المقطم والاسمرات مباشر

17/08/2026

تكثيف الحملات المرورية في المقطم والتحفظ على التكاتك المخالفة، سواء بسبب الوقوف أو الانتظار في صف ثانٍ أو ثالث، أو السير عكس الاتجاه، وذلك في إطار الحفاظ على السيولة المرورية والانضباط بالشوارع.
نقلاً عن صفحة المقطم ✅

17/08/2026

رئيس حى المقطم الجديد اللواء عمرو العيسوى بالتوفيق باذن الله

28/07/2026

النهاردة اعلنت وزارة النقل انها هتطلق اسم رئيس وزراء اليابان السابق شينزو ابي علي احد محطات الخط الرابع في مترو الأنفاق

اللي ميعرفش الراجل ده كان داعم لمصر في حاجات كتير جداً كان من ضمنهم المترو اللي تعتبر اهم وسيلة مواصلات في مصر

14/07/2026

10/07/2026

حسام حسن بقاله سنين بيطالب أنه يكون المدير الفني للمنتخب وأنه الأحق بدا بس سبحان الله يا اخي ربنا لما دبرهاله وكتبهاله كتبها في كاس عالم كتبها في تاريخ وعلي فكره حسام حسن لو كان مسك المنتخب زمان كان هيفشل فشل ذريع حسام حسن دلوقتي مش هو هو حسام حسن من 10 / 15 سنه مش حسام حسن اللي بيشتم اللاعيبه مش حسام حسن اللي بيجري ورا مشجع في الملعب مش حسام حسن اللي بيتخانق مع الناس كلها حسام حسن دلوقتي مدرب ناضج عاقل متزن عشان كدا خليك واثق أن ربنا هيديك اللي بتتمناه وبتدعي بيه بس في الوقت الصح الوقت اللي انت جاهز فيه مش اللي انت عايزه خليك واثق أن اللي اتحرمت منه مكنش خير ليك خليك واثق في تدبير ربنا ♥️

01/07/2026

🚨 عاجل | رئيس حي المقطم: "لا أحد فوق القانون".. غلق وتشميع "محل علوش" أمام مستشفى المقطم
​في تحرك ميداني حاسم لفرض الانضباط وتطبيق القانون بكل حزم، يقود الآن السيد اللواء / تامر أبو الغيط، رئيس حي المقطم، يرافقه الرائد / أحمد النوبي، قائد مرافق حي المقطم، والمهندس / أحمد، مهندس إسكان حي المقطم، حملة مكبرة أسفرت عن غلق وتشميع "محل علوش" الكائن أمام مستشفى المقطم؛ وذلك لارتكابه مخالفات قانونية جسيمة.
​وفي تصريح حاسم له أثناء الحملة، أكد اللواء تامر أبو الغيط صراحةً: "لا أحد فوق القانون، وسنواجه أي مخالفة بكل حزم وقوة لإعادة الانضباط لشارع المقطم."
​وتستمر جهود الأجهزة التنفيذية والأمنية بالحي لرصد كافة المخالفات والتعامل معها فوراً.
​

29/06/2026

افتكر من كام يوم شوفت خبر عند احدى الدول
لإسقاط احد أبراج كهرباء الضغط العالي
علشان يسرقوا النحاس اللي في الكابلات
وفعلا عملوا ده …

هما لو يعرفوا بناء البرج الواحد من ده
والكابلات دي بتتكلف كام
وبيستفيد منها كان مواطن
وتعب عليها كام إنسان وكان معرض حياته للخطر علشان تتبني ، ماكنوش فكروا يسرقوها
بس اللص مش بيفكر إلا في نفسه وبس لانه اصبح أناني كل همه نفسه
عمره ما بص على معاناة المتضررين..

فـ وأنت ماشي جنب أبراج الضغط العالي
أدي لها تحية تعظيم سلام واشكرها
اه اشكر الحديد والنحاس والمجهود
اللي تم بذله فيها ..

لان بسببها في طاقة لبيتك
والا كان زمانك عايش على لمبة الجاز
… وعايش في معاناة…

الكهرباء اللي بتشحن بها الموبايل دي
قصتها قصة طويلة علشان توصلك…
وفيها وحياتك ناس بتموت..

23/06/2026

الدولة قررت تربي اللي محتاج يتربى.. برافو وزير التعليم:

فاكرين المدرسة اللي طلبة الشهادة الإعدادية كسروها في سوهاج بعد انتهاء الامتحانات السنادي.. وقلنا لازم يتحبسوا ويدخلوا أحداث وأهاليهم يتحملوا تكلفة إصلاح المدرسة كاملة.. النهاردة وزير التعليم بنفسه نزل بقيادات الوزارة وأخد معاه المحافظ وراحوا شافوا المدرسة وحصروا التلفيات وكل حاجة اتكسرت.. وقال الطلبة دي مش هترجع المدرسة.. لا المدرسة دي ولا مدرسة تانية.. غير لما أهاليهم يدفعوا تكلفة إصلاح كل حاجة اتكسرت في المدرسة.. وده هيحصل مع أي حد يفكر يعمل كدة تاني بعد كدة.. يعني هيحصل مع أي بلطـ جي في أي مدرسة.. برافو وزير التعليم إنك روحت بنفسك سوهاج وقلت الكلام ده من قلب المدرسة المتكسرة.. فعلا برافو.. كدة الطلبة بتوع سوهاج اتحبست واتحدد لهم جلسة محاكمة وأهاليهم هيدفعوا تكلفة إصلاح المدرسة كاملة.. وزي ما قلنا: اللي أهله معرفوش يربوه الدولة تربيه وتربي اللي كان المفروض يربيه.. برافو تاني وزير التعليم إنه بنفسه وصل رسالة ردع من حديد للأجيال اللي طالعة هم وأهاليهم.. دورك تدعم وتشارك رسالة الردع علشان الكل يتعظ ويعرف إن فيه دولة.. وقلة التربية هتكون التربية له هو وأهله بقرار صارم من الدولة 👌مفيش طبطبة تاني 👌

22/06/2026

محمد صلاح اثبت النهاردة انه اعظم لاعب في تاريخ مصر !

الراجل ده في كل بطولة مجمعه لازم يتريقوا عليه و يقللوا منه و يقولك اصل مش بيلعب مع منتخب مصر زي ما بيلعب مع ليفربول ، اي انتقادات للمنتخب لازم صلاح اول واحد يشيلها !

مش بس كدة ، الراجل ده كمان جاي من اسوأ موسم لي مع ليفربول ، قاعد علي الدكه ، سلوت عامل معاه مشكله ، البدني بتاعه وقع عن الطبيعي ، مبيسجلش اهداف زي الطبيعي ، جاي كاس العالم خلصان من الاخر !

و برغم ذلك ، صلاح عامل كاس عالم خيالي بمعني الكلمه ، صنع هدف امام بلجيكا ، سجل هدف و صنع هدف امام نيوزيلندا ، الربط اللي عملوا مع زيكو هنا و انه يكسر خط الدفاع بتمريره قطريه عشان يحرر نفسه امامهم بدل ما يستني امام علي الطرف دي لوحدها تقولك قد ايه هو عبقري !

هداف منتخب مصر التاريخي ب 68 هدف ، هداف منتخب مصر التاريخي في كاس العالم ب 3 اهداف ، اول لاعب عربي في التاريخ يساهم باهداف في 4 مباريات متتاليه في كاس العالم ، احنا فخورين ان محمد صلاح مصري الجنسيه 🇪🇬❤️