الكنيسية جوهرة الآثارالرومانية تبسة

الكنيسية جوهرة الآثارالرومانية تبسة نحن مجموعة من الشباب و سكان الحي نعمل على تحسين المحيط الخارجي للآثار الرومانية الكنيسة ونشر الوعي

03/09/2026

الايام كل نهار و كيفاه....
اليوم في حيينا عرس و غناء و فرح و بداية مرحلة جديدة في جهة و في جهة اخرى جنازة و حزن و بكاء...
تذكرت هذه الاية من كلام الله تعالى : إن يمسسكم قرحٌ فقد مس القوم قرحٌ مثله وتلك الأيام نداولها بين الناس ... )
رب يفرح اصحاب الفرح و تعازينا الخالصة لاهل الميت و رحمه الله رحمة واسعة و اسكنه فسيح جنانه

اكبر ملوث للبيئة.....للاسف هذا واش تعلمنا نديرو الكليماتيزور تبرد مكان صغير و تلوث البيئة الكل....تفوت عليه ما تقدرش تتخ...
03/09/2026

اكبر ملوث للبيئة.....
للاسف هذا واش تعلمنا نديرو الكليماتيزور تبرد مكان صغير و تلوث البيئة الكل....
تفوت عليه ما تقدرش تتخيل السخانة اللي يخرجها للمحيط
يعني تبرد مكان صغييير خلاص و تهرد في الطبيعة و الكون....
اللي يحب الجو المعتدل يروح يغرس الاشجار راكم هلكتو البيئة
المفروض سبتمبر دخل و درجات الحرارة اعتدلت نحبسو إستعمال هذا الملوث....

يرحم من جابك ...اليوم خرجت نتنفس شويا ڨدام الدار بعد السخانة و الغمة تاع الصباح لفت انتباهي هذا الشاب يسقي في الاشجار با...
31/08/2026

يرحم من جابك ...
اليوم خرجت نتنفس شويا ڨدام الدار بعد السخانة و الغمة تاع الصباح لفت انتباهي هذا الشاب يسقي في الاشجار بالبيدون يجيب من الدار و يسقي فيهم لانهم المدة الاخيرة عطشو صح و اللي موالف يجينا و يصبر علينا نسقو ما جاناش لانو معظم اصحاب السيترنات يحب يعمر و يفرغ ما يبقاش يدور معاك ....
المهم الجزائر فيها رجال و حرائر يطلعو النهار رب يحفظهم و يبارك فيهم و يحفظ بلادنا الجزائر من الخونة و كيد الكائدين

نحب تحسن وضعك المادي!!!!!!؟؟؟؟من اجمل العبارات اللي قريتها وانا اتعلم اللغة الانجليزية هذه المقولة اللي تعود إلى ملياردي...
26/08/2026

نحب تحسن وضعك المادي!!!!!!؟؟؟؟
من اجمل العبارات اللي قريتها وانا اتعلم اللغة الانجليزية هذه المقولة اللي تعود إلى ملياردير اميركي تقول كلما تعلمت اكثر كسبت او ربحت اكثر و فعلا انا حسب رايي اللي حب يريڨل امورو ماديا عليه بتعلم مهارات هو و ميولاتو و ما يحب تقدر تكون علم و تقدر تكون حرفة باهية دخلك الدراهم ك ميكانيكي، كهربائي، بلومبي طباخ، تقدر تتعلم تطبيق و الا مهارة في الاعلام الآلي، مدرب.، تتعلم نركب كليماتيزور ب 600 الف ههههن....
المهم كي يكون عندك مشكل مادي روح اتعلم ما تبقاش تشكي شوف الحاجة اللي تمشي و اتعلمها ..
و مايعجبني كثيرا كاين نساء رب يبارك انجزو مشاريع صغيرة في البيت و يطورو فيها و دخلو معاهم عاملات و امورهم تتحسن الحمد لله و يقدمون في اضافة...
هيا حتى انت خميس حبس من الشيشة و الشكايات و روح اتعلم حرفة تعيل بيها نفسك و تقدم خدمة للمجتمع بمقابل....

نرجو تدخل سونلغاز تبسة....سلك كهربائي قد يشكل خطر كبير على اللي يفوت من هذا المكان و ما يشوفوشو نرجو تدخل المصلحة المسؤو...
24/08/2026

نرجو تدخل سونلغاز تبسة....
سلك كهربائي قد يشكل خطر كبير على اللي يفوت من هذا المكان و ما يشوفوشو نرجو تدخل المصلحة المسؤولة العنوان حي الزهور وين عمارة قبلضة الضرائب...

نصيحة لصاحب مشروع تهيئة محيط السور البيزنطي....منذ عدة أيام و انا حاب نكتبلك فيما يخص المساحة الخضراء اللي راكم تخدمو في...
24/08/2026

نصيحة لصاحب مشروع تهيئة محيط السور البيزنطي....
منذ عدة أيام و انا حاب نكتبلك فيما يخص المساحة الخضراء اللي راكم تخدمو فيها...
من ردك في صفحة عَقليّة تبسيّة عرفت انك تهتم برأي المجتمع المدني وهاذي حاجة مليحة و نادرة و كذلك اللي فهمت من ردك انكم جربتو اشجار ما صلحتش مع مناخنا و كذلك لازم تعرف انو صعيييب ياااسر غرس الاشجار في هذه الفترة من الزمن سخانة تفوق الربعين درجة يعني من هدرتك من يقوم بالغرس راه يجرب في الاشجار ماهوش مختص في مجال البستنة. لانها راهي قراية و علم مثلها مثل باقي العلوم يعني فيها دراسة المناخ اختيار نمط البستنة (المودال) اندلسي، فرنسي، انجليزي، الزان الياباني... و بالطبع حاجة تكون تخرج على معلم اثري مثل باب كراكلا و السور البيزنطي....
ما لاحظته في انجازكم لهذا المشروع إستعمال كما قلت اشجار غير متحملة و كذلك غرس عشوائي للاشجار كالجاكرندا و الميموزا !!!!... وكذلك المسافات بين الاشجار ميترتين !!!!!! هكذا بعد ما تكبر الاشجار رايحة تعود غابة ميموزا و جاكرندا و تعود لا منظر لا أثار لا دقة لا جمال لا فخامة لا انجاز يذكر....
فنصيحتي اخي الفاضل روح جيب مختص و الا مهندس من تونس و يقدر حتى يخدملك عن بعد تبعثلو المشروع يعطيك حاجة من الاخر بمقابل هنا بصراحة ما عندناش مختص في هذا المجال و عندو انجازات في المستوى...
وهكذا نحنا نربحو معلم حطة و كلاس و انت تربح حسن الانجاز....
اما تاع او يجرب في الشجر اللي تحمل اخطاك منو...
شكرا صاحب المشروع على سعة صدرك لهذا المنشور
صور مرفقة منشور عقلية تبسية، المشروع، انماط البستنة

الصيف تعاود من جديد رب يقدر الخير برك !!!!!الجماعة اللي ما تحملش السخانة العام هذا عامكم.... درجات الحرارة مرتفعة الايام...
23/08/2026

الصيف تعاود من جديد رب يقدر الخير برك !!!!!
الجماعة اللي ما تحملش السخانة العام هذا عامكم.... درجات الحرارة مرتفعة الايام القادمة اتولهوا اقضو قضياتكم الصباح بكري و العشرة الدار....

23/08/2026

هذا علاه تبسة صفرا......
من بين اسباب نقص الغطاء النباتي في تبسة هو عدم الاهتمام اصلا بهذا المجال في ولايتنا حتى في المشاريع للأسف تأخذ اموال من ميزانية الولاية و في انجاز المشاريع تغرس اشجار و نباتات و عشب يفوت بيها المشروع و بعدها تموت لان البيئة ما تهمناش....
فمثلا مشروع تهيئة طريق قسنطينة أين تم غرس شجيرات عاشت شهرين و بسبب الاهمال يبست كل للأسف !!!!!
تعرف واش درت هزيت اموال الشعب و روحت للمشتلة اين كانت اشجار خضراء تسبح الله تشريها بالصوارد تغرسها في مكان ما و ما تسقيهاش حتى ت....موت!!!!!!! و الله ياسر صح....
و بالطبع كاين أفراد متطوعين اما هذا لا يكفي في ولاية شاااااسعة
نتمنى نهتم أكثر بمجال البيئة راهي في حالة تبسة...
و يجي يڨلك تبسة لم تنل حظها ههههه الصوارد اللي تم تبذيرها في تبسة بلا فايدة يعلم بيها ربي لان المراقب لا يراقب

مهارة اتقان لغة اجنبية.....نظن انها من اهم المهارات اللي تقدر تغير حياة الفرد صغير و الا كبير تقدر تزيد من حظوظك من اجل ...
22/08/2026

مهارة اتقان لغة اجنبية.....
نظن انها من اهم المهارات اللي تقدر تغير حياة الفرد صغير و الا كبير تقدر تزيد من حظوظك من اجل عيش حياة افضل فرص اكثر التواصل، للعمل، السفر تقدر دبر راسك، الحصول على علوم وووو
المهم فوائد لا تحصى عند تعلم لغة اجنبية انجليزية، المانية، صينية ....
في حينا موجودة مدرسة تعمل على مرافقة التلاميذ و الطلاب في مشوارهم الدراسي موجودة بجنب ابتدائية عيساوي رشيد...
و هناك دورة مجانية في دار الشباب جدي عبد الجليل سكانسكا...
روح تقرا و ادي معاك ولادك و افراد عايلتك اللي مهتمين يتعلمو و يطورو من مهاراتهم....
صور مرفقة المدرسة اللي ماهيش بعيدة على حي الكنيسية بقرب ابتدائية عيساوي رشيد و كذلك الدورة المجانية اللي رايحة تكون في دار الشباب جدي عبد الجليل سكانسكا.....
كل الخيارات متوفرة نتعلمو برك.....
بالتوفيق للجميع

22/08/2026

تسرب مائي في حي الكنيسية....
نرجو تدخل الجزائرية للمياه لتصليح هذا التسرب المائي.....

Adresse

الآثار الرومانية الكنيسة
Tébessa
12000

Site Web

Notifications

Soyez le premier à savoir et laissez-nous vous envoyer un courriel lorsque الكنيسية جوهرة الآثارالرومانية تبسة publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type