Kosova Lindore

01/11/2015

Pas një fatkeqësie humb jetën i riu Nasuf Ajdini nga Rahovica, veteran i UÇK-së

Njoftim,
me dhimbje të madhe informojmë farefisin, miqtë dhe qytetarët se Nasuf Ajdini (1979 – 2015), nga fshati Rahovicë, veteran i UÇK-së, pas një fatkeqësie ndërroi jetë me datë 31.10.2015.

Të pikëlluarit familja Ajdini nga Rahovica.

19/03/2015

Serbët i frigohen “Lajmeve” dhe “Ditarit” të TV Luginës

Kryetari i Bashkimit Demokratik të Luginës Skender Destani ka deklaruar se Televizioni regjional i Luginës së Preshevës që do të emetojë program në gjuhën shqipe dhe ajo do të jetë në Preshevë.

KNSH ditën e mërkurë me propozim të të gjithë anëtarëve të Këshillit u aprovua unanimisht vendimi për themelimin e Radio televizionit shqiptartë Luginës i cili do ta ket selinë në Preshevë.

Destani ka thënë se partia e tij ka përkrahë vendimin e KNSH-së, pasi me 1 qershor duhet të privatizohen mediet lokale në Preshevë dhe Bujanoc që emetojnë program në gjuhën shqipe,
Kryetari i BDL-së ka thënë se për këtë arsye që të mundësohet informimi në gjuhën shqipe, KNSH ka marrë vendim që të formohet radio televizioni regjional në gjuhën shqipe.

Disa medie serbe, tashmë kanë filluar “propagandën” e tyre, duke shkruar se në Serbi po fillon një televizion shqipe, duke thënë se tashmë do të dëgjohen përsëri “Lajmet” dhe “Ditari”.

Në Preshevë dhe Bujanoc funksionojnë katër medie, dy private dhe dy publike. /presheva.com/

Lexo në presheva.com: KKSH nis iniciativën për themelimin e Televizionit shqiptar “Lugina”

18/03/2015

QEVERIA E SERBISË KA FILLUAR NË HESHTJE NJË FUSHATË TË SPASTRIMIT ETNIK PËR SHPËRNGULJEN E SHQIPTARËVE NGA LUGINA E PRESHEVËS.
Qeveria e Serbisë ka filluar në heshtje një fushatë të spastrimit etnik për shpërnguljen e shqiptarëve nga Lugina e Preshevës. Muajve të fundit, Ministria e Punëve të Brendshme të Serbisë është duke i fshirë nga regjistrimi i vendbanimit të gjithë shqiptarët e Luginës së Preshevës që jetojnë në mërgim apo ata që punojnë në Republikën e Kosovës.

Dy ditë më parë Departamenti i Policisë së Vranjës ka fshirë nga regjistri civil 25 qytetarë nga komuna e Preshevës, shumica prej të cilëve kurrë nuk kanë migruar jashtë komunës.

Jonuz Musliu, kryetar i Këshillit Kombëtar të Shqiptarëve në Luginën e Preshevës, tha se autoritetet e sigurisë nuk po i heqin nga regjistrimi vetëm shqiptarët që jetojnë në Kosovë, por edhe ata që janë në Luginë. Kjo, siç tha ai, është një shkelje ekstreme e të drejtave të njeriut, sepse askund nuk lejohet që qytetarin ta fshijë nga regjistrimi i vendbanimit.

“Qëllimi kryesor është që ta bëjnë një Medvegjë të dytë Bujanocin dhe lufta krejt është për Bujanocin. Tash në pamundësi që t’i largojnë shqiptarët nga Lugina me dhunë, tash po i përdorin mjetet kompjuterike”

17/03/2015

Profesori 28 vjeçar Ramil Aliu nga Bujanoci pas përfundimit me sukses të operacionit në veshin tjetër ka dërguar shumë falënderime për gjithë ata që e ndihmuan.
“Me ndihmën e All-llahut sot me sukses e kreva operacionin e dytë në veshin e djathtë. Pas 11 operacioneve me ndihmën e All- llahut arrita të dal nga salla operacionit”
“Në shpirt kam shumë ndjenja e fjalë për të gjithë qytetarët që u solidarizuan me mua, që me ndihmën e Zotit më dhanë mundësinë e të jetuarit.Andaj të nderuar vëllezër dhe ju që për të më ndihmuar nuk kursyet asgjë, në emrin tim dhe të familjes ju falënderoj shumë, duke shpresuar që askush të mos sfidohet nga sëmundje të tilla.All-llahu ju shpërbleftë është shprehur Ramili. Këto fjalë janë publikuar në profilin e tij facebook.

19/02/2015

Gjykata serbe për krim të teknologjisë së lartë nis hetime kundër GOLD AG

Gjykata për krim teknologjisë së lartë apo kibernetike ka filliuar hetime kundër reperit nga Presheva A***n Agush*t, të njohur si Gold AG.
Prokurori Branko Stamenkoviq thotë se prokuroria ka reaguar menjëherë pasi ky spot është parqitur në internet.
“Janë marrë të gjitha masat të parapara për veprimet për të përcaktuar faktet. Për shkak të hetuesisë, nuk mund të them se çfarë masa operative janë ndërrmarë” ka thënë Stamenkoviq.
Përndyshe, reperi Gold AG me spotin e tij “Pushka e Lirisë”, ka zënë vend edhe në ballinat e medieve serbe. Këta të fundit e kanë cilësuar skandaloz videoklipin e këngës për komandantin e Ushtrisë Çlirimtare të Kosovës, Zahir Pajaziti.
I lansuar në fund të janarit në bashkëpunim me këngëtarin Hysni Klinaku, videoklipi prej së hënës mbrëma është bllokuar dhe s’mund të shihet në kanalin “Youtube”.
Gold AG ka thënë se kjo këngë i është kushtuar heroit kosovar Zahir Pajziti dhe se klipi ka përmbatje të asaj çfarë ka ndodhur në kohën kur ky hero ka luftuar dhe nuk ka të bëj asgjë me aktualitetin.
“Kënga është bërë për he**in Zahir Pajaziti dhe klipi ka skena nga koha kur ka luftuar ai. Të gjithë aktorët në klip janë shqiptar dhe krejt video është e improvizuar. Ndërsa sa i përket asaj se unë po e zmadhoj idenë e bashkimit kombëtar, këtë gjë e ndjenë dhe e mendon çdo shqiptar e jo vetëm unë” ka thënë reperi.
Po ashtu, Goldi ka sçaruar se kënga e tij Pushka e Lirisë është raportuar nga serbët dhe prandaj ky projekt është kthyer në privat.

17/02/2015

15/02/2015

Himni Kombetar

Rreth flamurit të përbashkuar
Me një dëshir` e një qëllim,
Të gjith` atij duk` ju betuar
Të lidhim besën për shpëtim.
Prej lufte veç ay largohet
Që është lindur tradhëtor,
Kush është burrë nuk frikohet,
Po vdes, po vdes si një dëshmor!
Në dorë armët do t`i mbajmë
Të mprojmë atdhenë më çdo kënt,
Të drejtat tona ne s`i ndajmë;
Këtu armiqtë s`kanë vënt.
Se Zoti vetë e tha me gojë
Që kombe shuhen përmi dhe,
Po Shqipëria do të rrojë;
Për të, për të luftojmë ne!
O flamur, flamur, shenj` e shenjtë,
Te ty betohemi këtu,
Për Shqipërin` atdhen` e shtrenjtë,
Për nder` edhe lavdimn` e tu.
Trim, burrë quhet dhe nderohet
Atdheut kush iu bë theror;
Për jet` ay do të kujtohet
Mi dhet, mi dhe si një shenjtor!

15/02/2015

PENDA NË FSHATIN RAHOVICË TË KOMUNËS PRESHEVËS

14/02/2015

Deshmoret e Luftes se UÇPMB 1.Ibrahim Sejdulla Fejzullahu Z.O. e Karadakut të UÇK-së
I lindur më 06.05.1967 - 29.05.1999. Ibrahim Fejzullahu ishte ndër të parët në organizimin e luftës në kuadër të zonës opoerative të Karadakut të UÇK-së që vepronte në njësitin për furnizim të armëve të zonave Llap e Karadak.
Ibra kishte marrë pjesë në shumë aksione për furnizimin e armëve në vitin 1998-1999
Bie dëshmorë më 29 Maj 1999 në krye të detyrës.Lufta e UÇPMB-së merr brigada 113 emrin e dëshmorit të Kombit Ibrahim Fejzullahu.

2.Fatmir Hajdar Ibishi Z.O. e Dobrosinit 111
I lindur më 10.10.1964 – 26.02.2000 në fshatin Uglarë të Gjilanit.
Fatmiri kreu shkollën fillore Emin Duraku në Uglarë në vitin 1998 kur në Kosovë kishte shpërthye lufta Fatmiri kthehet nga perëndimi në vendlindje dhe menjëherë kyçet në njësitet guerile të UÇK-së në Z.O. të Karadakut në pikën e Zhegocit në brigadën 171
Kadri Zeka.Në fillimin të luftës së UÇPMB-së Fatmiri ishte ndër të parët në themelimin e sajë.

3.Sherif Faik Jonuzi i lindur më 28.12.1978 – 21.04.2000 Z.O. e Breznicës Brigada 114. Sherifi u lind në Breznic shkollën fillore e kreu në vendlindje të mësmen në Roganë,më pastaj vijoi shkollimin e lartë në shkollën Petagogjike Skendërbeu në Gjilan.
Fatmiri mori pjesë në luftën e UÇK-së në Z.O. të Karadakut e pastaj në zonën operative të Pashtrikut, mori pjesë në operacionin Shigjeta në luftën e UÇPMB-së ishte ndër themeluesit e parë ra heroikisht së bashku me Enver Bajramin në Gjergjerc.

4.Enver Rasim Bajrami i lindur me 30.09.1976 – 21.04.2000 Z.O.e Breznicës Brigada 112
Enveri u lind në Breznicë,shkollën fillore e kreu në vendlindje atë të mesme në Rogandë.
Fatmiri ishte ushtarë i UÇK-së brigada 172 Isa Kastrati.
Në UÇPMB ishte një ndër të parët në themelimin e sajë.Me rënjen e dëshmorit të Kombit Enver Bajrami brigada 112 emërtohet me emrin e Sherif Jonuzit e Enver Bajrami.

5.Arben Sadik Ramadani i lindur me 01.06.1981 - 19.05.2000 Z.O. e Preshevës Brigada 113.
Arben Ramadani ishte një ndër të parët në pregaditjen e luftës së UÇPMB-së.
Ishte aktiv në furnizimin dhe ruajtjen e armatimit.Pas luftës së UÇK-së menjëherë u radhit në organizimin e luftës në Z.O. të Preshevës ku mori pjesë në shumë detyra për strehimin dhe ruajtjen e armëve që më vonë doti shërbenin luftëtarëve të UÇPMB-së.
Arbeni shërbeu në kuadër të Brigadës 113 Ibrahim Fejzullahu.

6.Shkëlzen Niazi Krasniqi i lindur me 16.04.1980 – 19.09.2000 Z.O. e Dobrosinit Brigada 111
Shkëlzeni u lind në fshatin Opterush të Rahovecit,Shkollën fillore e kreu në vendlindje në Shkollën Lidhja e Prizrenit.Në qershor të vitit 1998 u rreshtua në Brigadën 124 u sistemua në bataljonn e I-rë kompania III-të Brigada 124 Gani Paçarizi.
Mori pjesë në luftimet e ofenzivës të 25 Majit 1999 mbi fshatin Medvecë të Prizrenit.
Dhe ju bashkangjit luftës në Luginën e Preshevës Brigada 111 Fatmir Ibishi.
Familja e tijë faliminderoi për vizitat që i bënë prej Shoqatës SHRKVNJK.


7.Eqrem Shefqet Hoxha i lindur më 18.06.1977 – 19.09.2000 Z.O. e Dobrosinit Brigada 111
Eqremi lindi në fshatin Randobravë tash Qëndresë Shkollën fillore e kreu ne Shkollën
Fadil Hisari në Prizren për shkak kushteve ekonomike nuk arrirti të vazhdoj shkollimin,merr pjesë në luftën e UÇK-së në kuadër të shtabit lokal për Z. e Vorronit në Jeshkovë në 23 Qershor 1998 merr pjesë në betejën e Helit dhe Jeshkovës me 01-04 Shtator me çrast merr një plagë të lehtë.Eqremi ishte luftëtarë i njësitit Elit Syri i Shqiponjës ku mori pjesë në 28 aksione të suksesshme me shokë.
Këto të dhëna ishin nga nëna Nashide dhe motra Arjete Hoxha.
Eqremi vazhdoi të jetë aktiv dhe ju bashkangjit luftës së UÇPMB-së Brigada 111.
Fatmir Ibishi.

8.Betim Isa Berisha i lindur me 07.03.1981 – 19.09.2000 Z.O.e Dobrosinit Brigada 111.
Betimi Lindi në Prizren vjen nga familja e fshatit malor të Arbëris së Prizrenit ish Leskoc.
Betimi shkollën fillore e kreu në Fadil Hisari në Prizren.Më 23 Qershor 1998 u mobilizua në zonën e Vërrinit në muajin Gusht ishte nisur me shokë për armatim në Shqipëri.
Kryente detyrat me nder dhe i diciplinuar.
Me 01. Shtator 2000 Betimi me Eqrem Hoxhën u nisën për në luftën e UÇPMB-së në Dobrosin Brigada 111 Fatmir Ibishi.

9.Niazi Ramush Azemi Kom. Mjekrra i lindur 15.06.1970 - 26.03.2001 Z.O. e Preshevës
Brigada 115.
Niazi Azemi Kom. Mjekrra në kuadër të Z.O. të Preshevës ishte ushtaraku me pozicion Hirarkis si Zavens Komandant i Z.O. të Peshevës fillimisht në Brigadën 115 Karadaku.
Ishte Kom. i Togut të Vitisë pastaj kalon në Komandant Brigade 115 dhe më vonë më
18 Mars emërtohet si Zavens Komandant i Z.O. të Preshevës.
Niaziu mori pjesë në shumë sulme Guerile ndaj forcave Serbe si dhe në shumë beteja.
Aktivitetet e tijë njihen edhe nga fillimi i viteve të 90- ta mori pjesë edhe në luftrat në Bosnje dhe pastaj në luftën e UÇK-së në Z.O. të Dukagjinit.

10.Agim Milaim Elshani i lindur 09.04.1975 – 27.03.2001 Z.O. e Çarrit Brigada 114
Agimi lindi në fshatin Guncat ishte pjesëmarrës i luftës së UÇK-së pas lufte në TMK dhe pjesëmarrës në luftën e UÇPMB-së.Agimi ishte ushtarë i përpikët dhe i diciplinuar.

11.Besim Ibrahim Mazdreku i lindur 23.01.1981 – 17.04.2001 Z.O. e Çarrit Brigada 114
Besim Mazdreku u radhit në radhët e UÇPMB-së më 15.01.2001 në Z.O. të Çarrit në Brigadën 114 edhe Besimi ishte aktiv në betejat që u zhvilluan në Z.O. të Çarrit me nderë kreu detyrat deri në ditën e rënjes së tijë.

12.Kasriot Murtez Arifi i lindur me 10.03.1976 – 14.05.2001 Z.O. e Preshevës Brigada 113
Kasrioti erdhi dhe u radhit si luftëtarë në brigadën 113 Ibrahim Fejzullahu në Dhjetor të 2000 –sh*t fillimisht shërbeu në pikën e Muaxherës në kuadër të batalionit të I-rë brigada 113
Më vonë sistemohet në policinë ushtarake në kuadër të Z.O. të Preshevës si dhe në njësitin për intervenim të shpejt në kuadër të Z.O. të Preshevës,Kasrioti merr pjesë në shumë beteja në atë të Caravajkës të marsit 2001 dhe në fund të Rahovicës në maj 2001
Këto të dhëna janë nga Kom. Shpëtimi.

13.Shaban Rexhep Ukshini Kom. Terri i lindur me 10.11.1969 – 14.05.2001 Z.O.
Preshevës Brigada 113
Shabani ishte një ndër themeluesit e parë të UÇPMB-së ishte aktiv edhe gjat përgaditjeve
për luftë,mori pjesë edhe në sigurimin e armatimit dhe strehimit të tijë në luftën e
UÇPMB-së mori pjesë që nga fillimi ishte pjesëmarrës i shumë betejave të Shoshajës, Bukocit,Rahovicës.Si komandant udhëhoqi në pikën e Bukocit batalionin e II-të Brigadës 113 Ibrahim Fejzullahu udhëhoqi edhe betejën e fundit të Rahovicës të 12 majit 2001.
Ra heroikisht me 14 maj 2001 së bashku me Kom.Delta,Kasriot Arifi dhe Sami Ukshinin.


14.Sami Nevzad Ukshini i lindur me 23.12.1978 – 14.05.2001 Z.O e Preshevës Brigada 113
Sami Ukshini ishte luftëtarë në brigadën 113 Ibrahim Fejzullahu mori pjesë në shumë beteja të luftës si në Shoshajë,Caravajkë,Bukoc dhe në Rahovicë ishte në njëisitin për intervenim të shpejtë në kuadër të Z.O. të Preshevës dhe si polic ushtarak.

15.Sevdail Shefki Idrizi Kom. Guri i lindur me 01.05.1973 – 29.10.2001 Z.O.P. Brigada 113
Sevdaili ishte pjesëmarrës në tri luftrat UÇK – UÇPMB dhe UÇK-së të Makedonis në luftën e UÇPMB-së ishte përgjegjës i logjistikës për anën e koridorit të Luginës së Karadakut ku bëri strehimin dhe mirmbajtjen e armatimit si dhe në luftë shpërndarjen e tijë.
Aktivitetet e tija ushtarake i kreu me nderë dhe sukses.
Aksidentalisht ndërroi jetë në fund të luftës përfundimtare të UÇK-së në Makedoni.

16.Mitat Skender Musliu i lindur me 16.02.1981 – 14.05.2001 Z.O.P.Brigada 113
Mitati ishte si fëmijë i urtë dhe i përpikët qysh në luftën e UÇK-së si i ri nuk u bënte rahat dhe në fillim të luftës së UÇPMB-së kërkonte nga babai dhe nana e tijë të japin leje për t’ju bashkangjitur ushtarëve të parë por nënat si nëna ishte vështirë për ti thënë po por ai
gjith një duke mos qenë i qetë dhe një ditë babai me të shoqen e tijë e panë të rrugës për
t’ ia dhanë lejën dhe i thanë po dhe u përshëndetën dhe ai doli i guxueshëm nga shtëpia dhe iu bashkangjit shokëve të tijë.
Mitati u radhit në UÇPMB në fillim të daljes në skemë si vullnetarë kaloi në Brigadën 113 IbrahimFejzullahu ku u sistemua në batalionin e II-të pika e Bukocit.
Udhëhoqi me njësitin e vijës së parë të ndërrimit që mbrohej te Bria e Bukocit ishte gjithmonë aktiv në beteja edhe në betejëne fundit të Rahovicës.Ishte në vijëne parë në veri perëndim të fshatit Rahovicë ku ra Heroikisht me 14.05.2001

17.Bardhyl Bejtulla Osmani Kom. Delta i lindur me 16.06.1972–14.05.2001 Z.O.P.Brigada 113
Bardhyli ishte luftëtarë i ditëve të para të themelimit të UÇPMB-së.
Mori pjesë në luftën e UÇK-së në Pashtrik si snajperist në luftën e UÇPMB-së shërbeu në Brigadën 113 Ibrahim Fejzullahu ku e udhëhoqi në pikën e Shoshajës në kompaninë e
III-të në kuadër të batalionit të II-të të Brigadës 113 Ibrahim Fejzullahu mori pjesë në shumë beteja si në Shoshajë,Bukoc dhe Rahovicë.

18.Qenan Ibrahim Rahimi i lindur me 25.08.1978 - 22.04.2001 Z.O.P.Brigada 113
Qenani u radhit në UÇPMB në Brigadën 113 Ibrahim Fejzullahu ku më vonë sistemohet në batalionin e II-të të Brigadës 113 ku ishte me qëndrim në Bukoc.
Qenani ishte në vijën e parë mbrojtëse të pikës së Brijës udhëhiqte me njësitin e ndrrimit të tijë në pikën e Brijës.Bie Heroikisht po në këtë pikë me 22.04.2001,me rënjen e tijë batalioni I dhe II-të i Brigadës 113 merr emrin e dëshmorit të Kombit Qenan Rahimi.

19.Shaban Nefail Shahinii i lindur me 01.04.1975 – 13.05.2001 Z.O.P.Brigada 113
Shabani u rreshtua në Brigadën 113 Ibrahim Fejzullahu pran batalionit të II-të pika në Bukoc. Shabani e udhëhoqi skuadrën e tijë që përbëhej nga ushtarët për vëzhgim nga se ishte njohës i mirë i terenit ishte snajperist i mirë me armën që dispononte snajper 8mm.
Ra në betejën e Rahovicës me 13.05.2001.

20.Agim Qahil Halimi i lindur me 01.04.1967 – 13.05.2001 Z.O.P. Brigada 113
Agimi ishte aktiv gjatë daljes në skemë të UÇPMB-së u inkuadrua në Brigadën 113 Ibrahim Fejzullahu.Agimi vepronte në njësitet e organizuara në brendi të fshatit Rahovicë ku me betejën e fundit të Rahovicës bie në vijën e parë të mbrojtjes në para lagjen e Preshevës me 13.05.2001.

21.Hysen Niazi Salihu i lindur me 15.04.1979 – 11.05.2001 Z.O.P.Brigada 113
Hyseni rreshtohet në kuadër të Brigadës 113 Ibrahim Fejzullahu në batalionin e I-rë të kompanisë së II-të në Muaxhere si luftëtarë shërbeu deri në fund në mbrojtje të pikës së Muaxherës ishte luftëtarë i dalluar me qëndrimin e tijë besnik vullnetarë në shum aksione kundër armikut ra në datën 11.05.2001 në Muaxhere.


22.Artan Arif Abazi i lindur ………………………….- 18.02.2001 Z.O.D. Brigada 111
Artani si i ri i pa punë në Pranverë të vitit 2000 doli për të punuar në Gjilan dhe duke e pa
se bëhej pregaditja e UÇPMB-së ai iu bashkangjit shokëve të tijë dhe u kyç drejt për së drejti në radhët e UÇPMB-së në Brigadën 111 Fatmir Ibishi në Dobrosin.
Artani edhe pse ishte i ri kishte bindje të plotë për të luftuar ball për ball me armikun duke e mos dëgjuar anash për të u larguar nga UÇPMB-ja dhe ai ra Heroikisht në betejën në Lluçan të Bujanovcit me datën 18.02.2001.

23.Daut Sylejmani i lindur me 04.12.1984 – 23.03.2001 Z.O.D. Brigada 111
Dauti ishte banorë i fshatit Dobrosin dhe qysh në fillim të daljes në skenë UÇPMB-ja ai iu bashkangjit radhave në brigadën 111 Fatmir Ibishi.
Dauti kryente detyrat me nderë dhe sinqeritet deri rënjen e tijë me 23.03.2001.

24.Vebi Rexhepi i lindur me 27.02.1955 – 22.02.2001 Z.O.K. Brigada 112
Vebiu ështe i lindur në Konçul ku ishte edhe hyrja dhe dalja Kosov Luginë e Preshevës.
Pasi aty ishin forcat policore sllave ju bashkangjit forcave të UÇPMB-së dhe i shërbeu me nderë UÇPMB-së deri në fund të rënjes së tijë me 22.02.2001.

25.Berat Qani Sinani i lindur me 08.05.1983 – 12.05.2001 Z.O.D. Brigada 112
Berati në Pranverë të 2001 u rreshtua në Brigadën 111 Fatmir Ibishi.
Si luftëtarë ishte i mirë dhe kryente detyrat që ju besoheshin atij.Ra heroikisht me datën 12.05.2001 në Dobrosin.

26.Besim Nazmi Faiku i lindur me 07.03.1978 – 26.01.2001 Z.O.B.Brigada 112
Besimi u radhit në luftë në UÇPMB-së si vullnetarë kaloi në Brigadën 112 dhe me hyrjen në Tërrnoc qëndroi besnik ndaj shokëve dhe vendit të tijë deri në rënjen e tij me 26.01.2001.

27.Ridvan Hysen Qazimi Kom. Leshi i lindur me 04.04.1964-24.05.2001Z.O.B.Brigada 112
Ridvani qysh në luftën e UÇK-së ishte aktiv dhe bënte furnizimin me mjete ushtarake me veshmbathje të tjera UÇK-së dhe pas mbarimit të luftës së UÇK-së vazhdoi aktivitetet e tija për pregaditjen dhe themelimin e UÇPMB-së.
Ridvani ishte ndër të parët që mirte aksione në betejat kundër forcave Serbe dhe njëra ndër më të sukseshsmet ishte ajo që shporri forcat Sllave jasht pozicioneve të tyre dhe hyri në Tërrnoc ku edhe u prit me kënaqësi nga popullata vendore.
Ridvani ishte edhe negociatorë me Ndërkombëtarët dhe Serbët për demilitarizimin dhe ndërprerjen e luftës.Mbas demilitarizimit me 24 Maj 2001 u vra në mënyrë tradhëtare nga forcat Serbe.

14/02/2015

Sot në qytetin e preshevës një ditë me diell,një ditë tregu dhe dita e të dashuruarve!

13/02/2015

Gati për nisje drejt shqipërisë,mirënjohje për të gjith kontribuesit (OJQ),biznesët,ZPR, forumet rinore si dhe qytetarët e Luginës se preshevës zoti i shpërbleft të gjithë ata që ndihmuan aksionin e madh humanitar.

13/02/2015

FLAMURI I KOSOVËS NË INDI