31/08/2026
وزارة التموين والتجارة الداخلية بدأت تطبق خطة جديدة هدفها الأساسي ضبط الأسواق وزيادة المعروض من السلع الأساسية.
الخطة بتستهدف وجود منفذ حكومي مشارك على الأقل في كل مركز من مراكز الجمهورية الـ 185، وده بالتزامن مع التوسع التدريجي في السلع المتاحة عشان توصل لـ 30 سلعة أساسية في الفترة اللي جاية بدل ما هي محصورة في عدد أقل.
المرحلة الأولى من الخطة هتبدأ بطرح 12 سلعة أساسية داخل المجمعات الاستهلاكية وأسواق اليوم الواحد والأسواق الدائمة، والهدف هنا مش بس توفير السلع لأنها موجودة بالفعل، لكن تنظيم توافرها وتوحيد أسعارها، زي تحديد سعر كيلو السكر بـ 25 جنيه في كل المحافظات من أسوان للإسكندرية، وده بيقلل التفاوت الكبير في الأسعار بين المناطق المختلفة.
عشان الخدمة توصل بشكل أسرع وأسهل للمواطنين، الخطة بتتضمن تطوير نحو 40 ألف منفذ على مستوى الجمهورية، تشمل منافذ تجار التموين ومشروع «جمعيتي»، وتحويلها لمحال حديثة شبيها بـ «الميني ماركت» ضمن منظومة «كاري أون»، وده هيوفر تجربة تسوق أفضل واكتفاء أوسع باحتياجات الأسر في القرى والمراكز.
الأهم في الخطة إنه التمهيد لتطبيق منظومة الدعم النقدي المشروط، بحيث تتحول بطاقة التموين لـ «فيزا مشتريات» بتنزل فيها فلوس بدل الدعم العيني.
القيمة المبدئية المقترحة هتبدأ بـ 325 جنيه للفرد (يعني حوالي 1300 جنيه للبطاقة اللي فيها 4 أفراد)، والمواطن هيكون عنده حرية كاملة في اختيار احتياجاته بين الخبز والسلع المختلفة زي الزيت والسمنة والفراخ واللحوم والخضار بأسعار ثابتة ومحددة داخل المنافذ
#مع #صفحه كل الخدمات الحكومية
