Konsullata e Përgjithshme e Republikës së Kosovës në Stuttgart

27/08/2026

Një lajm i rëndësishëm për Republikën e Kosovës dhe komunitetin tonë në Baden-Württemberg!

Me Dekret të Ushtrueses së Detyrës së Presidentes së Republikës së Kosovës, znj. Albulena Haxhiu, është ngritur niveli i përfaqësimit të misionit tonë nga Konsullatë e Republikës së Kosovës në Shtutgart në Konsullatë e Përgjithshme e Republikës së Kosovës në Shtutgart.

Ky është një moment i rëndësishëm institucional dhe përbën një vlerësim për punën, përkushtimin dhe rezultatet e arritura gjatë viteve të fundit. Përmes angazhimit profesional, bashkëpunimit të ngushtë dhe përfaqësimit dinjitoz të Republikës së Kosovës, kemi arritur të forcojmë pozitën dhe rolin e misionit tonë konsullor në Baden-Württemberg dhe më gjerë.

Statusi i ri na motivon dhe njëkohësisht na obligon të vazhdojmë me edhe më shumë profesionalizëm, përgjegjësi dhe përkushtim në shërbim të qytetarëve tanë dhe të interesave shtetërore.

Faleminderit për besimin dhe mbështetjen!

17/08/2026

Me qëllim të rritjes së bashkëpunimit me institucionet lokale në Baden-Württemberg, udhëheqësi i Konsullatës së Republikës së Kosovës në Shtutgart, z. Hamdi Bërbatovci, u prit në takim nga Kryetari i qytetit të Esslingenit, z. Matthias Klopfer.

Gjatë takimit u diskutua për bashkëpunimin në fushen e ekonomisë dhe kulturës, organizimin e aktiviteteve të përbashkëta, si dhe mësimin plotësues në gjuhën shqipe. Po ashtu, u bisedua për komunitetin kosovar dhe kontributin e tyre në qytet.

Falënderojmë Kryetarin z. Matthias Klopfer për pritjen dhe gatishmërinë për të vazhduar bashkëpunimin edhe në të ardhmen. 🇽🇰🇩🇪

10/08/2026

06/08/2026

Në kuadër të vizitave të rregullta me institucionet lokale në Baden-Württemberg, udhëheqësi i Konsullatës së Republikës së Kosovës në Shtutgart, z. Hamdi Bërbatovci, u prit në takim nga Kryetari i qytetit të Calw-it, z. Florian Kling.

Gjatë takimit u diskutua për mundësitë e bashkëpunimit në fushat e ekonomisë, arsimit dhe kulturës, si dhe për forcimin e lidhjeve ndërmjet shkollave, bibliotekave dhe bizneseve. Po ashtu, u bisedua për komunitetin tonë në qytetin e Calw-it dhe mundësitë e zgjerimit të bashkëpunimit ndërmjet këtij qyteti dhe komunave të Republikës së Kosovës.

Falënderojmë Kryetarin z. Florian Kling për pritjen, dhe gatishmërinë për të vazhduar bashkëpunimin edhe në të ardhmen. 🇽🇰🇩🇪

04/08/2026

Në qytetin e Winnendenit u mbajt festa tradicionale “City Treff”, ku nxënësit e Shkolla shqipe në Winnenden “Naim Frashëri” u paraqitën me valle tradicionale dhe veshje kombëtare, duke prezantuar me krenari kulturën shqiptare.

Në emër të Konsullatës së Republikës së Kosovës në Shtutgart, mori pjesë diplomati z. Gramoz Berisha, i cili falënderoi mësuesen znj. Femije Hoxha dhe z. Besnik Hoxha për punën dhe përkushtimin e tyre në ruajtjen e gjuhës dhe kulturës shqiptare në mërgatë.

Gjatë aktivitetit u shpërndanë edhe certifikatat për nxënësit që përfunduan me sukses mësimin plotësues të gjuhës shqipe për vitin shkollor 2025/2026. 📚

Falënderojmë mësuesit, nxënësit dhe prindërit për angazhimin dhe mbështetjen e tyre. Suksese të gjithëve!

31/07/2026

Përfundimi i vitit shkollor dhe shpërndarja e certifikatave në Shkollën Shqipe “Ardhmëria”

Me rastin e përfundimit të vitit shkollor, zëvendëskonsullja, znj. Shpresa Rama Iseni, mori pjesë në ceremoninë e shpërndarjes së certifikatave për nxënësit e Shkollës Shqipe “Ardhmëria” në Schwäbisch Gmünd.

Me këtë rast, znj. Rama Iseni theksoi rëndësinë e mësimit plotësues në gjuhën shqipe në diasporë. Ajo falënderoi mësuesen, znj. Egzona Ukshini Mustafa, koordinatorët dhe Këshillin e Prindërve për angazhimin e tyre, si dhe përgëzoi nxënësit për përkushtimin dhe suksesin e treguar gjatë vitit shkollor.

28/07/2026

Përfundimi i vitit shkollor dhe shpërndarja e certifikatave në Shkollën Shqipe “Abetarja”

Udhëheqësi i Konsullatës së Republikës së Kosovës në Shtutgart, z. Hamdi Bërbatovci, me kënaqësi ua dorëzoi certifikatat nxënësve të Shkollës Shqipe “Abetarja” në Leinfelden-Echterdingen, me rastin e përfundimit të vitit të parë shkollor.

Me këtë rast, z. Bërbatovci vlerësoi angazhimin e mësueseve znj. Mirjetë Gashi dhe znj. Antigona Hoxha Sopa, koordinatorit z. Fitim Gashi, dhe Këshillit të Prindërve për punën dhe përkushtimin e tyre, si dhe përgëzoi nxënësit për interesimin dhe përkushtimin në mësimin e gjuhës shqipe. Ai ritheksoi mbështetjen e vazhdueshme të Konsullatës për nismat që kontribuojnë në ruajtjen e gjuhës shqipe te fëmijët në diasporë.

Prindërve dhe fëmijëve u urojmë pushime të mbara dhe të këndshme në Kosovë.

27/07/2026

Me ftesë të Konsullit të Përgjithshëm të SHBA-së në Frankfurt, z. Brian Heath, udhëheqësi i Konsullatës, z. Hamdi Bërbatovci, së bashku me konsullen, znj. Arbrie Shabani, morën pjesë në pritjen e organizuar me rastin e 250-vjetorit të Pavarësisë së Shteteve të Bashkuara të Amerikës dhe 80-vjetorit të America House / DAZ në Shtutgart.

Me këtë rast u përcollën urimet më të sinqerta për Shtetet e Bashkuara dhe popullin amerikan.

Në këtë aktivitet morën pjesë përfaqësues të institucioneve gjermane, përfaqësues të trupit diplomatik dhe konsullor të BW, si dhe personalitete nga fusha të ndryshme të jetës publike.

23/07/2026

Festivali “Sommerfestival der Kulturen” në Shtutgart

Në Shtutgart u mbajt edicioni i radhës i “Sommerfestival der Kulturen”, një nga festivalet më të mëdha dhe më të rëndësishme ndërkulturore në Gjermani, i cili çdo vit mbledh mijëra vizitorë dhe dhjetëra komunitete nga mbarë bota për të promovuar kulturën, traditat dhe diversitetin.

Në kuadër të këtij festivali, shoqata “Ansambli Pavarësia” së bashku me Konsullaten tonë, mori pjesë me një stendë promovuese, ku vizitorët patën mundësinë të njihen më nga afër me potencialin turistik dhe ekonomik të Kosovës. Në stendë u prezantuan verëra të prodhuara në Kosovë, materiale promovuese për turizmin, mundësitë për investime, si dhe sektorë strategjikë të ekonomisë, ICT, industrinë e përpunimit të drurit dhe sektorin minerar.
Pjesë e prezantimit ishin edhe punimet e Qendrës për Promovimin e të Drejtave të Grave (QPDG), të cilat përcjellin historitë dhe qëndresën e të mbijetuarave të dhunës seksuale gjatë luftës së fundit në Kosovë.

Falënderojmë Shoqatën “Ansambli Pavarësia”, kryetarin e saj z. Baki Mustafi, si dhe drejtoreshën e Forum der Kulturen Stuttgart, znj. Alina Papagiannaki-Sönmez, për bashkëpunimin dhe mundësinë që Kosova të prezantohet në këtë festival.