លេខាធិការដ្ឋានរៀបចំការបោះឆ្នោតខេត្តបន្ទាយមានជ័យ

05/09/2026

02/09/2026

រូបភាពសកម្មភាព ការជ្រើសរើសសមាសភាពក្រុមចុះឈ្មោះបោះឆ្នោត (ក.ច.ប) សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ នៅតាមសាលាឃុំ សង្កាត់ ក្នុងខេត្តបន្ទាយមានជ័យ នៅថ្ងៃទី២ ខែកញ្ញា ឆ្នាំ២០២៦។

31/08/2026

28/08/2026

សេចក្តីជូនដំណឹងស្ដីពីការជ្រើសរើសសមាសភាពក្រុមចុះឈ្មោះបោះឆ្នោត (ក.ច.ប) សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦
--------------------------
សាធារណជនដែលមានបំណងដាក់ពាក្យសុំចូលបម្រើការងារតាមមុខតំណែងជ្រើសរើស សូមអញ្ជើញមកទំនាក់ទំនងទទួល និងដាក់ពាក្យសុំចូលបម្រើការងារនៅរៀងរាល់ម៉ោងធ្វើការនៅតាមសាលាឃុំ សង្កាត់ ។

-ការចាប់ផ្តើមចែកពាក្យ និងទទួលពាក្យ ថ្ងៃទី២ ខែកញ្ញា ឆ្នាំ២០២៦ ( វេលាម៉ោង ៧:០០ នាទីព្រឹក )
- ការឈប់ទទួលពាក្យ ថ្ងៃទី៨ ខែកញ្ញា ឆ្នាំ២០២៦ (វេលាម៉ោង ១៧:៣០ នាទីល្ងាច)
-ការបិទផ្សាយបញ្ជីឈ្មោះបេក្ខជនដែលត្រូវប្រឡង QCM និងធ្វើតេស្តកុំព្យូទ័រ នៅថ្ងៃទី១០ ខែកញ្ញា ឆ្នាំ២០២៦ នៅតាមសាលាឃុំ សង្កាត់
- ការប្រឡង QCM និងធ្វើតេស្តកុំព្យូទ័រ នៅថ្ងៃទី១៣ ខែកញ្ញា ឆ្នាំ២០២៦ នៅតាមមណ្ឌលប្រមូលផ្តុំ ក្រុង ស្រុក ។

ពាក្យសុំចូលបម្រើការងារនឹងមានចែកជូនដោយឥតគិតថ្លៃ។ បេក្ខជនអាចទាញយកពាក្យសុំប្រឡងចូលបម្រើ ការងារតាមរយអាសយដ្ឋានវេបរបស់ គ.ជ.ប (www.nec.gov.kh) ឬស្ពន QR-Code ដូចមាននៅក្នុងសេចក្តីជូនដំណឹងនេះ។

24/08/2026

លទ្ធផលនៃការប្រឡងជ្រើសរើសមន្រ្ដីកិច្ចសន្យារយៈពេលខ្លី បម្រើការងារនៅលេខាធិការដ្ឋានរៀបចំការបោះឆ្នោតខេត្តបន្ទាយមានជ័យ សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦

21/08/2026

នាព្រឹកថ្ងៃទី២១ ខែសីហា ឆ្នាំ២០២៦ ឯកឧត្តម ឡោ ប៊ុន ពេជ្រ សមាជិកក្រុមប្រឹក្សាខេត្ត ឯកឧត្តម ឃូ ពៅ អភិបាលរង នៃគណៈអភិបាលខេត្ត និងលោក យ៉ង់ សក្តិ ប្រធានលេខាធិការដ្ឋានរៀបចំការបោះឆ្នោតខេត្តបន្ទាយមានជ័យ បានដឹកនាំកិច្ចប្រជុំផ្សព្វផ្សាយ ស្តីពី «ការផ្តល់លិខិតអញ្ជើញអ្នកមានឈ្មោះក្នុងបញ្ជីឈ្មោះបោះឆ្នោតផ្លូវការ ឆ្នាំ២០២៥ សម្រាប់ការពិនិត្យ បញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៦» ជូនដល់ អភិបាល នៃគណៈអភិបាល ក្រុង ស្រុក ទាំង៩ មេឃុំ ចៅសង្កាត់ ស្មៀនឃុំ សង្កាត់ ទាំង៦៧ ឃុំ សង្កាត់ គណបក្សនយោបាយ សមាគម អង្គការមិនមែនរដ្ឋាភិបាល និងភាគីពាក់ព័ន្ធ នៅសាលប្រជុំមន្ទីរអប់រំ យុវជន និង កីឡាខេត្តបន្ទាយមានជ័យ។

16/08/2026

សកម្មភាពនៃការប្រឡងប្រជែងជ្រើសរើសមន្ត្រីជាប់កិច្ចសន្យារយៈពេលខ្លី បម្រើការនៅ ល.ខ.ប បន្ទាយមានជ័យ សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ នាព្រឹកថ្ងៃទី១៦ ខែសីហា ឆ្នាំ២០២៦ នៅមណ្ឌលប្រឡង វិទ្យាល័យសម្ដេចឪ ។