Əziz və hörmətli Kiprdə təhsil alan və məzun olmuş həmvətənlərimiz,
Bir neçə ildir ki, müzakirə olunan Kiprdə təhsil alan və məzun olmuş azərbaycanlı tələbələrin vahid təşkilat ətrafında birləşməsi məsələsi öz həllini tapmışdır. Belə ki, 19 may 2014-cü il tarixində Şimali Kipr Türk Cümhuriyyətinin paytaxtı olan Lefkoşada həyata keçirilən iclas yekununda Azərbaycan-Kipr Tələbə Assosiasiyası (Azerb
aijan Student Association in Cyprus - ) qurulması haqda yekdilliklə qərar qəbul olunmuşdur. Bugündən etibarən Kiprdəki azərbaycanlılar vahid ad (ASAC) altında Azərbaycanı təmsil edib və Azərbaycançılıq fəlsəfəsini ən layiqli şəkildə yaşatmaq uğrunda birlikdə fəaliyyət göstərəcəklər. Vətənə və millətə xeyirli olsun deyir, ASAC-ın Kiprdəki 3 universitet üzrə fəaliyyətə başlamış prezidentlərini Sizlərə təqdim edirik:
Doğu Akdeniz Universiteti - Toğrul İbrahimli;
Yakın Doğu Universiteti - Rizvan Allahverdiyev;
Uluslararası Kıbrıs Universiteti - Mugaddas Abbasov. QEYD: Şübhəsiz ki, fəaliyyət planında Kiprdəki həmvətənlərimizin təhsil aldığı digər universitetlər - GAÜ, LAÜ, ODTÜ və s. Bu işdə bizlərdən öz dəstəyini əsirgəməmiş Gökhan Gülerə xüsusi minnətdarlığımızı bildirir və fəal tələbələrimizdən olan Raul Masum, Toghrul Abbasov və Rahim Davudovun əməyini qeyd edib təşəkkürlərimizi bildirmək istərdik.
Ən yaxın gələcəkdə təşkilatın rəsmi veb-səhifəsinin açılışı ilə bərabər sizləri ASAC-ın missiyası, vizyonu, strukturu ve nizamnaməsi ilə tanış edəcəyik.
