Embassy of Kosovo in Prague

30/08/2026

29/08/2026

🇽🇰Përvoja e Kosovës në dokumentimin e krimeve të luftës u prezantua në Pragë - në kuadër të Shkollës Ndërkombëtare Verore

Në edicionin e 17-të të Shkollës Verore për mësuesit e historisë, shkencave humane dhe shoqërore, kushtuar temës “Evropa Qendrore-Lindore 1939–1989”, Kosova u përfaqësua nga Dr. Atdhe Hetemi, Drejtor Ekzekutiv i Institutit të Krimeve të Kryera gjatë Luftës në Kosovë.

Me temën “Comprehensive and Interdisciplinary Approaches to War Crimes Documentation”, Dr. Hetemi prezantoi përvojën e Kosovës në dokumentimin e krimeve të kryera gjatë luftës, duke theksuar rëndësinë e metodologjive ndërdisiplinore dhe të një dokumentimi të verifikuar, profesional e të qëndrueshëm.

Një dimension i rëndësishëm i ligjëratës ishte lidhja ndërmjet dokumentimit, kujtesës kolektive dhe edukimit, si dhe roli i dëshmive dhe materialeve arkivore të verifikuara në hulumtim, drejtësi dhe mësimdhënien e historisë së afërt dhe të kontestuar.

Shkolla u organizua nga Instituti për Studimin e Regjimeve Totalitare (ÚSTR), në bashkëpunim me European Network Remembrance and Solidarity (ENRS) dhe Muzeun e Kujtesës së Shekullit XX, me pjesëmarrjen e ekspertëve nga vende të ndryshme evropiane 🇽🇰🇨🇿🇸🇰🇵🇱🇭🇺🇺🇦🇷🇴.

Pjesëmarrja e Kosovës u realizua në kuadër të bashkëpunimit të vazhdueshëm të Ambasadës me institucionet organizatore.

Për Kosovën, kjo është më shumë se një mundësi për të ndarë përvojën tonë. Është një mundësi për të dëshmuar historinë dhe të vërtetën e luftës sonë.

27/08/2026

Një tjetër moment krenarie për sportin e Kosovës.

Donjeta Sadiku ka fituar medaljen e artë në boks në kategorinë deri në 60 kg në Lojërat Mesdhetare “Taranto 2026”. Në finale, ajo triumfoi ndaj Kristina Kuluhovës, e cila garoi për Serbinë.

Urime Donjetës dhe trajneres së saj, Marjola Sallauka, për këtë arritje të jashtëzakonshme. Një tjetër dëshmi e talentit, punës dhe përkushtimit, që i japin sportit të Kosovës gjithnjë e më shumë peshë në arenën ndërkombëtare.

15/08/2026

Shtetasit të Kosovës, Dukagjin Maxhuni i caktohen 30 ditë paraburgim në Beograd

Ministria e Punëve të Jashtme dhe Diasporës njofton se autoritetet gjyqësore të Serbisë kanë iniciuar procedurë penale ndaj shtetasit të Republikës së Kosovës, Dukagjin Maxhuni, të cilit i është shqiptuar masa e paraburgimit prej 30 ditësh me pretendime për krime lufte të vitit 1999.

Ministria e Punëve të Jashtme dhe Diasporës, përmes Zyrës Ndërlidhëse të Republikës së Kosovës në Serbi, ka njoftuar menjëherë Delegacionin e Bashkimit Evropian në Serbi, si dhe ka dërguar notë verbale pranë misioneve diplomatike të vendeve të Quint-it të akredituara në Serbi, me qëllim sigurimin e angazhimit të partnerëve ndërkombëtarë në mbrojtje të të drejtave dhe sigurisë së shtetasit të Republikës së Kosovës.

Ambasadori i Republikës së Kosovës në Serbi, z. Jetish Jashari, është në kontakt të vazhdueshëm me familjen e të arrestuarit dhe përmes Zyrës Ndërlidhëse, do të procedojë me paraqitjen e kërkesës zyrtare për lejimin e vizitës ndaj shtetasit Maxhuni. Vizita pritet të realizohet gjatë javës në vijim.

Ministria e Punëve të Jashtme dhe Diasporës, përmes Zyrës Ndërlidhëse në Serbi, do të vazhdojë monitorimin e afërt të këtij rasti dhe do të ndërmarrë të gjitha veprimet e nevojshme diplomatike për mbrojtjen e të drejtave të të gjithë shtetasve të Republikës së Kosovës.

13/08/2026

🇽🇰9th Ambassadors’ Conference
“Kosova in a Changing World: Security, Partnership and Development”