Монгол Улсаас БНХАУ-ын Шанхай хотод суугаа Ерөнхий консулын газар

24/08/2026

“ARTBRIDGE-SHANGHAI” ТӨГӨЛДӨР ХУУРЧДЫН ОЛОН УЛСЫН АНХДУГААР УРАЛДААН ШАНХАЙ ХОТОД АМЖИЛТТАЙ ЗОХИОН БАЙГУУЛАГДЛАА

Монгол Улсын “Урлагийн Гүүр” ТББ-ын санаачлагаар Шанхай хотод суугаа Ерөнхий консулын газрын дэмжлэгтэйгээр “ArtBridge-Shanghai” төгөлдөр хуурчдын олон улсын Анхдугаар уралдааныг 2026 оны 8 дугаар сарын 22-ны өдөр Шанхай хотын “Platinum Hanjue” зочид буудлын Сонгодог урлагийн танхимд амжилттай зохион байгуулав.

Анхдугаар уралдааны шүүгчдээр Монгол Улсын Консерваторын Мэргэжлийн төгөлдөр хуурын тэнхмийн багш, дэд профессор хатагтай Г.Ганчимэг, Шанхайн Хөгжмийн консерваторын багш Янь Чуанци, БНХАУ-ын Кунмин хотын Хөгжмийн сургуулийн багш Игорь Филиппов нар ажилласан нь тэмцээний цар хүрээ, ач холбогдлыг өндөрт өргөсөн үйл явдал болов.

Тус уралдаанд Монгол, Хятадын 66 оролцогч 7 насны ангилалд төгөлдөр хуурыг эгшиглүүлэх авъяас чадвараа сорин өрсөлдсөнөөс ГРАН ПРИ 🏆 шагналын эзнээр Монгол Улсын Консерваторын мэргэжлийн төгөлдөр хуурын багш Лхагвасүрэнгийн удирдлага дор оролцсон Сүхбаатарын Пүрэвсүрэн тодорч манай улсын залуу хөгжимчдийн авьяас, ур чадварыг олон улсын тайзнаа амжилттай харууллаа.

Уралдааныг нээж Ерөнхий консул Д.Болд хэлсэн үгэндээ Монгол, Хятад хоёр улсын авьяаслаг хүүхэд багачууд мөр зэрэгцэн оролцож, хөгжмийн хэлээр дамжуулан нөхөрлөлийн гүүрийг бүтээж буйд баяртай байгаагаа илэрхийлж, нийт оролцогчдод урлагийн өндөр амжилт хүсэв.

Анхдугаар уралдаан нь Монгол, Хятад хүүхэд, залуучуудын хөгжмийн боловсролыг дэмжих, авьяаслаг залуу хөгжимчдийг нээн илрүүлэх, олон улсын тавцанд ур чадвараа сорих боломжийг бүрдүүлэх, хоёр улсын соёл, урлагийн салбарын харилцаа, хамтын ажиллагааг өргөжүүлэхэд тодорхой хувь нэмэр оруулж буйг Шанхайн Хөгжмийн консерваторын багш Янь Чуанци онцлон дурдаж байв.

Авьяас, ур чадвараа сорин амжилттай оролцсон нийт оролцогчид, тэдгээрийн багш, эцэг эхчүүдэд халуун баяр хүргэж, уран бүтээлийн өндөр амжилт хүсье! 👏 🎶💐

Batmunkh Battsetseg Батмөнхийн Батцэцэг

Монгол Улсын Гадаад Харилцааны Яам Ministry of Foreign Affairs of Mongolia

14/08/2026

🚨 ХҮН ХУДАЛДААЛАХ БОЛ ЗОХИОН БАЙГУУЛАЛТТАЙ ГЭМТ ХЭРЭГ

Хүн худалдаалах нь хүний эрх, эрх чөлөөг ноцтой зөрчиж, албадан хөдөлмөр, бэлгийн мөлжлөг зэрэг олон хэлбэрээр үйлдэгддэг хүнд төрлийн зохион байгуулалттай гэмт хэрэг юм.

⚠️ Эрсдэлийг таньж мэдэх нь өөрийгөө болон бусдыг хамгаалах эхний алхам.

Тухайлбал:
📌 Өндөр цалинтай ажлын саналыг сайтар нягтлах
📌 Танихгүй хүнд хувийн мэдээлэл, бичиг баримтаа өгөхгүй байхыг анхааруулж байна.

#Сэргийлье #Мэдээлье #Хамгаалъя
#ХүнХудалдаалахГэмтХэрэг #ГэмтХэргээсУрьдчиланСэргийлье

14/08/2026

14/08/2026

31/07/2026

22/07/2026

🇲🇳🤝🇸🇬 СИНГАПУР УЛСТАЙ ХИЙМЭЛ ОЮУНЫ САЛБАРТ ХАМТЫН АЖИЛЛАГААНЫ БОЛОМЖИЙГ ХАРИЛЦАН СУДЛАХААР САНАЛ СОЛИЛЦЛОО

БНХАУ-ын Шанхай хотноо зохион байгуулагдсан Дэлхийн хиймэл оюуны хурлын үеэр Сингапур Улсын Цахим хөгжил, мэдээллийн яамны Төрийн ахлах сайд Тан Киат Хаутай уулзаж, хоёр улсын дижитал салбарын хамтын ажиллагааны талаар санал солилцлоо.

Сингапур Улс нь хиймэл оюуны засаглал, дижитал итгэлцэл, кибер аюулгүй байдал, өгөгдлийн бодлого болон дата төвийн хөгжлөөр олон улсын тэргүүлэх туршлагатай билээ. Энэхүү уулзалтаар бид дараах чиглэлүүдэд хамтын ажиллагааны боломжийг харилцан судлахаар ярилцав.

🔹 Хиймэл оюуны засаглал, өгөгдлийн бодлого – төрийн үйлчилгээнд хиймэл оюуныг хариуцлагатай нэвтрүүлэх, өгөгдлийн засаглалыг бэхжүүлэх.

🔹 Дижитал итгэлцэл, кибер аюулгүй байдал – аюулгүй, найдвартай дижитал орчныг бүрдүүлэх, олон улсын туршлага солилцох.

🔹 Ногоон дата төв, хиймэл оюуны тооцооллын дэд бүтэц – Монгол Улсын "Sovereign by Design" зарчмын хүрээнд дата төв болон хиймэл оюуны тооцооллын дэд бүтцийг хөгжүүлэх бодлого, бүс нутгийн тогтвортой дижитал дэд бүтцийн төв болох зорилтоо танилцууллаа.

Мөн хиймэл оюуны засаглал, дижитал итгэлцэл, кибер аюулгүй байдал, тогтвортой дижитал дэд бүтцийн чиглэлээр хамтын ажиллагааны боломжийг харилцан судалж, холбогдох байгууллагуудын түвшинд үргэлжлүүлэн ажиллахаар санал нэгдлээ. 🤝💻

21/07/2026

10/07/2026

Тулгар төрийн 2235 жил,
Их Монгол Улс байгуулагдсаны 820 жил,
Үндэсний эрх чөлөө, тусгаар тогтнолоо сэргээн мандуулсны 115 жил,
Ардын хувьсгалын 105 жилийн ойн баярын мэндийг иргэд Та бүхэнд өргөн дэвшүүлье.

🎉 Үндэсний их баяр наадмаараа Та бүхэн хотол олноороо дэлгэр сайхан наадаарай.

Монгол Улсын Гадаад Харилцааны Яам Ministry of Foreign Affairs of Mongolia Batmunkh Battsetseg Батмөнхийн Батцэцэг