کۆمەڵەی زەحمەتکێشانی کوردستان، مەڵبەندی ئەمریکای باکور

11/23/2024

ئــــاگـــاداری،
زۆر بەداخەوە ئەمرۆ بەیانی هاوڕێ ئه فشین حه سه نپوور هاورێی دێرینی کۆمەڵە پاش ماوەێەک ململانی لەگەڵ نەخۆشی ‎ ماڵئاوایی لە ژیان کردووە.
‎بەم بۆنەوە سەرەخۆشی لە ھەموو بنەماڵەی ئازیزی دەکەین و خۆمان بە شەریک و ھاوبەشی خەم و ناخۆشییان ئەزانین و ھیوای سەبوورییان بۆ بە ئاوات ئەخوازین.

‎‎کۆمەڵەی زەحمەتکێشانی کوردستان مەڵبەندی ئەمریکای باکوور
22,11,2024

11/10/2024

09/11/2024

بەرەو یەکێتی و هاوپشتیی گشتیی خەڵکی کوردستان
لە ساڵڕۆژی شۆڕشی ژینا

خەڵکی تێکۆشەری کوردستان!
چالاکانی سیاسی و مەدەنی!

٢٥ی خەرمانان دووهەمین ساڵڕۆژی قەتڵی ژینا ئەمینی و ئاخێزی جەماوەری دژ بەم جینایەتەیە کە بە دروشمی ژن ژیان ئازادی لە کوردستانەوە سەریهەڵدا و سەرتاسەری ئێرانی گرتەوە و له جییهانیش لەگەڵ پشتیوانی و هاوسۆزیی کەم وێنە ڕووبەڕوو بووە و بوو به دروشمی هەر ناڕەزایەتی و ڕاپەڕینێک لە وڵاتانیتر.

شۆڕشی ژینا بەهێزترین و بەرفراوانترین ناڕەزایەتی دژی کۆماری ئیسلامی لە ماوەی دەسەڵاتداریی ئەم ڕژیمەیە کە توانی چەن هەنگاو بزووتنەوەی ناڕەزایەتی لە ئێران بەرەو پێش ببات و لە دیسکۆرسی ئایینی، ئیسلاحخوازی و پیاوسالاری ڕزگاری بکات. شۆڕشی ژینا هەر له دەسپێک ناوەڕۆکێکی جیاواز و ئاسۆێکی روونی بەخشی به خەباتی ڕزگاریخوازی که هۆکاری سەرەکی بوو لە بڵاوبوونەوەی شۆڕش و پشتیوانی و لایەنگری جیهانیی لەم شۆڕشە.

کۆماری داگیرکەری ئیسلامی بە سەرکوتی خوێناویی و بێبەزەییانەی خەڵکی تێکۆشەر و هەروەها هێرشی مووشەکی بۆ سەر بنکە و ئوردووگای حیزبەکان جارێکیتر ویستی ئیرادەی پۆڵایینی بزاڤی خەڵکی کوردستان تێک بشکێنێ و پەلامار و هێرشی ڕژیم بەوە نەوەستایەوە و بە واژۆ کردنی ڕێکەوتننامەی ئەمنییەتی لەگەڵ دەوڵەتی عێراق گوشاریان خستە سەر حکومەتی هەرێمی کوردستان بۆ گواستنەوەی ئوردووگا و بارەگاکانی کۆمەڵە. بەڵام ئەوەیکە کۆماری ئیسلامی قەت ناتوانێ بە چۆکیدا بێنێ ئیرادە و ویستی خەڵکی شۆڕشگێری کوردستان و بزاڤە بەرحەقەکەیانە.

درێژەی شۆڕشی ژینا لە کارناڤاڵی نەورۆزی ڕابردوو و لە بایکوتی بەربڵاوی خەڵکی کوردستان لە هەڵبژاردنی سەرۆک کۆماری رژیم زیاتر بینرا و سەلماندی کە خەبات و خۆڕاگری تا سەرکەوتن بەردەوامە.

لە دووهەم ساڵڕۆژی شۆڕشی ژینا دەنگمان ئەخەینە پاڵ ڕێکخراوە مەدەنییەکان و داوا ئەکەین بۆ بەرز راگرتنی بزووتنەوەی سیاسی و خۆڕاگرانەی خەڵکی کوردستان، بۆ بەرگری لە حیزبە سیاسیەکانی کوردستان، بۆ ڕێز گرتن لە هەموو گیانبەختکردووان و خۆڕاگری زیندانیانی سیاسی، جارێکیتر خەڵکی کوردستان بە هاوپشتی و یەکگرتوی ئیرادەی بەهێزی خۆی وەک هەمیشە بە مانگرتنی گشتیی نیشان بدات.

کۆمەڵەی زەحمەتکێشانی کوردستان
٢١ی خەرمانانی ١٤٠٣
١١ی ئاگۆستی ٢٠٢٤

09/03/2024

سدیقی کەمانگەر
دەنگی دلێر، رەسا و پڕخرۆشی شۆڕشی کوردستان

هەر زۆر زوو به سام و پڕخرۆش پاش رووخانی شا له شاری سنە و کامیاران بوو به دەنگی ڕەسای شۆڕشێکی نوێ له کوردستان که بەستێن و دەرفەتی زۆر گونجا و جەماوەری بۆ ساز کردبوو.

کاک سدیقی کەمانگەر به ئیرادە و به جەسارەت و بوێرێکی کەم وێنە هەر له یەکەمین ڕۆژەکانی دوای رووخانی شا به تایبەت له سنە و کامیاران بوو به ڕابەر و دەنگی رەوای مانفێستی شۆڕشێک که به خێرایی بەرچاو له پەرەسەندندا بوو. کاک سدیق به هەر بانگەوازێک هێز و وزە و جەماوەری گەورەتری کۆ دەکردەوە. ئەو بوو که له بەرامبەر موفتی زادە و سەفدەری ڕاوەستا، ئەو بوو که به خەت و واژۆی خۆیی فەرمانی گرتنی ژاندارمری نوسی و ڕادیو سنە بڵاوی کردەوە، ئەو بوو کاتێ هەیئەتی زۆر باڵای کۆماری تازە دامەزراو (که تەنیا خومینییان کەم بوو) و تاڵەقانی له مەیدانی ئێقباڵی سنە وتی: “این صدیق کمانگر کیست”؟ کاک سدیقی که به تەنیشت کاک فوئادەوە دانیشتبوو هەستا و خڕۆشی که: “منم سدیق کمانگر” و به دەنگێکی دلێر و زۆر زۆر بوێرانە دەستی کرد به قسەوباس و به روونی باسی هەلومەرجەکەی کرد. هەر بۆیە کاک فوئاد وتبوی “ئیسە سدیق سیما دیارمانە و ئێمە دەبێ پارێزگاری لێبکەین”.

کاک سدیق که پارێزەری دادگا و ئەندامی چالاک و دیاری ‘کانون وکلا” بوو، له ساڵەکانی ٥٠ ناو ناوبانگی خۆی وەک پشتیوان و لایەنگری زەحمەتکێشان سەلماند و به کردەووە لەو پێگە ئیداری و کۆمەڵایەتییە که هەیبوو به بێ هیچ چاوەڕوانییەک کاری بۆ دیفاع له زەحمەتکێشان کرد. و هەر له ساڵەکانی پەنجاوە له هەر جوڵانەوە و ناڕەزایەتێک بو به کەسایەتێکی خۆشناو و خەباتکار.

پاش رووخانی شا بوو به یەکەم کەسایەتی جەماوەریی و متمانەی جەماوەر به کاک سدیق بێوێنە بوو و به بێ هیچ دوودڵی و ڕاڕایی به دەم بانگەوازەکانیەوە دەچوون تەنانەت ئەگەر گرتنی شوێنی نیزامی و سەربازیش بوایە.

کاک سدیقی کەمانگەر هەر له سەرەتایی دەسپێکی شۆڕشێکی نوێ و مەقاومەتی کوردستان و سەرەتایی هاتنە مەیدانی ڕەوتی چەپ و سوسیالیستی و به تایبەت کۆمەڵە، قورسایی، وزە، بوێری، فیداکاری و له پێشەوەی شۆڕش هەنگاو هەڵگرتنی کردە باو و بایەخەکانی بردە سەر. ئەو دەنگە دلێرە وەها به شاڕەگی شۆڕش ڕووچوە که ئیسەش پاش ٤٥ ساڵ شوێنەوارەکەی دیارە. ئەو دەنگە ڕەسا بوو که هەر له بەهاری ١٣٥٨ ئەم شۆڕشەی پێناسە کرد و له شۆڕشی ژیناوە گەیشتە گشت جیهان.

پشێکی سدیقی کەمانگەر له سەرەتای شۆڕشی کوردستان و حوزووری کۆمەڵە، بۆ ناساندن و رەوایدان بە شۆڕشەکە و سەرپێ خستنی کۆمەڵە پاش دەیان ساڵ دیارە و هەرچی “شەو ڕەش و ڕەشتر بێت ناو و سیمای سدیقی کەمانگەر گەش و گەشترە”.

ناو سدیقی کەمانگەر و کارنامە شانازی خولقێنەکەی، بۆ ئێمە سەرمایە و سامانێکی زۆر دەوڵەمدندە که له ئەمڕۆ و سبەی کوردستان ڕێنوێن و ڕێپیشاندەرمانە.

تۆ زیندووی، چونکە بۆ له سەرپێ خستنی شۆڕش و کۆمەڵە سیمای دیار بوی و به گەڕانەوە بۆ تۆیە هەنگاوەکانمان قورستر و دروستر دەبێت.

ڕەزا کەعبی
١٣ خەرمانانی ١٤٠٣

08/28/2024

08/26/2024

بەژداری بەرپرسی مەڵبەندی ئەمریکای باکور کۆمەڵەی زەحمەتکێشانی کوردستان لە کۆڕێک لە ژێر ناوی دۆخی هەرێم و هەر چوار پارچەی کوردستان و پرسی یەکگرتووی نەتەوەیی کورد لە شاری ڤانکۆڤەر بە میوانداری بەرێز ئەحمەد قەرەموس هاوسەروکی کۆنگرەی نەتەوەی کورد

رێکەوتی 2024/8/25