25/01/2026
Të nderuar bashkëfshatarë!
Sigurisht jeni të njoftuar që aktualisht është duke u bërë aplikimi për legalizimin e objekteve të ndërtuara pa leje të ndërtimit, në kuadër të Ligjit “Svoj na svome”.
Ju apelojmë që ta shfrytëzoni këtë mundësi ligjore dhe të aplikoni për legalizimin e objekteve tuaja të pa legalizuara, pasi ky proces ju siguron rregullim juridik të pronës dhe ju mbron nga pasiguria ligjore në të ardhmen, pasi mund të jetë mundësia e fundit për legalizimin e objekteve të ndërtuara pa leje tëndërtimit.
Pavarësisht që nuk i keni të rregulluara çështjet pronësore, aplikimi mund të bëhet pa kurrëfarë pengese. Mjafton të nxirret një Listë e patundshmërisë (listë poseduese) për parcelën në të cilën ndodhet objekti juaj i palegalizuar, të keni letërnjoftimin me afat, si dhe një numër telefoni dhe adresë të e-mailit.
Aplikimi mund të bëhet personalisht, ndërsa ata që nuk kanë mundësi teknike apo nuk dinë se si të aplikojnë, mund të drejtohen në administratën komunale në Preshevë, ku do të marrin asistencën e duhur.
Legalizimi ju mundëson:
• siguri juridike për pronën tuaj,
• mundësi për trashëgimi, sh*tje apo investime,
• kyçje në infrastrukturën komunale,
• përfitimin e adresës (numrit postar),
• rregullimin më të lehtë të dokumenteve të identifikimit dhe udhëtimit.
Aplikimi ka filluar më 8 dhjetor 2025 dhe do të zgjasë deri më 5 shkurt 2026.
Me qenë se afati për aplikim është në fazën përfundimtare, ju sugjerojmë që aplikimin ta bëni sa më parë, pasi kjo mund të jetë mundësia e fundit për aplikim për legalizimin e objekteve.
Mos e lini për nesër atë që mund ta rregulloni sot – legalizimi i pronës suaj është investim për ju dhe për brezat që vijnë.
⏰ Afati për aplikim për legalizimin e objekteve 🏠 pa leje është në përfundim!
📅 Aplikimi zgjat vetëm deri më 5 shkurt 2026.
⚠Kjo mund të jetë mundësia e fundit për legalizim.
👉 Aplikimi mund të bëhet edhe nëse nuk i keni të rregulluara çështjet pronësore.
👉 Dokumentet e nevojshme: letërnjoftimi, lista poseduese, telefoni dhe e-mail adresa.
👉 Për asistencë, mund të drejtoheni në administratën komunale në Preshevë.
Legalizoni pronën tuaj sot – siguroni të ardhmen tuaj dhe të familjes suaj!
Me respekt,
Bashkësia Lokale Norçë
