਦਾ ਹੋਣਾ ਬਣਦਾ ਹੈ।

#ਸਿਮਰਨਜੀਤਸਿੰਘਮਾਨ #ਮਝੈਲਮਾਨਸਿੰਘ #ਹਰਮੇਲਸਿੰਘਯੋਧੇ

ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਆਵਾਜ਼ ਉਠਾਉਣ ਵਾਲਿਆਂ ’ਤੇ ਚਾਰ ਪਰਚੇ ਦਰਜ ਕਰਨਾ ਜਮਹੂਰੀ ਹੱਕਾਂ ਦਾ ਘਾਣ — ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ)ਚੰਡੀ...
08/17/2026

ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਆਵਾਜ਼ ਉਠਾਉਣ ਵਾਲਿਆਂ ’ਤੇ ਚਾਰ ਪਰਚੇ ਦਰਜ ਕਰਨਾ ਜਮਹੂਰੀ ਹੱਕਾਂ ਦਾ ਘਾਣ — ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ)

ਚੰਡੀਗੜ੍ਹ, 17 ਅਗਸਤ 2026

ਕੌਮੀ ਇਨਸਾਫ਼ ਮੋਰਚੇ ਦੇ ਸੱਦੇ ’ਤੇ 15 ਅਗਸਤ ਨੂੰ ਬੰਦੀ ਸਿੰਘਾਂ ਦੀ ਰਿਹਾਈ ਦੀ ਮੰਗ ਲਈ ਕੀਤੇ ਗਏ ਰੋਸ ਪ੍ਰਦਰਸ਼ਨ ਮਗਰੋਂ ਚੰਡੀਗੜ੍ਹ ਪੁਲਿਸ ਵੱਲੋਂ ਚਾਰ ਵੱਖ-ਵੱਖ ਐਫਆਈਆਰਾਂ ਦਰਜ ਕਰਨ ਅਤੇ 17 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕਰਨ ਦੀ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਸਖ਼ਤ ਸ਼ਬਦਾਂ ਵਿੱਚ ਨਿਖੇਧੀ ਕਰਦਾ ਹੈ।

ਆਪਣੀਆਂ ਜਾਇਜ਼ ਮੰਗਾਂ ਲਈ ਜਮਹੂਰੀ ਢੰਗ ਨਾਲ ਆਵਾਜ਼ ਉਠਾਉਣਾ ਹਰ ਨਾਗਰਿਕ ਦਾ ਹੱਕ ਹੈ। ਲੋਕਾਂ ਦੀ ਗੱਲ ਸੁਣਨ ਦੀ ਥਾਂ ਆਗੂਆਂ, ਵਰਕਰਾਂ ਅਤੇ ਸੰਗਤਾਂ ਨੂੰ ਪਰਚਿਆਂ ਵਿੱਚ ਨਾਮਜ਼ਦ ਕਰਨਾ ਸਰਕਾਰ ਅਤੇ ਪ੍ਰਸ਼ਾਸਨ ਦੀ ਦਮਨਕਾਰੀ ਸੋਚ ਨੂੰ ਦਰਸਾਉਂਦਾ ਹੈ।

ਦਰਜ ਕੀਤੀਆਂ ਚਾਰ ਐਫਆਈਆਰਾਂ ਦਾ ਵੇਰਵਾ:

1. ਐਫਆਈਆਰ ਨੰਬਰ 97 — ਪੁਲਿਸ ਸਟੇਸ਼ਨ ਨਾਰਥ

ਸੈਕਟਰ-6 ਸਥਿਤ ਪੰਜਾਬ ਲੋਕ ਭਵਨ ਨੇੜੇ ਕੀਤੇ ਗਏ ਇਕੱਠ ਅਤੇ ਮਾਰਚ ਸਬੰਧੀ ਐੱਸਆਈ ਵਿਵੇਕ ਕੁਮਾਰ ਦੀ ਸ਼ਿਕਾਇਤ ’ਤੇ ਭਾਰਤੀ ਨਿਆਂ ਸੰਹਿਤਾ ਦੀ ਧਾਰਾ 223 ਤਹਿਤ ਕੇਸ ਦਰਜ ਕਰਕੇ ਅੱਠ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ:

1. ਸ. ਇਮਾਨ ਸਿੰਘ ਮਾਨ
2. ਸ. ਰਛਪਾਲ ਸਿੰਘ
3. ਸੰਤ ਬਾਬਾ ਚਰਨਜੀਤ ਸਿੰਘ
4. ਸ. ਜਤਿੰਦਰ ਸਿੰਘ
5. ਸ. ਜਸਵੀਰ ਸਿੰਘ
6. ਸ. ਗੁਰਪੰਤ ਸਿੰਘ
7. ਬੀਬੀ ਮਨਦੀਪ ਕੌਰ
8. ਬੀਬੀ ਰਜਿੰਦਰ ਕੌਰ ਸਰਾਂ

2. ਐਫਆਈਆਰ ਨੰਬਰ 137 — ਪੁਲਿਸ ਸਟੇਸ਼ਨ ਸੈਕਟਰ-36

ਮਟੌਰ ਬੈਰੀਅਰ ਅਤੇ ਸੈਕਟਰ 51/52 ਦੀ ਵੰਡ ਵਾਲੀ ਸੜਕ ’ਤੇ ਹੋਏ ਇਕੱਠ ਸਬੰਧੀ ਭਾਰਤੀ ਨਿਆਂ ਸੰਹਿਤਾ ਦੀਆਂ ਵੱਖ-ਵੱਖ ਧਾਰਾਵਾਂ, ਅਸਲਾ ਐਕਟ ਅਤੇ ਜਨਤਕ ਸੰਪਤੀ ਨੂੰ ਨੁਕਸਾਨ ਤੋਂ ਬਚਾਅ ਸਬੰਧੀ ਕਾਨੂੰਨ ਤਹਿਤ ਹੇਠ ਲਿਖੇ ਵਿਅਕਤੀਆਂ ਸਮੇਤ ਹੋਰਨਾਂ ਨੂੰ ਮਾਮਲੇ ਵਿੱਚ ਨਾਮਜ਼ਦ ਕੀਤਾ ਗਿਆ:

1. ਬਾਪੂ ਗੁਰਚਰਨ ਸਿੰਘ
2. ਸ. ਗੁਰਦੀਪ ਸਿੰਘ ਬਠਿੰਡਾ
3. ਸ. ਸੁਖਜਿੰਦਰ ਸਿੰਘ ਖੋਸਾ
4. ਸ. ਸੁੱਖ ਗਿੱਲ ਮੋਗਾ
5. ਸ. ਪਾਲ ਸਿੰਘ ਫਰਾਂਸ
6. ਬਾਬਾ ਰਾਜਾ ਰਾਜ ਸਿੰਘ
7. ਸ. ਗੁਰਵਿੰਦਰ ਸਿੰਘ ਭੰਗੂ
8. ਸ. ਸੁਰਜੀਤ ਸਿੰਘ ਫੂਲ
9. ਭਾਨਾ ਸਿੱਧੂ
10. ਸ. ਬਲਜੀਤ ਸਿੰਘ ਖਾਲਸਾ
11. ਲੱਖਾ ਸਿਧਾਣਾ
12. ਸ. ਅਮਿਤੋਜ਼ ਮਾਨ
13. ਸ. ਨਵਦੀਪ ਸਿੰਘ ਜਲਬੇੜਾ
14. ਹੋਰ ਅਣਪਛਾਤੇ ਵਿਅਕਤੀ

3. ਐਫਆਈਆਰ ਨੰਬਰ 96 — ਪੁਲਿਸ ਸਟੇਸ਼ਨ ਨਾਰਥ

ਹੀਰਾ ਸਿੰਘ ਚੌਕ ਵਿਖੇ ਹੋਏ ਰੋਸ ਪ੍ਰਦਰਸ਼ਨ ਸਬੰਧੀ ਜ਼ਿਲ੍ਹਾ ਮੈਜਿਸਟਰੇਟ ਦੇ ਹੁਕਮਾਂ ਦੀ ਕਥਿਤ ਉਲੰਘਣਾ, ਪੁਲਿਸ ਦੀ ਡਿਊਟੀ ਵਿੱਚ ਰੁਕਾਵਟ ਪਾਉਣ ਅਤੇ ਬੈਰੀਕੇਡ ਪਾਰ ਕਰਨ ਦੀ ਕੋਸ਼ਿਸ਼ ਦੇ ਦੋਸ਼ਾਂ ਹੇਠ ਚਾਰ ਵਿਅਕਤੀਆਂ ਨੂੰ ਨਾਮਜ਼ਦ ਕੀਤਾ ਗਿਆ:

1. ਸ. ਸਿਮਰਨਜੀਤ ਸਿੰਘ ਮਾਨ
2. ਸ. ਦੀਪਿੰਦਰ ਪ੍ਰਤਾਪ ਸਿੰਘ
3. ਸ. ਗੋਪਾਲ ਸਿੰਘ
4. ਸ. ਗੁਰਪ੍ਰੀਤ ਸਿੰਘ

ਸ. ਸਿਮਰਨਜੀਤ ਸਿੰਘ ਮਾਨ ਵੱਲੋਂ ਮਰੀਜ਼ ਦਾ ਭੇਸ ਧਾਰ ਕੇ ਐਂਬੂਲੈਂਸ ਰਾਹੀਂ ਆਪਣੀ ਆਵਾਜ਼ ਰਾਜ ਭਵਨ ਤੱਕ ਪਹੁੰਚਾਉਣ ਨੂੰ ਵੀ ਪੁਲਿਸ ਨੇ ਇਸ ਮਾਮਲੇ ਦਾ ਆਧਾਰ ਬਣਾਇਆ ਹੈ।

4. ਐਫਆਈਆਰ ਨੰਬਰ 106 — ਪੁਲਿਸ ਸਟੇਸ਼ਨ ਈਸਟ, ਸੈਕਟਰ-26

ਸੈਕਟਰ 7/8 ਦੀ ਵੰਡ ਵਾਲੀ ਸੜਕ ’ਤੇ ਕੀਆ ਗੱਡੀ ਨੰਬਰ PB07 CL 9319 ਅਤੇ ਇਨੋਵਾ ਗੱਡੀ ਨੰਬਰ PB10 EU 5454 ਦੀ ਜਾਂਚ ਤੋਂ ਬਾਅਦ ਨੌਂ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ। ਪੁਲਿਸ ਵੱਲੋਂ ਦੋਵਾਂ ਗੱਡੀਆਂ ਵਿੱਚੋਂ ਚਾਰ ਤਲਵਾਰਾਂ ਮਿਲਣ ਦਾ ਦਾਅਵਾ ਕੀਤਾ ਗਿਆ ਹੈ।

ਗ੍ਰਿਫ਼ਤਾਰ ਵਿਅਕਤੀਆਂ ਦੇ ਨਾਮ:

1. ਸ੍ਰੀ ਤਰੁਣ ਜੈਨ ਬਾਵਾ
2. ਸ. ਹਰਕੀਰਤ ਸਿੰਘ
3. ਸ. ਫਤਿਹ ਸਿੰਘ
4. ਸ. ਗੁਰਸ਼ਾਂਤ ਸਿੰਘ
5. ਸ. ਜਸਪ੍ਰੀਤ ਸਿੰਘ
6. ਸ. ਹਰਜੀਤ ਸਿੰਘ
7. ਸ. ਅਮਨਦੀਪ ਸਿੰਘ
8. ਸ. ਅਵਤਾਰ ਸਿੰਘ
9. ਸ੍ਰੀ ਸੰਦੀਪ ਕੁਮਾਰ

ਇਹ ਸਾਰੇ ਵਿਅਕਤੀ ਲੁਧਿਆਣਾ ਸ਼ਹਿਰ ਜਾਂ ਲੁਧਿਆਣਾ ਜ਼ਿਲ੍ਹੇ ਨਾਲ ਸੰਬੰਧਿਤ ਦੱਸੇ ਗਏ ਹਨ।

ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਸਪਸ਼ਟ ਕਰਦਾ ਹੈ ਕਿ ਪੁਲਿਸ ਵੱਲੋਂ ਲਗਾਏ ਗਏ ਦੋਸ਼ ਅਜੇ ਕੇਵਲ ਦੋਸ਼ ਹਨ, ਅਦਾਲਤ ਵੱਲੋਂ ਸਾਬਤ ਕੀਤਾ ਗਿਆ ਸੱਚ ਨਹੀਂ। ਸਿੱਖਾਂ ਦੇ ਧਾਰਮਿਕ ਕਕਾਰ ਕਿਰਪਾਨ ਨੂੰ ਬਿਨਾਂ ਨਿਰਪੱਖ ਜਾਂਚ ਅਪਰਾਧਿਕ ਹਥਿਆਰ ਵਜੋਂ ਪੇਸ਼ ਕਰਨਾ ਸਿੱਖ ਧਾਰਮਿਕ ਮਰਿਆਦਾ ਅਤੇ ਸੰਵਿਧਾਨਕ ਹੱਕਾਂ ਦਾ ਅਪਮਾਨ ਹੈ।

ਪਾਰਟੀ ਮੰਗ ਕਰਦੀ ਹੈ ਕਿ:

- ਚਾਰਾਂ ਐਫਆਈਆਰਾਂ ਨੂੰ ਤੁਰੰਤ ਰੱਦ ਕੀਤਾ ਜਾਵੇ।
- ਗ੍ਰਿਫ਼ਤਾਰ ਕੀਤੇ ਸਾਰੇ ਵਿਅਕਤੀਆਂ ਨੂੰ ਬਿਨਾਂ ਸ਼ਰਤ ਤੁਰੰਤ ਰਿਹਾ ਕੀਤਾ ਜਾਵੇ।
- ਨਾਮਜ਼ਦ ਆਗੂਆਂ, ਵਰਕਰਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਤੰਗ-ਪਰੇਸ਼ਾਨ ਕਰਨਾ ਬੰਦ ਕੀਤਾ ਜਾਵੇ।
- ਸਮੁੱਚੇ ਘਟਨਾਕ੍ਰਮ ਅਤੇ ਪੁਲਿਸ ਕਾਰਵਾਈ ਦੀ ਨਿਰਪੱਖ ਨਿਆਇਕ ਜਾਂਚ ਕਰਵਾਈ ਜਾਵੇ।
- ਬੰਦੀ ਸਿੰਘਾਂ ਦੀ ਰਿਹਾਈ ਦੇ ਲੰਮੇ ਸਮੇਂ ਤੋਂ ਲਟਕਦੇ ਮਸਲੇ ਦਾ ਗੱਲਬਾਤ ਰਾਹੀਂ ਤੁਰੰਤ ਹੱਲ ਕੀਤਾ ਜਾਵੇ।

ਜਬਰ, ਗ੍ਰਿਫ਼ਤਾਰੀਆਂ ਅਤੇ ਪਰਚੇ ਸਿੱਖ ਕੌਮ ਦੀ ਹੱਕ-ਸੱਚ ਅਤੇ ਇਨਸਾਫ਼ ਲਈ ਉੱਠਦੀ ਆਵਾਜ਼ ਨੂੰ ਦਬਾ ਨਹੀਂ ਸਕਦੇ।

ਵੱਲੋਂ: ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ)

15 ਅਗਸਤ ਸਿੱਖਾਂ ਤੇ ਪੰਜਾਬ ਲਈ ਅਜ਼ਾਦੀ ਦਾ ਦਿਹਾੜਾ ਨਹੀਂ ਹੈ । ਇਹ ਸਾਡੇ ਲਈ ਇੱਕ ਕਾਲਾ ਦਿਨ ਹੈ । ਅਸੀਂ ਵਿਰੋਧ ਕਰਦੇ ਹਾਂ ਇਸ ਅਜ਼ਾਦੀ ਦਿਹਾੜੇ ...
08/16/2026

15 ਅਗਸਤ ਸਿੱਖਾਂ ਤੇ ਪੰਜਾਬ ਲਈ ਅਜ਼ਾਦੀ ਦਾ ਦਿਹਾੜਾ ਨਹੀਂ ਹੈ ।
ਇਹ ਸਾਡੇ ਲਈ ਇੱਕ ਕਾਲਾ ਦਿਨ ਹੈ । ਅਸੀਂ ਵਿਰੋਧ ਕਰਦੇ ਹਾਂ ਇਸ ਅਜ਼ਾਦੀ ਦਿਹਾੜੇ ਦਾ ਤੇ ਕਰਦੇ ਰਹਾਂਗੇ ਜਦੋਂ ਤੱਕ ਸਾਡਾ ਦੇਸ਼ ਪੰਜਾਬ ਸਾਨੂੰ ਵਾਪਸ ਨਹੀਂ ਮਿਲਦਾ । ਬੰਦੀ ਸਿੰਘਾ ਦੀ ਰਿਹਾਈ ਲਈ ਸੰਘਰਸ਼ ਜਾਰੀ ਰਹੇਗਾ ।

ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਕੈਨੇਡਾ 🇨🇦

#ਮਝੈਲਮਾਨਸਿੰਘਬੁੱਢਾ #ਹਰਮੇਲਸਿੰਘਯੋਧੇ

ਸਾਬਕਾ ਜਥੇਦਾਰ ਗਿਆਨੀ ਰਘਬੀਰ ਸਿੰਘ ਦੇ ਘਰ ਉਤੇ ਹੋਈ ਫ਼ਾਇਰਿੰਗ ਅਤਿ ਨਿੰਦਣਯੋਗ, ਉੱਚ ਪੱਧਰੀ ਜਾਂਚ ਹੋਵੇ : ਮਾਨਫ਼ਤਹਿਗੜ੍ਹ ਸਾਹਿਬ, 14 ਅਗਸਤ 202...
08/14/2026

ਸਾਬਕਾ ਜਥੇਦਾਰ ਗਿਆਨੀ ਰਘਬੀਰ ਸਿੰਘ ਦੇ ਘਰ ਉਤੇ ਹੋਈ ਫ਼ਾਇਰਿੰਗ ਅਤਿ ਨਿੰਦਣਯੋਗ, ਉੱਚ ਪੱਧਰੀ ਜਾਂਚ ਹੋਵੇ : ਮਾਨ

ਫ਼ਤਹਿਗੜ੍ਹ ਸਾਹਿਬ, 14 ਅਗਸਤ 2026 ( )

ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਸਾਬਕਾ ਜਥੇਦਾਰ ਗਿਆਨੀ ਰਘਬੀਰ ਸਿੰਘ, ਜੋ ਕਿ ਉੱਚ ਕੋਟੀ ਦੇ ਧਾਰਮਿਕ, ਸਮਾਜਿਕ ਅਤੇ ਮਨੁੱਖਤਾ ਪੱਖੀ ਵਿਚਾਰਾਂ ਦੇ ਪਹਿਰੇਦਾਰ ਹਨ, ਉਨ੍ਹਾਂ ਦੇ ਘਰ ਉਤੇ ਹੋਇਆ ਹਮਲਾ ਅਤਿ ਦੁਖਦਾਇਕ ਅਤੇ ਸ਼ਰਮਨਾਕ ਕਾਰਵਾਈ ਹੈ। ਕਿਉਂਕਿ ਸਿੱਖ ਕੌਮ ਦੀ ਸਰਬਉੱਚ ਸੰਸਥਾ ਸ੍ਰੀ ਅਕਾਲ ਤਖ਼ਤ ਸਾਹਿਬ ਉਤੇ ਵਿਰਾਜਮਾਨ ਹੋਣ ਵਾਲੀ ਸ਼ਖ਼ਸੀਅਤ ਦਾ ਕਿਸੇ ਵੀ ਕੌਮ, ਧਰਮ, ਕਬੀਲੇ ਜਾਂ ਮਨੁੱਖਤਾ ਨਾਲ ਕੋਈ ਵੈਰ-ਵਿਰੋਧ ਨਹੀਂ ਹੁੰਦਾ। ਉਹ ਤਾਂ ਗੁਰਬਾਣੀ ਉਤੇ ਆਧਾਰਿਤ ਅਤੇ ਸਿੱਖ ਕੌਮ ਦੇ ਇਤਿਹਾਸ ਦੀ ਰੌਸ਼ਨੀ ਵਿੱਚ ਮਿਲਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਨਿਰੰਤਰ ਅਮਲ ਕਰਦੇ ਹਨ। ਜਿਸ ਵੀ ਤਾਕਤ ਜਾਂ ਸਮੂਹ ਵੱਲੋਂ ਕਿਸੇ ਸਾਜ਼ਿਸ਼ ਅਧੀਨ ਉਨ੍ਹਾਂ ਦੇ ਘਰ ਉਤੇ ਇਹ ਹਮਲਾ ਕੀਤਾ ਗਿਆ ਹੈ, ਇਹ ਅਸਹਿਣਯੋਗ ਅਤੇ ਨਾ-ਬਰਦਾਸ਼ਤ ਕਰਨਯੋਗ ਕਾਰਵਾਈ ਹੈ। ਇਸ ਦੀ ਜਿੰਨੀ ਵੀ ਨਿਖੇਧੀ ਕੀਤੀ ਜਾਵੇ, ਉਹ ਥੋੜ੍ਹੀ ਹੈ।

ਇਹ ਵਿਚਾਰ ਸ. ਸਿਮਰਨਜੀਤ ਸਿੰਘ ਮਾਨ, ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ), ਨੇ ਗਿਆਨੀ ਰਘਬੀਰ ਸਿੰਘ ਜੀ ਦੇ ਘਰ ਉਤੇ ਹੋਏ ਹਮਲੇ ਦੀ ਸਖ਼ਤ ਸ਼ਬਦਾਂ ਵਿੱਚ ਨਿੰਦਾ ਕਰਦਿਆਂ ਅਤੇ ਇਸ ਮਾਮਲੇ ਦੀ ਉੱਚ ਪੱਧਰੀ ਜਾਂਚ ਕਰਵਾਉਣ ਦੀ ਮੰਗ ਕਰਦਿਆਂ ਪ੍ਰਗਟ ਕੀਤੇ। ਉਨ੍ਹਾਂ ਕਿਹਾ ਕਿ ਸਿੱਖ ਕੌਮ ਆਪਣੀ ਸਰਬੱਤ ਦੇ ਭਲੇ ਦੀ ਸੋਚ ਅਧੀਨ ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਮਨੁੱਖਤਾ ਪੱਖੀ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਅਮਲ ਕਰਦੀ ਆ ਰਹੀ ਹੈ। ਸਿੱਖ ਕੌਮ ਦਾ ਕਿਸੇ ਵੀ ਕੌਮ, ਧਰਮ ਜਾਂ ਕਬੀਲੇ ਨਾਲ ਰੱਤੀ ਭਰ ਵੀ ਵਿਰੋਧ ਨਹੀਂ ਹੈ। ਸਿੱਖ ਕੌਮ “ਸਭੈ ਸਾਂਝੀਵਾਲ ਸਦਾਇਨਿ ਤੂੰ ਕਿਸੈ ਨ ਦਿਸਹਿ ਬਾਹਰਾ ਜੀਉ” ਦੀ ਸੋਚ ਉਤੇ ਅਮਲ ਕਰਦੀ ਆ ਰਹੀ ਹੈ। ਫਿਰ ਸਿੱਖ ਕੌਮ ਦੇ ਤਖ਼ਤ ਉਤੇ ਸੇਵਾ ਕਰਨ ਵਾਲੀ ਅਜਿਹੀ ਸ਼ਖ਼ਸੀਅਤ ਉਤੇ ਹਮਲਾ ਕਰਨਾ ਕਿਸੇ ਸਿੱਖ-ਵਿਰੋਧੀ ਸਾਜ਼ਿਸ਼ ਦਾ ਹਿੱਸਾ ਤਾਂ ਹੋ ਸਕਦਾ ਹੈ, ਪਰ ਗਿਆਨੀ ਰਘਬੀਰ ਸਿੰਘ ਜੀ ਨੂੰ ਨਿਸ਼ਾਨਾ ਬਣਾਉਣਾ ਅਤਿ ਘਟੀਆ ਸੋਚ ਦੀ ਨਿਸ਼ਾਨੀ ਹੈ।

ਸ. ਮਾਨ ਨੇ ਹਰਿਆਣਾ ਦੇ ਅੰਬਾਲਾ ਵਿਖੇ ਸਿੱਖ ਕੌਮ ਵਿਰੁੱਧ ਗੈਰ-ਦਲੀਲੀ ਢੰਗ ਨਾਲ ਬਿਆਨਬਾਜ਼ੀ ਕਰਨ ਵਾਲੇ ਗੁਰਸਿਮਰਨ ਸਿੰਘ ਮੰਡ ਦੀ ਗ੍ਰਿਫ਼ਤਾਰੀ ਦੀ ਮੰਗ ਨੂੰ ਲੈ ਕੇ ਕੀਤੇ ਗਏ ਸਿੱਖ ਕੌਮ ਦੇ ਇਕੱਠ ਉਤੇ ਹਰਿਆਣਾ ਪੁਲਿਸ ਅਤੇ ਪ੍ਰਸ਼ਾਸਨ ਵੱਲੋਂ ਬੇਰਹਿਮੀ ਨਾਲ ਅੱਥਰੂ ਗੈਸ ਦੇ ਗੋਲੇ ਛੱਡਣ ਅਤੇ ਅੰਨ੍ਹੇਵਾਹ ਲਾਠੀਚਾਰਜ ਕਰਨ ਦੀ ਵੀ ਕਰੜੀ ਨਿੰਦਾ ਕੀਤੀ। ਉਨ੍ਹਾਂ ਕਿਹਾ ਕਿ ਇਸ ਕਾਰਵਾਈ ਦੀ ਬਦੌਲਤ ਵੱਡੀ ਗਿਣਤੀ ਵਿੱਚ ਰੋਸ ਕਰ ਰਹੇ ਸਿੱਖ ਜ਼ਖ਼ਮੀ ਹੋਏ ਹਨ। ਉਨ੍ਹਾਂ ਮੰਗ ਕੀਤੀ ਕਿ ਇਸ ਦੌਰਾਨ ਹਿਰਾਸਤ ਵਿੱਚ ਲਏ ਗਏ ਸਿੱਖਾਂ ਨੂੰ ਤੁਰੰਤ ਰਿਹਾਅ ਕੀਤਾ ਜਾਵੇ ਅਤੇ ਉਨ੍ਹਾਂ ਉਤੇ ਦਰਜ ਕੀਤੇ ਗਏ ਝੂਠੇ ਕੇਸ ਵਾਪਸ ਲਏ ਜਾਣ।

ਉਨ੍ਹਾਂ ਗੁਰਸਿਮਰਨ ਸਿੰਘ ਮੰਡ ਵਿਰੁੱਧ ਤੁਰੰਤ ਐਫ਼.ਆਈ.ਆਰ. ਦਰਜ ਕਰਕੇ ਅਗਲੇਰੀ ਕਾਨੂੰਨੀ ਕਾਰਵਾਈ ਕਰਨ ਦੀ ਵੀ ਮੰਗ ਕੀਤੀ, ਤਾਂ ਜੋ ਕੋਈ ਵੀ ਸਿਰਫਿਰਾ ਵਿਅਕਤੀ ਸਿੱਖ ਕੌਮ ਵਿਰੁੱਧ ਬਿਨਾਂ ਕਿਸੇ ਕਾਰਨ ਨਫ਼ਰਤ ਨਾ ਫੈਲਾ ਸਕੇ ਅਤੇ ਨਾ ਹੀ ਮਾਹੌਲ ਨੂੰ ਗੰਧਲਾ ਕਰਨ ਦੀ ਜੁਰਅਤ ਕਰ ਸਕੇ।

ਉਨ੍ਹਾਂ ਇਹ ਵੀ ਸਵਾਲ ਕੀਤਾ ਕਿ ਜਦੋਂ ਸਿੱਖ ਕੌਮ ਕਿਸੇ ਵੀ ਕੌਮ ਜਾਂ ਧਰਮ ਵਿਰੁੱਧ ਕੋਈ ਗੈਰ-ਇਨਸਾਨੀ ਅਮਲ ਨਹੀਂ ਕਰਦੀ, ਤਾਂ ਸਿੱਖਾਂ ਵਿਰੁੱਧ ਨਫ਼ਰਤ ਫੈਲਾਉਣ ਵਾਲੇ ਅਨਸਰਾਂ ਨੂੰ ਹੁਕਮਰਾਨ ਸਰਕਾਰੀ ਗੱਡੀਆਂ, ਸੁਰੱਖਿਆ ਦਸਤੇ ਅਤੇ ਹੋਰ ਸਹੂਲਤਾਂ ਕਿਉਂ ਪ੍ਰਦਾਨ ਕਰ ਰਹੇ ਹਨ?

#ਮਝੈਲਮਾਨਸਿੰਘਬੁੱਢਾ

Address

Surrey, BC

Website

Alerts

Be the first to know and let us send you an email when Shromani Akali Dal Amritsar posts news and promotions. Your email address will not be used for any other purpose, and you can unsubscribe at any time.

Shortcuts

Sponsored

Share

Category