Lajmi yt

18/06/2026

18/06/2026

Detyrimi për dorëzimin e deklaratës i takon kryesisht transportuesit, por ajo mund të dorëzohet edhe nga përfaqësuesi i tij, marrësi i mallit ose një person tjetër i autorizuar. Për dorëzimin e deklaratës, transportuesi, deklaruesi dhe përfaqësuesi duhet të kenë një numër aktiv EORI të regjistruar në Bashkimin Evropian.

18/06/2026

Ka mbyllur sytë përgjithmonë në moshën 79-vjeçare, aktori dhe regjisrori i njohur i kinematografisë shqiptare, Gjergji Lala. Ai mësohet se ka humbur jetën në një spital në Itali, pas një sëmundjeje me të cilën po përballej prej kohësh.

Lala do të mbetet gjatë në kujtesën e shqiptarëve për kontributin e thellë në skenën dhe ekranin shqiptar, ku la pas një karrierë të vlerësuar. Roli i tij më i përmendur është ai i Mihal Grmanos në filmin “Liri a Vdekje”. Vitet e fundit i kaloi në Itali ku edhe u angazhua me filma të ndryshëm.

18/06/2026

Parlamenti Europian ka rrëzuar amendamentin e paraqitur nga eurodeputetja italiane Ilaria Salis dhe disa anëtarë të grupit politik The Left, i cili synonte të përfshinte në rezolutën për Shqipërinë një referencë të drejtpërdrejtë ndaj projektit turistik në ishullin e Sazanit dhe zonën e mbrojtur të Vjosë-Nartës.

Amendamenti i depozituar më 10 qershor 2026 në kuadër të raportit për Shqipërinë të hartuar nga eurodeputeti Andreas Schieder, kërkonte që, përveç kritikave ndaj ligjit shqiptar për Investimet Strategjike dhe ndryshimeve në ligjin për Zonat e Mbrojtura, të shtohej edhe një paragraf i posaçëm për projektin e zhvillimit turistik në Sazan.