Shkolla Fillore "Selami Hallaçi"

06/06/2026

Semimatura 2026

06/06/2026

02/06/2026

Disa momente festive për nder të 1 qershorit dhe festës së abetares të cilat në shkollë u manifestuan me nje aktivitet me vjersha, këngë e valle.
Falenderim për mesuesen Feime Ajdini Asani për organizimin e festës së abetares si dhe Uran Abazii per muzikën.

07/05/2026

Një donacion shumë domethënës ka ardhur në shkollën tonë. Bashkatëdhetari ynë Muhamed Ahmeti nga fshati Rahovicë ka dhuruar reflektorët për ndriçimin e sallës së edukatës fizike. Ky donacion është shumë domethënës dhe i mirëseardhur për ne dhe nxënësit tanë. Tani nxënësit kane kushte shumë më të mira për zhvillimin e orës së edukatës fizike dhe aktivitete të tjera mësimore.
Fakenderojmë nga zemra Z. Muhamed Ahmetin për këtë kontribit të vyer.
Poashtu falenderojme edhe arsimtarin e shkollës sonë Arben Çoti i cili bëri montimin dhe vënien në funksion të reflektorëve falas.

Shkolla është e jona dhe ne të gjithë duhet të kujdesemi për të, andaj çdo kontribut i juaji në të mirë të shkollës dhe nxënësve tanë do të jetë gjithmonë i mirëseardhur e ne do ju jemi shumë mirënjohës.

25/04/2026

Për nder të "Ditës Botërore të Librit dhe të Drejtës së Autorit" në ambientet e shkollës u organizua orë letrare me pjesmarrjen e përfaqësuesve nga Shoqata e Shkrimtarëve"FENIKS"
Kryetari i Shoqatës, prof.Avni Shaqiri, foli në pika të shkurtëra për këtë datë, për librin e shkrimtarët, për shkrimet, botimet, sfidat e problemet me të cilat ballafaqohen si libri ashtu edhe autorët-shkrimtarët. Poashtu ai foli për të drejtat autoriale, mbrojtjen e autorësisë etj.
Para nxënësve nga poezitë e veta lexuan anëtarët e Shoqatës:Jalldëze Kosumi, Bilall Maliqi, Valbona Hasani, Avni Shaqiri, Samanta Rash*ti dhe Riolt Ahmeti.
Në kuadër të këtij manifestimi u bë edhe perurimi i librit të dytë të autores Samanta Rash*ti, nxënëse e klasës së katërt në shkollën tonë.
Përurimin e udhëhoqi nxënësi Blerand Limani.
Në fjalën përshëndetëse drejtori i shkollës, Prof. Amir Sylejmani, përshëndeti të pranishmit duke u uruar mirëseardhje. Ai përgëzoi punën krijuese të Samantës duke i dëshiruar suksese në të ardhmen dhe inkurajoi nxenësit e pranishëm që ta kenë si shembull Samantën për mësim e krijimtari letrare.
Në lidhje me librin më gjerësisht foli redaktori i librit,z.Bilall Maliqi,i cili para të pranishmëve diskutoi mbi librin e Samantës, motivet që janë brenda librit dhe cilësinë e poezive, duke theksuar se autorja ka rritur vlerën e vet letrare nga libri i patë,meqë ky është i dyti.
Edhe kryetari i Shoqatës prof.Avni Shaqiri ngriti lart punën krijuese të Samantës, duke inkurajuar autoren për vazhdimin e rrugëtimit në fushën e krijimtarisë letrare.
Për librin foli edhe lektori i librit, mësuesi Fitim Mehmeti i cili uroi e lavdëroi Samantën për punën që bënë në fushën e krijimtarisë letrare.
Në emër te familjes, z.Nexhbedin Rash*ti, gjyshi i autores njëherit edhe korrektor i librit, të pranishmit i përshëndeti dhe i falënderoi përzemërsisht duke theksuar se sa krenar ndihet ai dhe familja me punën krijuese të vogëlushes .
Nga libri i autores poezi lexuan nxënësit:Edenjë Sadullahu,Soreja Fazliu,Era Latifi,Dorela Bislimi,Ajla Bislimi,Riga Hyseni dhe Era Bilalli.
Në fund fjalën e mori Samanta e vogël, autorja e librit e cila nga zemra i pershëndeti të pranishmit dhe i falënderoi të gjithë për nderin dhe respektin qe treguan me prezencën e tyre. Ajo premtoi se do ta vazhdojë punën krijuese me shumë përkushtim dhe dashuri.
Në fund, prindërit e Samantës falenderuan përzemërsisht të pranishmit duke i dhuruar nga një kopje të librit më të ri të autores. Ky organizim u mbyll me një koktej rasti të përgatitur nga familja e Samantës.

Rahovicë
23.04.2026

22/04/2026

Gjatë fundjavës së shkuar, së bashku me nxënësit e klasës së tetë, organizuam nje ecje (hiking) deri në fshatin Gare. Qëllimi i këtij organizimi ishte njohja me fshatrat e malsisë, bota bimore e shtazore si dhe shikimi nga afër i bukurive natyrore të vendit tonë. Gjatë rrugës nxënësit patën mundësi të shijojnë rrezet e diellit të pranverës. Vizituam xhaminë e fshatit Gare si dhe pamë gërmadhat e shtëpive të vjetra karakteristike të fshatrave malorë.
Nuk mungoi edhe befasia.
Z. Bekim Hyseni si dhe zonja Florentina na pritën në shtëpinë e tyre malore. Ata kishin përgatitur për ne ushqime të ndryshme tradicionale si fli e ushqime skare. Bujaria e tyre na la mbresa të jashtzakonshme. I falenderojmë nga zemra për mikpritjen shqipëtare që na e bënë. Në oborrin e shtëpizës së tyre kaluam çaste të bukura. Poashtu falenderim i veçantë edhe për Z. Besnikun i cili nxënësit dhe arsimtarët shoqërues i freskoi me akullore në shtëpizën përrallore që kishte ngritur në Gare.
Kjo vizitë ishte e para e llojit e organizuar nga shkolla por shpresojmë që nuk do të jetë e fundit. Organizime të tilla na nevojiten për të treguar rëndësinë e ruajtjes së trashegimisë dhe traditës sonë kombëtare.

07/04/2026

Shkolla jonë “Selami Hallaçi” arriti vendin e parë në garat komunale të volejbollit, duke treguar traditën e gjatë që fshati ynë ka në këtë sport, ku breza të tërë kanë shkëlqyer.

Profesori i edukatës fizike, Ibrahim Halimi, dhe drejtori Amir Sylejmani i përgëzuan nxënësit për këtë sukses dhe i inkurajuan për arritje të reja.

06/04/2026

Valle shqipe. Luajtur nga nxënësit tanë gjatë manifestimit te ditës së shkollës.
Falenderim i veçantë për arsimtarët Uran Abazii dhe koreografi Astrit Ramizi per punën e shkëlqyer

03/04/2026

Nje skeç me domethenie të madhe i realizuae nga nxënësit tanë nën kujdesin e arsimtares Ardita Iseni-Limani për nder të ditës së shkollës

03/04/2026

Fjala pershendetëse e drejtorit të shkollës prof. Amir Sylejmani me rastin e festës së shkollës