01/11/2017
نصيحة لجميع الناس... الكل معني
نظرا لما نراه يوميا من تصرفات على مستوى الطريق من عدم احترام قوانين المرور.... سواء الراجلين او السيارات و الشاحنات و مستعملي الطريق.
-بالنسبة للراجلين و خاصة النساء. الرجاء الالتفات يمينا و يسارا قبل قطع الطريق و انتظار الضوء المناسب في حالة وجود اضواء مرورية ( ماشي تشوفو الضوء اخضر للسيارات و الناس تجي قاطعة الطريق و تعطل حركة المرور)
الرجاء من الراجلين قطع الطريق في الاماكن المخصصة لذلك و يجب ايضا لمستعملي السيارات احترام الراجلين اثناء قطعهم الطريق (ماشي تشوفو الناس قاطعة الطريق في ممر الراجلين و اصحاب السيارات يفوتو يجرو)
-بالنسبةلاصحاب السيارات اثناء الاشارات المرورية (ماتقلعش قبل مايشعل الضوء الاخضر. كاين لي قبل مايشعل ب 3 او 4 ثواني يديماري... هادوك 3 ثواني دايرينهم على جال مفترق الطرق يكون فارغ و امباعد الاشارة الخضراء. هكذا باش الرومبوا ماتتسكرش)
و ايضا في مفترق الطرق... لي داير لليمين يحكم اليمين تاعو و لي رايح لليسار يحكم اليسار التاعو... خلونا من هذيك تاع واحد تلقاه من جهة اليسار و في لحظة يدير الاشارة لليمين.......
و مسافة الامان. في المدينة...... يا جماعة بعدو شوية على بعضاكم.... خمم في سيارتك وكان يحبس لي قدامك راك تخصرها وممكن توقع مناوشات...
الرجاء مشاركة و نشر هذا الموضوع فكلنا معنيون بهذا... و شكرا